ياريت تقييم للافيو من مالكيها

[mohamed10]

ارجو من مالكى السيارة اعطائنا تقييم لها من خلال الاداء واستهلاك البنزين والثبات وهل هناك مشاكل فى الفتييس الخاص بها حيث اننى رايت سيارة امامى وبسوالى عنها كانت الاجابة انها خفيفة فى السرعات وبها مشكلة فى الفتيس ( ماكانش بيجيب الخامس ) وايضا دواسة البنزييم محدوفة يمين مما يودى الى اصطدام الركبة بالتابلوه اثناء القيادة فارجو التعليق على ذلك وشكرا

[shady_elkady]

البنزين فى اغلب الظروف 1 لتر ب 10 ك دة لو ماشى من غير حرق
ثباتها كويس جدا انا بجيب 170 و ثبات كويس
موضوع الدواسة دة فعلان بس لو رجعت الكرسى لورا شوية و اديت رجلك مسااحة مش هتلاقى مشكلة فى ناس بتلزق الكرسى فى التابلوة وة الى بيحسسهم انى فى مشكلة لان فى كرف فى التابلوة جنب ركبتك فلو ركبتك متنية اوى هتحس ان فى مشكلة
الفتاس كويس

[mohamed ibiza]

Alot Of People Complained From It's Stability And All The Korean Cars Problems Appears After 4 Or 5 Years Problems In Gear Box And Motor


















Ibiiiiiiiiiiiiiiiiiiiiiiiiiiiiiiiiiiiiiiiiiiiizzzz zzzzzzzzzzzzzaaaaaaaaaaaaaaaaaaaaaaaaa For Ever

[samehafez]

انا شايف ان العربية ثباتها معقول .........مشكلة العربية في سحبها الضعيف علي الاول والتاني ووووووو التالت كمان ( هو كويس بس مش اللي كنت متوقعة ) غير كدة انا محصلش معايا مشاكل تانية العربية بقالها 11 شهر و عاملة 12000 كم

[mero5005]

الكابتن بتاع الابيزا مع احترامى الكامل ليه كل اما نكتب كلمتين على العربيات الكورى يدخل ويقول البقيين اللى مع احترامى ملهومش اى اساس من الصحه ( احنا عندنا اكسيل 96 ولحد دلوقتى مفيهاش ولا مشكله وزى السكينه فى الحلاوه وبجيب بيها لحد 130 زى الفل) فلو مش عارف ميفتيش

[samehafez]

معلش يا جماعة انا عندي كذا سؤال للاخ بتاع الابيزا و لينا كلنا ...و يا ريت نسالة لنفسنا
سعر عربيتي كام بره مصر ؟ طيب لما دخلت مصر بكام ....
يعني مثلا الافيو 12000 دولار يعني حوالي 65000 جنية مصري و المفروض بعد الضرايب و المستنقعات يكون تمنها اضاعف كذا مرة بس العربية نازلة ب 74000 و هتلاقي الكلام ده علي معظم العربيات السيدان المتوسط ......يبقي احنا بركب عربيات تانية غير اللي بتنزل برة مصر ...عربيات متاكل نصها ...و طبيعي جدا ان عمرها يبقي 5 او 4 سنين ده كده اكتر من رضا لان في اوروبا و الدول المتقدمة بعد 5 سنين العربية يا تتغير يا لازم يتعملها عمرة ( العمرة ده مش اختراع مصري ...اصلي كنت فاكر كدة )عاوز عربية تعيش معاك العمر كلة عندك العربيات القديمة بتاعة ايام الخير ايام الربع جنية يتفك 6 شلنات و جوز الحمام اما كان تلات فرد ...
يعني تقييم اي عربية لازم يكون موضوعي انا ركبت الافيو برة مصر غير دي خالص و ده مخالنيش اقول عليها وحشة ....لاني عارف الظروف

-الافيو عالية اه و ده طبيعي ياثر علي الثبات بس (يا تري بنعاني من حكة الشكمان في المطبات لا طبعا ) بس بالنسبة لعربيات تانية اغلي منها كسعر و مش عالية زيها الافيو اثبت
-الافيو استهلاكها في البنزين معقول .....
-تكييف الافيو معقوول جدا ( مش زي ناس ....واصل كلامي )
-سحب العربية ...محترم جدا ...لان طبيعي هو مهتم بالعزم اكتر من اهتمامة زيادة معدل التسارع
( مثال ...هتاخد مثلا 6 ثواني عشان توصل لل50 علي الغيار الاول و بعدين التاني و انت لوحدك و هتاخد برضة نفس ال6 ثواني قول سبعة و انت مالي العربية ناس ..بس في عربيات تانية و ات لوحدك هتاخد 4 ثواني (سحب عالي ) بس لو مركب ناس هتاخد 8 ثواني ليه عشان العزم قليل
**** اللي اشتري افيو اشتراها ليه *****
اللانوس معانا بقالها زمن ..موتورها تمام يعني انت بتشتري عربية نازلة من سنتين بس موتورها متجرب من زمان
بصراحة كدة عفشة Gm موثوق فيها و الشاسية كمان و البلد دي محتاجة كدة

