الامر أتحسم للكروز

[KHALED AYMAN]

حسب معلوماتى ..
موتور اللاسيتى هو الموتور الى عندى فى الفيكترا او تقريبا الى بينزل فى الاسترا السيدان 2009 ..
بس هو موتور ecotec
اوبل يعنى ..!
و قطع غياره موجوده عادى ..

[mhmdalsaadany]

الله الواحد احتار يا جماعه منين مفيهاش ولا مسمار الماني وبتنزل بره بموتور الاوبل
وكمان انا عرفت ان الفتيس بتاعها نفس فتيس الاوبل الاسترا 2010 اللى بتنزل بره وان gm هتعتمد الفتيس دا بعد كدا في كل موديلاتها
والله اعلم ومنكم نستفيد ارجو التصحيح لو انا غلطان

[Ahmed Samy]

حضرتك هي فيها تقنيات من مجموعة جنيرال موتورز

بس العربية متصنعه في كوريا

علامتها الأصلية دايو

[KHALED AYMAN]

الله الواحد احتار يا جماعه منين مفيهاش ولا مسمار الماني وبتنزل بره بموتور الاوبل
وكمان انا عرفت ان الفتيس بتاعها نفس فتيس الاوبل الاسترا 2010 اللى بتنزل بره وان gm هتعتمد الفتيس دا بعد كدا في كل موديلاتها
والله اعلم ومنكم نستفيد ارجو التصحيح لو انا غلطان

برا حاجه و مصر حاجه يا باشا ....
بس عموما هى فيها حاجات ممكن تكون "تصميم" المانى ...
زى العفشه مثلا بيقولو (مش متاكد) انها زى عفشه الاسترا ...
لو فرضنا مثلا انها ملتى لينك مثلا يعنى ..
هل معنى كده ان عفشتها عفشه اوكتافيا عشان الاوكتافيا ملتى لينك ...؟؟و نقول بقى عفشه الكروز المانى ...؟؟
جى ام اه ممكن تاخد تصميم من اوبل او اى ماركه تملكها ..
بس تصنيع الكروز كورى 100% بالنسبه لمصر هنا

[ahmeeeeeed]

انا ماقلتش ياجماعة ان العربية الماني ومافيش جدال انها كوري بس انا بتكلم عن القطع الي متكون منها العربية اي نعم ان العربية متقفلة في كوريا بس فعلا ممكن تكون معظم قطعها من شركة بوش وانا شفت دة بنفسي النهاردة على مروحة الموتور والي مش متأكد يشوف المروحة وبعدين ردا عالاستاذ الي بيقول اني طيب لدرجة اني صدقت مسؤل المبيعات انا مابصدقش اي حد ايا كان بس انا نقلت الي اتقال بس وماعلى الرسول الا البلاغ

[mhmdalsaadany]

يا جماعه تصميم العربية شئ وان الموتور متغير في مصر شئ تاني
كل الفرق بين كروز بره ومصر هو الموتور فقط لا غير لكن مش معقول مغيرين الفتيس والعفشة وكل الكلام دا عشان خاطر عيون مصر
العربية تصميم g m والفتيس والعفشة هما هما وكمان نفس شاسيه الاوبل يعني قاعدة العجلات واحده ودا علي فكرة شاسيه لسه مطورينوا واول مره يستعمل في gm السنه دي وعلي فكرة انا اقصد الاوبل 2010 اللي لسه منزلتش مصر او لسة نزله تقريبا لكن الكروز في مصر بتنزل بموتور مختلف بس الموتور والباقي كما هو
وعلي فكرة التعليق سنجل بيم مش ملتي لينك
وباقي المكونات الماني مش كوري
التجميع فقط كوري

[د.محمود صلاح]

ممحن تكون البوبينة بوش بالفعل ...

