إعـــــــلان

Collapse

.

,
See more
See less

الأفيو الكورى 2010 حتجبلى ذبحة صدرية

Collapse
X
 
  • Filter
  • الوقت
  • Show
Clear All
new posts

  • الأفيو الكورى 2010 حتجبلى ذبحة صدرية

    اخوانى الأعزاء
    انا خلال شهر مارس اشتريت افيو 2010 كورى و من يوم ما استلمتها حاسس انها معومة و الدركسيون سايب فى ايدى و اول ما اوصل 90 احس انى راكب مرجيحة و كمان فى غربلة . و الطنابير بتغربل مع الفرامل .
    المهم رحت بعد 48 ساعة بالظبط التوكيل و قلت لهم على المشاكل دى فدخلوا العربية على جهاز الزوايا و قالوا ما يلى : -
    العربية زى الفل مافيهاش حاجة و الزوايا فبريكة . و مشيت بس مش مبسوط
    بعدها بثلاثة اسابيع رحت تانى و حصل نفس الموضوع بالظبط .
    و من حوالى شهر رحت تانى و قابلت المهندش شريف فى تلك المرة الراجل بصراحة رحب بيا كويس و طلع جرب العربية و قال لى حندخل العربية على الزوايا و نرصص كمان و تجرب و نشوف و بالنسبة للطنابير نبص عليها فى صيانة الــ 5000 .
    المهم دخلت على الزوايا و قالوا تمام و الترصيص كان فيه خمسات ظبطوها . و النتيجة السيارة كما هى ؟؟؟؟؟؟
    علما بان الراجل بتاع الزوايا قعد يفلى العربية من ورا بعصايا و يشوف المسافة بين العجل الخلفى حوالى خمس دقائق .
    ملحوظة فى السريع اكتشفت ان الكاوتش الى نازل فى العربية كومهو صينى صيييييييييينى تخيلوا عربية بـــ 78000 جنية الكاوتش بتعها صينى .
    المهم من كام يوم قلت لنفسى انا ليه مصدقهم ان الزوايا سليمة طيب ما اروح اكشف عليها بره . و رحت اشرفكو الحى السادس و كانت المصيبة الزوايا الأمامية سليمة و لكن العربية من ورا مش مظبوطة الفنى قال لى فى عجلة خلفية واخدة خبطة جامدة اثرت فى الدنجل فالعجلة قافلة لجوة .
    انا الدنيا لفت بيه . قلت له دا العربية زيرو لسه قالى الزيرو بس فيها مشكلة فى الدنجل .
    المهم كلمت المهندس شريف و حكيت له قالى تحب تيجى و لا تستنى صيانة الـ5000 قلت لأ اجى و بالمرة اعمل صيانة الـ 5000 عملاً ان العربية عاملة 4100 كم .
    و رحت يوم الخميس و دخلت العربية الصيانة و عملوا صيانة الخمس الاف بس .
    يا سيدى الطنابير وحشة .
    الفنى : لأ كويسة كان عليها تراب و نفخناه . ( طبعا دا انا الى اتنفخت )
    طب الزوايا . عاوز اكشف على العربية عشان العجل ورا فيه مشكلة .
    الفنى : لأ العرربية زى الفل .
    طب كلمت مهندس الأستقبال قالى لأ برده زى الفل.
    انا : يا عم اكشف عليها
    مهندس الأستقبال : لأ متديش ودنك لحد بره !!!!!!!
    المهم مشيت مخنوق و رحت طالع على مركز زوايا آخر فى موبيل شيراتون قالى نفس الكلام و كمان خوفنى انه يكون الشاسية نفسه فيه حاجة .
    مقدرش اوصف احساسى ساعتها كنت حيجرالى حاجة .
    و تأكدت ان العربية فيها عيب و فنى الزوايا فى منصور سجدنى من الأول .
    رحت طالع على مركز صيانة التجمع الخامس و قلت اكشف زوايا هناك و اشوف حيقولوا ايه ؟
    ملقتش عندهم ظبط زوايا و قالوا لى ان الزوايا فى فرع الطيران و المركز الرئيسى فقط .
    رحت طالع على الطيران تانى . اعمل ايه جلبى جايد نار .
    و كلمت
    المهندش شريف و قلت له انا رحت مركز زوايا تانى و قلى نفس الكلام و انا مستعد اغير الدنجل على حسابى رغم انى بشتيكى من الموضوع ده من أول يوم . نسيت اقول لكم انى من ساعة ما رحت الصيانة الصبح و انا قلت نفس الكلام لمهندس الأستقبال و قلت عاوز العربية مظبوطه حتى لو حغير الدنجل على حسابى و لكن لا حياة لمن تنادى .
    المهم المهندس شريف نادى على مهندس آخر اسمه احمد و قاله عاوزين نبص على الزوايا . المهم دخلوا العربية الزوايا و مردوش يدخلونى معاها . و بعد نص ساعة تقريبا خرج المهندس احمد يوشوش المهندس شريف . فرحت ليهم هو فيه ايه يا جماعة ؟ محدش بيرد ؟ كررت الكلام قالى المهندس احمد ما يلى : -
    اسمع و استمتع معايا : ( فيلم هندى )
    احنا عاوزين برنت من اى مركز من الى رحتلهم ؟ اشمعنى ؟ قالى عشان نقارنها مع الأيدل بتاع العربية ؟ انا مش فاهم ؟ قالى عشان نشوف ان كان القراءة مظبوطة و لا لأ ؟ انا مش فاهم ؟ العربية فيها مشكلة خلفية و لا لأ ؟ المهندس مش قادر احكم ؟ نعم دا انا الى بقول .
    اصل الجهاز عندى مبيقراش و را دا المهندس الى بيقول .
    يعنى ايه دا انا الى بقول . يا خرابى معنى الكلام دا ان انا من ساعة ما رحت اول مرة بعد 48 ساعة و هما بيشتغلونى .
    المهم و بعدين يا باشمهندس قالى حنقارن الأرقام من الأستاندر . طب و بعدين لو فيه حاجة . قالى تطلع على الكيلو 4.5 . و قالى نصيحة منى اطلع على الكيلو 4.5 على طول انا هنا مش حقدر اعمل حاجة .
    دا وضعى حتى الأن و حاسس انى حيجرالى حاجة حموت فعلاً .
    يا ترى رأيكم ايه ؟؟؟؟ يا ريت اسمعه
    [SIZE=3][COLOR=blue][I][U]Ahmed Farahat[/U][/I][/COLOR][/SIZE]

