إعـــــــلان

Collapse

.

,
See more
See less

تقريــر صيــانة ال 20,000 للاوبتــرا الاوتوماتيك بالمركز الرئيسى بالهــرم

Collapse
X
 
  • Filter
  • الوقت
  • Show
Clear All
new posts

  • تقريــر صيــانة ال 20,000 للاوبتــرا الاوتوماتيك بالمركز الرئيسى بالهــرم

    بسم الله الرحمن الرحيم

    السلام عليكم ورحمة الله وبركاته








    النهارده عملت صيانة ال 20 الف لعربيتى فى المركز الرئيسى بالهرم كالعاده

    كنت حاجز ميعاد من حوالى 10 ايام وكان ميعادى النهارده الساعه 12:45 شوفتوا الدقه :)

    المهم روحت الساعه 12:30 تقريبا

    جالى المهندس هانى عادل اللى برضه كالعاده هو اللى بيعمللى الصيانه

    دى رابع صيانه معاه بالصدفه

    سألنى قاللى صيانة ال 20 الف ؟ قولتله ايوه تمام

    قاللى هاتغير زيت نوعه ايه قولتله لأ انا مغير زيت 10 الاف الصيانه اللى فاتت فمش هاغير قاللى تمام

    سألنى عندك اى ملاحظات قولتله لأ كله تمام هى الصيانه العاديه وتربيط العفشه وكدا

    قام كتب تربيط عفشه عشان يأكد انها تتربط

    قاللى التكييف أخباره ايه ؟ قولتله هو كويس جدا وتبريده تمام بس بما اننا داخلين عالصيف شيك عليه

    قاللى تمام وكتب برضه حكاية التكييف

    استلم منى العربيه وطلب منى اروح اعمله أمر الشغل وقاللى العربيه هاتخلص حوالى الساعه 4

    بس مادانيش البون بتاع المشروب زى الصيانه اللى فاتت :(

    الصيانه اللى فاتت ادانى بون اشرب بيه مشروب مجانى فى الكافتيريا

    تقريبا لقوها تكلفه عليهم قاموا لغوها :)

    المهم دخلت استنى فى الاستراحه كانت حوالى الساعه بقت 1 وكنت واخد معايا اللاب توب عشان اتسلى

    على الساعه حوالى 3 او 3 ونص طلعت أشوف ايه الاخبار لقيت العربيه خلصت

    تفاصيل الفاتوره

    صيانة كل 5 الاف : 153 جنيه

    تنظيف فلتر التكييف : 34 جنيه !!!

    ضريبه 10 % : 18.70 جنيه

    الاجمالى 205.70 جنيه

    قابلت المهندس سألته هو الفلتر اتغير ولا اتنضف قاللى لأ اتنضف فقط

    قولتله طب مش المفروض تنضيف الفلتر دا بند من بنود الصيانه يعنى من ضمن الحاجات اللى تكلفتها 153 جنيه والمفروض مدفعش فلوس ؟

    قاللى لأ دى حاجه خارج الصيانه زى الزيوت والمياه

    المهم شكرته وروحت دفعت ومشيت

    جربت التكييف بصراحه اتحسن عن الاول التبريد بقى اسرع واقوى مع انه كان قوى فى الاول بصراحه بقى ممتاز جدا

    العفشه اتحسنت تحسن بسيط يا اما انا بيتهيألى ممكن تبقى زى ماهى

    الموتور مغسول زى كل صيانه , اى نعم بيغسلوها بخرطوم مياه وفوطه واديها :) بس يلا المهم ان الموتور مايكونش عليه ضرر

    اسف على الاطاله والى اللقاء فى الصيانه القادمه
    [aldl]http://s17.postimg.org/ygne2hebj/F2000045710.jpg[/aldl]

  • #2
    يا باشا ألف مبروك علي الصيانه وعقبال صيانة ل200000 ألف إن شاء الله
    وألف مليون مبروك للشهادة اللى تستحقها عن جدارة بجد والكل يشهد علي كدا ولو إنها ممكن تكون متأخرة شويه لعدم دخولي بإنتظام
    ولو ممكن سؤال عشان انا قلقان من موضوع الصيانه دا انا معايا كروز ماشيه 1000 كم في شهرين لإني إستخدامي قليل لكثرة سفري خارج مصر وعقبال ما أعمل صيانة ال5000 كم شكلها هتكون علي أخر السنة رأيك أعمل ايه ممكن أروح صيانة الألف ولا أغير زيت في أي موبيل برة وشكراً
    [SIGPIC][/SIGPIC]