و اسف علي الاطالة

[khaledhendawy]

نا عندى أفيو المصرى 2008 لاحظت بعد 3 شهور من الاستعمال ان (احيانا)عداد ال RPMبيفضل ثابت فوق لمدة وصوت الموتور بيفضل عالى بالرغم انى دوست فرامل ودبرياج والعربية تقريبا وقفت فى مكانها واحيانا بيعلى كمان يبدا ينزل بمجرد ان اخف الضغط على الدبرياج
ذهبت مركز خدمة ش الطيران ومركز اتوماستر
قال ان ده عيب فى جميع عربيات الافيو وجربو نظافة بوابة الحقن والرشاشات وعملوا جميع المحاولات فى عربيات تانيه ولكن دون نتيجة
واخيرا سيتم مخاطبة الشركة المصنعة فى كوريا لايجاد حل حسب كلام السادة المهندسين
ارسلت الشكوى على موقع منصور للسيارات ولا حس ولاخبر

[dr_3eshoo]

ابتن بتاع الابيزا مع احترامى الكامل ليه كل اما نكتب كلمتين على العربيات الكورى يدخل ويقول البقيين اللى مع احترامى ملهومش اى اساس من الصحه ( احنا عندنا اكسيل 96 ولحد دلوقتى مفيهاش ولا مشكله وزى السكينه فى الحلاوه وبجيب بيها لحد 130 زى الفل) فلو مش عارف ميفتيش



ده رايي شخصي لكل واحد و فعلا كلام محمد صح لان كان معايا نوبيرا 2001 و كانت عربيه زفت و اتباعت بعد 3 سنين و كان فيها مشاكل عفشه و متور الفتيس كان بيشاور عقله
دي حقيقه الناس ليه بتزعل من الحقيقه هيونداي اكسيل من العربيات المحترمه لا خلاااف بس برضه مش من 96 لحد النهرده و مفيش مشاكل صعبه دي اوي يعني

[mero5005]

مع احترامى ليك يا كابتن يا هيشو انا ادرى بعربيتى منك

[dr_3eshoo]

اولا دكتور مش كابتن ثانيا عيشو
لو انت من 96 لحد النهارده بتقول عربيتك مفايهاش مشاكل يبقى فيه حد تاني بيركب عربيتك مش انت صح كده ولا ايه
الكوري طول عمره بتاع مشاكل بس قطع غياره ببلاش

[mero5005]

انا اسف يا دكتور عيشو انا برضوا دكتور فى طب عين شمس وانا اللى بسوقها انا قصدى مفيش المشاكل اللى قال عليها بتاع الابيزا لكن كل عربيه وليها مشاكل وياريت قبل ما تعيب فى الكورى تبص على السيراتو والسوناتا وهتغير وجهه نظرك

[mhDeeb]

يا جماعة نرجو عدم حدة الحوار والموضوع كله ببساطة لا يوجد قاعدة تقول الكورى او الياباني او الامريكى

لكل موديل سيارة بعينة له مميزاته وله عيوبة ولذلك في المستوى المتوسط للسيارات لا توجد سيارة واحدة حتى مبلغ 85000 جنية مصرى داخل جمهورية مصر العربية اجتمع عليها الخبراء وقالوا ( هى دى ) لا يوجد احسن منها ولكن كل سيارة اي حد جربها يطلع فيها العيوب والمزايا ماشى يا .............. كباتن

[mhDeeb]

وياريت نعود للموضوع الاساسى وهو
تقيييييييييييييييييييييييم للسيارة الشيفورلية الافيو من اصحاب السيارة الافيو وتجاربهم الحقيقية مع السيارة
وشكرا

[dr_3eshoo]

و لا يهمك يا دكتور ميرو بس بالراحه علينا
الاكسيل عربيه جميله و بحبها بس و الله النوبيرا كانت مكفره سياتي و عربيه مش قد المسؤليه
و قطع غيارها متوفره و ببلاش علشان كده انت مش حاسس بيها ده قصدي
ربنا يباركلك فيها و يديك خيرها و يبعد عنك شرها
على فكره محمد صاحبي و محامي يعني برضه مش كابتن و لا بتاع

[mhDeeb]

اية يا دكتور هى كابتن كلمة عيب والا حاجة لسمح الله
احنا بنتكلم على المنتدى علشان ننفس عن نفسينا شوية مش علشان نخليها رسمى ونقول دكتور واستاذ واستاذ مساعد
ده كدة حتبقى الجلسة رسمى ولو في رتبة لازم نقولها سيادة الــ ..........

خلى الجلسة على النت لذيذة وعديها يا .................