كارثة دهان الافيو ,,, عربية زبالة

[akram2011]

العربية بقالها معايا سنة وثلاثة شهور لونها سماوى اتوماتيك والمشكلة ان لون السقف والشنطة جير (بقع بلون مختلف ) مع العلم انى بركن فى جراج خاص وبغطى العربية مش عارف لية وبيقلولى انها عيب صناعة انا مش عارف اعمل اية ؟؟؟؟

دة طبعا غير ان العربية دايمن فيها اصوات غريبة فى المطبات والملفات وكل مسال فى الصيانة يقلى دة عشان العفشة بتاعتها ناشفة ومبتلين بسهولة اى كلام
وطبعا غيرت تيل فرامل وغيرت كاوتش

والعربية بصفة عامة خفيفة وضعيفة وخاصة لما بشغل التكييف والعربية فيها اربع افراد لبتسحب ولى التكييف بيجيب هواء

باختصار العربية زبالة وعايز ابعها و توكيل منصور زبالة
شكرا
نصيحة : ابعد عن الافيو وادعى عليها

[shady_hamdy]

ربنا معانا

[أشرف العدوي]

ده جزاء الي ما يدخل قسم شيفروليه في نايل موتورز قبل ما يشتري عربيات منصور بيه
انا عربيتي كان لونها اسود و الدهان اتمسح من عند الحواف بتاعة الشنطة و الأبواب ( مع اول خبطة رشتها كلها تاني ما عدا السقف )

لنـــــــــــــــــــــــا الله

[د.محمود صلاح]

واضح إنك مشمئز جداً منها ومش متذكر لها يوم حلو

[romeo_6887]

لا حول و لا قوه الا بالله

[yoko]

انا عربيتي كان لونها اسود

زي ما قال أبو أسر وهو حضرتك بعت عربيتك ولا إيه يا أبواسر

[lada kalina]

أبدلك الله خيرا منها

[Rembrandt]

ده جزاء الي ما يدخل قسم شيفروليه في نايل موتورز قبل ما يشتري عربيات منصور بيه


لنـــــــــــــــــــــــا الله

[akram2011]

انا هجرب مع الوكيل لو رفضو هروح جهاز حماية المستهلك اشتكى شركة الحرامية

[akram2011]

دى عربية زبالة وربنا يسهلها وابعها

[Rembrandt]

انا هجرب مع الوكيل لو رفضو هروح جهاز حماية المستهلك اشتكى شركة الحرامية

مع احترامى لحضرتك بس كان غيرك أشتر
انا كنت شارى افيو لمراتى 2008 واكتشفت انها فيها عيوب الدنيا والاخرة
وصوتى اتنبح فى الوكيل ولا حياة لمن ينادى
اخر ما زهقت رفعتها فى الجراج سيارة 2008 عاملة حوالى 8 الاف كيلو فقط والكنبة الخلفية لسة بكيسها
ربنا ينتقم منهم

[د.محمود صلاح]

واضح ان الشكوى عامة ,,
هقول تجربتي
كان معي الأوبترا نبيتي موديل 2007 اوتوماتيك مستعملة من استاذ جامعي
كان الدهان بيتقشر في أجزاء صغيرة جداً بدون سبب واضح وبتظهر الطبقة اللي تحته مع إني لست من معتادي الغسيل المتكرر للعربية

[beeboo2005]

ربنا يكون معاكم جميعا

بجد (مش هزار) الواحد فعلا أتأثر جدا لكم.
ربنا يكون معاكم جميعا.

[aymaneid]

صراحة يا جماعة انا معايا افيو برضوا لكن مش بالسوء البشع ده
انا عمرى ما شفت العربية عندى دهانها وحش ابداااااااااا انا اول مرة اسمع الموضوع ده
بالنسبة للاصوات برضوا مش بالشكوى الجامدة دى
ياريت نكون موضوعيين شوية

[EHAB_9843]

معايا افيو عاملة 3000 كم و ال rpmسساعات يوصل ل 3000 من غير ما ادووس بنزين و ده غير ان العفشة ناشفة اووى والفتيس تقييل جدا حسبى اله ونعم الوكيل
انا كان معايا فيرنا 4 سنيين عمرها ما قالت حاجة

ولسة بقى لما اروح التوكيل واتعامل مع رجالة منصووور