لكل افيويي قديم

[ivanol84]

السلام عليكم

يارجاله انا فضلت اقرا اقرا اقرا كلام وحش اوي علي الافيو بس كنت خلاص اشتريتها وانا حاسس ان العربية الحمد لله زي الفل فيا رجال الافيو القدامي ممكن حد يشرحلي ايه بالظبط اتاكد منه واعرف اذا كان العيب دا موجود عندي ولا لا

(انا مستلمها يوم 22-4 وعملت بيها 1000 كيلو المشكله الوحيده اني حاسس بس انها بتحدف شمال ) وشكرا مقدما

[samehafez]

انا معايا افيو 2007 كوري .... ماشتكيتش غير من صوت التزييق في العفشه قدام ....بس و خلاص اتعودت عليه
انا اشتريت العربية دي ب 73 الف وقتها في حدود ال المبلغ ده
كان قدامي الافيو و الفيرنا و اللانوس و الواجا
اخترت الافيو و لو رجع بيا الزمن برضه هختار الافيو

و برضه مقدرش اكذب الناس اللي بتشتكي منها لاني شفت بعيني
عربية و احد صاحبي وحشه جدا

الافيو حظوظ

[د.محمود صلاح]

ربنا يحفظهالك ويجنبك مشاكلها

[أشرف العدوي]

طالما انت مش حاسس بمشاكل فيها
يبقى ما تدورش عليها
ربنا يباركلك فيها و يحفظهالك و يبعد عنك المشاكل
استمتع بعربيتك و ما تدورش على المشاكل

[ivanol84]

طالما انت مش حاسس بمشاكل فيها
يبقى ما تدورش عليها
ربنا يباركلك فيها و يحفظهالك و يبعد عنك المشاكل
استمتع بعربيتك و ما تدورش على المشاكل

ماهو انا يا باشا بعد كل مشاركاتك بيني وبينك بدات اصدق كلام والمشكله اني مش عارف فيها مشاكل ولا لا لاني جديد في حوار العربيات دي ولما كنت بسوق كنت بسوق في الخليج(مش محتاجه قلق يعني كنت سايق كامري هااااا ايام ) فا انا كنت عايز اعرف اتاكد من ايه بالظبط الشاءع يعني
وشكرااااا لردك

[Dr Ahmed]

افيويى كلمة غريبة جدا قريتها أفيونى واعتقدت ان الموضوع عن الادمان!

[ivanol84]

المقصود بيها افويي مش عارف اكتبها فكر فيها انت بقة

[Dr Ahmed]

المقصود بيها افويي مش عارف اكتبها فكر فيها انت بقة

ههههههههههههههه اوع تزعل منى انا قلت بصراحة اللى ظنيته
فيه اسماء ماينفعش معاها كده خالص ولا حتى مع اسم البراند ... شيفروليهى !

[أشرف العدوي]

ماهو انا يا باشا بعد كل مشاركاتك بيني وبينك بدات اصدق كلام والمشكله اني مش عارف فيها مشاكل ولا لا لاني جديد في حوار العربيات دي ولما كنت بسوق كنت بسوق في الخليج(مش محتاجه قلق يعني كنت سايق كامري هااااا ايام ) فا انا كنت عايز اعرف اتاكد من ايه بالظبط الشاءع يعني
وشكرااااا لردك

يا استاذي نصيحة ما تحطش في دماغك علشان اي صوت هيطلع هتفتكر ان في مشكله
طالما انت شايف العربية ماشية معاك تمام خلاص احمد ربنا
و ربنا يباركلك فيها و يبعد عنك المشاكل

[yoko]

متدورش على المشاكل ولو حسيت بحاجة غريبه إسأل عنها غير كده متحطش في دماغك

من أفياوي طلع عينة لحد ما باعها
ولو فيه أي حاجة أبو اسر وأنا معاك

[mohammedly]

شوف أنا ان شاء الله هلخصلك الموضوع(أنا معاياaveo 2006 HB كوري)
الحمدلله كويسة بنسبة 80% وبالنسبالى 95% وهقولك مميزاتها وعيوبها
مميزاتها :
واسعة من جوة +عالية عن الارض اكتر من الانوس و الفرنا و زي اللوجان +شيك جدا من جوة مقارنتا الساجا و الانوس و الفرنا و اللوجان +تكيفها ممتاز زي الانوس و الفرنا واحسن من اللوجان +مستوى العزل والنعومة ممتازبالنسبة لعربيات تانية كتيييير ,احسن 1000 مرة من الانوس و الفرنا واللوجان + أشيك من برة مقارنتا بالساجا و الانوس و الفرنا واللوجان + قطع غيارها متوفرة ورخيصه ومعمرة زيها زي الفرنا و الانوس , أحسن من الساجا وده مخلي سعر اعدة البيع بتاعها كويس + العفشة حلوة احسن من الوجان و الفرنا و الانوس بنفس الترتيب + صيانتها سهله عند أي حد بيفهم زيها زي الفرنا و الانوس وأحسن 100 مرة من الساجا و الوجان

