لدي اوبترا سوداء و لدي سؤال

[bebobero]

لدي اوبترا سوداء و لدي سؤال طبعا انا اركن العربية في جراج و لكن في مكان سيئ جد(كل يوم اجي انزل الاقيها مزنوقة و حولها 10 عربيات و اقعد 20 دقيقة اطلعها و طبعاً في مرة خدشتها من الجنب و دة طبعاً علشان الراجل اللي كان بيدخل العربية و يطلعها مشي! و مرة كنت راكنها تحت الباب نزلت لقيتها مخدوشة من الجنب التاني(فوق الكاوتش بالظبط) مما ادى إلى انه شكلها وحش في الأجناب و مش عارف اعمل ايه في ناس قالت رشها في التوكيل بس انا سمعت ناس تانية قالت مارشهاش علشان مش هتعرف تجيب نفس اللون اللي هو Pearl) Black) و ناس تانيه قالت ماترشهاش عشان لما تيجي تبيعها مش عارف ايه الصح أرجو المساعدة

سؤال كمان انا عايز اجيبلها جنوط و سبويلرو فرش (مش عارف الجلد احسن ولا القماش و عند مين و فين) و Body Kits مش عارف منين و بعدين عايز اشارات في الجنب دي اعملها ازاي و برضو سمعت عن الدلايات ممكن حد يقولي دي ايه؟
عايز بلأه حسبة للتكابف و منين علشان ماحدش يضحك علية!

و الف شكر ليكم جميعا

[bebobero]

برده عايز اعرف برضه سعر الوش بتاع الشكمان دة بيبقى شكله جامد بس هل بيأثر بأي شكل على الشكمان نفسه؟

[mina_ramsis]

بص سا سيدى انا اول ما جبت العربية واحد ابن حلال خبطهالى فروحت التوكيل غيروا الرفرف و رشوه بس الصراحة طلع على ابوه يعنى لو جبت الكوريين نفسهم مش هيعرفوا اذا كان مرشور و لا لأ ( على فكرة انا عندى اوبترا سوداء اوتوماتيك اسبورت باكيدج )
اما بخصوص الجنوط فانا جايب العتب و الجنوط و وش الشكمان بس اخدوا الجنوط القديمة ب 5000 جنيه 1500 جنوط و 3500 عتب

[شاهين - بنز]

و بعدين عايز اشارات في الجنب دي اعملها ازاي و برضو سمعت عن الدلايات ممكن حد يقولي دي ايه؟

متأكد إن العربية ترخيصها ملاكي ؟؟

[bebobero]

مش فاهم يعني ايه؟

[theking2690]

اصل الدلايات ديه بتاعت العربيات القديمه و النص نقل و التاكسيات و شكلها بيخلى العربية فلاحى موت يعنى تحس ان العربيه شاريها من معرض الفلاح الفصيح فى كفر ابو زلومة و طالع بيها من هناك على هنا فهمت بقى سؤال شاهين بنز نوع ترخيص العربية ايه

[TAMER KHASHABA]

الدلايات من التوكيل ب 115 جنيه من غير التركيب

[theking2690]

هو انت قصدك على اشارات الجنب اللى فى المرايات و لا قصدك على ايه بالظبط

[bebobero]

ممكن صورة للدلايات دي عشان انا اصلاً معرفش هي ايه بس كنت بسأل و انا اقصد اشارات الالتفاف لأني ما عنديش و برضه عايز اسأل على الشبورة

[amr mokhtar]

و مش عارف اعمل ايه في ناس قالت رشها في التوكيل بس انا سمعت ناس تانية قالت مارشهاش علشان مش هتعرف تجيب نفس اللون اللي هو Pearl) Black) و ناس تانيه قالت ماترشهاش عشان لما تيجي تبيعها مش عارف ايه الصح أرجو المساعدة

بلاش ترش حاجة و صدقنى الخدوش دى بسيطة و بعضها ممكن يتعالج بالبوليش او ورنيش التلميع و بعدين موضوع الرش هيطلاعها بره الفبريقة بتاعتها يعنى لو حبيت تبعها هيبقى اسمها رشة رفرف و انت عارف اللى بييجى يشترى هيعملهالك مصيبة كأن كل عربيات البلد ما فيهاش خربوش

أول خربوش ظهر فى العربية عندنا كنت زعلان جدآ بعد كده الواحد بيقول الحمد لله انها حاجات بسيطة
و ربنا يحفظهالك و يباركلك فيها

[bimmeraddict]

لو سمحت يا كنج متتريقش على الفلاحين.
بالنسبة للعتب الي ب3500 هو في الجنبي بس؟ولا بودي كيت كامل أمام وورا وفي الأجناب؟

[theking2690]

انا ما بتريقش بس ديه حقيقة فعليه لأنهم هما اللى بيحطوا إضافات للعربية بتخلى شكلها وحش يعنى اللى تلاقيه حاطط الشريط العاكس بتاع العربية النقل وتلاقيه لافف العربية و اللى تلاقيه حاطط العلامات النيكل بتعات التاكسيات انا ما بتريقش و لا حاجه و على فكره انا ليا اصحاب كتير من المحافظات بس هرجع و اقولك فى الاخر كل واحد حر فى عربيته ثانيا انا مبقللش من قيمة الفلاحين و لا حاجة لأن من غيرهم احنا مش هناكل و هما ليهم اهميه كبير مجتمعنا و اجدع تحيه طلعه منى لفلاحين مصر كلها يا عم علشان متزعلش

[mina_ramsis]

العتب حولين العربيه كلها من الجناب ومن قدام و من ورا و فيه شريط نيكل فى كل العتب و تبع العتب برده وش الشكمان

[bimmeraddict]

أنا أسف يا كينج .
لو سمحت هو العتب بييجي بلون العربية ولا بيترش؟

[mina_ramsis]

الصراحة معرفش انا اخدتها بلون العربية مش عارف هما اللى رشينوا و لا جى كده