صيانة ال 5000 فى منصور التجمع الخامس

[dark_smoky]

هو يا جماعة المفروض صيانة ال 5000 احسن تبقي علي كام تقريبا
4000 مثلا ولا تكون بدري عن كده ؟؟؟ طبعا السؤال عشان زيت المخزون

[Hosam_Optrawy]

هو يا جماعة المفروض صيانة ال 5000 احسن تبقي علي كام تقريبا
4000 مثلا ولا تكون بدري عن كده ؟؟؟ طبعا السؤال عشان زيت المخزون

الصيانه ممكن تعملها على 5000 بالظبط

وممكن 500 كيلو اقل او 500 كيلو اكتر

والزيت اللى فى العربيه بيبقى 5000 ماتقلقش

[dark_smoky]

الف مبروك يا أخ حسام علي الشهاده دي
فعلا تستحقها

[Hosam_Optrawy]

الف مبروك يا أخ حسام علي الشهاده دي
فعلا تستحقها

ربنا يخليك شكرا لذوقك

[hesham70]

صيانة 5000 وصوت موتور اوبترا 2010

ان شاء الله عز وجل يوم السبت القادم حاجز عند منصور التجمع الخامس اول صيانه للعربيه 5000ك
العربيه اوبترا 2010 عامله حتي الان 4500ك وانا فهمت من مشاركه الاخوه الافاضل ايه اللي سوف يتم في صيانة 5000ك ......بس انا كان ليه استفسار ارجو منكم جميعا افادتي فيه قبل ذهابي للصيانه كما قلت من قبل العربيه 2010 اتوماتيك...... لاحظت من فتره رعشه بسيطه جدا في موتور العربيه وبالذات في الصباح هيه مش واضحه ولكن انا حسيت بيها لدرجه ان كرسي القياده تحتيا شعرت بيه بيترعش تحتيا...فعلا الرعشه مش عاليه ولكن انا حاسس بيها ....او ممكن تقول ان( رتم)
صوت الموتور مش واحد مره يعلي ومره ينزل ....لكن ارجع واقول تاني انه مش واضح ...
هل ممكن يكون السبب اني قربت علي 5000 ك ده تاثير زيت الموتور عاوز يتغير ولا ايه ...؟
انا حبيت اخد رايكم قبل ما اروح للصيانه علشان اكون عارف باتكلم علي ايه مع المهندس اللي في الصيانه.
وكذلك في شئ اخر حسيت في الفتيس لما اجي اغير من p الي D احس برعشه في الفتيس بس الكلام ده في الصباح قبل مااروح الشغل وبعد كده الرعشه دي بتروح(علي فكره انا باسخن العربيه كويس علي الاقل 5 دقائق قيل ما اتحرك بالعربيه) انا طولت عليكم ......ارجوا افادتي وجزاكم الله خير

[hesham70]

حسام تستاهل كل خير

ربنا يخليك شكرا لذوقك

الف مبروك يا حسام فعلا تستأهل كل خير اخيرا شوفت اليوم الي فيه التقدير المناسب للشخص المناسب
ان الله لايضيع اجر من احسن عملا
وكان الله في عون العبد ما دام العبد في عون اخيه
وان شاء الله تستمر علي كده علي طول

[Hosam_Optrawy]

الف مبروك يا حسام فعلا تستأهل كل خير اخيرا شوفت اليوم الي فيه التقدير المناسب للشخص المناسب
ان الله لايضيع اجر من احسن عملا
وكان الله في عون العبد ما دام العبد في عون اخيه
وان شاء الله تستمر علي كده علي طول

الله يبارك فيك ياهشام

متشكر جدا لشعوركم الطيب دا ياجماعه

[abou-yahia]

ان شاء الله عز وجل يوم السبت القادم حاجز عند منصور التجمع الخامس اول صيانه للعربيه 5000ك
العربيه اوبترا 2010 عامله حتي الان 4500ك وانا فهمت من مشاركه الاخوه الافاضل ايه اللي سوف يتم في صيانة 5000ك ......بس انا كان ليه استفسار ارجو منكم جميعا افادتي فيه قبل ذهابي للصيانه كما قلت من قبل العربيه 2010 اتوماتيك...... لاحظت من فتره رعشه بسيطه جدا في موتور العربيه وبالذات في الصباح هيه مش واضحه ولكن انا حسيت بيها لدرجه ان كرسي القياده تحتيا شعرت بيه بيترعش تحتيا...فعلا الرعشه مش عاليه ولكن انا حاسس بيها ....او ممكن تقول ان( رتم)
صوت الموتور مش واحد مره يعلي ومره ينزل ....لكن ارجع واقول تاني انه مش واضح ...
هل ممكن يكون السبب اني قربت علي 5000 ك ده تاثير زيت الموتور عاوز يتغير ولا ايه ...؟
انا حبيت اخد رايكم قبل ما اروح للصيانه علشان اكون عارف باتكلم علي ايه مع المهندس اللي في الصيانه.
وكذلك في شئ اخر حسيت في الفتيس لما اجي اغير من p الي d احس برعشه في الفتيس بس الكلام ده في الصباح قبل مااروح الشغل وبعد كده الرعشه دي بتروح(علي فكره انا باسخن العربيه كويس علي الاقل 5 دقائق قيل ما اتحرك بالعربيه) انا طولت عليكم ......ارجوا افادتي وجزاكم الله خير

