مشكلة فى الافيو..برجاء المساعدة

[DrMax]

السلام عليكم

المشكلة دى حصلت مع واحد صاحبى مش معايا انا فقولتلو هسالك رجالة شيفروليه فى المنتدى وهما اكيد هيفيدونا

العربية افيو موديل 2010 لسه زيرو بقالها معاه شهرين ونص وممشيتش غير 430 كيلو فقط وصاحبى ده من النوع اللى بيحسس عالعربية

المشكلة بدات ب نتشة خفيفة كده وهوه ماشى يعنى تحس اكن العربية بتقطع بسيط وفى كل النقلات يعنى حتى عالرابع بتنتش
المهم ركبت معاه حسيتها فقولتلو دوس بنزين كده شوية وانت واقف جايز تتظبط

فداس بنزين شوية وجه يطلع لقينا اللمبة بتاعة check engine فضلت منورة!!!!

بطلنا العربية ودورناها تانى برضو فضلت منورة..سبنا العربية حوالى ساعة وجينا ندورها تانى برضو اللمبة منورة
مع العلم ان تقريبا النتشة اللى كانت موجودة راحت!! بس اللمبة المنورة دى ملهاش تفسير لان العربية اتظبطت شوية

منتظر ارائكم وشكرا مقدما
تحياتى

[أشرف العدوي]

أحسن حاجة يطلع على التوكيل على طول
و انصحك بأخوان مقار
العربية في الضمان ما تخليش حد يلعب فيها من برة

[DrMax]

أحسن حاجة يطلع على التوكيل على طول
و انصحك بأخوان مقار
العربية في الضمان ما تخليش حد يلعب فيها من برة

ماهو هيطلع عالتوكيل بس هيروح فرع طنطا جمبنا لان احنا من طنطا وكمان خايف يمشى باللمبة منورة مسافة طويلة
بس تتوقع يابو اسر تكون المشكلة فى ايه؟؟
اصل الواد مخنوق وكره العربية وحقه الصراحة وقالى ياريتنى سمعت كلامك
لانه لما كان ناوى يجيبها قولتلو عالمشاكل اللى كنتو بتلاقوها فى الافيو ونصحتو ميجبهاش بس هوه كان مقتنع بيها
فتتوقع المشكلة من ايه لان العربية ممشيتش اساسا عشان تنتش ولا لمبة الموتور تنور
وشكرا لردك

[aymanmaly]

لمبة check engine اذا فضلت منورة معناة ان فية عطل فى السيارة و يجب فحص السيارة على الكمبيوتر اهم حاجة ماتفصلش كابل البطرية قبل حط السيارة على الكمبيوتر و حاول تستعجل و ارشحلك فرع القاهرة الجديدة مدير الفرع المهندس محمود دة فرع لمنصور نفسة
انا بعد ماكتبت الكلام دة لقيت رد منك فى نفس التوقيت
انسا موضوع فرع القاهرة الجديدة خليك فى طنطا لو فية فرع لمنصور فى طنطا
والموضوع بسيط جدا فى الغالب كهرباء (مثال بوجية فصل او مش راكب مكانة )
و دة عادى جدا فى السيارات الجديدة مايستهلش صحبك يكرة العربية و ياريت تطمنا لم يعرف فية اية ب المهم الخطوة الى كرتها فى الاول الفحص بالكمبيوتر

[DrMax]

لمبة check engine اذا فضلت منورة معناة ان فية عطل فى السيارة و يجب فحص السيارة على الكمبيوتر اهم حاجة ماتفصلش كابل البطرية قبل حط السيارة على الكمبيوتر و حاول تستعجل و ارشحلك فرع القاهرة الجديدة مدير الفرع المهندس محمود دة فرع لمنصور نفسة

طب هل فى غلط لو سافر بالعربية لحد القاهرة واللمبة دى منورة؟؟
اصل احنا من طنطا فكنا هنروح فرع طنطا جمبنا ب 7ك ولا حاجة
وهل فرع طنطا كويس ولا الافضل نروح القاهرة؟؟

[DrMax]

