حبيت اشاركم في تصليح حادثة الافيو

[samehafez]

الحمد لله .... قدر الله و ما شاء فعل
كنت ماشي علي الدائري قريب من بنزينة امارات مصر ... علي الحارة الشمال و فوجئت بسيارات متوقفه و لم يسعفني الوقت لاضغط الفرامل في وقت مناسب و اصطدمت بالسيارة التي امامي شيفروليه الدبابة


اللي حصل بعد كده كان خير طبعا نزلت اول حاجة سالت اللي قدامي انو كويسين .. الراجل لم شافني سالت كده ...قعد يعرض عليه خدماته و اي خدمه
المهم قلتله وصلني للحي السادس
و ربطنا العربيتين و نزلنا منزل الاوتوستراد و هوب الحبل قطع ... فنزلت نربطه فسالني الراجل لنل رايح لمين في الحي السادس قلتله اي ورشه انا معرفش حد ... اللراجل قاللي انه سمكري و عنده ورشه في احمد سعيد
المهم .... نيجي للجزء المهم و اللي اتمني ان لو حد حصلله موقف زي ده لاقدر الله انه يستفاد بالموضوع ده

انا اشتريت الاجزاء التاليه لاستبدالها

كبوت 320
اكصدام امامي 270
شبكة امامي 120
علامة شيفرولية 20
رادياتير 420
قربة باور 130
كلاكس 75
بطاريه 300
رفايع 50

اجرة بتاع الرادياتير 20 جنيه
اجرة الكهربائي 25 جنيه
اجرة الميكانيكي 0 هو جه استشاره فقط عشان كان فيه دخان كثيف لما دورنا و ده كان بسبب زيت الباور اللي وقع علي الموتور

السمكري مرضاش ياخد فلوس و حلف باغلظ الايمان ما ياخد مليم و في الاخر سبتله 200 جنيه و طلعت اجري و اتصل بيا يهزئني علي اللي انا عملته .... و ان كده عيب
بس بصراحة كفايه زوقه و اخلاقه
و الموضوع ده خد من يوم الخميس الساعة 6 الي الجمعة الساعة 9

و الحمد لله واقف علي الرش ... بس مش مستعجل الحاجات نفس لون العربيه بس مطفي
و ربنا يبعد عنكم الحوادث ...

[abou-yahia]

حمدلله علي السلامه ربنا يرزقك خيرها ويبعد عنك شرها بأذنه ان شاء الله , قدر الله وماشاء فعل والحمدلله ربنا رزقك بحد نحسبه علي خير ان شاء الله .
فعلا الدائري ده بقه المشي عليه الواحد بيعمل حسابه منه علي الاخر والواحد مبيبقاش عارف يمشي علي الشمال ولا اليمين ربنا يسلم انشاء الله .

[M7amD_7amDy]

قدر الله وما شاء فعل ألف سلامة لحضرتك والمهم انك بخير

[solycar]

المهم انك بخير و مش مهم اى حاجة تانية


بس الاسعار اللى انت كاتبها دى استيراد ولا استعمال ؟؟

[Dr_Smart]

حمد الله على سلامتك والحمدلله قدر ولطف

هو حضرتك اشتريت الاجزاء اللي غيرتها دي منين ؟ هي استيراد مش كده ؟

[hugan]

الحمد لله انك بخير
ليا ملاحظه الاسعار تعتبر رخيصه مش غاليه يعني كبوت ب320جنيه كويس ولا الاسعاردي استيراد

[samehafez]

الحاجات دي جديده بكرتونتها ...
انتم قصدكم الاستيراد دي بتكون العربات المتقطعه
؟؟؟؟
هي الحاجات دي جديده تايواني ... علي فكره ده نفس اللي في التوكيل لاني غيرت اكصدام خلفي من فتره في التوكيل بس الاسعار في التوكيل حاجة تانيه

الاسعار دي من شارع احمد سعيد ...
ما عادا قربة الباور gm اصلي

[Hosam_Optrawy]

حمد الله على السلامه

[samehafez]

الله يسلمكم جميعا ... و الحمد لله
و مش كل حاجه تبان وحشه تبقي وحشه .....دايما فيه فايده
انا رحت التوكيل قبل كده عشان تغيير اكصدام و سمكرة رفرف
دفعت 2200 جنيه
و لو كنت رحتلهم في الحادثة دي كنت دفعت 5000 جنيه

الحمد لله عرفت اماكن التجار في احمد سعيد و الحرفيين ...
و الحمد لله الاخ السمكري اللي كان معايا ....كان بيروح معايا اي محل ... و كان بينصحني بالاماكن اللي اجيب منها الحاجة رخيصه
الحمد لله و اتمني اني اكون افدت اي حد

[ابو فرح]

المهم انك بخير و مش مهم اى حاجة تانية

[ahmed643]

حمد لله على سلامتك يا باشا

[Eng_Mostafa_89]

الحمد لله انها بسيطة

[ahmed]

الف حمد الله على السلامة فداك اى حاجة والله المهم انك طلعت منها سليم وفى داهية شوية الحديد اللى انت غيرتهم وربنا يسترها معانا واحنا ماشيين
بس ياريت تقولنا اماكن الناس اللى فى احمد سعيد وايه اللى جيبته من احمد سعيد وايه اللى جيبته من الحرفييين وهل الاكصدام هو هو زى الاصلى ولا تقليد وربنا يجعلها اخر مرة تجيب الحاجات دى انشاء الله

[samehafez]

الله يسلمكم جميعا و شكرا علي شعوركم الطيب .....
بس بجد انا كنت مرعوب ... من منظر العربية ... و الحمد لله انها خلصت في 24 ساعة

ربنا ما يكتبها علي حد

بس لو لا قدر الله حد محتاج اي حاجة انا في الخدمة
و بالنسبة لاماكن المحلات
في احمد سعيد .... محلات كتير هتلاقيهم حاطين علامة شييفروليه
بس اكيد اكيد هتلاقي الحاجة اللي انت عاوزها عند محل اسمه الفرسان تقريبا .....
انا جبت كل الحاجة من احمد سعيد
لكن قربة الباور ملقتهاش .... لانها حاجة مبتتغيرشي ... فمش موجوده ... و كل الناس قالتلي انزل الحرفيين و هاتها استيراد من اي محل حاطط نص عربية افيو قدامه
و سبحان الله الحاجة اللي رحت الحرفيين عشان اجيبها استيراد
ملقتهاش ... دخلت محل قاللي لسه فاككها لواحد
جبتها gm اصلي بالصدفه
الراجل صاحب المحل قاللي انت انقذتني ... لانها عنده مش لاقيلها بيعه

الحمد لله ....

[amr_o0o]

. . . . . . . .


ممنوع وضع إعلانات تجارية أو عروض مباشرة أو غير مباشرة، سواء كانت كتابية أو على شكل صور أو على شكل استطلاع أو تقييم، في التوقيع أو على صفحات المنتدى أو مكان الصورة الشخصية أو بالملف الشخصي أو الرسائل الخاصة أو رسائل الزوار أو بأي طريقة أخرى دون الاتفاق مع إدارة المنتدى بشكل مباشر

12/5/2010
1:17 am

مشرف 12 ب