أفضل معرض لتقسيط الأفيو؟ ضروري

[medo_msmsa]

ياجماعة انا اخويا عايز يشتري أفيو قسط ومحتار بين المصرية للسيارات وسمير ريان!!
يا ريت لو حد شاري الأفيو بتاعته قسط يقول جابها منين وايه أفضل اختيار؟
وبعدين الافضل اروح للمعرض واخد منه العربية قسط ولا اروح للبنك اصل في تفاوت واضح، بنك الـ cib بيقول فايدة 8% ، وبيأكد ان اللي بيقسط بفايدة 7% او 6.5 % اكيد هياخد الفرق بطريقة تانية وبجد اخويا محتار ومحيرني معاه في انتظار تجاربكم ومتأكد انكوا مش هتبخلوا عليه بأي معلومة

[mido]

يا عم سيبك من الافيو وشوف حاجه احسن

[M_Marwan]

ابعد عن العربيه الزباله ديه صدقنى وعن تجربه

[yoko]

انا كان معايا أفيو وبعتها من كتر مشاكلها خليه يفكر في الأكسنت

[dark_smoky]

ابو غالي اوتوموتيف 6% حقيقي انا جايب منه الاوبترا

[mameen]

ممكن تقسط من المنصور نفسهم
وبعدين فكك من الافيو

[أشرف العدوي]

ما فيش فايدة
و يجي بعد شهرين يقول مشاكل في العربية و مش لاقي حل
طيب ما من الأول

[Dr_Essam]

منصور بيقسط مباشر بفائدة 10% و بحد أقصى 4 سنين لكن بدون مصاريف ادارية أو مصاريف أستعلأم و لو دفعت أكتر من 50% مقدم هيبقى بدون تأمين ...و الأجراءات بتاخد حوالى أسبوع ..و أنا قسط معاهم و معاملتهم كويسة..

[nadenono]

رجاء الإحتراس من الآفيو. الآفيو فيها سم قاتل

[mhmdalsaadany]

نصيحة بلاش افيو شوف أي عربية تانيه حاول تشوف تقسيط مباشر و أبعد عن الشبوهات نصيحة لوجه الله تعالى وتقبل مروري

[medo_msmsa]

شكرا يا جماعة على ردودكم ودايما كده عند حسن الظن
واضح من التوبيك فوق ان اخويا اللي هيشتري مش انا وهو عجباه الافيو رغم اني بقالي كتيييييييير جدا منها بس هو مصر،،
سؤالي للاستاذ Dark_ Smoky ممكن رقم معرض ابو غالي ده وهو موجود فين؟
وشكرا لكم

[yoko]

عشان خطري خليه يبص على مواضيعها في المنتدى عشان ميندمش

[dark_smoky]

شكرا يا جماعة على ردودكم ودايما كده عند حسن الظن
واضح من التوبيك فوق ان اخويا اللي هيشتري مش انا وهو عجباه الافيو رغم اني بقالي كتيييييييير جدا منها بس هو مصر،،
سؤالي للاستاذ dark_ smoky ممكن رقم معرض ابو غالي ده وهو موجود فين؟
وشكرا لكم

16523 ده الهوت لاين بتاعهم هايدوك كل عناوينهم و تليفونات معارضعهم في ليهم معارض في المرغني و مدينة نصر و العبور و أماكن تانية مش عارفها.
و للعلم ابوغالي موزع معتمد للأوبل و شيفروليه و نيسان و هيونداي و بي إم و برليانس و وكيل لمابل الصينية .. هو بيقسط مع البنك العربي الفريقي بعائد 6.1% بالظبط حتي خمس سنوات و مع بنك أسكندرية بمعدل 6.3% حتي سبع سنوات

[medo_msmsa]

dark_ smoky ألف شكر لمعلوماتك
يوكو ان شاء الله هخليه يبص على المنتدى لعله يتعظ!