لمبة check engine اذا فضلت منورة معناة ان فية عطل فى السيارة و يجب فحص السيارة على الكمبيوتر اهم حاجة ماتفصلش كابل البطرية قبل حط السيارة على الكمبيوتر و حاول تستعجل و ارشحلك فرع القاهرة الجديدة مدير الفرع المهندس محمود دة فرع لمنصور نفسة
انا بعد ماكتبت الكلام دة لقيت رد منك فى نفس التوقيت
انسا موضوع فرع القاهرة الجديدة خليك فى طنطا لو فية فرع لمنصور فى طنطا
والموضوع بسيط جدا فى الغالب كهرباء (مثال بوجية فصل او مش راكب مكانة )
و دة عادى جدا فى السيارات الجديدة مايستهلش صحبك يكرة العربية و ياريت تطمنا لم يعرف فية اية ب المهم الخطوة الى كرتها فى الاول الفحص بالكمبيوتر

اوك شكرا لرد حضرتك ياباشا
وهنروح فرع طنطا وهبقى اقولكم ان شاء الله ايه اللى تم
شكرا جزيلا لمساعدتكم

[jooadv]

عربيتى 2008 واللمبة بتنور لما بسافر دايما بس اشطا يعنى الدنيا كويسه

بس مدام راكب 2010 وماشى بيها 450 كيلو يروح التوكيل يظبطهم

[abdo_eg]

الف مبروك عليك العربية يا باشا وهى عربية جميلة ومتسمعش للكلام الكتير على اى عربية م شعلى الافيو بس لان اناا عندى افيو2009 ومعاى زى الفل والحمد لله لغاية دلوقتى وعاملة 22000 من اى عيب من اللى بيتكتب فى المنتدى....
المشكلة بتاعة حضرتك ان انت مونت السيارة من محطة بنزين حامية خالطة البنزين ببعضه او عدم نظافة الخزان الارضى ووجود ماء بالبنزين وهو ده اللى خلى العربية تنتش منك ولما دوست بنزين جامد زودت نسبة الكربون على الحساسات وشغلت لمبة الانذار...واتمنى ان يكون التحليل صائب..

[sammor_28]

بالظبط زي ماقال الأستاذ عبده فعلا بنزين مش نظيف وعمل سدد في فلتر البنزين وبالتالي العربيه كانت بتقطع

ولما السداد راح بضغطه البنزين القويه الكمبيوتر سجل عطل

ان شاء الله بسيطه جدا روح لأقرب فرع لخدمه منصور ويكون معتمد وهما هيحطو العربيه عالسكانر وهيقولك ايه العيب وماتقلقش من نقطه المشيس بالعربيه لأنها حصلت معايا وانا مسافر شرم الشيخ حطيت بنزبن من بنزبنه اي كلام وبعديها ب5 دقايق اللمبه نورت وكلمت منصور قالولوي طالما اللمبه منوره على طول عادي امشي بالعربيه وروح اقرب مركز خدمه معتمد اما لو اللمبه بتنور وتطفي كده لازم تقف لأن كده مشكله كبيره

وربنا ييسرلك الحال وماتقلقش بسيطه ان شاء الله

[fawzyyyy]

بقولك اييييهههه العربية في الضمان ديه لسا شهرين ونص و عمله 450 كيلو......يعني لو الماتور فيه حاجة لا قدر الله حيدووك عربية جديدة........!!!!!!
لمبه check engine ديه يعني في عطل في الماتور و الاحسن عشان تبقي في الامان تتصل بالتوكيل الاول و تقولهم اللي حصل يمكن يقولولك متتحركش بيها و هما يبعتوا يخدوها عشان ديه عالم بتتلكك علي اي حاجة و ممكن يقولولك انت كان المفروض متمشيش بيها اما اللمبة نورت..............!!!!

[DrMax]

صاحبى خد امبارح العربية لفرع منصور فى طنطا وروحت معاه
واحنا رايحين العربية رجعت تنتش تانى جامد واللمبة منورة كالعادة

المهم حطو العربية عالكمبيوتر قالولنا السنسور اللى بيظبط دخول الهوا للموتور كان مهزوز وظبطوه واللمبة طفت
طلعنا نجرب لقينا العربية فيها نتشة برضو واللمبة نورت تانى

رجعنالهم قامو غيرو السنسور خالص برضو اللمبه فضلت منورة

فى الاخر قالولنا الكمبيوتر بتاع العربية بايظ وهنغيرو بواحد جديد !!!
قولنالو هية العربية مشيت عشان الكمبيوتر يبقى بايظ قالنا عادى كل كام الف عربية تلاقى كمبيوترين تلاتة بايظين
قولنا الحمد لله على كل شىء

