الأفيو المفترى عليها

[أشرف العدوي]

والله ماكنت اعرف انه اتلغى .. عموما علمونا فى اعدادي وثانوى ان المضارع يفيد الاستمرار ، وكلمة بيعلق معناها كده انه استمر كتير فى التعليق وده ماحصلش معايا .. لكن اللى حصل معايا مرة يتيمة قرصت على العربية وكانت الدنيا زحمة جدا فاضطريت اعمل غرز واسوق سواقة ميكروباصات فلقيت الار بى ام علق عند 1500 لفة وراسه والف جزمة ما ينزل .. المهم كملت مشوارى وبعدها رجعت للسواقة المعتادة .. الكلام ده على فكرة بقاله اكتر من 8 ،9 شهور وما حلصش معايا من ساعتها والحمد لله.
وعموما نصيحة لله حافظ على عربيتك تديك وتريحك .. افحتها هتقرفك .. وابعد تماما عن المدعو مهزوم .. وشكرا لك ولكل من شارك
عزيزى ابو اسر & ويوكو نصيحتكم وصلت لنا جميعا .. ولكن ارجوكم لا تحجروا علينا .. الله تعالى قال لرسوله الكريم "ص" : "لست عليهم بمسيطر" صدق الله العظيم

ثواني البس طربوش على دماغي و رأجع ( اصل انا سايب أعدادي و ثانوي بقالي فترة كبيرة )
طيب و هو حضرتك عايز تحجر علينا ليه مش فاهم
يعني هو حلو ليك و وحش لينا مثلاً
انا اي حد عايز يجيب الأفيو دي لازم أحذره منها و ما ينفعش اسكت
لان الساكت عن الحق شيطان أخرس
انا معايا العربية و بقول عليها وحشة و زبالة و الكلام ده ممكن يأثر على سعرها لما أجي ابيعها
بس الحق أحق ان يتبع ما ينفعش اقعد اشكر فيها و هي فعلاً زبالة و نصباية من منصور

تقبل تحياتي

[basm]

ثواني البس طربوش على دماغي و رأجع ( اصل انا سايب أعدادي و ثانوي بقالي فترة كبيرة )

حلوة حكاية الطربوش دى .. بس دى بديهيات حفظوهالنا واحنا صغيرين

طيب و هو حضرتك عايز تحجر علينا ليه مش فاهم
يعني هو حلو ليك و وحش لينا مثلاً

انا ما حجرتش على حد ولا قلت لحد يشتريها ، وقلت انه واضح انها عربية حظوظ، وكمان قلت شكرا على النصيحة ، وقلت كمان نصيحتكم وصلت، وقلت ماتحجروش علينا، وكمان قلت ماتكرهوناش فى عربياتنا، وكمان قلت الافضل ان نبحث عن حلول للمشاكل التى تظهر للسادة الزملاء فى المنتدى، و.. و..

انا اي حد عايز يجيب الأفيو دي لازم أحذره منها و ما ينفعش اسكت
لان الساكت عن الحق شيطان أخرس

فى النقطة دى انت صح الصح

انا معايا العربية و بقول عليها وحشة و زبالة و الكلام ده ممكن يأثر على سعرها لما أجي ابيعها .. بس الحق أحق ان يتبع ما ينفعش اقعد اشكر فيها و هي فعلاً زبالة و نصباية من منصور

تقبل تحياتي

طيب تبيع وتخسر كامهههههههههههههههههههه
انا بهرج اوعى تصدق ربنا يباركلك فيها
ولك خالص تحياتى

[yoko]

اولا دى اية قرآنية "سورة الغاشية" مش حديث نبوى.