حاجه اتعلمتها مؤخرا اعتقد انها حتفيد كتير في حكايه رعشه الموتور ديه وانت بدور العربيه صباحا او بعد فتره كبيره من عدم التشغيل لازم تستني بعد لما تحط المفتاح في الكونتاكت وتتك اول تكه لغايه لما لالمبه الصفراء بتاعت زرار الهولد لما تطفي عشان من اللي قالي كده ان طرمبه البنزين بتبقه لسه حتشتغل وتحقن في الموتور ف عشان الكده بتكون فيه رجه عند الواره الصبح وياريت حد يصحح المعلومه ديه لو غلط

[harmhanz]

الف مبروك على الصيانه

طب مش تقولنا التفاصيل وايه اخبار الكروز :) بخلان علينا ليه ياباشا :)

ما نيش بخلان ولا حاجة بس انت عارف يا عم حسام انى ما عنديش خبرة المهم
انا كل اللى عملته
اولا العربية ما كانتش عاملة غير 2000 ك بس كان الزيت بقاله اكتر من اربع شهور او اربعة تقريبا
المهم المهندس قالى هوة كدة عاوز تغييرلان كدة الزيت مكوناته ابتدت تفسد هوة كدة صح؟ ولا ايه؟
تانى حاجة هوة غير فلتر الزيت وقالى هوة لازم يتغير مع كل غيارة زيت ده صح برضة ولا ايه؟
بعد كدة نضف فلتر الهواء وربطلى العفشة
جيت بقى باقولهم نضفوا فلتر التكييف بالمرة قالى ده بقة مش مجانا ده ب 35 جنيه قلتلة لا بلاش ودفعت الفاتورة كانت 115 جنيه للعلم انا حطت زيت 5000 شل بعد ما دفعت الفاتورة وخلاص ما شى لقيت العامل من نفسه من ورا المهندس جه ونضف فلتر التكييف قومت اديته 5 جنيه اهوة اوفر من 35جنيه ههههه

[Samah AbdAllah]

النهاردة رحت عملت صيانة ال 5000 كم فى منصور التجمع الخامس و التفاصيل فى النقاط التالية:

- حجزت بالتليفون من 3 ايام و اخدت ميعاد الساعة 10:45
- اتلخبطت و رحت الساعة 09:45 بس الناس كانوا فى منتهى الزوق و العربية دخلت بعد حوالى ربع ساعة بس.
- مدير المركز م/ محمود حنفى استلم منى العربية و سألنى عن ملاحظاتى و مكنش عندى غير ملحوظة عن صوت تكتكة بتيجى من تحت العربية بعد لما اعمل مشوار و ابطل الموتور.
- سألنى هستخدم زيت 5000 ولا 10000، اخترت ال 10000، هما بيستخدموا زيوت شل.
- بعد كشف قرروا تغيير الجهاز بتاع بخار البنزين اللى ناحية العجلة الخلفية يمين علشان صوت التكتكة منها.
- غيروا الزيت و الفلتر و نضفوا فلتر الهواء و البنزين و كشفوا على كل اجزاء العربية و نضفوا التيل و الطنابير بالهوا.
- الصيانة مجانا، دفعت 268 زيت و فلتر.
- الصيانة اخدت ساعة.
- المعاملة هناك محترمة جدا و شغلهم نضيف.
- احسن حاجة عجبتنى انى كنت جنب العربية، و مسموح تقف على ايد الفنيين و قالولى خليك على راحتك فى اى سؤال او ملحوظة و هما شغالين بقوا يقولولى على تفاصيل اللى بيعملوه و الاحسن ايه للعربية و انا كالعادة عشت فى دور اللى مش فاهم حاجة علشان اشوف هيقولوا ايه، بس كلامهم طلع موضوعى و مفيش فتى.
- المركز فى بنزينة شل فى شارع ال 90 بالتجمع الخامس و فى البنزينة فى مكدونالدز و سيلنترو غير الماركت بتاع البنزينة، يعنى الواحد هيلاقى اى حاجة ممكن يحتاجها.

انا بصراحة كنت متخوف جدا من منصور بعد اللى قرأته و سمعته، بس ربنا يسهل و يكمل على كده.