والمهندس بيوصلو قالنا عارفين ده تمنو كام ... 4 الاف جنيه
زى منكون هناخد ال 4 الاف جنيه هديه مثلا ولا بيبقشش علينا من جيبو مش حقنا

المهم ركب الكمبيوتر الجديد اللمبة طفت والعربية اتظبطت والنتشة راحت وبقت تمام

وعلى فكرة انا وصحبى بنمون من نفس البنزينة علطول مبنغيرهاش ومحدش اشتكى منها يعنى المشكلة مش من البنزين
وهما هناك مجابوش سيرة البنزين لان لقو العربية نفسها اللى فيها مشكلة مع انها زيرو لسه


انا حبيت بس انقلكم التجربة جايز حد يستفيد منها
وشكرا جزيلا لكل من شارك فى الموضوع

[fawzyyyy]

الحمد لله علي كل شئ

[aymanmaly]

مبروك تصليح العربية
و نصيحة لصاحبك خلية يحافظ على الضمان و يعمل الصيانة الدورية فى منصور و ميستخسرش تكلفة الصيانة و هى كل 5000 كم
و اديك شوفت قطعة ب 4000 جنية
بالتوفيق

[DrMax]

الحمد لله علي كل شئ

الحمد لله على كل شىء
شكرا ليك

مبروك تصليح العربية
و نصيحة لصاحبك خلية يحافظ على الضمان و يعمل الصيانة الدورية فى منصور و ميستخسرش تكلفة الصيانة و هى كل 5000 كم
و اديك شوفت قطعة ب 4000 جنية
بالتوفيق

الله يبارك فيك
كلام حضرتك مظبوط
الضمان مهم جدا فى العربيات الايام دى
وشكرا ليك على مشاركتك ومساعدتك
تحياتى

[gazzar91]

صاحبى خد امبارح العربية لفرع منصور فى طنطا وروحت معاه
واحنا رايحين العربية رجعت تنتش تانى جامد واللمبة منورة كالعادة

المهم حطو العربية عالكمبيوتر قالولنا السنسور اللى بيظبط دخول الهوا للموتور كان مهزوز وظبطوه واللمبة طفت
طلعنا نجرب لقينا العربية فيها نتشة برضو واللمبة نورت تانى

رجعنالهم قامو غيرو السنسور خالص برضو اللمبه فضلت منورة

فى الاخر قالولنا الكمبيوتر بتاع العربية بايظ وهنغيرو بواحد جديد !!!
قولنالو هية العربية مشيت عشان الكمبيوتر يبقى بايظ قالنا عادى كل كام الف عربية تلاقى كمبيوترين تلاتة بايظين
قولنا الحمد لله على كل شىء

والمهندس بيوصلو قالنا عارفين ده تمنو كام ... 4 الاف جنيه
زى منكون هناخد ال 4 الاف جنيه هديه مثلا ولا بيبقشش علينا من جيبو مش حقنا

المهم ركب الكمبيوتر الجديد اللمبة طفت والعربية اتظبطت والنتشة راحت وبقت تمام

وعلى فكرة انا وصحبى بنمون من نفس البنزينة علطول مبنغيرهاش ومحدش اشتكى منها يعنى المشكلة مش من البنزين
وهما هناك مجابوش سيرة البنزين لان لقو العربية نفسها اللى فيها مشكلة مع انها زيرو لسه


انا حبيت بس انقلكم التجربة جايز حد يستفيد منها
وشكرا جزيلا لكل من شارك فى الموضوع

أنا أسف إني هاستغل مشاركة حضرتك.. بس فعلاً أدي الأفيو أثبتت إنها عربية سيئة و ده يعتبر ضربه في وجه الناس اللي شتمت أعضاء معانا علشان العربية... بكرر أسفي لاستغلال المشاركة..
بس برضه عندي سؤال و عاوز حد يرد عليه...

ليه في ناس بتعتبر أي كلام عن عربياتهم كأنه مساس عِرض -لا سمح الله- نفسي حد يجاوبني على السؤال ده.. لأ و ساعات الوكيل بتاع عربياتهم مش العربية بس.. لأ و تاخد منهم ردود لاذعة و سباب متواري و تريقه .. و كل ده.. علشان شوية صاج؟؟؟!!!