تكييف الاوبترا المانيول

[RAOUFRASHAD]

[overline] [/overline][overline][/overline]
[overline]

[justify] [/justify][justify][/justify]

[justify]

كنت بشحن التكييف بتاع العربية من يومين ولقيت الراجل بتاع الشحن بيقولى هى العربية ديه مانيول بقوله ليه لقيته بيقول ان الاوبترا المانيول بنتزل بمروحة واحدة للرداتير اما الاتوماتيك بتنزل بمروحتين للرداتير ... ونصحنى انى اركبها فى اسرع وقت لمصلحة العربية العربية علشان مش تسخن ومصلحة التكييف ولما بصيت على الرداتير لقيت فعلاً راكب مروحة واحدة وفى مكان للمروحة الثانية علشان المروحة اللى راكبة واخده لغايه نص الرداتير ... لو سمحت حد يفدنى ويقولى اعمل ايه

وخصوصاً اللى معاه الاتوماتيك يقولنا لو هو عنده فعلاً مروحتين ولا لأ .... وشكراً

[/justify]
[/overline]

[aymanmaly]

السيارة الاتومتيك فعلا ليها مروحتين
لاكن انصحك تراجع الموضوع مع الوكيل اذا كان دة مفيد و هينفع ولا لا
و ياريت تبلغناى عملت اية

[Nader007]

بص يا باشا الاوتوماتيك بتحتاج تبريد اكثر من المانيوال عشان في دورة لتبريد زيت الفيتيس داخل الرادرياتير اما الماتيوال مافيهاش طبعا
حكاية اضافة المروحة الاضافية مش سهلة دى هتحتاج تعديل وتقطيع فى الدفيرة و كمان المانيول مش محتاجها
فى الاوتوماتيك بيكون فى كونتاكتور او كتوت يشغل المروحتيى على التوالى عند السرعة البطيئة و يشغلهم توازى عند السرعة العالية و لو حبات تعمل نفس الدائرة فى عربية مانيوال هتبقى قصة طويلة لان دائرة المراوح مختلفة فى العربيتين
كمان الاوبترا المانيوال مش بتسخن المروحة عمرها مدارت اكتر من دقيقة على السرعة الواطية
لكن انا هحاول الاقى طريقة لتركيب مروحة اضافية بدون تعدي او تقطيع فى الدفيرة و اكيد لو وصلت للحل هعمل عنه موضوع على المنتدى

[Nader007]

الدائرة الكهربائية لمراوح التبريد للاوبترا الاوتوماتيك


الدائرة الكهربائية لمروحة التبريد للاوبترا المانيوال


الصور دى من كتالوج الصيانة الخاص بالاوبترا

[RAOUFRASHAD]

تفسر بأيه وجود مروحتين فى جميع العربيات المانيول 1600 cc على سبيل المثال النيسان والنوبيرا والمتركيس والنيو اكسنت

[RAOUFRASHAD]

انا شايف ان منصور شيفورليه استخسر فينا المروحة الثانية زى الكاسيت الشرائط بدل السى دى وقال اوفر

[zanativich]

انا شايف ان الموضوع عادى انا شوفت زيرو كتير بمروحة واحدة
مافى مشاكل

[Hossam_Hassan]

انا شايف ان منصور شيفورليه استخسر فينا المروحة الثانية زى الكاسيت الشرائط بدل السى دى وقال اوفر

يعنى هى جت على المروحة؟ لو كان الموضوع موضوع استخسار كان نزلها من غير حاجات تانية زى الانذار و سخان الزجاج الخلفى و ممكن بفرق فى الفرش او تبطين الكبوت و حاجات تانية كتير.

[ashraf229]

محسسني انه التوكيل بيفصل العربية على مزاجه مش بتنزله من الركة الأم و برعايتها و كأنها مضحية بسمعتها و خلاص.......

طيب ما الأفيو هنا في السعودية بتنزل استاندرد بموتور 1400 و عجل شكله عار 165/55 أر 13 شكله ولا السوزوكي الربع نقل و الماروتي و كمان كل حاجة فيها مانيوال بس فيها اير باج للسائق!! هوه يعني الوكيل اللي عمل فيها كده!! في حين الأوبترا بتنزل استندرد بعجل 15 و اتنين ايرباجز و اي بي اس و مواصفات اعلى من اللي في مصر

و كذلك الأكسنت برضه بعجل 175 شكله عار و موتور 1400

دي مواصفات بتتم بالأتفاق بين دراسة المستهلك (اللي هوه احنا اللي بننتقد و في نفس الوقت عادي بنشتري اي حاجة) و دراسة المنافسين و ده مضمون في مصر لأن الناس معظمهم بيشتروا وهما مجبرين لأن لو مواصفات دي مش عاجباك هتلاقي كل المنافسين برضه من غير اي مزايا......

احنا كده اتكتب علينا الشقا ندفع و ما نأخدش.........الحمد لله

[ashraf229]

اما بالنسبة لموضوع المروحة الواحدة فأنا معنديش فكرة بس انا كان عندي أوبترا 2008 و استخدمتها لمدة سنة كاملة 40 ألف كلم و مكانش فيه اي مشكلة في الحرارة و لا التكييف خالص وكانت شغالة كويس و عمرها ما سخنت تحت أي ظرف أو زحام هيه مرة بس كنت محملها شنط و بشر و راجع من اسكندرية في عز الحر و الصيف و هيه سودا أساسا و كنا حاسين ان التكييف مش عامل حاجة و مش بتسحب معانا العربية.........بس ده للظروف اللي كنا فيها في الرحلة دي بس

[Nader007]

انا شايف ان منصور شيفورليه استخسر فينا المروحة الثانية زى الكاسيت الشرائط بدل السى دى وقال اوفر

انا معاك فى كده بس ممكن دى تكون مواصفات لكل عربية حسب المصنع و بيكون الوكيل ملوش زنب

[ashraf229]

انا معاك فى كده بس ممكن دى تكون مواصفات لكل عربية حسب المصنع و بيكون الوكيل ملوش زنب

يا سيدي الفاضل انته معاه في كده في ايه بس!!!

