يا جماعة ارجوا الأفادة انا قربت استلم الكروز و عايز اعرف شوية حاجات

[Ahmedsa33]

[overline]
[/overline]

اولا انا حجزت اليجانس اتوماتك و لسة هروح احدد اللون و 99 %اسود بس كنت عايز اعرف هى بتنزل بشبكة نيكل و لا من مبتنزلش فيها و تانى حاجة هل ممكن الطارو المالتى فنكشن ممكن اركبها بعد كدة ولا مش ممكن
ثالثا ايية اللى بيجى مع العربية و لما استلم هصورهلكم ادعولى لستلم لحسن انا خلاص هما قالولى فة فرع المهندسين تستلم خلال 48 ساعة و انا مش صابر بس ما باليد حيلة عايز ردوركم يا جماعة

[mido]

شبكه عاديه
بالنسبه للطاره اعتقد لازم تسأل فى الصيانه عموما لو الفيشه موجوده فالمشكله فى الطاره بس
مبروك مقدما

انت بقالك قد ايه حاجز ؟

[Hosam_Optrawy]

الاليجانس من غير شبكه نيكل

الطاره ملتى معرفش ينفع تركب ولا لأ

ومبروك مقدما

[mustafaibrahim]

اختيار موفق يا اباشا

الكروز عربية محترمة جدا ثابتة اعتمادية والاهم بالنسبالى واسعة من جوة

مبروك مقدما

[Ahmedsa33]

انا يا باشا انا شغال فى جريدة الاهرام و حاجزهاتبع الشغل و لسة هروح التوكيل عشان استلم و التسليم خلال 48 ساعة

[Ahmedsa33]

اختيار موفق يا اباشا

الكروز عربية محترمة جدا ثابتة اعتمادية والاهم بالنسبالى واسعة من جوة

مبروك مقدما

شكرا يا باشا و عقبالك

[Ahmedsa33]

الاليجانس من غير شبكه نيكل

الطاره ملتى معرفش ينفع تركب ولا لأ

ومبروك مقدما

فرصة سعيدة يا باشا انك رديت عليا انا قرأت مواضيعك كلها قبل كدة
المهم انا عرفت حاجة غريبة اوى ان الواحد لو ركب حاجة فى العربية تخرج برة الضمان بس معرفش اية نوع الحاجات دية يعنى فى حاجات ممكن تخرج من الضمان و فى حاجات لأ و اتقلى ان الصيانة هما اللى عارفين الحاجات دى

انت اية رأ يك فى اللون الأسود و هل الزجاج الخلفى كهرباء ولا عادى فى الاتوماتيك و شكرا يا باشا

[mohjersy]

على فكره العربية ممتازه عن تجربة والعربية معايا وعامله 2000 كيلو والحمد لله رائعه وسيبك من اللى بيتقال هنا لانى عملت زيك كده لما كنت هاشترى العربية واراء الناس هنا خوفتنى وكنت هتراجع عن شراء العربية لان فى اراء هنا للاسف غير موضوعيه و فى ناس بتحب تفتى فى كل حاجه لمجرد انه يبين انه فاهم فى كل حاجه
اتكل على الله وربنا يكفيك شرها

[zeznia]

