السلام عليكم

[احمد عزت]

ازيك يا شباب ورجال المتدى الاعزاء ...
ارجو منكم المساعدة فى قرار شراء سياة شيفرولية كابرس موديل 1989 وبما انى لا افهم شئ فى النوع دة فارجو منكم المشورة
اولا السيارة موديل 89 لون ابيض 5100 سى سى 8 سلندر ودة تقريبا كل اللى عرفناة من صاحب العربية وصاحبها عاوز فيها 40 الف
الفكرة بقى هل العربية دة تستاهل وقطع غيارها هلاقيها ولا هتاخد منى بنزين ومصاريف على الفاضى ويا ريت اعرف كل التفاصيل عن اشهر العيوب والاعطال بتاعتها وكل حاجة اخد بالى منها وانا بشتريها يعنى.......ولكم جزيل الشكر.....اخوكم فى الله....دكتور احمد

[Hosam_Optrawy]

وعليكم السلام

الصراحه انا معنديش اى معلومات عن العربيه

بس برضه مش لاقى سبب او ميزه يخليك تشترى عربيه بالحجم دا و 5100 سى سى 8 سلندر و وموديل 89 وب 40 الف

هاتكون مكلفه جدا

اشمعنى اخترت العربيه دى

[yoko]

قطع غيار شبه معدومه بنزين هتعمل معاك في حدود ١٠٠ كم في الصفيحة (معايا واحده شبها بره مصر) واسعة جدا ونعمة لكن لو حبيت تركنها إنسا ثانيا حالتها أكيد زي الزفت وهتدوخ عشان تعرف تلاقيلها قطع غيار (شفت واحد حاطط فونيس ٥٠٤ ورا لإنه مش لاقي بتوعها)
نصيحة بلاش منها في مصر

[Eng_Mostafa_89]

بلاش لان اكيد الضريبة بتاعتها هتكون عالية جدا جدا

[د.محمود صلاح]

يكفي مشكلة البنزين

[dark_smoky]

5100 سي سي .... ليه يا سيدي .. هاتعمل بيها ايه :)

[احمد عزت]

والله يا جماعة ابويا الحاج هوة اللى عايزها .....وواخدين بالكم من ابويا الحاج دة ....هوة مش عارف قافشة معاة لية العربية دة وعمال يقولى برستيج وحركات قال يعنى الصيت ولا الغنى ...اجيبو يمين اجيبو شمال مش عارف اقنعوا اقولو ياراجل دة انا لما جبت الاكسنت كنت خايف من البنزين علشان 1600 وكنت عاوز حاجة اصغر تروح تجيب انت بقى 5100 سى سى وموديل قديم كمان ...وكفاية الركنة والقرف ....مش عارف اقنعوا فكتبت ادامو الرسالة دة عندكم علشان يقتنع من اهل الخبرة ....لانو بيقولى انى دكتور اش فهمنى فى العربيات والحاجات دة :)......
ولكم جزيل الشكر

[Eng_Mostafa_89]

بص خدة كدة وعلى المرور عدل
وخلية يسأل على ضريبتها كام فى السنة
:)