الامر أتحسم للكروز

[zeznia]

برضو هارود عليك وقلك ان سيارتين المانول دول مش مقياس
شوف كام سياره مانول في الشارع ماشيه بدون مشاكل
وموضوع الكونتاك ده مش حاجه كبيره هو مش الكونتاك اللي في المانول هو اللي فالاوتو
اي نعم كانت عواقبه وخيمه علي زمايلنا ربنا يسترها عالجميع بس نرجع ونقول ان التوكيل الفاشل هو اللي معرفشي يحدد العيب فين من الاول
تحياتي............

[adfarouk]

ايوه كده يارجاله انا مستمتع جدا بالجدل اللي حاصل دهعاشان ده في مصلحتنا كلنا وكل اللي عنده معلومه يقلها
انا عايز اقول بقي انا جينرال موتورز لما يكون مصنعها في المريخ فهوه بينتج ما تطلبه جنرال موتورز مش ماتطلبه دايو او اوبل او حتي فيات
كل المصانع دي بتاخد اوردر واحد نابع من الشركه الام مش كده ولاايه حد يغالطني ياجدعان
نيسان بتتقفل في مصر هل معني كده ان مصر بتصنع نيسان ياااااااااااريت اكون اسعد واحد
انا ملاحظ ان السياره بدات تتكلم واللي عنده رد عليها يرد بقي

+11111111111

نظراً لظروف السوق و التنافسية يتم تجميع أو تصنيع العربية خارج البلد الأم

و خلينا نأخد نيسان مثال زى محضرتك قولت علشان نوضح الموضوع أكتر

1) تجميع العربية:
و ده في الأغلب بيتم في حالة توزيع العربية محلياً زي مصنع نيسان في مصر ... بالتالي محدش يقدر يقول ان النيسان صناعة مصرية أبداً
عيوب الموضوع ده .... في حالة بلد زي مصر لما يكون مفيش ضوابط أو رقابة ممكن نتيجة التقفيل الأى كلام تلاقي في العربية المجمعة محلياً عيوب أكتر من العربية المستوردة

2) تصنيع العربية:
زي مصنع نيسان في أمريكا و المكسيك دول بيصنعوا العربية فعلاً ... في الحالة دي العربية تعتبر صناعة أمريكية أو مكسيكية تحت الأشراف الياباني و مفروض متقلش أي حاجة عن العربية الياباني

في حالة الكروز ... العربية صناعة كورية (و ليس تقفيل) تحت أشراف gm

و ده لايقلل أبداً من قيمة الكروز لأني لما بشتري العربية أنا بشتري العلامة في الأول و الأخر

[harmhanz]

ايوة يبقى المانيوال فيها عيب خطير و مش فردي
الاوتوماتيك حتى الان بدون عيوب

+1111111111

[mustafaibrahim]

السلام عليكم لكل الاعضاء والمشرفين مش عارف ابدا منين ولا اقول اية لان دي اول مشاركة لي في المنتدي بس

بصراحة كل الي عاوز اقولة لكي محبي وعشاق العربية الكروز ان الامر اتحسم لصالح الكروز الاجمل في فئاتها

انا النهاردة زرت توكيل رسمي لمنصور شيفرولية في الاسكندرية واتفرجت على العربية الكروز بصراحة تحس انك راكب

الماني ودة الي ممكن يكون اكدهولي مسئول المبيعات هناك لما دردشت معاة كتير و سألتة عن سبب أرتفاع اسعار الكروز مقارنة

بالعربيات التانية المنافسة لها في فئاتها فقالي والله العظيم بالحرف الواحد ان العربية دي متكلف عليها جامد في الماتيرا

بتعاتها والبودي والعفشة وكل حاجة فيها وخصوصا ان معظم قطعها من شركة بوش الالمانية العالمية كالجيربوكس وغيرها

وغيرها ولما سألتة عن مشكلة التوكيل الي بيعاني منها ناس كتير وبيتكلموا عنة قالي والله العظيم انا كان عندي

عميل العربية بتاعتة كان فيها عيب تصنيع اخدنا منة العربية وسلمناة واحدة تانية زيها في غضون 24 ساعة وكمان سألتة عن الاسعار فقالي الاسعار هتكون كالاتي

المانيوال زجاج كهرباء امامي وخلفي110000

الاتوماتيك الاليجانس
1210000
الهاي لاين 1310000 وتختلف الاليجانس عن الهاي لاين في خمس حاجات بس اير باج واي بي اس وطارة مالتي وجنوط 16 وكروم نيكل حول الشبكة الامامية