  • #2
    إبقى قابلني لو أخدت حقك في المركز الرئيسي وعن تجربة وبتاع الزوايا هناك حلنجي وشغل ٣ ورقات وكمان هيلزقلق عشان تديله بقشيش!!!!
    العربيه قعدت معايا سنة ونص مظبطتش زوايا وكان عندي نفس المشكله بس قدام!!!! وبعت العربيه زي ما هي!!!!!!!!
    [img3]http://img21.imageshack.us/img21/3957/28138510150332809507433.jpg[/img3]

    Comment


    • #3
      ربنا يعينك .. بس دي كوري !! ازاي يحصل فيها المشاكل دي ؟!!

      Comment


      • #4
        الله اعلم . بس قليل الحظ يلاقى العظم فى الكرشة ( بس المشكلة فى عدم الصراحة و الأشتغالات ) و ربنا يستر
        [SIZE=3][COLOR=blue][I][U]Ahmed Farahat[/U][/I][/COLOR][/SIZE]

        Comment


        • #5
          تلاقيها فعلا مخبوطه وهي بتتنقل بين المعارض ومتلصمه بتحصل كتير وبيصلحوها ويبيعوها زيرو
          [SIZE="5"][COLOR="SeaGreen"][B][CENTER]سبحان الله وبحمده ... سبحان الله العظيم[/CENTER][/B][/COLOR][/SIZE]

          Comment


          • #6
            اتصل باللى اسمه شريف وقوله : الدنجل هيتغيير على حسابكم و لا اقتصر المساعة و اطلع على حماية المستهلك ؟؟؟


            لو مرديش يغيره كلم حماية المستهلك و هما هيغيره و هما مضربون بالجزمة على نفوخهم و متتعبش نفسك معاهم

            للاسف دى ناس متختشييش

            Comment


            • #7
              انت عضو برونزي و معانا من 2008
              و رغم كدة أشتريت افيو و انضميت للضحايا
              ابقى احجزلك سرير جنبي في قسم الذبحة الافيوهية

              من الاخر روح بريدجستون اظبط الزوايا هناك و صيانتك اعملها في مقار
              [SIGPIC][/SIGPIC]

              Comment


              • #8
                اخى ابو آسر ساعة القضا بيعمى البصر . المشكلة فى قلة الضمير . و حسبى الله و نعم الوكيل. و بالنسبة للصيانة الدورية انا عمرى ما حروح لمنصور تانى . ربنا يسهل بس و اخلص من المشكلة الى انا فيها الأول .

