تجربتى مع الاوبترا

[hesham70]

اظنهم في كوريا محترمين

الله يكون في عونك
ده انا تعبت من مجرد قراءة هذا الماراثون
حضرتك ما حاولتش تبعت للشركة الام ..... جنرال موتورز العالمية ... اعتقد ممكن يكون لهم دور ... خاصة ان السيارة منتجة في كوريا مش في مصر ....
الشركة العالمية ممكن تكون اكثر احتراما من الوكيل المحلي

متهيالي مثل ما قال الحاج/ احمد مخاطبه الشركه الام مهم ...مع الاعتبار انهم ممكن يردوك مره اخري الي منصور مصر علي اساس هم الوكيل ....ولكن هي محاوله
وما ضاع حق..........وراه مطالب

[aymanmaly]

متهيالي مثل ما قال الحاج/ احمد مخاطبه الشركه الام مهم ...مع الاعتبار انهم ممكن يردوك مره اخري الي منصور مصر علي اساس هم الوكيل ....ولكن هي محاوله
وما ضاع حق..........وراه مطالب

شكرا لاهتمام
لاكن حصل فعلا و قابلنى مدير جينرال موتورز مصر فى فرع الهرم ووعدنى بحل المشكلة و اعطانى رقم تليفونة و فعلا اتصلت بية علشان ابلغة ان مافيش حاجة حصلت و وعدنى لثانى مرة بحل المشكلة
ولاكن بعد كدة تهرب من حل المشكلة و لم يرد على ثانى :b4_592:

[auto5truck]

شئ غريب فعلاً أن العربية دى فيها كل العيوب دى متجمعة بالشكل ده هقولك لأنى عندى 8 زملاء و أنا فى شركة واحدة معانا 9 عربيات أوبترا أقل واحدة فيهم مشيت حوالى 20000 كم و أعلى واحدة 80000 و مع هذا لم يحدث للتسع عربيات أى عيوب ضمان سوى واحدة فقط تلفت علبة الدركسيون بتاعتها بعد شهرين من شرائها و تم تغييرها بكل سلاسة فى فرع منصور أمام رابعة العدوية خلاف ذلك لا شئ

[zanativich]

والله العربية حلوة بس الى بيشتغلوا فيها هما الى ............
اكمل مكان الفراغات

[aymanmaly]

شكرا للتفاعل مع الموضوع
لو لاحظتم انى بقول العربية جيدة جدا وعجبانى مش ناوى اغيرها فى الوقت الحالى
بالعكس انا عامل الموضوع دة علشان اقول ان الوكيل يتعامل مع العملاء بصورة غير جيدة
وان لازم نجرى وراء حقنا لا نتهاون علشان الوكلاء يفهموا ان الموضوع مش فتونة وان يجب تتطبيق الضمان بصورة صحيحة
يعنى العيب فى التوكيل مش فى العربية
وتحياتى للجميع

[bayantt]

أخيرا عرفت

ياااااه ........ أخيرا عرفت سبب الفرقعة اللى فى نص العربية.
أنا الموضوع ده عندى بقاله تقريبا شهرين و كان فاضل احضر عفاريت عشان اعرف السبب.
بس المشكلة أنى عرفت متأخر .. أنا لسه مخلص الضمان

أعمل أيه ؟؟

[aymanmaly]

ربنا يكون فى عونك
هى العربية عاملة كام كم بالضبط
وموديل كام شهر و سنة
يمكن فية مخرج

[bayantt]

العربية موديل 2007 - 62,000 كم - Manual
المهم انا لسه عامل صيانة ال 60,000 من فترة بسيطة.

انا عندى سؤالين :

1. لو عملتها على حسابى تكلف كام ؟
2. لو سبتها أيه الضرر المتوقع ؟

[aymanmaly]

هاحاول اجيب المعلومات دى فى اقرب و قت لاكن انت ممكن تعدي على اى مركز قريب من سكنك واسئل
هو المسئول عن العيب دة كارت الكمبيوتر المسئول عن تنظيم ارتجاع البنزين من الرشاشات
بيعمل ضغط هواء فى التانك و المواسير فبيفضل الهواء مضغوط لحد لما يلاقى منفذ يخرج منة
و طبعا منصور علشان يوفر بيخرم غطاء البنزين خرم صغير جدا يعتبر غير مرئى علشان يخرج منة الهواء بسلاسة
بس الحل دة من عيوبة الى لحظتها لما عملوة معاية فى الاول
طبعا كدة فيية هواء خارجى بيدخل التانك محمل بالتراب
طبعا البنزين هايطير لانة معرض لهواء خارجى بنسبة بسيطة جدا
استهلاك البنزين هايزيد
فلتر البنزين عمرة الافتراضى هايقل
دى تجربتى و ليس راءى فنى
على العموم الى هايوصل لحاجة الاول يبلغ الاخوة الاخرين

[nabilezz]

وايه رايك فى سحب بنزين انا معايا اوبترا 2008 اتوماتيك غول بنزين ارجو الافاده

[aymanmaly]

الاستهلاك عندي من 160 الى 180 كيلو كل 20 لتر داخل المدينة حسب الزحمة
حوالى 140 كم كل 20 لتر لو التكيف شغال داخل المدينة
فى السفر على سرعة تتراوح من 90 الى 100 كم ساعة 240 الى 260 كيلو كل 20 لتر
اذا ذادت السرعة عن 100 كم لم احسبها
هى دى نفس معدلات استهلاكك ؟

[mosayed]

الاكواد
1156
2145
6361
4316
4362
2145
5624
2152
4513
الطريقة مشروحة سابقا
بس يجب ان تعرفوا ان فية كاسيت بيقبل اول رقمين فقط وفية كاسيت بيقبل اربع ارقام
ارجو انى اكون حليت مشكلة كود الكاسيت
وعلى استعداد لقبول اى استفسارات

عفوا سؤال بسيط
يعنى ايه اكواد الكاسيت
انا عندى الكاسيت فى العربية شغال من يوم ما اشتريتها من غير موضوع ادخال هذه الاكواد

[aymanmaly]

عفوا سؤال بسيط
يعنى ايه اكواد الكاسيت
انا عندى الكاسيت فى العربية شغال من يوم ما اشتريتها من غير موضوع ادخال هذه الاكواد

تحت امرك
انت لما بتشيل كابل البطارية ال + و تركبة تانى الكاسيت بيطلب كود هو دة الكود و كل مجموعة كاسيتات لهم كود

[mosayed]

شكرا ياباشا ..........

[aymanmaly]

شكرا ياباشا ..........

العفو