مبروك يا افندم وعقبال صيانة ال 100000
ويفضلوا كده وتفضلراضى عن المعاملة
ربنا يبارك لحضرتك فيها ان شاء الله

[Hosam_Optrawy]

حاجه اتعلمتها مؤخرا اعتقد انها حتفيد كتير في حكايه رعشه الموتور ديه وانت بدور العربيه صباحا او بعد فتره كبيره من عدم التشغيل لازم تستني بعد لما تحط المفتاح في الكونتاكت وتتك اول تكه لغايه لما لالمبه الصفراء بتاعت زرار الهولد لما تطفي عشان من اللي قالي كده ان طرمبه البنزين بتبقه لسه حتشتغل وتحقن في الموتور ف عشان الكده بتكون فيه رجه عند الواره الصبح وياريت حد يصحح المعلومه ديه لو غلط

كلامك مظبوط ياباشا 100 %

واحد صاحبى قاللى نفس المعلومه وقاللى تستنى حوالى 5 ثوانى على ما طرمبة البنزين تشتغل

حتى لو اى حد ركز وحط المفتاح وتك اول تكه هايسمع زى صوت زنه طويله جايه من ورا وبعد كام ثانيه هاتختفى

تقريبا هى دى الطرمبه

وزى ما انت قولت نستنى لحد ما كلمة Hold تطفى او لحد ما صوت التحذير او الصفاره يسكت وبعدين ندور

ما نيش بخلان ولا حاجة بس انت عارف يا عم حسام انى ما عنديش خبرة المهم
انا كل اللى عملته
اولا العربية ما كانتش عاملة غير 2000 ك بس كان الزيت بقاله اكتر من اربع شهور او اربعة تقريبا
المهم المهندس قالى هوة كدة عاوز تغييرلان كدة الزيت مكوناته ابتدت تفسد هوة كدة صح؟ ولا ايه؟
تانى حاجة هوة غير فلتر الزيت وقالى هوة لازم يتغير مع كل غيارة زيت ده صح برضة ولا ايه؟
بعد كدة نضف فلتر الهواء وربطلى العفشة
جيت بقى باقولهم نضفوا فلتر التكييف بالمرة قالى ده بقة مش مجانا ده ب 35 جنيه قلتلة لا بلاش ودفعت الفاتورة كانت 115 جنيه للعلم انا حطت زيت 5000 شل بعد ما دفعت الفاتورة وخلاص ما شى لقيت العامل من نفسه من ورا المهندس جه ونضف فلتر التكييف قومت اديته 5 جنيه اهوة اوفر من 35جنيه ههههه

الف مبروك على الصيانه

انت عملت الصح عشان الزيت ليه مده معينه ولازم يتغير

والفلتر بيتغير معاه لو هاتغير زيت 10 الاف

بس مادام غيرت 5 الاف ممكن المره الجايه متغيرش الفلتر

غيره المره اللى بعديها

ويابختك ياعم نضفت الفلتر ب 5 جنيه

انا لسه منضفه امبارح ب 34 جنيه :)

يلا الواحد مبيتعلمش ببلاش بعد كدا انا انضفه بنفسى بقى :):)

[Hossam_Hassan]

حاجه اتعلمتها مؤخرا اعتقد انها حتفيد كتير في حكايه رعشه الموتور ديه وانت بدور العربيه صباحا او بعد فتره كبيره من عدم التشغيل لازم تستني بعد لما تحط المفتاح في الكونتاكت وتتك اول تكه لغايه لما لالمبه الصفراء بتاعت زرار الهولد لما تطفي عشان من اللي قالي كده ان طرمبه البنزين بتبقه لسه حتشتغل وتحقن في الموتور ف عشان الكده بتكون فيه رجه عند الواره الصبح وياريت حد يصحح المعلومه ديه لو غلط

شكرا على المعلومة، انا كنت برضوا ملاحظ الرعشة و لما ابتديت اتبع الطريقة دى مبقتش موجودة.

[blackbirate]

يا جماعة عايز اعرف رايكم في العوض جروب عشان عربيتي اتخبطت وناوي اصلحها هناك

[aymanmaly]

يا جماعة عايز اعرف رايكم في العوض جروب عشان عربيتي اتخبطت وناوي اصلحها هناك

انا ماجربتش العوضى
بس قريت فى المنتدى عن ناس اشتكت منة مر الشكوى فى السمكرة
بس لو سمكرة شوف اتو ماستر
بس خلى بالك كلهم زى الزفت يعنى خلى عينك فى وسط راسك و لما تيجى تستلم شوف كل حاجة كويس و اى ملحوظات ما تستلمش الا لما يصلحوها لانك لو استلمت هيبقى صعب يصلحوا اى حاجة
و انصحك نك تقابل مهندس السمكرة و تفهمة انك هاتستلم كل حاجة و لو فية حاجة مش عجباك مش ها تستلم العربية علشان يفهم انك مش سهل و فاهم
و الف سلامة للعربية
و بالتوفيق