قلقانه من شراء الاوبترا 2008

[meramor81]

السلام عليكم ورحمه الله وبركاته

انا لاول مره هاشترى عربيه انشاء الله وكنت مقتنعه جدا بالاوبترا بس بعد اللى قريته عنها خفت جدا منها طبعا انا عارفه ان العربيه كاموتور ممتازة بس العيب الوحيد اللى فيها ان صجها خفيف ورق
واقل خبطه بتتدمر شكلها اللهما اكفينا شر الطريق جميعا وطبعا انتم عارفين السواقه فى مصر والزحمه عاوزة عربيه طبعا متينه ففى ناس قالتلى النيسان الصنى 2008 افضل بكتيرررررر من الاوبترا من حيث الصاج والشكل من الداخل افخم فما رئكيكم ارجوكم افيدونى لانى ليس لدى خبرة

[hogobingo]

انا معرفش معلومات كتيره عن الصنى لأنى مركبتهاش بس موضوع الصاج ده اغلبه كلام فقط فانا اعرف حسب معلوماتى ان كل تلك السيارات بتستخدم نفس الصاج بنفس سمك الصاج ما عدا الغربيات التانيه زى المرسيدس والبى ام دبليو الغاليه الثمن اللى السى سيهات فيها اكبر اما الفروق بين العربيات بتعاتنا دى فبيختلف حسب الدعامات الداخليه للصاج مش الصاج نفسه حيث ان السيارات الحديثه كلها التى 2000 سى سى وانتى نازله بتعتمد فى عزمها وسرعتها وقله احتياجها لبنزين وقله احتياجها لسيسيهات عاليه على قله وزن الموتور والصاج بتاع العربيه وده طبعا بشكل عام ... اما كون صاج الأوبترا وخاصه الكبوت سهل الضغط عليه فده فقط لغياب دعامه تحت الكبوت

اما عن الفرق بين الصنى والأوبترا من حيث الصالون فأن وسع العربيه وشياكتها من الداخل فده لصالح الأوبترا مش الصنى

اما عن موضوع التخبيط ده فكل العربيات بتتخبط الخبطات المعهوده وربنا يستر علينا كلنا ويبعدنا عنها بس انا حسب معلوماتى واللى بشوفه فأن البنات عموما برغم من سواقتهم اللى زى الفل دى فى الشوارع فهم محظوظين واكثر حرصا فهم اكثر الناس خبطات عاديه واقل الناس خبطات مميته فلا تقلقى

وعلى العموم انا يمكن أقدر افيدك فى الموضوع ده فانتى تمريين بأمر انا مررت به منذ 6 أشهر شوفت فيها اغلب العربيات التى تترواح ما بين 60000 الى 120000 ومريت على أغلب المعارض الكبيره منها والصغيره حيث اننى من النوع الذى يسأل ويستشير ثم يعيد التفكير ويعيد الأسئله وهكذا ودائما بعد العديد من المقارنات وصلت الى اوبترا او افيو وقد اخذت بعين الاعتبار السعر المتانه التوكيل قطع الغيار الصيانه البنزين و...... جلال علام ..! :-)

لكن ده من وجهه نظرى واحتياجاتى لان طبعا كل واحد فينا له احتباجات مختلفه عن التانى وقد بحثت على النت والمواقع الأجنبيه وشروط السلامه واختبارات التصادم وعناصر الأمان وكل ما تتخيليه (بجد واضح انى انا موسوس) لدرجه ان دلوقت لما بيجى واحد من صحابى يشترى حاجه بيسألنى عليها ... وكمان بقت عارف اغلب البنوك وتعاملتها وقصص التأمين والضمانات وكل صغيره وكبيره..

المهم انا دلوقت استقريت على الأوبترا2008 مانيوال وده لأنى بحب المانيوال اكتر ومحدش يعلق ويقولى ليه دى حريه شخصيه

[mina_ramsis]