[zanativich]

العربيه دى تحفة فعلا
انا لما ركبتها حسيت انى راكب المانى مرييييييييييييييييييييييييييييحة جدا وثابتة
ومتحسش بمطبات مقارنة بالاوبترا
ركوبة تانية خالص

[M_Marwan]

بصراحه أنا لا أثق فى شيفروليه أبدا
تجربتى المريره مع الأفيو عقدتنى من الشفروليه تماما

طبعا مفيش مقارنه بين الكروز والأفيو بس الفكره أنى جايب عربيه كورى وزيرو 2009 من الوكيل كااااش

وعشان قلة الخبرة أشترتها بعيب الأر بى أم
تخيلو انا روحت الصيانه والعربيه عامله 55 كم ؟؟؟!!

فيييين الكواليتى كونترول فى شيفروليه كوريا ؟؟؟؟ العربيه أول لما تمشى بيها ألأر بى أم بيعلى لوحده

لو كان حد جرب العربيه فى الشركه هناك كان خد باله طبعا !!!

بس طبعا احنا هتا فى مصر بيجيلنا زبالة الشفروليه

[Ahmed Samy]

بصراحه أنا لا أثق فى شيفروليه أبدا :t_thum1[1]:
تجربتى المريره مع الأفيو عقدتنى من الشفروليه تماما

طبعا مفيش مقارنه بين الكروز والأفيو بس الفكره أنى جايب عربيه كورى وزيرو 2009 من الوكيل كااااش

وعشان قلة الخبرة أشترتها بعيب الأر بى أم
تخيلو انا روحت الصيانه والعربيه عامله 55 كم ؟؟؟!!

فيييين الكواليتى كونترول فى شيفروليه كوريا ؟؟؟؟ العربيه أول لما تمشى بيها ألأر بى أم بيعلى لوحده

لو كان حد جرب العربيه فى الشركه هناك كان خد باله طبعا !!!

بس طبعا احنا هتا فى مصر بيجيلنا زبالة الشفروليه

بس الكروز فعلا حاجة تانية

بلاش تحط الأفيو في بالك و انت بتتفرج عليها

الكروز عربية فخمة و هادية و ثابته

[harmhanz]

يا اخوانى لا داعى للجدال حنسأل اسئلة ونرد العربية ديه عربية محترمة وجدا كمان؟؟؟؟؟ ايوة طبعا عربية محترمة واللى ظهر هيه عيوب فردية وفردية جدا كمان
توكيل شيفروليه توكيل جيد ؟ لا هوة من اسوأ التوكيلات واللى يعلل على ذلك تعامله مع سيارة اخونا المانيوال اللى بتفصل بس لا زلت اكرر العيب ده فردى وده الواضح يا جماعة والعربية ديه كورى اى نعم بس هية فخر للصناعة الكورية

[zeznia]

ايوه كده يارجاله انا مستمتع جدا بالجدل اللي حاصل دهعاشان ده في مصلحتنا كلنا وكل اللي عنده معلومه يقلها
انا عايز اقول بقي انا جينرال موتورز لما يكون مصنعها في المريخ فهوه بينتج ما تطلبه جنرال موتورز مش ماتطلبه دايو او اوبل او حتي فيات
كل المصانع دي بتاخد اوردر واحد نابع من الشركه الام مش كده ولاايه حد يغالطني ياجدعان
نيسان بتتقفل في مصر هل معني كده ان مصر بتصنع نيسان ياااااااااااريت اكون اسعد واحد
انا ملاحظ ان السياره بدات تتكلم واللي عنده رد عليها يرد بقي

[أشرف العدوي]

انا عايز اسأل بس أزاي العيب ده يحصل في عربيتين ( في محيط المنتدى ) و يتقال عليه فردي
نفس العيب بالظبط في عربيتين يبقى فردي ازاي

[harmhanz]

انا عايز اسأل بس أزاي العيب ده يحصل في عربيتين ( في محيط المنتدى ) و يتقال عليه فردي
نفس العيب بالظبط في عربيتين يبقى فردي ازاي

خلاص يا باشا حنقول وده بقى اصبح اكيد انا المانيول هيه اللى بيحدث فيها هذا العيب

[أشرف العدوي]

خلاص يا باشا حنقول وده بقى اصبح اكيد انا المانيول هيه اللى بيحدث فيها هذا العيب

ايوة يبقى المانيوال فيها عيب خطير و مش فردي
الاوتوماتيك حتى الان بدون عيوب