مساعده الافيو

[zaglolo]

انا احمد سعدون
انا زى كتير من الناس جبت عربيه افيو ومكنتش مقتنع بيها انما على راى كام راجل محترم من المنتدى حب العربيه تحبك العربيه زى الفل وبتأدى على الطريق وكفاءة
انا بعرض مساعدتى على اى حد سواء فى تظبيط الافيو او فى ميكانيكتها وانا انصحه يعمل ايه على اد مااقدر يعنى حوار الطنابير والتيل والهوا والتكييف انا الحمد لله اخدت خبرة من كتر سؤالى ومن تجاربى اللى عملتها بايدى وربنا يقدرنى على مساعدتكم وربنا مع الجميع وانا ليا سؤال انا مساحه صورة لعربيتى 500 كب ازاى اقدر ارفعها ليكم تشوفوها

[sammor_28]

هبتدي انا اول واحد

فعلا عندك حق حب عربيتك تحبك وانا الحمد لله راضي عنها وناوي لو فيها حاجه اعملها ان شاء الله ...

تقريبا المشكله عندي الطنابير عاوز اغيرها وارتاح من قرف التوكيل ياريت لو تقدر تدلني على طنابير وتيل كويسين اركبهم لأني زهقت من اللي في التوكيل والمكان اللي اجيبهم منه اكون شاكر ليك جدا

وشكرا ليك عالموضوع ده يمكن تقدر تخلى الناس تحب عربياتها شويه

[zaglolo]

اكيد طبعا عندك حق
بالنسبه للطنابير انتا لو غيرت الطنابير الف مرة هتعمل معاك نفس المشكله القصه فى انك اول ما تجيب طنابير وهى جديده وياريت تكون النوع الاجنبى او الكورى يعنى تبعد عن الصينى تماما تروح تخرطها فى مخرطه نضيفه وتركب عليها تيل كورى نضيف وياريت تاخد بالك من حاجه فى تيل كورى اسمه الجولد المشكله ان ده انضف نوع بس نزل منه تقليد كتييييييييييير فالناس اتلخبطتت حاول تشوف الاصلى منه ولو ملقتش هات تيل فى علبه لونها ازرق بتاع النوبيرا قول للراجل عايز تيل نوبيرا اما بالنسبه للمكان انا مقدرش افتى لانى من الزقازيق بس التوفيقيه
ابعد عن التوكييييييييييييييييييييييييييييييييييييييييييييي يييييييييييييييييييييييل

[eng_sherif_00]

انا بشكرك على الموضوع الجميل ده وارجو الافادة فى تركيب مساعد امامى النو ع والصناعة واجيبو منين واركبو فين

[sammor_28]

شكرا على ردك يا استاذ زغلول ......

بس معقول اجيب طنابير جديده واخرطها ؟

طيب هو انا لو جبت الطنابير الكوري وجبت التيل الجولد الأصلي او تيل النوبيرا هيبقى تمام

او اجيب طنابير جولد وتيل جولد؟ ايه رأيك...مستني افادتك

[doc_semsem]

زغلول باشا
والله الفكره حلوة قوى انا كنت محتاج حد زيك ياخد بايدى
والله عندك حق حب العربية تحبك انا والحمد لله بحب عربيتى قوى هى موديل2007 الكورى بس كنت عاوز شوية حاجات
1/اغيير بوجيهات ؟فين؟ وفين احسن نوع؟
2/اغير كاوتش بس عاوز اعرض على نفس الجنوط؟
3/شوية تظبيط وشكرا؟؟؟

[zaglolo]