بص على مشاركاتك هتلاقيها كلها شتيمة فيها.. يا سيدى انت كانت معاك افيو وبعتها وربنا فتح عليك بالفيات لينيا .. وبسبب انتشارها ونجاحها فى مصر سمعت انها اتوقف استيرادها!!
سيبنا احنا بأه لعربياتنا الى زى ما بتقولوا عليها "زبالة".. وشكرا

١- معلش مكنتش مركز وأنا بكتب
٢- اللينيا متوقفتش وهتنزل شهر ١ الجاي!!!
ويا ريت العربيه الي بتتريق عليها دي تشوف رأي كل الناس فيها إيه ويا ريت تجبلي واحد بيقول وحشه وعلى فكرة أنا برده من أول الناس الي ذكرت بعض العيوب الي في اللينيا يعني عمري ما كنت متحيز!!!
ويا ريت تجبلي أي مشاركة ليا فيها خروج عن الأدب العام (لإني متربي كويس قوي) والحمد لله الناس كلها عارفةة كده جوه وبرة المنتدى

[basm]

ويا ريت العربيه الي بتتريق عليها دي تشوف رأي كل الناس فيها إيه ويا ريت تجبلي واحد بيقول وحشه وعلى فكرة أنا برده من أول الناس الي ذكرت بعض العيوب الي في اللينيا يعني عمري ما كنت متحيز!!!

يا سيدى ربنا يملاهالك بركة .. انت بتقول انك مش متحيز وهذا رأيك ، ولكنى اكاد اجزم انك متحيز ضد الافيو وربما هذا حقك نظرا للمشاكل الجمة التى تعرضت لها فى سيارتك القديمة

ويا ريت تجبلي أي مشاركة ليا فيها خروج عن الأدب العام (لإني متربي كويس قوي) والحمد لله الناس كلها عارفة كده جوه وبرة المنتدى

ما احنا كنا ماشيين كويس ايه بأه معنى كلمة (لإني متربي كويس قوي) .. ومين اللى خرج عن الادب العام؟؟؟؟؟؟؟؟؟؟؟؟؟؟
ياريت يا استاذ يا متربى كويس قوى تبقى تركز قبل ماتكتب لأن كلامك فيه ايحاء سيئ.

[أشرف العدوي]

زي ما قولت
في اول مشاركة ليا في الموضوع
صاحب الموضوع رمى القنبلة و جري
و لا اقنع الناس ان الأفيو كويسة
و لا عمل تقرير أداء عنها
و الناس اكاد أجزم ان اقتناعها زاد انها سيئة

[yoko]

يا سيدى ربنا يملاهالك بركة .. انت بتقول انك مش متحيز وهذا رأيك ، ولكنى اكاد اجزم انك متحيز ضد الافيو وربما هذا حقك نظرا للمشاكل الجمة التى تعرضت لها فى سيارتك القديمة



ما احنا كنا ماشيين كويس ايه بأه معنى كلمة (لإني متربي كويس قوي) .. ومين اللى خرج عن الادب العام؟؟؟؟؟؟؟؟؟؟؟؟؟؟
ياريت يا استاذ يا متربى كويس قوى تبقى تركز قبل ماتكتب لأن كلامك فيه ايحاء سيئ.

١- أمين يا رب وأنا مش متحيز ضد الأفيو وأكبر دليل كل الي سألوني على موديل ٢٠٠٦ قلتلهم جبوها وإنتوا مغمضين!!!
٢- حضرت الي بتقول إني بشتم والحمد لله عمري ما طلعت عن الأخلاق في أي مشاركة ليا!!!

[mmtronic]

وقلت انه واضح انها عربية حظوظ، وكمان قلت الافضل ان نبحث عن حلول للمشاكل التى تظهر للسادة الزملاء فى المنتدى

و تفتكر يا استاذ باسم ان مبداءان العربية دى حظوظ الى انت قولت علية دة مبداء محترم تحترم بية عربية بتقول عليها كويسة و مفيهاش مشاكل - يا استاذ باسم مفيش حاجة اسمها حظوظ - فى حاجة اسمها جودة اداء و سمعة كويسة للعربية و دة للاسف لم تحققة الافيو بقيادة الكابتن منصور و اعوانة و المنتدى خير برهان و راجع الموضيع القديمة عن الافيو

و لك ان تتخيل هذا الكم من المشاكل لم يتم التوصل لحلول ليها خلال 3 سنين من انتاج العربية - 3 سنيين - اية دة هية عويصة للدرجادى مش عارفييم يحلو مشاكلها - لا حل مشكلة التزييق و لا حل مشكلة الفرامل و الطنابير و لا حل مشكلة ال ار بى ام و لا حل مشكلة الاصوات الى بتتطلع من الخلف ولا ولا ولا
يا راجل دا احنا كنا طلعنا القمر و نزلنا اسهل بقى