    Comment


    • #3
      مبروووووووك يا حسام باشا

      وعقبال صيانة المليون وتعملنا بيها موضوع هنا كمان

      يا رب دايما كدة تكون العربية مريحاك ويباركلك فيها

      كان ليا تعليق كنت كشفت على التيل كمان

      اصل انا غيرته على ال 15000

      والمهندس قالى مش هيقعد اكتر من 1000 كيلو وهتغيره فقولت اغيره

      بالمرة

      وبالنسبة للسعر بتاع الصيانة كويس

      انا كنت دافع فى بتاعة ال 15000 حوالى 700 وشوية

      معلش طولت عليك

      ومبروك مرة تانية
      <img src="http://www.alm5zn.com/upfiles/ESL45413.jpg">

      Comment


      • #4
        ألف مبروك على الصيانه وعقبال 200000 ان شاء الله ...

        Comment


        • #5
          المشاركة الأصلية كتبت بواسطة mhmdalsaadany مشاهدة المشاركة
          يا باشا ألف مبروك علي الصيانه وعقبال صيانة ل200000 ألف إن شاء الله
          وألف مليون مبروك للشهادة اللى تستحقها عن جدارة بجد والكل يشهد علي كدا ولو إنها ممكن تكون متأخرة شويه لعدم دخولي بإنتظام
          ولو ممكن سؤال عشان انا قلقان من موضوع الصيانه دا انا معايا كروز ماشيه 1000 كم في شهرين لإني إستخدامي قليل لكثرة سفري خارج مصر وعقبال ما أعمل صيانة ال5000 كم شكلها هتكون علي أخر السنة رأيك أعمل ايه ممكن أروح صيانة الألف ولا أغير زيت في أي موبيل برة وشكراً
          الله يبارك فيك شكرا لذوقك

          مفيش صيانة الف فى التوكيل اول صيانه 5 الاف

          فانت لو قلقان غير الزيت بره لان حسب معلوماتى الزيت بيبقى ليه مده زمنيه ولازم يتغير

          يعنى مثلا زيت ال 5 الاف مدته 4 او 5 شهور

          فانت لو فى خلال ال 3 او 4 شهور الجايين معملتش 5 الاف كم ممكن تغيره بره

          او ممكن تروح الصيانه وانت 4 الاف كم مثلا

          المشاركة الأصلية كتبت بواسطة totaman مشاهدة المشاركة
          مبروووووووك يا حسام باشا

          وعقبال صيانة المليون وتعملنا بيها موضوع هنا كمان

          يا رب دايما كدة تكون العربية مريحاك ويباركلك فيها

          كان ليا تعليق كنت كشفت على التيل كمان

          اصل انا غيرته على ال 15000

          والمهندس قالى مش هيقعد اكتر من 1000 كيلو وهتغيره فقولت اغيره

          بالمرة

          وبالنسبة للسعر بتاع الصيانة كويس

          انا كنت دافع فى بتاعة ال 15000 حوالى 700 وشوية

          معلش طولت عليك

          ومبروك مرة تانية
          الله يبارك فيك ياباشا شكرا لكلامك الجميل

          معاك حق فعلا انا نسيت اقوله على التيل بس برضه المفروض هو كان يكشف عليه ولو محتاج يتغير يقوللى

          عموما الصيانه الجايه هاكشف عليه واحتمال كبير هايتغير

          بالنسبه للسعر هو يعتبر كويس ماعدا موضوع تنضيف الفلتر اللى ب 34 جنيه دا

          هو مبلغ صغير بس انا مش عارف كل التوكيلات كدا ولا ايه

          وانت ياباشا دفعت 700 وشويه عشان غيرت تيل فرامل وزيت وفلتر وفلتر هوا وفلتر بنزين

          انما انا ماغيرتش اى حاجه من دول فى الصيانه دى

          غالبا الصيانه الجايه هى اللى هايبقى فيها كل حاجه وادفعلى مبلغ محترم باكو ولا حاجه :)

