لخبراء الأوبتــــــرا ارجو الرد السريع استفسارات عن (الجنوت و الزينون)

[killer_murderer]

السلام عليكم \

انا عندي استفسارات و ياريت تافدوني بسرعة


1- انا عاوز اركب جنت 17 ينفع ولا لا هيبهدل العفشة و اية اكبر مقاس يركب علي الابترا و الابعاد كام . و احسن نوع كوتشات اية ؟..

2- انا عاوز اركب زينون و عاوز اعرف ال H كام بتاع الابترا و انا هجيب ال 8000k حلو ولا؟؟؟

ارجو الرد السريع و شكرا

[Hosam_Optrawy]

وعليكم السلام اهلا بيك

بالنسبه للجنوط

كتير اوى 17

ممكن بالكتير اوى 16

مقاس الكاوتش فيه مقاسين

205 - 45 ودا هايديلك نفس الارتفاع الاصلى ونفس قراية العداد , عيبه ان سمك الكاوتش او نسبة الكاوتش فيه قليله جدا , اللى هى المسافه بين حرف الجنط والأرض

المقاس التانى

215 - 45 ودا هايعللى العربيه حاجه بسيطه والعداد هايقرا 99.3 بدل 100 , ميزته انه أعرض طبعا , وسمك الكاوتش فيه أحسن شويه

بالنسبه للزينون معنديش خبره فى الموضوع دا بصراحه

بالتوفيق

[killer_murderer]

شكرا يا حسام باشا

بس عاوز اعرف ابعاد الجنط 17 و 16 كام ؟؟؟؟

و لو ركبت 16 هيبهدل العفشة ولا اية ؟؟؟

و انا من وجهت نظرك اية احسن مقاس 205-45 ولا 215-45 ؟؟؟

[ashraf229]

انا كنت مركب على الأوبترا بتاعتي جنط 15 على كاوتش رودستار 205/50 تقؤيبا او45 من أرابكوم المهم و عايز أقولك انه العفشة اتبهدلت و تعبت من وراه و انا نفسي تمنيت لو ما ركبتوش و خصوصا ان اي حاجة عالطريق بقيت أحس بيها جوة لأن الكاوتش كان نحيف جدا

موضوع ال17 ده انساه تماما لأنه مش هينفع اصلا و أخرك 16 و ما أعتقدش يا حسام باشا انه 215 هينفع لأنه هيحك في ماسورة التانك ورا يعني لازم تختار مقاس يمشي مع الرفارف و ما يحكش و تجربه الا لو غيرت العفشة بعفشة كوني مثلا ساعتها عيش وركب اللي انته عايزه.....

المهم......كنت مركب زينون برضه من أرابكوم بس مش فاكر اي تفاصيل له لأن الكلام ده كان في 11/2007

[killer_murderer]

شكرا يا اشرف

يعني اخري 16 و هيبهدل العغشة كمان :):)

تب ابعاد ال 16 كام؟؟؟

[ashraf229]

و دي كانت صورة أوبترتي الحبيبة اللي شفت معاها أحلى الأيام و شهدت ايام ما رزقت ببنتي و يارب كل أيامك مع الأوبترا تكون ايام حلوة زي كل ايامي مع اوبترتي الأصيلة العشرية.....ياريتني ما بعتها...يالا الحمد لله.........



زي ما قلتلك موضوع ال 17 ده انسى و فيه شاب في مدينة نصر معاه واحدة فضي مركبلها 16 مومو و عليه عجل 215 زي ما حسام باشا بيقول بس اعتقد لازم تعدل العفشة ساعتها مهما كانت سواقتك هادية......

[ashraf229]

لأ ابعاد و الكلام ده هيقولهولك بتوع الجنوط عند المحل هناك مش فاكر طبعا...........و ممكن تروح لمحل جنوط من المحلات الكبيرة و تسأله و مش لازم تشتري في الأخر يعني تأخد الخلاصة منه و تمشي و تقوله هأفكر و ارجعلك.........

[killer_murderer]

شكرا يا اشرف باشا ....

و يا راب تكون ايامي حلوة مع الاوبترا و ايامك كمان تكون زي الفل مع عربيتك ....

[ashraf229]

العفو و لا شكر على واجب و مبروك مقدما و هأزعل أوي لو ما حطيتش صور الجنوط و التظبيط لما يخلص عالأوبترا علشان نقول ماشاء الله الله ينور.......

مبروك مقدما.........و أوعدك لو وقعت قدامي أي معلومة هأقولك و زي ما قلتلك ما تقلقش الراجل بتاع الجنوط هيعرفها بمجرد النظر لان الأوبترا منتشرة و معروفه خلاص مش زي ما اشتريتها في 2007 كانت لسه مجهولة شوية....