[KHALED AYMAN]

و تفتكر يا استاذ باسم ان مبداءان العربية دى حظوظ الى انت قولت علية دة مبداء محترم تحترم بية عربية بتقول عليها كويسة و مفيهاش مشاكل - يا استاذ باسم مفيش حاجة اسمها حظوظ - فى حاجة اسمها جودة اداء و سمعة كويسة للعربية و دة للاسف لم تحققة الافيو بقيادة الكابتن منصور و اعوانة و المنتدى خير برهان و راجع الموضيع القديمة عن الافيو

ايوووووه ..
انت قلت الى كان نفسى اقوله ....
كمان نفسى اقول للاستاذ باسم ..
العيوب ملهاش حل ..!!
يعنى الطنابير الى بتبوظ ..
هتغيرها فى الضمان ..
هتبوظ تانى بردو ..
طيب هتجيب طنابير سبور ؟؟
مفيش للافيو ...
يبقى الحل ايه ؟؟
تمشى بيها كده ...
لحد ما ربنا يكرمك ..
و تبيعها و تجيب حاجه .."نضيفه"...

[abofaris]

ياسيدى لا قنبلة ولا حاجة احنا مش فى حرب دى كلها وجهات نظر والاقتناع من عدمة حرية شخصية وانا لما قلت وجهة نظرى دا عن تجربتى الشخصية وحضرتك مش ملزم بيها. وربنا يوفق

[abofaris]

زي ما قولت
في اول مشاركة ليا في الموضوع
صاحب الموضوع رمى القنبلة و جري
و لا اقنع الناس ان الأفيو كويسة
و لا عمل تقرير أداء عنها
و الناس اكاد أجزم ان اقتناعها زاد انها سيئة

احب اعرف حضرتك ان فيه ناس كتير غيرى مرتاحين مع العربية ودى مش مشكلتنا ان حظنا كويس على اساس ان العربية دى حظوظ. وياسيدى اللى مش مرتاح للعربية يبقى خيرها فى غيرها. على فكرة انا مليش فى القنابل رشاشات بس. بالتوفيق للجميع.

[abofaris]

مين اللى قال ان مفيش غيرى بيشكر فى العربيه ؟؟!! واضح انك بتقرا اللى على مزاجك بس، لان فيه كتير غيرى قالوا انها بدون مشاكل تقريبا .. كما انه واضح انك تهاجم وخلاص لان الموضوع اللى انت عامله بتاع الاستطلاع 50% ممن شاركوا وقالوا ان بها مشاكل كانت مشكلتهم تزييق بالعفشة ودى حلها بسيط "اما تربيط او جلب مقص او ميزان" ودى حاجة معرض انها تحصل لاى عربية والعيب ده عيب توكيل وطبعا للاسف اعتبر ان مفيش توكيل ده نصاب.. وافضل حل للتعامل معه البعد عنه وعن صياناته وبابا غنوجه وسلاطاته، لانك لن تستطيع ادانته لانه مسنود من رأس الدولة هو والمغربى ، وادق دليل على ذلك ما اصدره من الغاء لاتفاق البيع الاهبل الذى تم بين بالم هيلز المملوكة لمنصور والمغربى بدلا من فتح تحقيق قد يطيح بالمغربى خارج العزبة.
وبعدين ايه اللى مضايقك من ان فيه ناس عربياتها مافيهاش مشاكل.. يا سيدى حذر من تريد بأى شكل ولكن لا تحجر على ارائنا

عزيزى Basem بلاش انفعال وياسيدى نحمد ربنا انه كرمنا ورزقنا بعربية مفيهاش مشاكل. abofaris

[أشرف العدوي]

http://www.nilemotors.net/Nile/154755-a.html

[KHALED AYMAN]

احب اعرف حضرتك ان فيه ناس كتير غيرى مرتاحين مع العربية ودى مش مشكلتنا ان حظنا كويس على اساس ان العربية دى حظوظ. وياسيدى اللى مش مرتاح للعربية يبقى خيرها فى غيرها. على فكرة انا مليش فى القنابل رشاشات بس. بالتوفيق للجميع.