                على فكرة انا دورت على امينة الى بيقولوا عليها لقيتها ماتت . الله يرحمك يا امينة
                [SIZE=3][COLOR=blue][I][U]Ahmed Farahat[/U][/I][/COLOR][/SIZE]

                Comment


                • #9
                  قصة امينة من طرف منصور
                  اتمسكت على الدائري بمخدرات و بعد كدة انتحرت

                  ربنا يعبنك في مشكلتك يارب و يعديك منها على خير
                  [SIGPIC][/SIGPIC]

                  Comment


                  • #10
                    كنت فاكر توكيل منصور محترم
                    !!

                    Comment


                    • #11
                      المشاركة الأصلية كتبت بواسطة ahmedfra مشاهدة المشاركة
                      اخوانى الأعزاء
                      انا خلال شهر مارس اشتريت افيو 2010 كورى و من يوم ما استلمتها حاسس انها معومة و الدركسيون سايب فى ايدى و اول ما اوصل 90 احس انى راكب مرجيحة و كمان فى غربلة . و الطنابير بتغربل مع الفرامل .
                      المهم رحت بعد 48 ساعة بالظبط التوكيل و قلت لهم على المشاكل دى فدخلوا العربية على جهاز الزوايا و قالوا ما يلى : -
                      العربية زى الفل مافيهاش حاجة و الزوايا فبريكة . و مشيت بس مش مبسوط
                      بعدها بثلاثة اسابيع رحت تانى و حصل نفس الموضوع بالظبط .
                      و من حوالى شهر رحت تانى و قابلت المهندش شريف فى تلك المرة الراجل بصراحة رحب بيا كويس و طلع جرب العربية و قال لى حندخل العربية على الزوايا و نرصص كمان و تجرب و نشوف و بالنسبة للطنابير نبص عليها فى صيانة الــ 5000 .
                      المهم دخلت على الزوايا و قالوا تمام و الترصيص كان فيه خمسات ظبطوها . و النتيجة السيارة كما هى ؟؟؟؟؟؟
                      علما بان الراجل بتاع الزوايا قعد يفلى العربية من ورا بعصايا و يشوف المسافة بين العجل الخلفى حوالى خمس دقائق .
                      ملحوظة فى السريع اكتشفت ان الكاوتش الى نازل فى العربية كومهو صينى صيييييييييينى تخيلوا عربية بـــ 78000 جنية الكاوتش بتعها صينى .
                      المهم من كام يوم قلت لنفسى انا ليه مصدقهم ان الزوايا سليمة طيب ما اروح اكشف عليها بره . و رحت اشرفكو الحى السادس و كانت المصيبة الزوايا الأمامية سليمة و لكن العربية من ورا مش مظبوطة الفنى قال لى فى عجلة خلفية واخدة خبطة جامدة اثرت فى الدنجل فالعجلة قافلة لجوة .
                      انا الدنيا لفت بيه . قلت له دا العربية زيرو لسه قالى الزيرو بس فيها مشكلة فى الدنجل .
                      المهم كلمت المهندس شريف و حكيت له قالى تحب تيجى و لا تستنى صيانة الـ5000 قلت لأ اجى و بالمرة اعمل صيانة الـ 5000 عملاً ان العربية عاملة 4100 كم .
                      و رحت يوم الخميس و دخلت العربية الصيانة و عملوا صيانة الخمس الاف بس .
                      يا سيدى الطنابير وحشة .
                      الفنى : لأ كويسة كان عليها تراب و نفخناه . ( طبعا دا انا الى اتنفخت )
                      طب الزوايا . عاوز اكشف على العربية عشان العجل ورا فيه مشكلة .
                      الفنى : لأ العرربية زى الفل .
                      طب كلمت مهندس الأستقبال قالى لأ برده زى الفل.
                      انا : يا عم اكشف عليها
                      مهندس الأستقبال : لأ متديش ودنك لحد بره !!!!!!!
                      المهم مشيت مخنوق و رحت طالع على مركز زوايا آخر فى موبيل شيراتون قالى نفس الكلام و كمان خوفنى انه يكون الشاسية نفسه فيه حاجة .
                      مقدرش اوصف احساسى ساعتها كنت حيجرالى حاجة .
                      و تأكدت ان العربية فيها عيب و فنى الزوايا فى منصور سجدنى من الأول .
                      رحت طالع على مركز صيانة التجمع الخامس و قلت اكشف زوايا هناك و اشوف حيقولوا ايه ؟
                      ملقتش عندهم ظبط زوايا و قالوا لى ان الزوايا فى فرع الطيران و المركز الرئيسى فقط .
                      رحت طالع على الطيران تانى . اعمل ايه جلبى جايد نار .
                      و كلمت
                      المهندش شريف و قلت له انا رحت مركز زوايا تانى و قلى نفس الكلام و انا مستعد اغير الدنجل على حسابى رغم انى بشتيكى من الموضوع ده من أول يوم . نسيت اقول لكم انى من ساعة ما رحت الصيانة الصبح و انا قلت نفس الكلام لمهندس الأستقبال و قلت عاوز العربية مظبوطه حتى لو حغير الدنجل على حسابى و لكن لا حياة لمن تنادى .
                      المهم المهندس شريف نادى على مهندس آخر اسمه احمد و قاله عاوزين نبص على الزوايا . المهم دخلوا العربية الزوايا و مردوش يدخلونى معاها . و بعد نص ساعة تقريبا خرج المهندس احمد يوشوش المهندس شريف . فرحت ليهم هو فيه ايه يا جماعة ؟ محدش بيرد ؟ كررت الكلام قالى المهندس احمد ما يلى : -
                      اسمع و استمتع معايا : ( فيلم هندى )
                      احنا عاوزين برنت من اى مركز من الى رحتلهم ؟ اشمعنى ؟ قالى عشان نقارنها مع الأيدل بتاع العربية ؟ انا مش فاهم ؟ قالى عشان نشوف ان كان القراءة مظبوطة و لا لأ ؟ انا مش فاهم ؟ العربية فيها مشكلة خلفية و لا لأ ؟ المهندس مش قادر احكم ؟ نعم دا انا الى بقول .
                      اصل الجهاز عندى مبيقراش و را دا المهندس الى بيقول .
                      يعنى ايه دا انا الى بقول . يا خرابى معنى الكلام دا ان انا من ساعة ما رحت اول مرة بعد 48 ساعة و هما بيشتغلونى .
                      المهم و بعدين يا باشمهندس قالى حنقارن الأرقام من الأستاندر . طب و بعدين لو فيه حاجة . قالى تطلع على الكيلو 4.5 . و قالى نصيحة منى اطلع على الكيلو 4.5 على طول انا هنا مش حقدر اعمل حاجة .
                      دا وضعى حتى الأن و حاسس انى حيجرالى حاجة حموت فعلاً .
                      يا ترى رأيكم ايه ؟؟؟؟ يا ريت اسمعه
                      ربنا يكون فى عونك ...
                      لكن أوعى تسيب حقك و تقولهم انك مستعد تصلح المشكلة على حسابك
                      و لو طلع أن العربية مخبوطة و مش فابريكة أشتغلهم فى الأزرق و روح لحماية المستهلك و أطلب ان العربية تتغير..
                      هو أحنا بنلاقى الفلوس فى الشارع..