اسف جدا يا جماعه على تاخيرى فى الرد بسبب ظروفى حاله وفاه ربنا يدى الصحه للجميع
اولا بالنسبه للمساعد انا متعرضتلوش قبل كده بس وعد هسال الميكانيكى بتاعى وهو واحد شغال فى التوكيل بس بيصلح برة عشان النصب وانتوا فاهمين الباقى
بالنسبه للطنابير هتجيب طنابير جديده نوع اجنبى او كورى مش بالضروره يكون جولد اى نوع تضيف يكون من واحد ثقه وتجيب التيل الاصلى الجولد واحزروا التقليد ولو ملقتش جولد اصلى هتلاقىى تيل فى علبه زرقه وده تانى انضف نوع ولو غلبت خالص هات تيل فرامل عربيه نوبيرالاننا نفس الانواه تقريبا فى كل حاجه وانا قولت انك تخرط الطنابير الجديده لانى جبتها جديده هى والتيل وركبتها وبردو كان فى رجرجه والفرامل تعبانه وواقعه لتحت شويه ولو عايز تيجى الزقازيق اوديك للى عملى شغلى عنيا الاتنين وتحت امرك
بالنسبه للبوجيهات هات انضف نوع للبوجيهات النوع اليابانى فى علبه صفرا ويكون مكتوب عليه بالاخضر مش بالازرق ولو ملقتش اليابانى ده هات النوع الكورى اليابانى اللى بقولك عليه ب45 جنيه والكورى ب32 جنيه
بالنسبه للكاوتش انا امبارح لسه مركب جنط 15 بكاوتش رسمه ورق شجر والحياه زى الفل ولا فى اى مشاكل فى العفشه ولا الكلام الفاضى ده ومش عارف هتصدقنى ولا لا لو قولتلك فى واحد مركب جنط 17 على الافيو والحياه معاه تمام ولما اتكلمت مع بتاع الكاوتش وهو راجل محترم نصحنى ان العمليه مالهاش علاقه مؤثرة زى مالناس متخيله
اما بالنسبه للتظبيطات انا تحت امرك ف الل انتا عايز تعمله وربنا معاناا
وعلى فكرة يا جماعه انا اسمى احمد والله العظيم

[Dr_Essam]

وعلى فكرة يا جماعه انا اسمى احمد والله العظيم

تشرفنا يا أستاز أحمد..
وكنت عايز أسال حضرتك سؤال..
أظبط ضغط الكاوتش على كام؟؟
فى ناس بتقولى أظبطه على 28 وناس تقولى على 30 و ناس تقولى على 32 ..
حد يفيدنى يا جماعة..

[sammor_28]

شكرا يازغلول باشا ......

وان شاء الله لو في اي استفسار تاني انا معاك عشان انا فعلا ناوي اقضي على مشكله الطنابير دي عندي تماما ان شاء الله

[mizamega]

انا احمد سعدون
انا زى كتير من الناس جبت عربيه افيو ومكنتش مقتنع بيها انما على راى كام راجل محترم من المنتدى حب العربيه تحبك العربيه زى الفل وبتأدى على الطريق وكفاءة
انا بعرض مساعدتى على اى حد سواء فى تظبيط الافيو او فى ميكانيكتها وانا انصحه يعمل ايه على اد مااقدر يعنى حوار الطنابير والتيل والهوا والتكييف انا الحمد لله اخدت خبرة من كتر سؤالى ومن تجاربى اللى عملتها بايدى وربنا يقدرنى على مساعدتكم وربنا مع الجميع وانا ليا سؤال انا مساحه صورة لعربيتى 500 كب ازاى اقدر ارفعها ليكم تشوفوها

معني كدة الناس الي ظهرت في عربيتها عيوب وطلعت قالت اني دي عربية سيئة يبقوا ...............

مينفعش

[zaglolo]

حضرتك انا محكمتش على العربيات اللى مع الناس كلها وانا عن نفسى واحد بحافظ على عربيتى ومحيت كل عيوبها مش معنى كده انى بعيب فى الناس التانيه والحكم فىى الكلام اللى انا قولته التجربه وانا على اتم استعداد لو حضرتك تحب تشوف عربيتى وتجرب اللى انا قولت عليه انا تحت امرك .....

[د.محمود صلاح]

صغر الصورة شوية الى 100 كليو بايت
وارفعها على موقع رفع صور وما اكثرهم
وخد اللنك بتاع الصورة من موقع الرفع
وحطه هنا في خانة ادراج صورة في صندوق كتابة المشاركة

[mohammedly]

أ/أحمد أنا عربيتى سحبها بقى بطىء وبتاكل بنزيين زززتفتكر أية؟ انا مش بحرق عليها ولو عملت كدة استهلاك البنزين بيكون ملحوظ قوي

[zaglolo]

ركب بوجيهات تلاته شمعه اليابانى ب 65 جنيه هتقلل سحب البنزين وهتزود سحب العربيه واغسل بوابات البنزين بتاعه المكنه ونضف فلتر الهوا وحط منظف انجكشن وانتا بتحط بنزين ب 14 جنيه من اى بنزينه وان شاء الله هتلاقى فرق كبببببببببييييير

[mmtronic]

و عملت اية بعد ازنك فى موضوع التكيف

هل غيرت الفريون الى فى العربية ولا عملت اية