الف مبروك يارب تستلم علي خير
طبعا مش هاتبخل علينا بالتقرير المفصل بالصور
عايز ااكد علي شويت حاجات بدهيه ممكن تكون مفيده
نبدا بالعربيه من بره وخلي بالك من الكلام عشان انا اضحك عليه من السبع وانا بستلم الصني بتعتي
اولا ماتدفعش الفلوس غيرماتعمل اللي هاقولك عليه
ثانيا العربيه لو في مخزن بعيد عن المعرض او مكان الاستلام اطلب معاينتها قبل ماتتحرك العربيه من مكانها عاشان لو العربيه اتحركت من مكانها واكتشفت اي حاجه من اللي هاقلك عليها يبقي انت لبست يامعلم
ثالثا بالنسبه للبودي الخارجي هايكون عليه اللزق الابيض علي السقف والكبود والشنطه من فوق لازم تشيل اللزق ده بايدك كله وتعاين كويس تحته الصاج لو فيه اي انبعاج او خدوش واللون كله متجانس ويستحسن تستلم طبعا في نور الشمس كذلك الكاوتش والجنوط وخد وقتك وبرحتك ماتسمعش كلام الناس اللي حوليك زي مثلا هو انت بتشتري عربيه مستعمله الخ......وبص في الكرترات وتحت العربيه ممكن تكون محكوكه من تحت ليه لا. خلي بالك ممكن تكون العربيه في المعرض وتكون مغسوله ومتروقه عادي بس راجع كويس بردو
رابعا تحت الكبود الموتور بيكون عليه زي ماده شمعيه عادتا بتكون لامه غبار وده كويس طبعا اطمن علي كل سوائل العربيه تكون تمام قبل ماتدور زي ماكنت بتعمل في عربيتك القديمه بالظبط بس وتسيب الكبوت مفتوح ونخش علي خامسا
خامسا الشنطه بيكون فيها 4 طاسات لو ماكنوش راكبين في الجنوط فعلا وانا استلمتهم كدا شخصيا و طبعا تحت الفبره اللي في الارضيه فيه استبن من نفس نوع الكاوتش والجنوط الحديد اللي راكبه فعلا في العربيهوالكوريك وشنطة عده وطبعا وانت بتبوص عليهم تبوص علي دهان الشنطه
سادسا والاهم والاصعب تفحص الصالون وده لازم تكون مصحصح جدا وانت بفحصه
لالالا تتنازل عن الاكياس البلاستك التي تكون معظم مكونات الصالون مغلفه بها من اول مفاتيح الاشارات وعصى الفتيس والكراسي ولزقه عالشاشه وطبعا في حاجه عامله زي الكوبايه بتكون جنب فرامل اليد ودي عشان الحاجه الساقعه لما تعرق متخرش ميه عالفرش شويت دلع كده من منصور بيك .مسند اليد متحرك تاكد ان حركته سليمه وبيكون aux جواه وطبعا اول ماهتخش الصالون استمتع برائحت الفرش الجديد في ناس مش بتحبه بس انا باموت فيه. الطبلون تفحصه من الخارج كده وكذلك الخزنات وحده فوق الطبلون ووحده العاديه اللي تحت بيكون فيها الكتلوج والضمان
سابعا شغل السياره وسخن دقيقه واحده وبعد كده شغل كل حاجه وجرب كل حاجه وبدون تفاصيل كل حاجه واسمع صوت الموتور واستمتع وادفع الفلوس وربنا يبركلك ويكفيك شرها ويعطيك خيرها
ثامنا اسف للاطاله بس انا ملقتش حد ينصحني بس الحمد لله ربنا كرمنا بالمنتدي الجميل باعضاءه عاشان ننصح بعض ونخاف علي بعض
واخيرا وعد منك بتقرير مفصل بالصور والالالالالالالالالالالا
تحياتي وبالتوفيق

[Ahmedsa33]

على فكره العربية ممتازه عن تجربة والعربية معايا وعامله 2000 كيلو والحمد لله رائعه وسيبك من اللى بيتقال هنا لانى عملت زيك كده لما كنت هاشترى العربية واراء الناس هنا خوفتنى وكنت هتراجع عن شراء العربية لان فى اراء هنا للاسف غير موضوعيه و فى ناس بتحب تفتى فى كل حاجه لمجرد انه يبين انه فاهم فى كل حاجه
اتكل على الله وربنا يكفيك شرها

شكرا جدا يا باشا على رايك انا معالك جدا فيية لأنى بقالى 9 شهور مسمعتش حد شكر فيها و كلوا بيفتى
و اظاهر ان الناس اللى جابت كيا سيراتو مخنوقين منها و بيطلعوا همهم على الكروز مع العلم ان مفيش حد اشترى العربية و اشتكى منها نهائيا حتى الأخ اللى عمل حادثة والله اعلم اذا كان صادق ولا بيفتى ليية عربية فيها عيب التوكيل ازاى ميغيرهاش و كل اللى اشتروا العربية شياطين و هو اللى ملاك و عربيتة بتبطل و مش نافعة يا جدعان للأسف مازال المصدر الأساسى للمعلومات هو التجربة و عن تجربة بقول العربية دى احسن عربية فى مصر فى الفئة بتاعتها و الايام بيننا يا معارضين

المهم سيبك من العالم اللى مخنوقين دوول العربية 10000 على 100 و فاجرة و سافلة جدا و انا اسف على التعبير دة بس هو دة اللى المفروض يتقال

[Hosam_Optrawy]

فرصة سعيدة يا باشا انك رديت عليا انا قرأت مواضيعك كلها قبل كدة
المهم انا عرفت حاجة غريبة اوى ان الواحد لو ركب حاجة فى العربية تخرج برة الضمان بس معرفش اية نوع الحاجات دية يعنى فى حاجات ممكن تخرج من الضمان و فى حاجات لأ و اتقلى ان الصيانة هما اللى عارفين الحاجات دى

انت اية رأ يك فى اللون الأسود و هل الزجاج الخلفى كهرباء ولا عادى فى الاتوماتيك و شكرا يا باشا:s_thum1[1]:

انا اسعد ياباشا

اى حاجه فيها لعب فى الكهربا او اى تعديل فى العربيه او فى العفشه كل دا يخرج برا للضمان

يعنى مثلا لو ركبت انذار او غيرت كاسيت ضفيرة الكهربا هاتخرج برا الضمان

انت ناوى تغير ايه او عايز تعدل فى ايه ؟

اللون الاسود طبعا اشيك وأحلى لون وخصوصا على الكروز تحفه

بس عيب اللون الاسود عموما فى اى عربيه انه بيتوسخ اسرع مما تخيل وفى الحر والشمس بيمتص الحراره بطريقه فظيعه

والزجاج الكهربا امامى وخلفى فى كل الفئات سواء مانيوال او اوتوماتيك

واى استفسار تحت امرك

[Ahmedsa33]

