لكل ملاك السيارات

[yastoor]

عايزين نعمل حاجه زى جدول عشان اللى المفروض نعمله لما نروح نعمل الصيانه
يعنى مثلا نقولهم بصولى على كذا وبصولى على كذا وكده يعنى
بحيث ان العربيه تطلع متشيك عليها تماما غصب عن عنين اللى فى التوكيل
انتو فهمنى انا عايز ايه؟؟؟؟؟؟؟؟؟؟؟؟؟؟؟
وكل اللى عنده حاجه عملها او عايز يعملها يكتبها فى الموضوع ده
ونخرج فى الاخر بجدول قابل للطباعة كل ولحد يحطه فى عربيته ولما يروح التوكيل يطلعه ويعلم علامات صح على كل اللى اتعمل
لان اكيد الواحد هينسى حاجات وهو فى التوكيل طبعا فالورقه دى هتفكره

[Hosam_Optrawy]

المفروض ان كل صيانه بيتم فيها الأتى

- فحوصات داخل غرفة المحرك

- فحص مستويات السوائل والزيوت ( الفتيس - الفرامل - الدبرياج - الدركسيون - مياه التبريد - مياه المساحات )

- فحص نظام الفرامل وتنظيف او تغيير تيل الفرامل

- فحص عناصر نظام التعليق ( العفشه ) ونظام الدركسيون

- تشحيم عناصر جسم السياره

- فحص جهاز تكييف الهواء

- فحص فلتر هواء المحرك

- فحص سائل وفلتر الفتيس الاوتوماتيك

- فحص سائل الدبرياج

- فحص سائل الفرامل

- فحص سير المحرك

- فحص سائل تبريد المحرك

طبعا مش كل الحاجات دى بتتعمل , ممكن تلات ارباعها او نصها او ربعها او ممكن ماتتعملش خالص و الله اعلم دا حسب ضمير اللى شغال

انا رأيى انك لو عندك ملحوظه معينه او حاجه عايزها تتظبط تقول عليها . يعنى تختار حاجه واحده بس او حاجتين عشان يركز عليهم فعلا ويتعملوا

انا شخصيا أخر مره فى الصيانه أكدت على تربيط العفشه مطلبتش حاجه تانى

[yastoor]

صح كده والله ياحسام باشا يابرنس الليالى

[handasa]

كلو بحسابة

[د.محمود صلاح]

في الصيانات الدورية توجد عدة نقاط - كما تفضل الاخ Hosam_Optrawy - بذكرها يتم فحصها والتأكد منها في التوكيل بدون ما تطلب ذلك