اما بالنسبة للتوب لاين فهيكون سعرها 1410000 جميع الكماليات

وكمان هناك نوع جديد نازل بسعر 150000 جنية الفرق فية سيدي تشنجر وجنوط 17 وفرش جلد وكماليات اخري بس من غير فتحة سقف وقالي لو عاوز فتحة في اي موديل ممكن تعمل اوردر خاص بكدة بداية من الاليجانس بس السعر هيفرق كتير

وكمان لفت انتباهي حاجة فيها الفرش بتاعتها الي بيبقي لونين لما سألتة عن كدة قالي بالنسبة للاحمر المالبورو على حد قولة كان بينزل وبطلوا ينزلوا العربية بية اما الازرق قالي بينزل كل 50 عربية واحدة بفرش ازرق اما الاساسي فهو الفيراني

اتمني ان تكون مشاركتي فعالة ولكم اطيب التمنيات باقتناء العربية الي بتحبوها

طيب ممكن اعرف من حضرتك لو انا عايز الفئة التوب لاين مع فتحة سقف هيزيد كام عالتمن الاصلى 4 الاف او 5 تلاف ولا اكتر اصلى مش هدفع فيها 10000 مثلا

و هل اعلى فئة اللى ب 150 الف الفرش بتاعها ازرق ولا رصاصى زى المنتشر

وحضرتك شوفت فاى معرض الفئة الجديدة عشان انا من اسكندرية برده وكنت عايز اشوفها

[ahmeeeeeed]

ياباشا انا ماشفتش الفئة الجديدة بس مسؤل المبيعات قالي موجودة ومااعرفش بصراحة فتحة السقف دة هيزيد كام بس الفئة الي ب 150 دة فرش جلد ومااعرفش بصراحة الوانة هتكون اية عشان ماسألتش

[zeznia]

[QUOTE=adfarouk;3872718973]+11111111111

نظراً لظروف السوق و التنافسية يتم تجميع أو تصنيع العربية خارج البلد الأم

و خلينا نأخد نيسان مثال زى محضرتك قولت علشان نوضح الموضوع أكتر

1) تجميع العربية:
و ده في الأغلب بيتم في حالة توزيع العربية محلياً زي مصنع نيسان في مصر ... بالتالي محدش يقدر يقول ان النيسان صناعة مصرية أبداً
عيوب الموضوع ده .... في حالة بلد زي مصر لما يكون مفيش ضوابط أو رقابة ممكن نتيجة التقفيل الأى كلام تلاقي في العربية المجمعة محلياً عيوب أكتر من العربية المستوردة

2) تصنيع العربية:
زي مصنع نيسان في أمريكا و المكسيك دول بيصنعوا العربية فعلاً ... في الحالة دي العربية تعتبر صناعة أمريكية أو مكسيكية تحت الأشراف الياباني و مفروض متقلش أي حاجة عن العربية الياباني

في حالة الكروز ... العربية صناعة كورية (و ليس تقفيل) تحت أشراف gm

و ده لايقلل أبداً من قيمة الكروز لأني لما بشتري العربية أنا بشتري العلامة في الأول و الأخر[/QUOTE


الله ينور علي حضرتك وبالذات في انا بشتري العلامه
يعني انا بشتري عربيه دخل في تصممها الجانب الامريكي طبعا بصفه اساسيه بالاضافه الي للالماني(اوبيل)بالاضافه للكوري(دايو)بالاضافه الي الاسترالي وده اللي قريته
مايعبش السياره انها تصنيع كوري يارتنا نبقي نص كوريا الناس دي مش بتلعب
وعيب زي الكونتاك ده عيب لايذكر بالنسبه لعربيه فيها كل المزايا دي وانا مش هاعيد اللي كتبته في المشاركه اللي فاتت (كونتاك المانول هو هو كونتاك الاوتوماتك)واعقلوا يااولي الالباب يعني اللي حصل في المانول ممكن ببساطه يحصل في الاتوماتك
عموما الايام بيننا وان شاء الله انا هشتري المانول 2011 وانا مطمن ان السياره قد تم معالجت كل عيوبها
علي فكره انا معايه نيسان صني 2009 والسياره ممتازه لايعبها سوي قلت كمالياتها و علو صوت ماتورها بعد 120كم والصيانه بعملها مع السبع ودول ناس خدمتهم معقوله
تحياتي

[mustafaibrahim]

ياباشا انا ماشفتش الفئة الجديدة بس مسؤل المبيعات قالي موجودة ومااعرفش بصراحة فتحة السقف دة هيزيد كام بس الفئة الي ب 150 دة فرش جلد ومااعرفش بصراحة الوانة هتكون اية عشان ماسألتش

شكرا ليك يا باشا

هما ان شاء الله كده على 2011 هيبقو حلوين وهينزلو كروز توب لاين بفتحة سقف بزيادة 4 او 5 الف كحد اقصى

ومن هنا انا بحظرهم

هشترى يعنى هشترى