استطلاع راي فقط لحائزي الكروز

[zeznia]

رجاء من الساده حائزي الكروز بالمنتدي
سؤال بسيط اجب بنعم او لا
هل الكروز اللي انت اشتريتها عملت معاك مشاكل تذكر ؟
رجاء الدقه في الاختيار يعني المشاكل العاديه لاداعي لذكرها
ولاداعي لادخال الوكيل في الموضوع عشان كلنا متفقين عليه
اذا كانت الاجابه بنعم يرجي ذكر الاسباب
وشكرا

[mhmdalsaadany]

خالص يا باشا وكل الناس اللى قبلتهم في التوكيل في الصيانة محدش عنده مشكلة عويصة ولا حاجه دا كمان في تعليمات في التوكيل الكروز دخول للصيانة بدون حجز وكمان عدم مبيت للسيارة

[harmhanz]

لا يا باشا العربية زى الفل لا يوجد بها اى مشاكل تذكر

[zeznia]

شكرا يارجاله علي المرور
ارجو ان التصويت ياخد مساحه اكبر عشان الكل يقدر يكون راي عام عن السياره
وممكن كل عضو يذكر فئة السياره بتعته عشان لو في مشكله في فئه معينه نقدر نحددها من اجل الصالح العام
وشكرا مره تنيه

[mhmdalsaadany]

احنا الاثنين اوتوماتيك
انا عن نفسي اول فئة (اليجانس)

[zeznia]

شكرا للاربعه اللي صوتوا معانا
GasDealer, harmhanz, madinabaza, mhmdalsaadany
وطبعا لكل اللي مروا علينا ونورونا
بس هاكون سعيد اكتر لو كانت قاعدت الاستفتاء اكبر من كده شويه
ماهو مش معقول ان مافيش غير اربعه في المنتدي كله هما اللي معاهم كروز
امال فين الناس اللي للاسف عربيتها باظت(العربيه اللي حلتي بااااااااااظت)
وياريت الجماعه اللي بيمروا (88واحد)يشركونا باي راي ولو بدون تصويت
طبعا انا سعيد ان نتيجة الاستفتاء لحد دلوقتي 100% لالالالا

[Abomar77]

انا ممعيش العربية بس العربية مع أعز أصدقائي والحمدلله مفيش مشاكل عنده خالص وكمان بيشكرلي في معاملة التوكيل معاه ....

العربية اتوماتيك اليجانس

[zeznia]

شكرا للمرور ابو عمر
شدوا حلكوا يارجاله استفتاء هايخلص اخر الشهر

[Atrees]

الحقيقة معنديش العربية ولا حد اعرفة جابها - ولكن مريت لاني بحب الشيفورلية و جنرال موتورز ونفس اتاكد ان العربية حلوة من ملاكها - انا حاسس انها اتهاجمت زي السيراتو

[zeznia]

الحقيقة معنديش العربية ولا حد اعرفة جابها - ولكن مريت لاني بحب الشيفورلية و جنرال موتورز ونفس اتاكد ان العربية حلوة من ملاكها - انا حاسس انها اتهاجمت زي السيراتو

شكرا لمرورك ياباشا ومرحبا بك في منتدي الشفروليه
فعلا يأخي السياره اتهاجمت بطريقه وحشيه وهو ده الاساس اللي انا عملت الموضوع عليه
وانا متاكد ان مظهرش غير صوت الناس اللي للاسف عربياتهم فيها اعطال
مش معني ان سيارتك فيها مشكله كبيره او صغيره يبقي كل الماركه مضروبه
مش معني ان وكيل السياره لاماخذه.................يبقي كل الماركه مضروبه
وبرضه عايز اقول لازال مساحة الاستفتاء صغيره لايمكن الحكم عليها
يامسهل يارب ربنا يبعت

[siko667]

السلام عليكم :
عندى اول فئة اوتوماتيك عملت 5000 كيلو بدون اى مشاكل والعربية رائعة وحاجرب التوكيل بكره ان شاء الله وزى مقالو الزملاء صيانة الكروز بدون حجز

[zeznia]

طبعا التصويت خلص والكل شاف النتيجه
انا سعيد جدا بالنتيجه دي ولو ان التصويت كان ضعيف ومش مقياس بس لازال الموضوع مفتوح واللي عايز يكتب اي حاجه تفيد اهلا وسهلا
وان شاء الله يكون الموضوع بيرد علي كل الناس اللي بتشكك في الكروز وانا مابحبش ادافع عن حاجه انا افضل ان السياره تدافع عن نفسها
شكرا لكل الاخوه اللي شركونا واللي مروا ومشاركوش
وتاني انا سعيد جدا بالنتيجه

[ahmed92]

انا ان شاء الله فى طريقى لشراء عربية جديدة بدلا من البومة اللى اتقلبت بيا وانا مسافر بيها والحمد لله طلعت سليم انا والاولاد بس العربية بالسلامة
وكنت حاطط الكروز فى دماغى مع رينو فلوانس او ميجان
لكن كتر كلام الاعضاء عن مشاكل الكروز وخاصة العضو اللى قال ان العربية بتبطل وهوا سائق جعلنى اشيلها من دماغى خالص وخاصة انى طالع من حادث فظيع
وبردوا لسة مش مستقر على حاجة وبفكر استنى شوية واشترى موديل 2011

[zeznia]

انا ان شاء الله فى طريقى لشراء عربية جديدة بدلا من البومة اللى اتقلبت بيا وانا مسافر بيها والحمد لله طلعت سليم انا والاولاد بس العربية بالسلامة
وكنت حاطط الكروز فى دماغى مع رينو فلوانس او ميجان
لكن كتر كلام الاعضاء عن مشاكل الكروز وخاصة العضو اللى قال ان العربية بتبطل وهوا سائق جعلنى اشيلها من دماغى خالص وخاصة انى طالع من حادث فظيع
وبردوا لسة مش مستقر على حاجة وبفكر استنى شوية واشترى موديل 2011

حمدالله علي سلامتك ياباشا انت والاولاد وربنا يعوض عليك
انصحك بالتريث ودراسة جميع السيارات المتاحه امامك وانا عن نفسي قد قررت شراء كروز مانوال 2011 ان شاء الله مالم يجد جديد
تحياتي

[khaledbelal]

السيارة جيدة حتى الأن بس الموتور ضعيف شوية على حجمها ( املك هاى لاين اوتوماتيك )