الصنى ليها مميزات و الاوبترا ليها مميزات انا عندى دلوقتى اوبترا اوتوماتيك و كنت في نفس الحيرة من حوالى 6 اشهر او اكتر شويه بس للعلم العربيتيين كبار فى الحجم اوى يعنى لو السواقة نص نص بلاش منهم هما الاثنين نبتدى بالصنى على قد معلوماتى
المميزات
موتور و جير بوكس يابانى
الصاج اجمد من الاوبترا
العيوب
تقفيل مصرى
شكل قديم مش موجود فى اى دوله تانية و الشكل الجديد موجود فى مصر دلوقتى خليجى ( يابانى تقفيل كورى )
تكنولوجيا قديمه
سعر اعادة بيع اقل من الاوبترا
العربية يقال انها واطية و بتحك فى المطبات
نيجى للاوبترا
المميزات
تقفيل كورى محترم
عالية ما بتحكش فى المطبات
سعر اعادة بيع اعلى من الصنى
تكنولوجيا و شكل احدث من الصنى ( الموتور هو الجيل الثانى لموتور النوبيرا Etech II )
العيوب
الصاج ضعيف
العفشة ناشفة ( نفس الموضوع موجود فى الصنى و يمكن اكتر )
فيه فى موديل 2006 مشكله فى علبة الدريكسيون و اتغيرت فى التوكيل ببلاش بس الصراحة المشكله ديه مش عندى
عندى مشكله تانية عندى فى بخار البنزين و مكسل اعملها مستنى لما اعمل صيانة ال 10000 كيلو
بالنسبة للمساحة الداخلية الاوبترا اوسع من الصنى فى الكابينة و خصوصا عند الكنبة اما الصنى اوسع من الاوبترا فى الشنطة

[Ahmed Samy]

أنا بصراحة ما بحبش الأوبترا دي لأنها :
أولا السيارة لا يوجد بها أي نوع من عوامل الأمان
ثانيا السيارة من أبناء شيفروليه غير الشرعيين (لأنها أساسا عربية تانية)
ثالثا صالونها سيء سيء مافيهوش ولا تنيه و لا حوده ولا حاجه زي مايكون المهندس اللي صممه كان عنده ظروف فعمل أي حاجه و السلام
رابعا ثبات السيارة عادي أو متواضع كمان
خامسا اعلان احمد حلمي و منى زكي ده لوحده كافي لعدم شراءها

[meramor81]

انا معرفش معلومات كتيره عن الصنى لأنى مركبتهاش بس موضوع الصاج ده اغلبه كلام فقط فانا اعرف حسب معلوماتى ان كل تلك السيارات بتستخدم نفس الصاج بنفس سمك الصاج ما عدا الغربيات التانيه زى المرسيدس والبى ام دبليو الغاليه الثمن اللى السى سيهات فيها اكبر اما الفروق بين العربيات بتعاتنا دى فبيختلف حسب الدعامات الداخليه للصاج مش الصاج نفسه حيث ان السيارات الحديثه كلها التى 2000 سى سى وانتى نازله بتعتمد فى عزمها وسرعتها وقله احتياجها لبنزين وقله احتياجها لسيسيهات عاليه على قله وزن الموتور والصاج بتاع العربيه وده طبعا بشكل عام ... اما كون صاج الأوبترا وخاصه الكبوت سهل الضغط عليه فده فقط لغياب دعامه تحت الكبوت

اما عن الفرق بين الصنى والأوبترا من حيث الصالون فأن وسع العربيه وشياكتها من الداخل فده لصالح الأوبترا مش الصنى

اما عن موضوع التخبيط ده فكل العربيات بتتخبط الخبطات المعهوده وربنا يستر علينا كلنا ويبعدنا عنها بس انا حسب معلوماتى واللى بشوفه فأن البنات عموما برغم من سواقتهم اللى زى الفل دى فى الشوارع فهم محظوظين واكثر حرصا فهم اكثر الناس خبطات عاديه واقل الناس خبطات مميته فلا تقلقى

وعلى العموم انا يمكن أقدر افيدك فى الموضوع ده فانتى تمريين بأمر انا مررت به منذ 6 أشهر شوفت فيها اغلب العربيات التى تترواح ما بين 60000 الى 120000 ومريت على أغلب المعارض الكبيره منها والصغيره حيث اننى من النوع الذى يسأل ويستشير ثم يعيد التفكير ويعيد الأسئله وهكذا ودائما بعد العديد من المقارنات وصلت الى اوبترا او افيو وقد اخذت بعين الاعتبار السعر المتانه التوكيل قطع الغيار الصيانه البنزين و...... جلال علام ..! :-)

لكن ده من وجهه نظرى واحتياجاتى لان طبعا كل واحد فينا له احتباجات مختلفه عن التانى وقد بحثت على النت والمواقع الأجنبيه وشروط السلامه واختبارات التصادم وعناصر الأمان وكل ما تتخيليه (بجد واضح انى انا موسوس) لدرجه ان دلوقت لما بيجى واحد من صحابى يشترى حاجه بيسألنى عليها ... وكمان بقت عارف اغلب البنوك وتعاملتها وقصص التأمين والضمانات وكل صغيره وكبيره..

