حادثه شيفورليه سبارك

[KHALED AYMAN]

حبيب قلبى أستاذ خالده ده شرف كبيرا ليا إننا نكون إخوات ووسام أضعه فوق صدرى وواجب عليا إنى أشكرك إنك أفادتنى من خلال تجربتك مع التوكيل النصيحه دى لوحدها عندى شئ غالى .شكرا لحضرتك وربنا يبارك فيك

الشرف ليا يا فندم ...

[romeo_6887]

خليك في التوكيل افضل
و الف سلامه عليكوا

[Eng.Mohamed Amen]

ربنا يحفظك يا أستاذ خالد

الله يسلمك يا أستاذ روميو إحنا الحمد لله بخير

والعربيه رجعت زى الاول بس عايزه شويه سمكره بسيطة

[islam_6110]

السلام عليكم
انا معايا سبارك 2009 و حصل فيها حادث بسيط و كان الشغل كله فى الرفرف و الباب يمين ودتها لمركز العوض و كانت تكلفته معقوله و شغله نظيف راى توديها توكيل

[Hosam_Optrawy]

حمد على سلامتك وان شاء الله ترجع زى الاول

[Eng.Mohamed Amen]

شكرا ليك يا إسلام على النصيحه وحمد لله على سلامتك المهم إنك بخير أنا قريب هاوديها التوكيل علشان السمكرة وتترش وإحتمال أغير لونها من سيلفر إلى فيرانى ..

الله يسلمك يا حسام إن شاء الله والله نفسى أشوف العربيه زى الأول .

معلش يا جماعه أتاخرت عليكم فى الرد

[mmffor]

ربنا يخليك يا حبى كلامك ورأيك بصراحه أعتز بيه الله يكون فى عونك وأنا خلاص قررت إنى لما أركب الحاجات أروح أعمل السمكرة والرش فى الحرفيين
بس كل اللى طالبه من حضرتك تعرف صاحبنا سياده العقيد إنى عايز أعمل سمكره ورش للعربيه الشيفروليه سبارك وتكلفتها كام وياريت يكون متهاون معانا علشان أنا بصعوبه لما إشتريت العربيه والحمد لله ثمن الخسائر قدرت أرجعها تانى بحمد لله بمعنى إنى مش هاقدر على تكاليف رش غاليه لإننا مش أغنياء علشان أرمى أى مبلغ فى الرش بس هيه شويه حكات وخرابيش فى الجوانب من آثر التعليم ونفسى أشوفها زى الأول لإن نفسيتى انا والأسره متدمره ده غير أعصابنا بس الحمد لله قدر الله وماشاء فعل . ياريت تكلمه وتجيبلى رقم موبايله ورقم موبايل حضرتك علشان اقدر أكون على إتصال معاه ومع حضرتك وجزاك الله كل خير . وشكرا

ربنا يعينك و يصبركوا و يغنيك كمان!

[mmffor]

الشكر الجزيل لكل أخ رد عليا بمعلومه وشارك بالإفائدة

والشكر المبجل والمتوج ليك يا أخى الفاضل أستاذ خالد أيمن أنا شوفت إعلان العقيد خالد فى المنتدى أول ما نزل وعارفه بس هو مايعرفنيش . أنا عارف إنه مش هايقدر يحدد ثمن التكلفه إلا بعد لما يعاين ويشوف الشغل هايبقى إزاى وبناء عليه هايقول السعر التقريبى
المهم أنا الحمد لله ليا معارف فى القوات المسلحه ميكانيكى وسمكرى وكهربائى إشتغلوا فى العربيه من الساعه 3 العصر وخلصوا الساعه 10 مساء وتم تركيب سربنتينة التكييف وسربينتينة الردياتير وتم بالفعل تشغيل العربيه ولكن البطاريه كانت نايمه خالص لانافع زق ولا تقويم عن طريق كابل خارجى ببطرايه ومانفعش إلا لما إتوصلت بالتنجر وإتشحنت وتم تشغيل السياره ولا يوجد أى تسريب أو خسائر آخرى
مفيش غير آثر الحادثه والخرابيش الجانبيه والحكات وبكره إن شاء الله هاكشف على العفشه والزوايا وقريبا إن شاء الله هارش العربيه

الشكر ليكم مره أخرى على الإفادة داعى الله بأن لا يكتب لأحد أى مساوئ وحوادث وخسائر
أنا سجلت رقم حضرتك يا أستاذ خالد وفى القريب العاجل هاتصل بيك
وشكرا

انا عربيتي لسه عربيه فولفو دخلت في الرفرف الشمال و فرتكتوا. مينفعش سيادة جناب حضرت معاليك تسلفني السمكري و الميكانيكي بتوع الجيش دول يصلحوهالي؟

[zakiali]

ربنا معاك .. انا جربت القصص دي .. ربنا يهون عليك

[mohamedhamam]

قدر الله و ما شاء فعل و الحمد لله أنكم بخير

[Eng.Mohamed Amen]

يا أستاذ mmffor بصراحه ربنا معاك للأسف الشديد مش هاقدر أجيبلك السمكرى والميكانيكى علشان رائد معرفه هو اللى جايبهملى

من باب رد الجميل وأنا مش هاقدر أكلمه إنه يبعتهملك للأسف تقبل إعتزارى .

الأخ zakiali مشكور على ردك الطيب والجميل ربنا معاك ومعانا .

أخى الكريم mohamedhaman جزاك الله خير الجزاء على ردك الطيب وبارك الله فيك الحمد لله إننا خرجنا سالمين

يا جماعه محدش يعرف لو وديت العربيه التوكيل علشان تترش وترجع فبريكه هاتكلف كام لو حد جرب يقولى ولو حبيت أغير لون العربيه إيه الإجرائات اللى هاتتم
سواء فى التوكيل أو فى المرور.. منتظر باقى الردود