اوبترا 2010 مانيول ولا أتوماتيك

[AHMEDSALIH83]

السلام عليكم
هاجيب أوبترا 2010
أجبها مانيول ولا أتوماتيك ولية
وأية الأوبشن الى موجود فى الاوبترا الكاملة مانيول
وأية عيوب الأوبترا 2010
مع العلم أنى معايا جولف 2000 cc
أية الشعور الى هاحس بية لما أركب الأوبترا...
.

[Hosam_Optrawy]

السلام عليكم
هاجيب أوبترا 2010
أجبها مانيول ولا أتوماتيك ولية
وأية الأوبشن الى موجود فى الاوبترا الكاملة مانيول
وأية عيوب الأوبترا 2010
مع العلم أنى معايا جولف 2000 cc
أية الشعور الى هاحس بية لما أركب الأوبترا...
.

وعليكم السلام

رأيى الاوتوماتيك أريح خاصة ان مفيش فرق جامد فى الفلوس والفتيس بتاع اوبترا مفيش منه شكاوى او اى مشاكل

أوبشنز الاوبترا المانيوال

باور - تكييف - 4 زجاج كهربا - مرايات كهربا - راديو كاسيت مع فتحة Aux و 4 سماعات بالابواب - سنتر لوك بريموت وانذار - عجلة قياده قابله للتعديل - فتح تنك البنزين من الداخل - فتح الشنطه من الداخل او من الريموت - مسند يد بدرج تخزين وحامل أكواب - تحكم فى درجة اضاءة التابلوه - مخرج كهربا - فتحة تبريد فى درج التابلوه - زرار لتسخين الزجاج الخلفى - اريال مدمج بالزجاج الخلفى - جراب نظاره - نور قراءه - طى الكنبه الخلفيه - نور ستوب خلفى

الاوتوماتيك تزيد فوج لايت

بالنسبه للعيوب اللى ظهرت معايا لحد دلوقتى

صاج السقف والكبوت ضعيف وطرى وبيتأثر بسهوله

بالنسبه للفرق بين الجولف والاوبترا اكيد لازم هاتحس بفرق

الجولف 2000 سى سى اكيد هورس باور عالى لكن الاوبترا 107 حصان , الجولف هاتش باك لكن الاوبترا سيدان عائليه

اكيد هاتحس بفرق فى الاحساس بالسواقه

بس الزيرو ليه طعم خاص أكيد

بالتوفيق

[AHMEDSALIH83]

ألف ألف شكر يا باشا بجد رد فية كل المعلومات الى محتاجها
1-هو ممكن أطلب العربية مانيول بفوجات ولا خاتبقى صعب وهاتجى من كوريا كدة ولا هايعملوها فى مصر.

وممكن نصيحة أنا أول مرة أجيب زيرو
2-أية الخطوات المتبعة لم أستلم العربية بمعنى زى ما بتشترى المستعمل بتبص عليها من كل حتة الزيرو أعمل أية علشان بسمع ناس بيحصل معاها حاجات غريبة فى الزيرو .

3-وأنا قريت هنا فى المنتدى أن العربية فيها مشكلة فى الدركسيون بيزيق ومش عارف حاجة ورا عند التانك بتكتك الحاجات دى أتحلت فى 2010

4- هى 2009 هى هى 2010 ولا فى أختلاف

معلش بسأل كتير علشان أنا موسوس أوى.

على العموم أدعولى ربنا يوفقنى وأجيبها عن قريب أن شاء الله .

[Hosam_Optrawy]

ألف ألف شكر يا باشا بجد رد فية كل المعلومات الى محتاجها
1-هو ممكن أطلب العربية مانيول بفوجات ولا خاتبقى صعب وهاتجى من كوريا كدة ولا هايعملوها فى مصر.

وممكن نصيحة أنا أول مرة أجيب زيرو
2-أية الخطوات المتبعة لم أستلم العربية بمعنى زى ما بتشترى المستعمل بتبص عليها من كل حتة الزيرو أعمل أية علشان بسمع ناس بيحصل معاها حاجات غريبة فى الزيرو .

3-وأنا قريت هنا فى المنتدى أن العربية فيها مشكلة فى الدركسيون بيزيق ومش عارف حاجة ورا عند التانك بتكتك الحاجات دى أتحلت فى 2010

4- هى 2009 هى هى 2010 ولا فى أختلاف

معلش بسأل كتير علشان أنا موسوس أوى.:u_thin1[1]:

على العموم أدعولى ربنا يوفقنى وأجيبها عن قريب أن شاء الله .

- الحقيقه معنديش فكره عن موضوع طلب العربيه بالفوجات بس غالبا هايقولولك مينفعش

ممكن تجيبها وتركبلها الفوجات فى التوكيل بس أكيد هاتبقى أغلى من برا

ممكن تعملها برا أرخص بس كهربا العربيه هاتخرج من الضمان

فممكن تشترى انت الفوجات من برا وتركبهم فى التوكيل عشان الضمان لو ينفع

- تبص كويس على العربيه من برا عشان لو فيها اى خبطات او تجريح او خرابيش

وتجرب كل حاجه جوا العربيه الكلاكس والكاسيت والمساحات والانوار والازاز والمرايات الكهربا

افتح الشنطه وبص على الاستبن واتأكد ان العده موجوده ( كوريك ومفتاح ومفك )

اتأكد برضه من وجود الولاعه وطاسات العجل

- موضوع تزييق الدركسيون موجود عند بعض الناس ( وانا منهم ) وفى ناس معندهمش الموضوع دا

الصوت بالظبط عباره عن لما تلف الطاره يمين وشمال والعربيه لسه بارده الصبح تسمع صوت تزييق

بعد 5 دقايق او 10 دقايق لما العربيه تسخن الصوت بيختفى وملوش اى تأثير على الطاره

فى اعضاء فسرت العيب دا انه بسبب علبة الدركسيون

بس انا معتقدش لان فى منهم غيروا العلبه فى التوكيل وبرضه الصوت بيرجع

فعشان كدا انا مش حاطط فى دماغى مادام ملوش تأثير على العربيه يعنى مجرد صوت

بالنسبه لبقية العيوب فدى بتبقى حالات فرديه وحظوظ ملهاش علاقه بالموديل سواء 2008 او 2009 او 2010

وانا شخصيا الحمد لله محصلش معايا اى حاجه من الحاجات دى

- اعتقد مفيش اى فرق بين 2009 و 2010

[mohamedhamam]

اختيار الاتوماتيك أو المانيول يرجع الى ارتياحك الشخصى لأى منهما فى المقام الاول بمعنى أنه فيه ناس رافضة تماماً أن تسوق مانيول هذه الأيام و فى ناس تخشى الاتوماتيك

[AHMEDSALIH83]

شكراً يا شباب ألف شكرا