اولا احب احييك على الاسلوب الهادى ..و يا ريت غيرك يتعلم ......!!!
المهم ...
اولا الاخ باسم اعترف ان العربيه توكيل وحش و ان الحل ان العربيه تروح برا التوكيل ..
معلش يعنى ..كده العربيه هتطلع برا الضمان ..و الضمان ده العميل دفع تمنه و هو بيشترى العربيه !!
تانى حاجه ..
هل فى خلاف على ان الاوبل عموما و الفيكترا الجديده خصوصا عربيه حلوه ؟؟
انا بنصح غيرى انه ميجبهاش ..مع انها عربيه ممتازه ..بس انى اجيب عربيه ممتازه من غير توكيل يبقى برمى فلوسى على الارض ..
يبقى ده اول سبب يخلى الواحد ينصح غيره بعدم شراء افيو ..
تانى حاجه حتى لو فى ناس كتير العربيه كويسه معاها ..
بس "الاغلبيه" عندهم مشاكل مشتركه ..
يبقى دى عربيه وحشه ...
وانا مليش لا فى القنابل ولا الرشاشات ..انا بحدف طوب بس ..

[abofaris]

اولا احب احييك على الاسلوب الهادى ..و يا ريت غيرك يتعلم ......!!!
المهم ...
اولا الاخ باسم اعترف ان العربيه توكيل وحش و ان الحل ان العربيه تروح برا التوكيل ..
معلش يعنى ..كده العربيه هتطلع برا الضمان ..و الضمان ده العميل دفع تمنه و هو بيشترى العربيه !!
تانى حاجه ..
هل فى خلاف على ان الاوبل عموما و الفيكترا الجديده خصوصا عربيه حلوه ؟؟
انا بنصح غيرى انه ميجبهاش ..مع انها عربيه ممتازه ..بس انى اجيب عربيه ممتازه من غير توكيل يبقى برمى فلوسى على الارض ..
يبقى ده اول سبب يخلى الواحد ينصح غيره بعدم شراء افيو ..
تانى حاجه حتى لو فى ناس كتير العربيه كويسه معاها ..
بس "الاغلبيه" عندهم مشاكل مشتركه ..
يبقى دى عربيه وحشه ...
وانا مليش لا فى القنابل ولا الرشاشات ..انا بحدف طوب بس ..

عزيزى Khaled مساء الفل أولا وتحياتى لك. بالنسبة للتوكيل انا باتعامل مع فرع طنطا و الناس منتهى الشياكة فى التعامل احتمال برضة علشان انا ماعنديش مشاكل لكنها كلمة حق حبيت اقولها. على فكرة انا مااعرفش اى حد هناك يعنى مليش وسايط ولا حاجة وفى الصيانة من حقى اقف واتابع كل اللى بيحصل فى العربية من غير اى مشاكل.

[KHALED AYMAN]

عزيزى Khaled مساء الفل أولا وتحياتى لك. بالنسبة للتوكيل انا باتعامل مع فرع طنطا و الناس منتهى الشياكة فى التعامل احتمال برضة علشان انا ماعنديش مشاكل لكنها كلمة حق حبيت اقولها. على فكرة انا مااعرفش اى حد هناك يعنى مليش وسايط ولا حاجة وفى الصيانة من حقى اقف واتابع كل اللى بيحصل فى العربية من غير اى مشاكل.

انا كنت زمان بتعامل مع فرع طنطا لحد ما بوظو العربيه ..
عموما عندك هناك المهندس محمد ..و المهندس تامر شهاب ..و عادل العطافى السروجى ..
ناس زى الفل لكن بدون خبره ..
ممكن يكونو معندهمش خبره فى الاوبل ..و كويسين فى الشيفروليه الله اعلم ..
عموما تابع بس معاهم كويس ..و متخليش العربيه تغيب عن نظرك و ربنا يباركلك فيها ..
تحياتى