المهم انا دلوقت استقريت على الأوبترا2008 مانيوال وده لأنى بحب المانيوال اكتر ومحدش يعلق ويقولى ليه دى حريه شخصيه

ميرسى لردك والعربيات عموما واجهات نظر بس عن نفسى صالون الاوبترا مابيعجبنيش يمكن موديل 2009 احسن بكتير لكن 2008 تحسه قديم ومشكور لردك

[meramor81]

الصنى ليها مميزات و الاوبترا ليها مميزات انا عندى دلوقتى اوبترا اوتوماتيك و كنت في نفس الحيرة من حوالى 6 اشهر او اكتر شويه بس للعلم العربيتيين كبار فى الحجم اوى يعنى لو السواقة نص نص بلاش منهم هما الاثنين نبتدى بالصنى على قد معلوماتى
المميزات
موتور و جير بوكس يابانى
الصاج اجمد من الاوبترا
العيوب
تقفيل مصرى
شكل قديم مش موجود فى اى دوله تانية و الشكل الجديد موجود فى مصر دلوقتى خليجى ( يابانى تقفيل كورى )
تكنولوجيا قديمه
سعر اعادة بيع اقل من الاوبترا
العربية يقال انها واطية و بتحك فى المطبات
نيجى للاوبترا
المميزات
تقفيل كورى محترم
عالية ما بتحكش فى المطبات
سعر اعادة بيع اعلى من الصنى
تكنولوجيا و شكل احدث من الصنى ( الموتور هو الجيل الثانى لموتور النوبيرا Etech II )
العيوب
الصاج ضعيف
العفشة ناشفة ( نفس الموضوع موجود فى الصنى و يمكن اكتر )
فيه فى موديل 2006 مشكله فى علبة الدريكسيون و اتغيرت فى التوكيل ببلاش بس الصراحة المشكله ديه مش عندى
عندى مشكله تانية عندى فى بخار البنزين و مكسل اعملها مستنى لما اعمل صيانة ال 10000 كيلو
بالنسبة للمساحة الداخلية الاوبترا اوسع من الصنى فى الكابينة و خصوصا عند الكنبة اما الصنى اوسع من الاوبترا فى الشنطة

مشكورر لردك ومعلوماتك

[meramor81]

أنا بصراحة ما بحبش الأوبترا دي لأنها :
أولا السيارة لا يوجد بها أي نوع من عوامل الأمان
ثانيا السيارة من أبناء شيفروليه غير الشرعيين (لأنها أساسا عربية تانية)
ثالثا صالونها سيء سيء مافيهوش ولا تنيه و لا حوده ولا حاجه زي مايكون المهندس اللي صممه كان عنده ظروف فعمل أي حاجه و السلام
رابعا ثبات السيارة عادي أو متواضع كمان
خامسا اعلان احمد حلمي و منى زكي ده لوحده كافي لعدم شراءها

قلقنى جدا كلامك بس انا معاك ان عدم وجود عوامل امان ده شىء سىء جدا وخصوصا ان كل الجديد فيه عوامل امان بس يعنى ايه غير الشرعيين دى مش فاهمها
وصلونها فعلا مابيعجبنيش ودة من تانى عيب فيها بعد الصاج الخفيف لكن اعتقد لن الثبات على الارض ممتاز واضح انك بتكره النوع ده من العربيات بس معظم الناس بيشكروا فيها عموما وجهات نظر طيب ايه رايك فى الصنى او اى العربيات اللى فى حدود ال90 الف او 95 وحلوة ياريت تفدنى

[ramyfawzy]

من وجهة نظري اعتقد ان السعر اللى انتى محدداه ممكن يجيبلك :

تويوتا ياريس جميع الكماليات (1300 سي سي - واسعة جدا - شكل مقبول - تقفيل وخامات ممتازة - ABS + Air Bags وكفاية انها تويوتا) ياباني 100%

هوندا سيتى (1300 سي سي - شكل جميل وكماليات كتيرة وبرضه كفاية انها هوندا) تايلاندي

هيونداي الينترا (1600 سي سي - جميع الكماليات - شكل فخم وجميل - كوري)