                      حسبى الله و نعم الوكيل
                      [SIGPIC][/SIGPIC]
                      assoma79 سابقاً

                      Comment


                      • #12
                        ربنا يعينك ويصبرك
                        [SIGPIC][/SIGPIC][SIZE=3][COLOR=#68d122]من اهم انجازات مبارك :
                        توحيد المصرين على كلمة حسبى الله و نعم الوكيل
                        [/COLOR][/SIZE]


                        محمد العصار

                        Comment


                        • #13
                          المشكلة انهم مش عاوزين يعترفوا انها مخبوطة . و كل كلامهم انها زى الفل .
                          طب يا ريت يقولوا بلسانهم انها محتاجة دنجل و انا و الله العظيم اغيره على حسابى .
                          [SIZE=3][COLOR=blue][I][U]Ahmed Farahat[/U][/I][/COLOR][/SIZE]

                          Comment


                          • #14
                            نصيحة روح لاكتر من مركز ولاكتر من توكيل و خد منهم Report ان العربية مش سليمة او ما يثبت انها واخدة خبطة و روح للمركز الرئيسى قولهم انا معايا ورق يثبت الكلام دا و الحل اما عربية جديدة اما هروح على حماية المستهلك و هما بقا اللى يبقو يكشفو عليها

                            صدقنى لو عملت كدا هيعملولك كل اللى انت عاوزه ( لو فعلا العربية مش مظبوطة و بيشتغلوك )

                            Comment


                            • #15
                              بسم الله الرحم الرحيم
                              انا كان عندى مشاكل فى الافيو نصها اتحل بس دوخونى جدا ونفس الى حصل معاك بس اتصلت بجهاز حمايه المستهلك والله كانوا هايبوسوا اديه علشان ارضى لدرجه انى فى المنصوره ماكنش فى مركز صيانه عندى علشان جهاز حمايه المستهلك والله والله راحوا لغايه عندى فى المنصوره
                              باختصار جهاز حمايه المستهلك والله ده الكرباج للشركه والتوكيل الزباله ده

                              Comment

                              Working...
                              X