تقييم للافيو ( منقول للامانة) وارجو التعليق

[mohamed10]

الافيو عربيه من شركه ناجحه جدا ومعلومه ان الناس تقول انها اصلا لانوس غلط

شركه جنرال موتورز تمتلك الشركتين دول ودايو كانت لعبتها فى الدول الفقيره وكانت بتعمل لها عربيات مبنيه

على مشروع عربيات من شركات تانيه فى نفس المجموعه يعنى اللانوس هى اللى اتبنت هلى اساس الافيو

وبقت ناجحه ودى نقطه ايجابيه فى ملف الافيو - ببساطه اللى عايز يعرف الافيو هى نفس مشروع اوبل كورسا 2005

يعنى تقدر تقول عليهم عربيه واحده بجسم مختلف مستوى الراحه ممتاز بالنسبه للفئه دى

والاداء كويس جدا وثبات العربيه ممتاز وعلى فكره مفيش قلق من ارتفاع العربيه عن الارض لأن تختلف عن الكورولا

والياريس فى الحكايه دى لأن الافيو تم تصميمها واختبارها بالارتفاع ده ومفيش مشاكل فى الثبات فيها

يعنى هى بتنزل بره كده مش زى الكورولا اتصممت عاديه وتم تعديلها فى الدول العربيه لأنهم سوق مهم لتيوتا

وكانت عايزه ترضى العملاء بأرتفاع العربيه والنتيجه انها باظت

العربيه قيمه سعريه انا شايف انها كويسه جدا بالنسبه لسوقنا وشكلها كويس قوى وواسعه من جوه تشيل 5 مرتاح

والشنطه تعتبر الاكبر فى السعر ده بلا منازع - هى يمكن قطع الغيار مش فى مستوى باقى العربيات المنافسه

بس مش هتكون اغلى من عربيات كتير منتشرف فى السوق ويعتبر ده العيب الوحيد اللى يغفر ليها

وعلشان نبقى كملنا كل الفئه دى اقولك راى فى العربيات الصينى

مش هتكلم عنهم بس هتكلم عن الفكره اللى كونتها عنهم

انت بتشترى المانى وبتضحى بالثمن الكبير فى مقابل تاخد امان وراحه وسرعه وتكنولوجيا احدث من اى حد تانى

وبتشترى كورى وبتضحى بالأسم وجزء من الفخامه فى مقابل الأحساس بمميزات الفئه الاعلى من العربيه اللى معاك

وبتشترى اليابانى علشان عربيه اقتصاديه وفخمه وبتوفر لك مستوى جامد امان فى مقابل سعرها المتوسط

انما الصينى بتضحى بالامان والجوده والعمر الطويل وراحه البال فى مقابل الفلوس

وافتكر ان دى صفقه فاشله من الاساس

[running_man]

+100000000000

[padel]

و هي فين الأفيو أصلاً!!!

شكراً ليك جداً Mohamed10
بس على فكرة من ضمن عيوبها انها مش موجودة بالمرّة في السوق. أنا حاجزها من شهرين ولسة مش باين أصلاً هستلمها إمتى... لدرجة أني بسبب العيب الرهيب دة أنا بفكر جدياً إني أصرف نظر عنها بالمرّة.
وأما بالنسبة للتوكيل.. أنا في المنتدى دة سمعت إنه مافيش زيُّه ولكن بعد ما اتعاملت معاهم أنا أؤكد انه ولا حلو ولا حتى متوسط. هما بتوع كلام وكلام وبس. ما يعرفوش حاجة اسمها communication يعني اللي انت بتقوله لحد فيهم كأنك قلته له شخصياً لازم لو عيز تسأل عن الموضوع تسأل عن الشخص اللي انت كلمته. أي حد فيكو مش مصدقني يتصل بيهم ويسألهم يعني إية Escalation؟ ماحدش أصلاً سمع عن الكلمة دي مع إنها أ ب بالنسبة لأي call center. وليها طريقة وخطوات... الخطوات عندهم تفطّس من الضحك... لو عايز تشتكيهم عرفين تعمل إيه؟؟.. تتصل بيهم هما وتشتكيهم وخلاص كدة..

على العموم أنا هبقى أكتبلكم عن مأساتي مع شيفروليه والمنصور في موضوع منفصل أول أما القصة تنتهي.

[shady_elkady]

يارات تحكى الماساة علشان انا فى نفس الماساة دة انا حاجز من شهر و نصف بس انا عاوز اعرف حاجات مهمه اولها انت حاجز منويل و لا اتومتيك و منصور جامعة الدول و الطيران و اسم الشخص الى انت حجزت معاة