[killer_murderer]

تب مافيش حل عشان اركب 16 من غير ميبهدل العفشة غير ان اركب كوني ؟؟؟

لو مفيش حل الكوني بكام؟؟؟؟

[houbaz]

205 - 45 ودا هايديلك نفس الارتفاع الاصلى ونفس قراية العداد , عيبه ان سمك الكاوتش او نسبة الكاوتش فيه قليله جدا , اللى هى المسافه بين حرف الجنط والأرض

انا شايف ان دا احسن مقاس و متهيألى العفشة مش هتنشف للدرجة لو مليت الكاوتش هيدروجين بس اسأل برضه اى حد معاه اوبترا و مجنط 16" عشان ما تدعيش عليا :) او ريح دماغك و هات 195/50/15، و بلاش كونى عشان بينشف العربية جدا و هتبقى حاسس انك بتتنطط و انت ماشى على اسفلت مكسر او فواصل كوبرى و ضهرك هيوجعك الا بقى لو مش فارق معاك الراحة و عايز شكل و بس..

[ashraf229]

معرفش بصراحة ..........

المشكلة انه كل ما تكبر الجنط بتقلل الكاوتش و الهوا اللي فيه فبيكون أنشف و بالتالي كل الخبط اللي في الطريق بييجي في العفشة عدل بدل ما يمتص هوا الكاوتش جزء منه......

ممكن حد تاني من الأعضاء يساعدك اكتر مني بصراحة مش هأفتي.....

[houbaz]

طب ما تجرب تملى الكاوتش هيدروجين و تشوف هيمتص اكتر ولا لأ وتقولنا

[Hosam_Optrawy]

شكرا يا حسام باشا

بس عاوز اعرف ابعاد الجنط 17 و 16 كام ؟؟؟؟

و لو ركبت 16 هيبهدل العفشة ولا اية ؟؟؟

و انا من وجهت نظرك اية احسن مقاس 205-45 ولا 215-45 ؟؟؟

بخصوص الابعاد معنديش فكره بصراحه

لو ركبت 16 يبقى هات 215 أفضل

عشان أعرض وفيه نسبة كاوتش أكتر

لكن انا اصلا مابفضلش ال 16

انا شايف ان 15 كويس اوى

وفى مقاسين

195/55 ودا المقاس اللى هايكون نفس الارتفاع ونفس قراية العداد ومكتوب على درج التابلوه

وفى مقاس تانى اللى انا ناوى عليه برضه ان شاء الله

205/55 هايعللى العربيه نص سم فقط وهاتستفيد بعرض الكاوتش

وفى نفس الوقت هايبقى أفضل للعفشه لان الكاوتش مش رفيع

وبرضه هاتوفر لان الكاوتش والجنوط ال 15 أرخص من ال 16 :):)

انا كنت مركب على الأوبترا بتاعتي جنط 15 على كاوتش رودستار 205/50 تقؤيبا او45 من أرابكوم المهم و عايز أقولك انه العفشة اتبهدلت و تعبت من وراه و انا نفسي تمنيت لو ما ركبتوش و خصوصا ان اي حاجة عالطريق بقيت أحس بيها جوة لأن الكاوتش كان نحيف جدا

موضوع ال17 ده انساه تماما لأنه مش هينفع اصلا و أخرك 16 و ما أعتقدش يا حسام باشا انه 215 هينفع لأنه هيحك في ماسورة التانك ورا يعني لازم تختار مقاس يمشي مع الرفارف و ما يحكش و تجربه الا لو غيرت العفشة بعفشة كوني مثلا ساعتها عيش وركب اللي انته عايزه.....

المهم......كنت مركب زينون برضه من أرابكوم بس مش فاكر اي تفاصيل له لأن الكلام ده كان في 11/2007

اشرف باشا ازيك

المشكله فى المقاس اللى انت كنت مركبه سواء 205/50 او 205/45 غلط جدا لانه وطى العربيه والكاوتش بقى رفيع جدا فلازم العفشه تتبهدل

وبخصوص الحك انا سألت زميلنا العزيز وائل عادل

ودا جرب كل الجنوط من اول ال 15 لحد ال 18 وجرب كل المقاسات

وقاللى ال 215 مبيحكش

و دي كانت صورة أوبترتي الحبيبة اللي شفت معاها أحلى الأيام و شهدت ايام ما رزقت ببنتي و يارب كل أيامك مع الأوبترا تكون ايام حلوة زي كل ايامي مع اوبترتي الأصيلة العشرية.....ياريتني ما بعتها...يالا الحمد لله.........



زي ما قلتلك موضوع ال 17 ده انسى و فيه شاب في مدينة نصر معاه واحدة فضي مركبلها 16 مومو و عليه عجل 215 زي ما حسام باشا بيقول بس اعتقد لازم تعدل العفشة ساعتها مهما كانت سواقتك هادية......

مخبى الصور الحلوه دى علينا ليه :)

[killer_murderer]

انا بجد محتار عاوز اركب جنط و في نفس الوقت مش عاوز ابهدل العفشة :):) وبجد مش عارف اعمل اية


بس بجد شكرااااااااا لحسام باشا و اشرف باشا وhoubaz