مصيبة جديدة دواخل الأفيو

[ahmedfra]

انا استلمت الأفيو الكورى النبيتى من 10 ايام تقريبا و النهاردة بس بفتح الكبوت وجدت ما يلى الدواخل حمراء و ليس نبيتى زى اللون الخارجى ( لون احمر معفن كده ) يا ترى ايه الحل و هل ده طبيعى
بعد اذنكم ارقع بالصوت .... يا مصيبتى

[smax]

ألف مبروك علي العربية يا باشا.
موضوع اللون دة عادي اغلب العربيات لون الدواخل مش زي اللون الخارجي. عندي لانسر 99 فيراني ميتالك من الزيرو الوان الدواخل رماضي مش ميتالك زي الخارجي.

[mina_ramsis]

لا يا باشا ده طبيعى علشان الصاج الخارجى عليه مواد تلميع بس الدواخل لأ

[ahmedfra]

طمنتونى الحمد لله . كفاية عليه الحدفة الشمال و موضوع الأر بى ام

[m_mekkawy]

لا عادى انا عندى النترا 2008 نبيتى ميتاليك وبتقلب اسود باليل انت عارف اللون الغريب ده من جوه احمر غامق ومش له دعوه خالص بلون العربيه

[m_mekkawy]

على فكره انا بدى اقلك ان موضوع الأر بى ام ده عادى انا معايا هاى لوكس الحركه دى فيها (بنزين مش ديزل).

[w-m-a]

عادى ده نوع من التوفير ان الدواخل بتكون اقل فى خدمه الدهان

[ahmedfra]

بس الشكل مختلف فى درجة اللون و اخاف بعد كده الى يشوفها يقول راشة دواخل ( عند اعادة البيع )

[د.محمود صلاح]

صورها لنا في النهار وافع الصورة هنا عشان نشوفها , ونقولك الرأي

[gemy215]

مبروك العربيه وربنا يديك خيرها ويكفيك شرها
وطبعا زي ما الاعضاء قالولوك ان شاء الله مافيش فيها حاجه بس الافضل تصورها وترفع الصور والخبرا ان شاء الله يطمنوك

[nadenono]

قبل ما تشتري الافيو بص في الموضوع ده

http://www.nilemotors.net/Nile/138521-a.html