وطبعا لانسر 2008 بس الشكل القديم (1300 سي سي - جميع الكماليات - AIR Bags) ياباني

ونصيحة اخوية : خليكي في السي سي القليل عشان استهلاك البنزين وطبعا الاتوماتيك يكون افضل ليكي وترشيحي كالتالى:

1 - ياريس
2- لانسر 2008 (الشكل القديم)
3- هوندا سيتي

رامي (ابو احمد)

[hazem_khidr]

رايي من راي الاستاذ رامي
الاوبترا كبيره اوي و كمان شكل قديم
خليكي في الياريس و عندك اسعار من اول 83 الف لحد 105 الف حسب نوع الكماليات اللي فيها.
غير كده تويوتا و تقفيل ياباني و استهلاك بنزين مفيش و قطع غيار مش غاليه و معقوله.

[mina_ramsis]

أنا بصراحة ما بحبش الأوبترا دي لأنها :
أولا السيارة لا يوجد بها أي نوع من عوامل الأمان
ثانيا السيارة من أبناء شيفروليه غير الشرعيين (لأنها أساسا عربية تانية)
ثالثا صالونها سيء سيء مافيهوش ولا تنيه و لا حوده ولا حاجه زي مايكون المهندس اللي صممه كان عنده ظروف فعمل أي حاجه و السلام
رابعا ثبات السيارة عادي أو متواضع كمان
خامسا اعلان احمد حلمي و منى زكي ده لوحده كافي لعدم شراءها

كلام حضرتك بخصوص ثبات العربية يدل ان حضرتك ما سوقتش العربية او ركبتها من اساسه اما بخصوص الاعلان فانا فعلا بنتقد الاعلان ده جامد مش عشان منى زكى و لا احمد حلمى بس علشان اللى عمل الاعلان ده مأخدش باله من اساسيات التسويق فى مجال السيارات
اما بخصوص عوامل الامان فعلا العربية الاوبترا مافيهاش بس الصنى نفس النظام ما فرقتش كتير
على فكرة الاوبترا وزنها 1240 كيلو

[hogobingo]

السلام عليكم ورحمه الله وبركاته

كلام حضرتك بخصوص ثبات العربية يدل ان حضرتك ما سوقتش العربية او ركبتها من اساسه اما بخصوص الاعلان فانا فعلا بنتقد الاعلان ده جامد مش عشان منى زكى و لا احمد حلمى بس علشان اللى عمل الاعلان ده مأخدش باله من اساسيات التسويق فى مجال السيارات
اما بخصوص عوامل الامان فعلا العربية الاوبترا مافيهاش بس الصنى نفس النظام ما فرقتش كتير
على فكرة الاوبترا وزنها 1240 كيلو

+1

فعلا العربيه ثابته ووزنها 1240 وده كلام حقيقى ومن جوه جميله مش مبهرجه وخلاص تحسها عربيات دبلوماسى وخصوصا الأسود منها وعلى العموم مسأله الشكل دى ازواق لكن موضوع الأتزان ده اكيد فعلا انت ما جربتهاش وكمان هى فيها عامل امان وهو القضبات الحديديه من الأجناب ومصفحه من تحت

[sab3aawy]

ملحوظة سريعة من مالك سيارة صانى وادعى انى الى حد ما بفهم فى السيارات

بلاحظ ان ناس كتير جدا لما بتيجى تقارن بين الأوبترا والصنى بتحط كلمة (تكنولوجيا قديمة) مرتبطة بالعربية الصنى

فهل يتفضل واحد ويقول لى ايه القديم فى تكنولوجيا الصنى؟

هل هو المحرك ؟ لا اعتقد لأن محركها الجيل الحالى من الصنى المسمى Qg16de احدث فى التصميم من محرك الأوبترا اللى هو محرك الفيكترا من الجيل السابق،

هل هو كارت تشغيل المحرك؟ لا اعتقد لأنه يعمل بنظام Obd 2 وهو نظام كل السيارات من نفس الفئة حتى الآن فالأنظمة الأحدث مثل Can غير مطروحة سوى فى السيارات الفاخرة جدا

هل هو نظام الجر ، برضه لا اعتقد ان الأوبترا تمتلك نظام جر احدث فأنظمة الجر لم تطرأ عليها تطويرات جذرية فى هذة الفئة منذ الثمانينات، واذا كنا بنتكلم عن الجير الأوتوماتيك فالإتنين بنظام الجير الأوتوماتيكى ذو التروس الكوكبية اللى متغير من خمسينات القرن الماضى سوى فى زيادة عدد النقلات ونظام التحكم الإلكترونى وهو موجود فى العربيتين، لكن لا دى ولا دى فيها الجير بوكس الcvt وبالتالى فنظام الجر واحد فى الإتنين