وعيوبها:
سحبة العربية تقيلة في الاول مقارنتا الفرنا والساجا واللوجان بنفس الترتيب وزيها زي الانوس + ثبات العربية بعد125 مش حلو زيها زي الفرنا و الانوس والوجان أحسن منهم والساجا معرفش بصراحة +استهلاك البنزين عالى شوية مقارنة مع بالساجا و الفرنا و واللوجان بنفس الترتيب وزيها زي الانوس+ العفشة ضعيفة شوية وزيها زي الانوس والفرنا ,احسنهم الوجان قوية بس ناشفة +موضوع RPM في التقفيل المصرى


يبقا أنت لازم تفاضل بين العربيات حسب انت عاوز أية ,اية المهم عندك ايه قبل أية؟ زى ما أنا قولتلك تقيم العربية 80% وبالنسبالى 95% ولازم تعرف انك بتشترى عربية ب 74000 تقريبا مش ب 100.000 ولا 150.000 وفي الاول والاخر الكمال لله وحده ولو حتى معاك مليونجنية هتحتار بين المرسيدس و bmw وغيرها ويارب يدينا ويوسع علين ونحتار بينهم :)


بس لو هتجيب أفيو بلاااااااااااااااااااااااااااااااااااااااااااااااا اااااش الأفيو المصرى أو هتبقى انت وحظكززز وربنا يوفقك ويارب اكون ساعدتك ززلو الزمن رجع بيا هشتري أفيو [OVERLINE]هاتشباك [/OVERLINE] تانى و الحمدلله

يبقى بعد الكلام دة زي م اللعضاء قالوا استمتع بعربيتك و ما تدورش على المشاكل وفكر في مميزات عربيتك اكتر من عيوبها او المشاكل الفيها والرضا بالمعاك هيخليها أحسن عربية في الدنيا ومن غير مشاكل

[ivanol84]

الف شكر للجميع وشكرا لتعبك يا اخ mohammedly

[ivanol84]

اه علي فكره انا جبت المصرية لان الفلوس كانت مزنقة وربنا يستر

[mido_72]

انا معاى افيو 2007 الشكل الجديد و مش عارف الناس ظالماها هنا ليه

بصراحه انا العربيه ى من الزيرو و دلوقتى 44000 حتى الأن مغيرتش غير تيل فرامل و فلتر هواء و الزيت و فلترالزيت . اللى مستغربله ليه الناس متحامله جدا على الأفيو و على التوكيل رغم انه حصل معاى تجربه فى اول سنه فى العربيه كان صوت التكييف عالى شويه فرحت للتوكيل و قالى هو مش عيب فى التكييف لكن لو الصوت مضايقك ممكن نغيرلك Compressor
و فعلا غيروه فى الضمان فى نفس اليوم و من غير اى مشاكل او حورات و لا دفعت و لا مليم.
و اخر مره عملت صيانه ال40,000 كم دفعت 470 جنيه بس رغم انى كنت متوقع اكتر من كده
. على فكره انا حاليا معاى النترا 2008 لكن الأفيو مبعتهاش هى لسه مع مراتى و زى الفل .
تكييفها حلو سحبها كويس و مالهاش مشاكل حتى الأن الحمدالله.
انابس حسيت بفرق لما ركبت الأنترا لأن الفتيس و الباور بتاع الأنترا انعم طبعا. بس ده مايعيبش الأفيو لان الفئه مختلفه و ماينفعش نقارن دى بدى. المفروض تتقارن بالأوبترا
اخيرا للأمانه العلميه عاوز اقول ان الأفيو اللى معاى كورى مش تجميع مصرى .انا مجربتش التجميع المصرى مشاكله ايه.

[akram2011]

الافيو . . . . . كبير وربنا ياخد اللى اخترعها


ممنوع استخدام الفاظ غير لائقه او خارجه عن الادب العام

10/5/2010
4:47 Pm

مشرف 12 ب