توكيل ايه اللي هيستخسر يحط مروحة ولا سلك و لا ضفيرة و لا يطلب عربية بالمرة بمساحة واحدة ولا من غير استبن ولا من غير فوانيس!!! هوه عامل العربية دي في بيتهم!!! يا حضرات هيه العربية مستوردة كده و معمولة في بلدها كده و كل شيء فيها مصمم على أساس انها بمروحة واحدة لأ بأتنين لأ قطرها مش عارف كام لأ بتشتغل كل اد ايه و هكذا !!!!!!!

وكيل ايه بس اللي هيطلبها بمروحة ولا بأتنين!! الوكيل ممكن يتفاوض و يطلب أوبشن معين لبلده أو يضيف حاجات معينة أو يطلب طرازات معينة هيعرف يسوقها و لكن كله بالأتفاق مع الشركة المصنعة مش بمزاجه لوحده..........و ده حسب طلبات السوق و المنافسة فيه زي ما في السعودية دايما يقولوا ان هيونداي اللي وكيلها المجدوعي (وكيل المنطقة الشرقية أعتقد) و الوعلان (وكيل منطة الرياض و المنطقة الوسطى) دايما يكون فيه فرق في أوبشن العربيات بينهم لصالح المجدوعي و كذلك العربيات التويوتا اللي بتتباع في الأمارات دايما مزاياها و كاسيتاتها و أوبشنها أعلى و أفخم من السعودية و هكذا.............مش مثلا وكيل السعودية عايزها بمروحة ولا أتنين ولا بفلتر هوا و بنزين أو من غير!!!!

!السؤال اللي تسأله لسعادة المفتي الميكانيكي بتاع حضرتك هما يعني ما بيفهموش و حاطينها من غير مروحة تانية و السؤال الأهم عمرك سمعت عن أوبترا مانيوال فيها عيوب في الحرارة و التبريد!!!! أنا عن نفسي ما سمعتش ولا قريت خالص اي مشاكل في الموضوع ده..........

تقبلوا احترامي و تحياتي.........

[Nader007]

يا سيدي الفاضل انته معاه في كده في ايه بس!!!

توكيل ايه اللي هيستخسر يحط مروحة ولا سلك و لا ضفيرة و لا يطلب عربية بالمرة بمساحة واحدة ولا من غير استبن ولا من غير فوانيس!!! هوه عامل العربية دي في بيتهم!!! يا حضرات هيه العربية مستوردة كده و معمولة في بلدها كده و كل شيء فيها مصمم على أساس انها بمروحة واحدة لأ بأتنين لأ قطرها مش عارف كام لأ بتشتغل كل اد ايه و هكذا !!!!!!!

وكيل ايه بس اللي هيطلبها بمروحة ولا بأتنين!! الوكيل ممكن يتفاوض و يطلب أوبشن معين لبلده أو يضيف حاجات معينة أو يطلب طرازات معينة هيعرف يسوقها و لكن كله بالأتفاق مع الشركة المصنعة مش بمزاجه لوحده..........و ده حسب طلبات السوق و المنافسة فيه زي ما في السعودية دايما يقولوا ان هيونداي اللي وكيلها المجدوعي (وكيل المنطقة الشرقية أعتقد) و الوعلان (وكيل منطة الرياض و المنطقة الوسطى) دايما يكون فيه فرق في أوبشن العربيات بينهم لصالح المجدوعي و كذلك العربيات التويوتا اللي بتتباع في الأمارات دايما مزاياها و كاسيتاتها و أوبشنها أعلى و أفخم من السعودية و هكذا.............مش مثلا وكيل السعودية عايزها بمروحة ولا أتنين ولا بفلتر هوا و بنزين أو من غير!!!!

!السؤال اللي تسأله لسعادة المفتي الميكانيكي بتاع حضرتك هما يعني ما بيفهموش و حاطينها من غير مروحة تانية و السؤال الأهم عمرك سمعت عن أوبترا مانيوال فيها عيوب في الحرارة و التبريد!!!! أنا عن نفسي ما سمعتش ولا قريت خالص اي مشاكل في الموضوع ده..........

تقبلوا احترامي و تحياتي.........

يا باشا محنا قلنا دى ماصفات حسب المصنع
بس فى حاجة بقى الوكيل لازم يكون له دور فى اختيار مواصفات العربية الهتتباع لاهل بلده زى مثلا اشارة الاوبترا الفى الرفرف كان لازم تبقى موجودة دى هتكلف ايه و مهمة اكيد
و مروحة الرادرياتير الموجودة فى كل العربيات الارخص من الاوبترا يعنى منصور مش عارف الجو عندنا شكله ايه ولا الاوبترا بتمشى فى الطراوة دايماَ
و الكاسيت البينزل بشريط كاسيت حتى الان سيبك منه دا كماليات
و ربنا يهدى اصحاب التوكيلات علينا