هل هو نظام التعليق؟ المكفرسون اللى فى الصنى ميفرقش كتير عن المكفرسون اللى فى الأوبترا ميفرقش كتير عن المكفرسون اللى فى ال128

يبقى لنا فى النهاية ان الأوبترا تحمل شكلا اقرب للموضة الحالية فى التصميم، وانا شخصيا لما اكون بقارن بين عربيتين كل الفرق فى التكنولوجيا بينهم ان واحدة فيهم فوانيسها على شكل الدمعة والتانية فوانيسها حوافها حادة، هذا لا يعطينى الجرأة انى اقول ان تكنولوجيا واحدة فيهم احدث من التانية، وإلا اكون مبالغ جدا

تبقى لدينا ملاخظة بسيطة، ان الصنى الحالية اول ظهورها 2002 بتكنولوجيا جيلها ، والأوبترا اول ظهورها سنه 2004 تحت اسم دايو لاسيتى بتكنولوجيا الجيل السابق من اوبل

انا شايف ان الفرق بين العربيتين هو فرق مدارس، يعن الصنى تنتمى الى المدرسة اليابانية قلبا وقالبا، والأبترا تنتمى الى مدرسة جنرال موتورز اوروبا مع لمسة كورية ، وبالتالى الميال للمدرسة اليابانية الصنى افضل له والميال لمدرسة جنزال مورتورز اوروبا عليه بالأوبترا

اما حكاية فرق التكنولوجيا دى فلا محل لها من الإعراب نهائيا

[meramor81]

من وجهة نظري اعتقد ان السعر اللى انتى محدداه ممكن يجيبلك :

تويوتا ياريس جميع الكماليات (1300 سي سي - واسعة جدا - شكل مقبول - تقفيل وخامات ممتازة - ABS + Air Bags وكفاية انها تويوتا) ياباني 100%

هوندا سيتى (1300 سي سي - شكل جميل وكماليات كتيرة وبرضه كفاية انها هوندا) تايلاندي

هيونداي الينترا (1600 سي سي - جميع الكماليات - شكل فخم وجميل - كوري)

وطبعا لانسر 2008 بس الشكل القديم (1300 سي سي - جميع الكماليات - AIR Bags) ياباني

ونصيحة اخوية : خليكي في السي سي القليل عشان استهلاك البنزين وطبعا الاتوماتيك يكون افضل ليكي وترشيحي كالتالى:

1 - ياريس
2- لانسر 2008 (الشكل القديم)
3- هوندا سيتي

رامي (ابو احمد)

استاذ رامى مشكور كتير بس انت زودت الحيره بالعربيات الكتير دى اختار اى عربيه انا امبارح لفتت نظرى جدا الجين 2 بس خوفى انها ماليزى

[meramor81]

مشكور استاذ سبعاوى على التوضيح ده وبجد كلامك كل افاده ليه وواضح ان الصنى افضل

[zozza]

قلقنى جدا كلامك بس انا معاك ان عدم وجود عوامل امان ده شىء سىء جدا وخصوصا ان كل الجديد فيه عوامل امان بس يعنى ايه غير الشرعيين دى مش فاهمها
وصلونها فعلا مابيعجبنيش ودة من تانى عيب فيها بعد الصاج الخفيف لكن اعتقد لن الثبات على الارض ممتاز واضح انك بتكره النوع ده من العربيات بس معظم الناس بيشكروا فيها عموما وجهات نظر طيب ايه رايك فى الصنى او اى العربيات اللى فى حدود ال90 الف او 95 وحلوة ياريت تفدنى

لو بتحبي الهاتش باك جربي تركبي السيريون اوتوماتيك
ب 90 الف (اوتوماتيك + 2 اير باج + 1500 سي سي + جنوط + سبويلر + زجاج و مرايات كهرباء + 100% ياباني + ثبات عالي علي الطريق + ما بتحكش في المطبات خالص)
ب 86 الف (اوتوماتيك + 2 اير باج + 1300 سي سي + جنوط + سبويلر + زجاج و مرايات كهرباء + 100% ياباني + ثبات عالي علي الطريق + ما بتحكش في المطبات خالص) توفير في البنزين رهيب