لغز اسمة الافيو

[hanycapoo]

السلام عليكم انا عايز اجيب افيو ناس قالتلى اوعى انت بترمى فلوسك وناس قالتلى اتكل على الله وناس التزمت الصمت .. فمبقتش عارف اعمل اية اجيب المصرى والا الكورى اجيب العربية والا لا فقولت مفيش غير حبايبى اللى هنا فى المنتدى هما الخبرا اللى هيدلونى بكل امانة علما بانى عايز اجيب واحدة تبقى مستعملة يعنى 2006 او 2007 وشكرا ليكم يا رجالة

[د.محمود صلاح]

فيه اجمااااع من الناس هنا على مشاكل الأفيو مع التوكيل .... انتظر الردود

[manchestr]

توكل على الله

[mmtronic]

:u_thin1[1]:السلام عليكم انا عايز اجيب افيو ناس قالتلى اوعى انت بترمى فلوسك وناس قالتلى اتكل على اللة وناس التزمت الصمت .. فمبقتش عارف اعمل اية اجيب المصرى والا الكورى اجيب العربية والا لا فقولت مفيش غير حبايبى اللى هنا فى المنتدى هما الخبرا اللى هيدلونى بكل امانة علما بانى عايز اجيب واحدة تبقى مستعملة يعنى 2006 او 2007 وشكرا ليكم يا رجالة :s_thum1[1]:

الموضوع لا لغز و لا حاجة

الافيو 2007 تكاد تكون بدون عيوب خصوصا انها كانت بداية الموديل و منطقيا لازم تكون كويسة علشان تنافس

اما طبعا من 2008 الى الان فحدث و لا حرج على البلاوى و المصايب الى موجودة سواء فى الكورى او المصرى و الى فى اعتقادى سببها الاساسى التوكيل و السياسات الخفية و الغير نظيفة مع الشركة الام

فلية تقرف نفسك فى بعربية - كل امكانياتها هية شكلها فقققققققققققققط و الوكيل بيلعب على كدة بيبيع الشكل للناس لانة عارف انة حلو و النتيجة عربية معدومة الكماليات بالمقارنة بباقى فئاتها و ياريتها بينزلها سليمة لا و يكسب اكتر من قطع الغيار المضروبة الى بيركبها لمعالجة قطع الغيار المضروبة الى مركبها المصنع سواء كورى او مصرى

فانت عايز تشترى عربية جديدة تريحك مش تعكنن عليك كل ما تركبها

[eng_sherif_00]

انا معايا افيو كورى 2009 عامل بيها 45000 والحمد لله زى الفل كل الى غيرته تيل امامى وبوجيهات وفلتر بنزين مرتين وفلتر هوا وفلتر تكيف مرة وده طبيعى وراضى تماما عن السيارة ومعايا ثلاثة صحابى كمان جيبنها 2008 و2010 بس الكل الكور وانا انصحك بيها والله انا شايف انها افضل منافسيها فى هذه الفئة ولو محتاج اى سؤال انا تحت امرك

[hanycapoo]

الف شكر يا رجالة طيب اية نظام قطع الغيار؟؟؟

[tareksh]

انا كان معايا افيو 2008 وعملت بيها حادثة بسبب ان العربية فراملها مش كويسة

والفرامل مش مناسبة لخفة وزن العربية فتلاقى فرامل العربية ماتسعفكش ساعة ماتحتاجها

وفى الاخر بعتها والشهر الى فات الى اشتراها عمل بيها حادثة تانى بردة بسبب الفرامل

غير ان تكيفهها مش هاقولك بيقلل سحب العربية انما بيخنق العربية وتلاحظ فى الصيف

اى عربية افيو ماشية على جانب الطريق بتكون قافلة الشبابيك يعنى مشغلة التكييف

ومش قادرة تمشى (النصيحة لوجه الله )

[أشرف العدوي]

شيل الفكرة دي من دماغك
انت بتشتري عربية تريحك مش انت الي تريحها و كل يوم توديها لبيتها تقعد مع اخواتها ( التوكيل )

[akram2011]

الراجل دة بيتكلم صح 100 فى 100

انا كان معايا افيو 2008 وعملت بيها حادثة بسبب ان العربية فراملها مش كويسة

والفرامل مش مناسبة لخفة وزن العربية فتلاقى فرامل العربية ماتسعفكش ساعة ماتحتاجها

وفى الاخر بعتها والشهر الى فات الى اشتراها عمل بيها حادثة تانى بردة بسبب الفرامل

غير ان تكيفهها مش هاقولك بيقلل سحب العربية انما بيخنق العربية وتلاحظ فى الصيف

اى عربية افيو ماشية على جانب الطريق بتكون قافلة الشبابيك يعنى مشغلة التكييف

ومش قادرة تمشى (النصيحة لوجه الله )

[akram2011]

حرام عليك اوعى تشتريها نصيحةةةةةةةةةةة
بترمى فلوسك والله العظيم

[m.basha]

وانا برده يا باشا راى كده فكك منها ودور على حاجة تانية ابعد عن الشر و غنيله

[bebo_abdeldayem]

انا مجربتش الافيو ... بس انا لو مكانك يبقي ليه أخاطر اصلا بعد لما سمعت كل الكلام ده؟؟

[bisar]

لا حول ولا قوة الا بالله.... أيه يا جماعة هو فى أيه أنا قريت تقريبا معظم التعليقات اللى أتقالت على الأفيو ومش عارف بصراحة أيه سببها ؟؟؟؟
أنا معايا الحمد لله معايا ...
1-تويوتا كرولا 1.3 موديل 2005
2- شيفروليه أفيو 1.5 موديل 2007 كورى
3-رينو كليو 1.2 موديل 2003
4-دايو لانوس 1.5 موديل 2000
ترتيب العربيات دى من الأحسن والأمتن والأفخم والأعتمادية والأقتصادية فى البنزين... هو كما كو مكتوب وأى حد عايز أى نصيحة فعلية أنا فى الخدمة
على فكرة كان معايا أكسنت 1.3 موديل 1998 ولسة بايعها من شهر

[mmtronic]

لو بدور على اسباب للتعليقات الى اتقالت عن الافيو و توكيلها

دى احد الاسباب

http://www.nilemotors.net/Nile/151268-2010.html