باركولى جبت افيو كسر الزيرو

[باسم انور]

بصراحة بعد اللف على المعارض وزيادة سعرها قلت انزل اتفرج فى السوق العاشر واشوف الجو اية
المهم----صليت صلاة استخارة ورحت لقيت عربية افيو موديل 2007 كورى وعاملة 8000 كيلو ولونها اسود(ومع انى كنت مش عايز اللون
دة لان كان معايا عربية لونها اسود وكانت بتلم تراب كتير)المهم اتفقت مع صاحبها واشتريتها كان عارضهاب 69000 جنيه نزلت 500 بالعافيه
وختها 68500 بس خلى بالكو من حاجه ان التسجيل بتعها 1420 جنيه علشان هى كورى
ياترى سعرها كده كويس حد يرد عليه مع انها واخده حكه بسيطه فى الباب الخلفى واضح من الركنة

[ahmed]

الف مبروك عليك انا جايبها بنفس السعر ده ونفس عدد الكيلو مترات بتاعك مادام جبتها يبقى ما تسالتش على السعر خلاص وهو ده سعرها فى السوق انا واخدها من واحد صديقى بنفس السعر وكان عايز سبعين قولتله انت بتحلم وكان الكلام ده قبل الزياده ال 2000
ف المهم عشان انا طولت عليك سعرها كده كويس والف مبروك مرة تانيه وربنا يجعل قدمها حلو عليك ويكفيك شرها

بس كويس انك قولتلى على معلومة التسجيل لانى ما سجلتش ومش ناوى حاليا

[باسم انور]

شكرا على ردك الغالى
عارف رحت ركبت انذار تعرف بكام 275 جنيه نوع تايوانى اسمه symphony ركبته عند
مودرن كار لحد دلوقتى كويس

[ahmed]

وقدرت تبص على العربيه و الفرش بيتفك
ده انا نفسى اعمل كده وخايف لحسن يفك الفرش غلط ولا يجرح حاجه ولا يلعب فى دفيرة الكهربا انا زى ما اخدها زى ما هى ما عملتش فيها حاجه

[ahmed]

قولى واصلك الانذار على السنتر يعنى بيفتح الباب من بعيد بالريموت

[باسم انور]

طبعا كان قلبى بيتقطع لكن عايز اقولك هو طبعا فك الباب السواق وكان بيقشر السلك فى الضفيرة
لكن بصراحه رجع كل حاجه زى الاول حتى السرينه الى فى الماتور السلك بتاعه مش باين
انت عارف الميزة انك ممكن تقفل وتفتح العربيه من بعيد انا جربت لانى ساكن فى الدور السابع وفتحت
العربيه وقفلتها من البلكونه وكمان بيحافظ على كالون الباب لانى مابستخدموش خالص
بس بصراحه انا جايب ريموت للمفتاح اطلع عليه نسخه ولا لا مش عارف

[ahmed]

لا طلع ما دام الريموت فيه مفتاح ممكن تعمله للعربيه اعمله يا باشا
وانا عايز ستاذنك انى لما انوى اركب انذار ممكن اكلمك اروح للراجل بتاعك هو فين يا ترى

[باسم انور]

مودرن كار العنوان
29ش سمير عبدالرؤف امتداد مكرم عبيد امام عمر افندى ت 26715074
وربنا يوفقك وانا تحت امرك بس برضه اسال على سعره فى سبير كار برضه وقارن
لانى حاسس انه غالى شويتين عندهم وشكرا على اهتمامك ياغالى

[اسلام المصرى]

ألف مبروك يا أستاذ باسم :) ربنا يباركلك فيها و يعطيك خيرها و يبعد عنك شرها.
ربنا يكفيك شر الطريق.

[Hossam_Hassan]

ألف مبروك، بس الأنذار السيمفونى على حسب ما أعرف مصرى و مش بيزيد عن 150 جنيه

[Sharky]

الف مبروك و ربنا يبارك لك فيها

[fahd_628]

الف مبروووووووووووك يا باشا

[باسم انور]

انا متشكر على ردكم الغالى
ولكن بالنسبه للانذار انا حاسس انه غالى لكن انا قرات العلبه مكتوب عليها بلد الصنع تايوان وبعدين اتصلت سبير كار وقلت لهم عاوز اركب نفس الانذار قالى ب165+25 تمن قربه +50
مصنعيه يعنى فى الاخر السعر قريب من بعضه

[Shiref_mohamed]

الف مبروك يا باشا وربنا يباركلك فيها اخوك شريف

[SEATLOVER]

الف مبروك ..و اللون الاسود جميل فيها و اذا كان على التراب كلة بيلم ..