ارتفاع أسعار أفيوو,,,,,و!!!!

[Nile_Storm]

وقطع غيار ارخص و انتشار يضمنلك كقائتها

[Bubbles]

السعر ده أكبر مثال للأستعباط والأستفزاز والسرقة والفهلوة وكماااااااان 2 قزاز كهربا قدام واسمها فل اوبشن ايه المسخرة دى.........الافيو دى لازم تتقاطع لغاية ميفوقوااا.....رغم ان الفيرنا ب 76 وسعر شايفه غالى!!!!! اهى 106 حصان مش 85!!!!!!!!!!!!!

انا معاك ده ابتزاز وغير كده أول مانزلت في أول شهر 9 كانو عاملين عرض أول 50 عربية auto 4 قزاز كهربا فوج لايت وكمان انزار
كل ده كان ب 80000 ,,,,
و بعدين شالو الكلام ده كلو ولو عايز تركب تدفع 2000 -3000
و مع زيادة الطلب قالو نزود الأسعار!!!!!
انا حاسس ان السوق في مصر مالوش أي اساسيات او نظم و قوانين كله مبني على الفهلوه و جس اانبض للاسف.

[MoToRiZeR]

كدة كتير عليها اوي لأن انا شايف ان سعرها القديم اصلا كان كتير عليها و الاوبشنز اللي فيها خصوصا انها كمان متقفلة في مصر

[ahmed]

انا شايف ان منصور لما لقى ان المعارض بتبيع الافيو اللى موجوده عندها ب 78 الف قال يغلى 2000 عشان يضرب النظام وده وكده الناس اللى هاتشترى تقولك احجز واوفر 2000 جنيه
بس سواء كده ولا وكده كله نصب فى نصب هى المفروض يبقى سعرها اساسا 65 الف جنيه بس هانعمل ايه

هى دى مصر يا جمعه (عادل امام فى دموع فى عيون وقحه )..............

[محمدايهاب]

ارتفاع الأسعار عائد إلى اتجاه منصور شيفرولية إلى استخدام نظام متطور في دهان العربية لزيادة عمر الدهان و مفاومة الصدأ
بس حتى لو ده لا يمنع إن سعر العربية مبالغ فيه جدا

[cpt_shawky]

ارتفاع الأسعار عائد إلى اتجاه منصور شيفرولية إلى استخدام نظام متطور في دهان العربية لزيادة عمر الدهان و مفاومة الصدأ
بس حتى لو ده لا يمنع إن سعر العربية مبالغ فيه جدا

نظام ايييييييييييييه!!!!!!!!!.......نهاره اسود فعلاً كمان بيبيعها بدهان اى كلام :o:o:o

[mido]

دى حاجة كويسة كده ال 2006 بتاعتى هتزيد برده هاهاها
اللى حاجز دايما بيدفع على السعر الجديد سواء نزل او طلع

[Powert]

هو كل واحد ينزل عربية فيها مشاكل ولما يعالج المشاكل اللي عنده يغليها

ويقولك اصل احنا صلحنا المشكلة اللي فيها ده على كده مفروض يسحب كل العربيات

اللي في السوق ويدهنها تاني هو بقى بيقلد ابو الفتوح لما نزل اسبرانزا 2008 بزيادة

4 الاف علشان المشكلة بتاعت صفارة الفرامل و صوت الدركسيون صلحهم

[shady_elkady]

كلا ا : محمدايهاب
صح لان المصنع عارض فرن دهان للبيع و على فكرة انا كلمتهم و الاستلام بعد اسبوع علشان فى جرد و على السعر القديم

[shady_elkady]

بس الدهان مش فية مشكلة هوا عاوز يحدث مش معنى كدا العربيات الى فاتت فيها مشكلة

[Bubbles]

كلا ا : محمدايهاب
صح لان المصنع عارض فرن دهان للبيع و على فكرة انا كلمتهم و الاستلام بعد اسبوع علشان فى جرد و على السعر القديم

شكرا على المعلومات دي,,,بس انت متأكد ان لسه في عربيات للبيع؟؟
ممكن نمرة التلفون,

[goodwave]

فعلا إستهتار بالشعب المصري والمستهلك المصري!!!! مسخرة وجريمة بكل ما تحملة الكلمة من معنى! إللي إشترى خسر في الدهان السكة وإللي لسة ما إشتراش خسر بزيادة السعر........... يني الكل خسران والحيتان زي غبور ومنصور هما الوحيدين الكسبانين! ولا عزاء للشعب المصري!

بس سؤال بسأله انا كمان......... هل إحنا كشعب مصري او كفئة مثقفة ومتعلمة قادرين فعلا على مقاطعة هذة السيارة وهذة الشركة حتى تفيق ولا تتحول إلى وحش غبوري تاني؟؟؟؟؟؟؟؟ ممكن كلنا نبطل حجزها وإللي حجز يلغي حجزة؟؟؟؟؟؟؟؟؟ ممكن!؟ أعتقد للاسف لأ........ وبكدة نستهال كل إللي بيحصلنا........ ولسة ياما حنشوف!

[mina_ramsis]

يا جماعة عاوز الفت انظاركم لحاجة
ان اعلان منصور اللى فى كونتاكت كارز اللى بره خالص كاتب انها تبدأ من 69900 جنيه يعنى ممكن يكون السعر اللى جوه ده سعر المعارض مش التوكيل

[hogobingo]

السلام عليكم ورحمه الله

لا ده سعر منصور نفسه وهو فعلا اليوم غلى السعر وبدون لازمه بس اللى حاجز من زمان مش هيغلى عليه السعر بس فى كل الأحوال انا متردد وبفكر الغى الحجز فعلا لأنى مش عاجبنى الإسلوب ... ده إسلوب إحتكار بدون أسباب حقيقيه يعنى لما يكون الدهان مش كويس بدل ميرجع العربيات الوحشه ويصلحها لا بيغلى فى الجديده مع ان الأفيو أصلا كده غالى عليها جدا السعر ده على الأوبشن ده بس الواحد قال ما فيش مشكله اهى تعتبر أحلى عربيه فى فئتها يقوم يجى يغليها تانى ويقول أصل البويه وأصل مش عارف ايه طيب ما انا صحيح هأخد على السعر القديم بس هخدها بالبويه الوحشه وبعدين انا عايز أعرف حاجه هى معقوله علشان البويه اتحسنت يبقى العربيه تزيد 2000 جنيه ليه هى البويه الجديده بتاعه طيارات الشبح اللى ضد الرادار وحتى لو ده كان صحيح وان البويه الجديده بتزود 2000 على القديمه طيب ليه مغلى 2000 على المانيوال و 3000 على الأتوماتيك ولا هو الأتوماتيك بيحتاج شويه بويه على الفيس الأتوماتيك ..... يا جماعه الموضوع إستعباط مش أكتر .. وبالرغم من اننا قعدنا نقول ان منصور انضف من غبور طلع الأتنين أسوء من بعض الفرق الوحيد ان واحد نصاب من الحوارى والتانى نصاب بس من القصور...

[osman hisham]

يا جماعه أنا رأى أن منصور غلى العربيات من 2000 الى 3000 جنيه علشان يغطى الضمان ال 3 سنوات اللى مديه على العربيه بعد تجربة ال 6 أشهر الماضيه مع السعر القديم .