الحل النهائى لتزيقة الفرامل فى الافيو

[solycar]

انا هحاول احكى اللى حصل باختصار


انا كنت بستعمل تيل الفرامل الاصلى على طول

و عمرى ما سمعت التزييقة دى خالص

و من 5000كم تقريبا غيرت التيل بوحد تقليد ب 60 جنيه

و بقالى اسبوع بسمع صوت مزيكا و تكسيير و حرب عالمية مع اى فرملة جامدة شوية

انا مجاش فبالى انو يكون من التيل لانو كان لسه جديد و كنت فاكرو الماستر

المهم باختصار الميكانيكى قالى ان التيل دة مش الاصلى صح

قلتلوا اه ليه

قالى التيل زلط(بشد اللام)

انا: يعنى ايه

هو : يعنى نعم و هات الاصلى احسن

روحت جبت الاصلى من برة التوكيل ب 140 جنيه (فى التوكيل ب 250)

و بقالى يومين دلوقتى الصوت نعم خااااااااااالص

نصيحة يا جماعة بجد التيل الاصلى احسن بكتييييييييييييييير و فرق جدا فى العربية

انا عن نفسى قررت ماستعملش غيره

و اللى عايز يسال انا تحت امره

[memo823000]

جبته منين يابرنس

[solycar]

من الحرمين اول فيصل

[memo823000]

انا اتصلت بيه
قالى الاصلى 160 مش 140
ياريت حد ياكد

* * * * *

[solycar]

ياباشا هو قالى كدا بس انت روح و فاصل معاه

انا بتعامل معاه على طول و كل حاجة بينزللى فيها

التيل قالى ب 160 و بعد الفصال 140

و الفلتر ب 18 بعد الفصال ب 16 فى التوكيل ب 27.5

[Hosam_Optrawy]

لو سمحتم ياجماعه المحل دا فين بالظبط فى فيصل ؟

وهل قطع الغيار اللى عنده اصليه ولا لأ ؟

وعنده حاجات للاوبترا ولا لأ

وهل فى محلات تانيه فى فيصل

[solycar]

لو سمحتم ياجماعه المحل دا فين بالظبط فى فيصل ؟

قبل المساحة بشوية و هو جنب المنير بتاع الدايو و المنير مشهور اكتر منو

وهل قطع الغيار اللى عنده اصليه ولا لأ ؟

عندو الاصلى و المضروب و لو عاوز تتاكد خد حاجة قديمة معاك و قارنها

وعنده حاجات للاوبترا ولا لأ



ايوه عنده و ارخص من منصور


وهل فى محلات تانيه فى فيصل



مش عارف بس دا اسعاره كويسة مش محتاج تدور يعنى

[أشرف العدوي]

انا عارف المحل ده
لو محتاج تسأل على حاجة من عنده يا حسام قولي و انا أسألك عليها
انا ساكن جنبه

[Hosam_Optrawy]

لو سمحتم ياجماعه المحل دا فين بالظبط فى فيصل ؟

قبل المساحة بشوية و هو جنب المنير بتاع الدايو و المنير مشهور اكتر منو

وهل قطع الغيار اللى عنده اصليه ولا لأ ؟

عندو الاصلى و المضروب و لو عاوز تتاكد خد حاجة قديمة معاك و قارنها

وعنده حاجات للاوبترا ولا لأ



ايوه عنده و ارخص من منصور


وهل فى محلات تانيه فى فيصل



مش عارف بس دا اسعاره كويسة مش محتاج تدور يعنى

شكرا ياباشا لردك

انا عارف المحل ده
لو محتاج تسأل على حاجة من عنده يا حسام قولي و انا أسألك عليها
انا ساكن جنبه

ربنا يخليك يابو اسر

انا ان شاء الله ناوى اروح بنفسى

بس لو عديت هناك ياريت تسألى على الكارتيره البلاستيك اللى بتبقى تحت الاكصدام والعجله الاماميه شمال

والف شكر لذوقك

[memo823000]

بس اكيد التيل اصلى
هو مختوم ولا لا
لو مشمختوم يبقى مش اصلى
مستنى الرد
وليا طلب
رف السمعات الفيبر لافيو5 2009 اتسرق منى (حد يعرف اجيبه منين لانه مشموجود فى التوكيل) وشكرا