          نورت الموضوع ياباشا

          المشاركة الأصلية كتبت بواسطة hesham_7amza مشاهدة المشاركة
          ألف مبروك على الصيانه وعقبال 200000 ان شاء الله ...
          الله يبارك فيك متشكر جدا
          [aldl]http://s17.postimg.org/ygne2hebj/F2000045710.jpg[/aldl]

          Comment


          • #6
            مبروك يا نجم , مقلتلناش ليه كنا جينا معاك كانت فرصه الواحد يتعرف علي حضرتك بس الجيات كتير ان شاء الله
            [SIGPIC][/SIGPIC]

            afrtow سابقاً
            [FONT="Courier New"][SIZE="4"][COLOR="DarkSlateBlue"][B]
            [gdwl] الإمام الشافعي
            إني رأيت وقوف الماء يفسده * * * إن ساح طاب وإن لم يجرِ لم يطبِ
            والأُسد لولا فراق الأرض ما افترست * * *والسهم لولا فراق القوس لم يصبِ
            والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

            Comment


            • #7
              مبروك يا حسام باشا
              بس موضوع الفلتر ده إشتغالة توكيلية جامدة و آخر حاجة كمان
              أنا غيرته فى صيانة الـ 40 ألف لو تفتكر بره التوكيل و جبته بـ 70 جنيه
              بس عموما ألف مبروك و ربنا يباركلك فى عربيتك
              "إن الله لا يغير ما بقوم حتى يغيروا ما بأنفسهم"

              Comment


              • #8
                مبروك يا حسام
                عقبال صيانة ال 100000
                [CENTER][URL]https://www.facebook.com/NMTechShop/[/URL] [/CENTER]

                Comment


                • #9
                  مبروك يا باشا ربنا يباركلك فيها يا ياشمهندس حسام

                  Comment


                  • #10
                    الف مبروك الصيانة .. بس ليه ماغيروش بوجيهات ؟؟

                    Comment


                    • #11
                      ألف مبروك أ. حسام وعقبال كل صيانة ما تبقي أسهل وأحسن من اللي قبلها ان شاء الله
                      ومليون مبروك علي التقدير اللي تستحقه عن جدارة بجد وبالتوفيق دايما ان شاء الله
                      [CENTER][SIGPIC][/SIGPIC][/CENTER]

                      [CENTER][B][COLOR=darkred]نفسي الناس تبطل تقول "شف[COLOR=blue]ور[/COLOR]ليه" ويقولوا "شيف[COLOR=blue]رو[/COLOR]ليه"[/COLOR][/B][/CENTER]
                      [CENTER][B][COLOR=darkred]الفرق بين الـ RO والـ OR زي الفرق بين الـ T والـ S...![/COLOR][/B][/CENTER]

                      Comment


                      • #12
                        المشاركة الأصلية كتبت بواسطة afrtow مشاهدة المشاركة
                        مبروك يا نجم , مقلتلناش ليه كنا جينا معاك كانت فرصه الواحد يتعرف علي حضرتك بس الجيات كتير ان شاء الله
                        الله يبارك فيك ياباشا

                        ان شاء الله الصيانه الجايه هابقى اقول من قبلها بفتره عشان لو حد هايعمل صيانه هو كمان نتفق ونروح سوا

                        وفرصه نتعرف على الشخصيات المحترمه اللى زى حضرتك

                        ومن غير صيانه ان شاء الله نتفق ونجمع اكبر مجموعه ونعمل مقابله قريب

                        المشاركة الأصلية كتبت بواسطة أبو عمار مشاهدة المشاركة
                        مبروك يا حسام باشا
                        بس موضوع الفلتر ده إشتغالة توكيلية جامدة و آخر حاجة كمان
                        أنا غيرته فى صيانة الـ 40 ألف لو تفتكر بره التوكيل و جبته بـ 70 جنيه
                        بس عموما ألف مبروك و ربنا يباركلك فى عربيتك
                        الله يبارك فيك ياباشا

