عايز اشترى افيو وعايز اعرف رأى مالكى السيارة, وهى احسن ولا اللوجان

[hanyyacot]

السلام عليكم:

ان شاءالله ناوى اشترى عربية قريب وعايز اعرف الافيو التقفيل المصرى كويسة ولا فعلا زى ما بسمع فيها مشاكل كتيرة, وعايز اعرف لو حد عنده الخبرة , اشترى الافيو ولا اللوجان , ارجو الاهتمام والمساعدة وشكرا

[OilMan]

متهيالى الكلام اللى سمعته صح وادخل على منتدى شيفروليه هنا وشوف البلاوى والاحسن انزل معرض اوتوماك الاختيار حيبقى اوسع لحضرتك

[Dr_Essam]

العربية معايا من 3 شهور و مافيش أى مشاكل و الحمد لله ..
على فكرة , أنا قبل ما أشتربها كنت هاصرف نظر عنها بسبب الكلام و الشتائم اللى عليها فى المنتدى و لولا أنى جربتها أكثر من مرة مع ناس
أعرفهم ماكنتش صدقت أن العربية دى كويسة...بس خليك فى الكورى ..
و لو رجع الزمن بيا لورا كنت هاختار الأفيو برده..
نصيحة ليك , جرب العربية الأول و ماتأخدش بالكلام بس ..
و أنا تحت أمرك لو عايز تجرب عربيتى ...
و ربنا يوفقك لما فيه الخير...

[hanyyacot]

يا فندم ربنا يخليك , وكتر خيرك وميرسى على اهتمامك, انا اصلا قعدت فترة حوالى 5 شهور كده كانت معايا الافيو بس كانت بتاعة الشغل فى بلد برة مصر, اعتقد انها كانت كورى, وكانت ملاحظاتى ان عفشتها خشنة ومش ملايحة فى المطبات, كمان اتزانها مش كويس خالص بعد ال 100 , بس مكنتش عارف عيوب العفشة دى فى كل الافيو ولا العربية اللى كانت معايا عشان يمكن اتهلكت شوية , ولما نزلت مصر لقيت فى ناس ابتدت تشتكى من نفس الكلام , انا عارف ان ميزتها انها واسعة اوى من جوة , وشكلها كويس وسحبها معقول , عشان كده محتار وبقارن بينها وبين اللوجان وانا اولى بال 10000 الفرق , وفى الاخر متشكر جدا يا فندم

[Dr_Essam]

العفشة بتاعتها ناشفة شوية فعلا على المطبات لكن مش أوى يعنى..
لكن الثبات ممتاز لحد 120 و بصراحة ماجربتش على سرعة أعلى من كده ...
أكيد اللوجان عفشتها أنعم من الأفيو لكن فيها بعض الحاجات اللى تضايق زى أماكن الزراير و الكلاكس و عدم فتح الشنطة و التنك من الداخل ..!
لو الحاجات دى مش فارقة معاك و شكلها عاجبك توكل على الله و هات اللوجان و انت أولى بفرق ال10000 جنيه ..
و ربنا يوفقك

[mustafaibrahim]

افيو او فيرنا

[dark_smoky]

عندك كيا ريو ، هيونداي نيو اكسنت و اللوجان ... و أعقلها و توكل

[nadenono]

أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا تشتري الآفيو طالما انك بتحس بعيوب العفشة

[OilMan]

يعنى حضرتك ركبتها وكمان جربتها مدة وحسيت بالمشاكل ديه وجاى تسال الملاك هنا ايه رايكم مش عجيبه ديه شويه
ممكن الفرق 10000 يسبب لك مشاكل اكثر بكثير من قيمتهم وهى بهدلتك مع توكيل سمعته مش تمام وده من كلام كل من تعامل مع التوكيل وليس راى فردى منى
على فكرة كنت انوى شراء الافيو لزوجتى وخاصة انها عجباها جدا ولكن توقفت عن الفكره بعد ما رايت من ملاك السيارة هنا وخاصة انى فى مشاكل اغلبهم اجمع عليها