انا اسعد ياباشا

اى حاجه فيها لعب فى الكهربا او اى تعديل فى العربيه او فى العفشه كل دا يخرج برا للضمان

يعنى مثلا لو ركبت انذار او غيرت كاسيت ضفيرة الكهربا هاتخرج برا الضمان

انت ناوى تغير ايه او عايز تعدل فى ايه ؟

اللون الاسود طبعا اشيك وأحلى لون وخصوصا على الكروز تحفه

بس عيب اللون الاسود عموما فى اى عربيه انه بيتوسخ اسرع مما تخيل وفى الحر والشمس بيمتص الحراره بطريقه فظيعه

والزجاج الكهربا امامى وخلفى فى كل الفئات سواء مانيوال او اوتوماتيك

واى استفسار تحت امرك

شكرا يا باشا انا بجد محظوظ انى وقعت فى واحد زيك انا كنت بفكر اركب زينون و باركينج سنسور محترم بس مش مشكلة ممكن انفض و ادينى كنت ماشى من غيرهم فى عربيتى القديمة و بصراحة كان كمان نفسى
اركب lcd
عشان الاولاد و انت فاهم ممكن اجيب نوع يشتغل على الولاعة و يكون فى اف ام ترنسميتر يبقى كدة فى السليم و كنت هكوت على الطارة المالتى فنكشن بس متهيئلى مش هتنزل مصر غير بعد سنتين مثلا
و ربنا يسهل و انت بتعتقد يكون فى لعب من التوكيل فى العربية مثلا تكون مخبوطة او حاجة و هل انا بستلمها
من منصور عليها الشمع بتاعها الابيض ولا اية


و شكرا يا باشا على العموم انا رايح منصور اللى فى سور نادى الزمالك المهندسين يوم الثلاثاء اديهم الجواب
وفى واحد هناك مدير بدون ذكر اسماء قالى التسليم خلال 48 ساعة و كمان فى مركب اليومين دوول و العربيات
فى الشونة و الموضوع هياخد يومين عشان يجيبولى الافراج الجمركى و الاستلام و اعتقد كلامهم على الاقل صح بنسبة 60 % ولا رايك اييية

[Ahmedsa33]

الاليجانس من غير شبكه نيكل

الطاره ملتى معرفش ينفع تركب ولا لأ

ومبروك مقدما

سؤال اخير يا باشا هو انا لو استلمت دلوقتى هخدها موديل 2010 ولا 2011 و اعتقد 2010 صح

[mido]

انا اسعد ياباشا

اى حاجه فيها لعب فى الكهربا او اى تعديل فى العربيه او فى العفشه كل دا يخرج برا للضمان

يعنى مثلا لو ركبت انذار او غيرت كاسيت ضفيرة الكهربا هاتخرج برا الضمان

انت ناوى تغير ايه او عايز تعدل فى ايه ؟

اللون الاسود طبعا اشيك وأحلى لون وخصوصا على الكروز تحفه

بس عيب اللون الاسود عموما فى اى عربيه انه بيتوسخ اسرع مما تخيل وفى الحر والشمس بيمتص الحراره بطريقه فظيعه

والزجاج الكهربا امامى وخلفى فى كل الفئات سواء مانيوال او اوتوماتيك

واى استفسار تحت امرك

على فكره انا ركبت انذار وسنتر ومحدش قلى حاجه بس ده يمكن علشان انا مشتكتش من حاجه فى الكهربا
اعتقد اللى هيبقى محتاج يركب الباركنج سنسور وده مش قصه كام خرم فى الاكصدام وقطع فى سللك لمبة الفرامل

[mido]

شكرا يا باشا انا بجد محظوظ انى وقعت فى واحد زيك انا كنت بفكر اركب زينون و باركينج سنسور محترم بس مش مشكلة ممكن انفض و ادينى كنت ماشى من غيرهم فى عربيتى القديمة و بصراحة كان كمان نفسى
اركب lcd
عشان الاولاد و انت فاهم ممكن اجيب نوع يشتغل على الولاعة و يكون فى اف ام ترنسميتر يبقى كدة فى السليم و كنت هكوت على الطارة المالتى فنكشن بس متهيئلى مش هتنزل مصر غير بعد سنتين مثلا
و ربنا يسهل و انت بتعتقد يكون فى لعب من التوكيل فى العربية مثلا تكون مخبوطة او حاجة و هل انا بستلمها
من منصور عليها الشمع بتاعها الابيض ولا اية


و شكرا يا باشا على العموم انا رايح منصور اللى فى سور نادى الزمالك المهندسين يوم الثلاثاء اديهم الجواب
وفى واحد هناك مدير بدون ذكر اسماء قالى التسليم خلال 48 ساعة و كمان فى مركب اليومين دوول و العربيات
فى الشونة و الموضوع هياخد يومين عشان يجيبولى الافراج الجمركى و الاستلام و اعتقد كلامهم على الاقل صح بنسبة 60 % ولا رايك اييية

موديل 2011 ولا 2010 ؟