                        انا برضه حاسس انها اشتغاله بس مش عارف كل التوكيلات بتعمل كدا ولا لأ

                        واللى اكتشفته برضه ان مش توكيل الهرم بس اللى بيعمل كدا , لأ دا لسه الاستاذ harmhanz كان بيعمل الصيانه للكروز فى فرع التجمع الخامس وقالوله نفس الجمله تنضيف الفلتر ب 35 جنيه

                        يلا اهو الواحد اتعلم وبعد كدا ينضفه ويغيره بمعرفته

                        نورت الموضوع ياباشا

                        المشاركة الأصلية كتبت بواسطة BASKOTA مشاهدة المشاركة
                        مبروك يا حسام
                        عقبال صيانة ال 100000

                        الله يبارك فيكى يابسكوته

                        المشاركة الأصلية كتبت بواسطة KSA2011 مشاهدة المشاركة
                        مبروك يا باشا ربنا يباركلك فيها يا ياشمهندس حسام
                        الله يبارك فيك يادكتور شكرا لذوقك

                        المشاركة الأصلية كتبت بواسطة dark_smoky مشاهدة المشاركة
                        الف مبروك الصيانة .. بس ليه ماغيروش بوجيهات ؟؟
                        الله يبارك فيك ياباشا

                        البوجيهات ميعادها مش دلوقتى

                        حسب الجدول اللى موجود فى كتيب الضمان المفروض تتغير فى صيانة ال 30 الف

                        والمفروض مفيش اى حاجه بتتغير قبل ال 30 الف غير الزيت وفلتر الزيت وتنضف الفلاتر وتربط العفشه او تغير تيل فرامل لو محتاج

                        اى حاجه تانيه لو اتغيرت قبل ال 30 فدا مش ميعادها واتغيرت بدرى عشات استهلكت

                        المشاركة الأصلية كتبت بواسطة nour3alanour مشاهدة المشاركة
                        ألف مبروك أ. حسام وعقبال كل صيانة ما تبقي أسهل وأحسن من اللي قبلها ان شاء الله
                        ومليون مبروك علي التقدير اللي تستحقه عن جدارة بجد وبالتوفيق دايما ان شاء الله
                        الله يبارك فيكى متشكر جدا على كلامك وذوقك
                        [aldl]http://s17.postimg.org/ygne2hebj/F2000045710.jpg[/aldl]

                        Comment


                        • #13
                          الف مبروك ليك يا حسام باشا علي التكريم الخاص بالمنتدي و فعلاً تستحقها عن جداره فعلاً و ربنا يباركلك و الي الامام دائماً

                          و طبعاً الف الف مبروك علي صيانه ال 20 الف كم و ربنا يباركلك و يديك خيرها و يكفيك شرها


                          تحياتي اخي الكريم و في انتظار المزيد منك
                          [FONT="Century Gothic"][CENTER]Eng.Mo'men Hamdy Fahmy[/CENTER][/FONT]

                          Comment


                          • #14
                            الف مبروك يا باشا ع الصيانة وعقبال ال 200 الف

                            وتفضل مبسوط علي طول م العربية
                            [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

                            Comment


                            • #15
                              المشاركة الأصلية كتبت بواسطة momenhamdy مشاهدة المشاركة
                              الف مبروك ليك يا حسام باشا علي التكريم الخاص بالمنتدي و فعلاً تستحقها عن جداره فعلاً و ربنا يباركلك و الي الامام دائماً



                              و طبعاً الف الف مبروك علي صيانه ال 20 الف كم و ربنا يباركلك و يديك خيرها و يكفيك شرها


                              تحياتي اخي الكريم و في انتظار المزيد منك
                              الله يبارك فيك يابشمهندس متشكر جدا لكلامك وذوقك نورت الموضوع

                              المشاركة الأصلية كتبت بواسطة youssef_mostafa مشاهدة المشاركة
                              الف مبروك يا باشا ع الصيانة وعقبال ال 200 الف

                              وتفضل مبسوط علي طول م العربية
                              الله يبارك فيك ياباشا شكرا لذوقك
                              [aldl]http://s17.postimg.org/ygne2hebj/F2000045710.jpg[/aldl]

                              Comment

                              Working...
                              X