يا فندم ربنا يخليك , وكتر خيرك وميرسى على اهتمامك, انا اصلا قعدت فترة حوالى 5 شهور كده كانت معايا الافيو بس كانت بتاعة الشغل فى بلد برة مصر, اعتقد انها كانت كورى, وكانت ملاحظاتى ان عفشتها خشنة ومش ملايحة فى المطبات, كمان اتزانها مش كويس خالص بعد ال 100 , بس مكنتش عارف عيوب العفشة دى فى كل الافيو ولا العربية اللى كانت معايا عشان يمكن اتهلكت شوية , ولما نزلت مصر لقيت فى ناس ابتدت تشتكى من نفس الكلام , انا عارف ان ميزتها انها واسعة اوى من جوة , وشكلها كويس وسحبها معقول , عشان كده محتار وبقارن بينها وبين اللوجان وانا اولى بال 10000 الفرق , وفى الاخر متشكر جدا يا فندم

[akram2011]

مش هاقولك اكتر من (ابعد عن الافيو وغنيلها )
بس خلاص

[shouk_1987]

يا فندم ربنا يخليك , وكتر خيرك وميرسى على اهتمامك, انا اصلا قعدت فترة حوالى 5 شهور كده كانت معايا الافيو بس كانت بتاعة الشغل فى بلد برة مصر, اعتقد انها كانت كورى, وكانت ملاحظاتى ان عفشتها خشنة ومش ملايحة فى المطبات, كمان اتزانها مش كويس خالص بعد ال 100 , بس مكنتش عارف عيوب العفشة دى فى كل الافيو ولا العربية اللى كانت معايا عشان يمكن اتهلكت شوية , ولما نزلت مصر لقيت فى ناس ابتدت تشتكى من نفس الكلام , انا عارف ان ميزتها انها واسعة اوى من جوة , وشكلها كويس وسحبها معقول , عشان كده محتار وبقارن بينها وبين اللوجان وانا اولى بال 10000 الفرق , وفى الاخر متشكر جدا يا فندم

افيو ايه يا افندم اللى واسعة من جوه !!!!
الفيرنا و اللانوس والافيو التلاتة صالونهم مفعوص

اللوجان هى اللى وسعها رهيييييب ما شاء الله عليها روح المصرية اركبهم و انت تعرف او ممكن تلحق المعرض النهاردة اخر يوم

[hanyyacot]

يا باشا براحة عليا شوية بس , انا العربية اللى سوقتها وكانت معايا كانت عربية شركة , وانت عارف بيحصل ايه فى عربية الشركات , ف قلت ممكن تكون دى حالة خاصة بالعربية دى عشان اتبهدلت ومشيت كتير اوى وطبعا محدش بيحافظ عليها , وكانت تقفيل كورى كمان , ف قلت اسأل الناس ملاك العربية اكيد معاملتهم للعربية مختلفة , هى بس ميزتها فعلا انها من اشيك العربيات فى الفئة بتاعتها وموتورها كويس , اعتقد انى مقتنع دلوقتى 90% ب اللوجان , وميرسى يا فندم على ردك

[shouk_1987]

يا باشا و الله انا ما بهاجمك ولا حاجة و لعلمك انا اخواتى الاتنين متجوزين و معاهم افيو واحدة مصرى 2008 و واحدة كورى 2009
على فكرة انا معايا فيرنا 2010 و قبل ما اجيبها سمعت العجايب و اللى يقولك بطيخة يا حمرا يا أرعة و ابعد عن غبور و ابعد عن منصور و ابعد غن مش عارف مين طب أروح لمين ياعنى و اللى يقولك من اول 2008 تقفيلها بقى زباالة و طلعوا فيها القطط الفاطسانة بس الحمد لله زّى الفل حتى الآن
و ربنا يوفقك يا باشا فى اختيارك ان شاء الله

[shark12345]

نيو اكسنت افضل من الافيو عن تجربة

[mmtronic]

سيدى الفاضل

بص على اللينك دة - صاحب الموضوع جمع كل ما يتعلق بعيوب العربية دى - على فكرة انا معايا الاوتوماتيك 2009

http://www.nilemotors.net/Nile/138521-a.html#post3872530873

و لو انت فاضى

كباية شاى كدة و اعمل بحث على كلمة افيو او الافيو فى قسن شيفرولية بس ابقى خدلك ساتر من الموضيع الى حتنط فى وشك عن مشاكل العربية دى

و القرار ليك فى الاخر لان محدش حيشيل البلاء الا انت

و ربنا يوفقك