وش الفانوس

[totaman]

يا ريت يا جماعة تفيدونى ضرورى

النهاردة والدى وهوة سايق العربية الفانوس الخلفى اتخبط منه

واتكسر الوش كله يا ريت اعرف ممكن يركبله وش ولا ايه ؟؟؟

ولو يركبله وش يا ريت اعرف سعره و منين فى اسكندرية

ولو مفيش وش .......... الفاوس كله بكام ؟؟؟

يا ريت رد يا جماعة وتساعدونى علشان الواحد نفسيته صفر بسبب الموضوع ده ( مش لازم رد على كل الاسئلة اى معلومة صغيرة هتفيد )

شكرا مقدما

[mina_ramsis]

انا مش عاوز احبطك بس اللى اعرفه ان مش هتلاقى وش للفانوس انا حاولت و ماعرفتش اما بخصوص السعر انا سألت عليه من 3 سنين من اول ما جبت العربية كان ب 400 جنيه و كسر فهتلاقيه رخص جامد دلوقتى و على فكرة ممكن تلاقى الصينى و سعره اقل كتير

[totaman]

شكرا ليك يا مينا باشا

انا سالت واحد وقالى الاسعار دى

الصينى ب 95

التايوانى 125

الاصلى 325

واحنا ناويين على الاصلى علشان سمعت ان الصينى والتايوانى هتبقى الاضائة مختلفة عن القديم

وشكرا لاهتمامك

[gado2416]

من رأى يتجيب الاصلى او تصب وش فى الحرفيين زى منا ما عملتب80جنيه وبقالو سنه ومفيش اى مشاكل ولون اضاءت الفانوسين واحده..نصيحه بلاش الصينى عشان لون الاضاءه وبيبهت

[totaman]

شكرا لردك وانا فعلا نويت على الاصلى

بالنسبة للصب فانا من اسكندرية ومعرفش حد بيصب فوانيس

طيب عايز اعرف رايءكم فى ناس قالولى الحل ده

انى اجيب اتنين تايوانى واركبهم واشيل الاصلى واهو الاتنين يبقوا شبه بعض

عايز اعرف رايكم

[dark_smoky]

خليك في الاصلي

[tanehome]

الاصلى عند منصور ب 600 جنيه
والصينى فى التوفيقية 125
والتيوانى وهو نوعا ما نظيف 200 جنيه
والوش متوافر فى التوفيقية ب 45 جنيه بس فى فرق بسيط جدا فى اللون بيبان فى الشمس
ولو دورت كويس فى التوفيقية ممكن تلاقى الاصلى فى حدود 300 الى 350 جنية

[zanativich]

لو القاهرة بعيدة عليك خليك فى طنطا
عاطف موتورز
عنده الوش
سور نادى المعلمين

[totaman]

الاصلى عند منصور ب 600 جنيه
والصينى فى التوفيقية 125
والتيوانى وهو نوعا ما نظيف 200 جنيه
والوش متوافر فى التوفيقية ب 45 جنيه بس فى فرق بسيط جدا فى اللون بيبان فى الشمس
ولو دورت كويس فى التوفيقية ممكن تلاقى الاصلى فى حدود 300 الى 350 جنية

شكرا لردك بس انا من اسكندرية

وكمان على الاسعار اللى بتقولها ده يبقى اللى سالته ده رخيص

شكرا لاهتمامك

[totaman]

لو القاهرة بعيدة عليك خليك فى طنطا
عاطف موتورز
عنده الوش
سور نادى المعلمين

شكرا لاهتمامك واسف على تاخير الرد

القاهرة وطنطا بعيد عنى انا خلاص نويت اجيب الاصلى من هنا وخلاص

هوة ب 325 ولسة هفاصل ده لسة من غير فصال

انا بس قولت نسيبها كدة شوية تاخد العين :b4_444:

[totaman]

خليك في الاصلي

ان شاء الله وشكرا لردك

[arakysolom]

السلام عليكم
روح صلاح الدين عند الصعيدي او اي واحد هناك و هات التايواني ماركة (ديبو )depo ممتاز جدا وعن تجربة في الاوبل فيكترا ميفرقش عن الاصلي وحتلاقيه في حدود 160 جنيه تقريبا او في طريق الحرية قبل خروب سامي في واحد متخصص في قطع غيار الكوري اسمه( فلفل ) اسعارة كويسة و اسأل عن نفس الماركة ومتخدش اي ماركة تانية