هل شيفروليه 2010 تلاشت عيوب 2007-2008 ام لا ؟

[farewell]

السلام عليكم ياجماعه

اريد مشاركتكم في ابداء الراي مع جميع التعديلات التي اضافتها شيفروليه 2010 وهل اصبحت سياره يمكن شراؤها مه هذه الماصفات ام هناك عيوب

اريد الرد لنكمل الموضوع ؟؟؟

[Hosam_Optrawy]

حضرتك تقصد انهى عربيه بالظبط ؟

وايه هى الاضافات وايه هى العيوب ؟

[ahmedegypt]

حضرتك تقصد انهى عربيه بالظبط ؟

وايه هى الاضافات وايه هى العيوب ؟

+111111111

[د.محمود صلاح]

بالنسبة لو تقصد الأوبترا والأفيو .. لا جديد

[farewell]

شكرا ياجماعه علي الرد انا اقصد شيفروليه اوبترا لان يعتبر هي السياره التي حققت مبيعات جيده خلال الفتره السابقه
اما بالنسبه لافيو هي سياره لم يتم فيها فيها تغير كما انها اكثر سياره استهلاك للبنزين ومن وجهه راي ان اوبترا مانيوال افضل من اوتوماتيك كااستهلاك بنزين وافضل في السرعه نريد اضافات اكثر

[farewell]

طيب تنصح باايه لو معاك 83000 تجيب عربيه غير الاوبترا

[د.محمود صلاح]

الأوبترا بالذات مكانش فيها مشاكل او عيوب متفق عليها , توكل على الله لو عاجباك

[Hosam_Optrawy]

لو هاتجيبها هاتها اوتوماتيك مش مانيوال

الاوتوماتيك افضل وأريح

وفرق استهلاك البنزين مش للدرجه اللى انت متخيلها

انت ممكن تعمل استهلاك بالاوتوماتيك اقل من المانيوال

حسب طريقة السواقه

[ahmedegypt]

طيب تنصح باايه لو معاك 83000 تجيب عربيه غير الاوبترا

اوبترا اوتو كسر زيرو او صنى منوال زيرو

او لانسر 2007 مثلا

بس رايى ان الاوبترا احسنهم

[farewell]

متشكر ياجماعه علي المساعده بس انا سواقتي متهوره شويه ويعتبر السرعه المعتاده 140 وفي الحالات التهور 180-190 فاكيد المانيوال هتبقي اريح علشان البنزين ايه رايكم

[mhmdalsaadany]

اتكل علي الله وهات الاوبترا اوتو لان في السرعات العالية والطرق السريعة مبتفرقش خالص هي بس بتفرق داخل البلد في البنزين شويه بس مش كتير وكدا كدا الاوبترا استهلاكها عالي يعني مش اقتصادية

[Hosam_Optrawy]

متشكر ياجماعه علي المساعده بس انا سواقتي متهوره شويه ويعتبر السرعه المعتاده 140 وفي الحالات التهور 180-190 فاكيد المانيوال هتبقي اريح علشان البنزين ايه رايكم

مبدأيا مانصحكش تمشى بالسرعات دى خالص فى بلدنا اى كان نوع العربيه

لا قدر الله لو حصل موقف على 180 الاوبترا مش هاتسعفك

العربيه مش مصممه ان الطبيعى بتاعها تمشى 180 190

وبخصوص البنزين برضه انا مختلف معاك

الاوبترا الاوتوماتيك بتجيب 165 - 170 وال Rpm على 4

المانيوال بتجيب على كام ؟

[farewell]

شكرا علي الرد انا متاسف علي التاخير بقالي فتره مبدخلش بس الحمد لله انا جيبت اوبترا 2010 مانيوال بس لقيت مشكله في العربيه لما بنزل الف داخل المدينه احس ان الكبوت بيسخن عن المشاوير الطويله علي الرغم ان عداد الحراره معقول جدا وبرده الكاسيت عايز اركب الموبايل علي وصله aux ومش راضيه

[Abo el-Seoud]

مبروك السياره
بس بصراحه الاوبترا عربيه ممتازه بس يعيبها الاتي :-
1 توكيلها + مراكز الخدمه المعتمده لمنصور
2 المساعدين بتبوظ بسرعه
بس غير كده اكتررررررررررررررر من ممتازه

[Hosam_Optrawy]

شكرا علي الرد انا متاسف علي التاخير بقالي فتره مبدخلش بس الحمد لله انا جيبت اوبترا 2010 مانيوال بس لقيت مشكله في العربيه لما بنزل الف داخل المدينه احس ان الكبوت بيسخن عن المشاوير الطويله علي الرغم ان عداد الحراره معقول جدا وبرده الكاسيت عايز اركب الموبايل علي وصله aux ومش راضيه

موضوع الكبوت عادى انه يبقى سخن , انا النهارده نزلت مشوار بعد نص ساعه بس لقيت الكبوت مولع مع ان الساعه كانت 12 بليل

موضوع الوصله اكيد انت مش عارف تشغلها كويس , انت موصلها بوصله عامله ازاى ؟