ازاي استلم الاوبترا

[abdulmageed]

السلام عليكم وحمة الله وبركاته
انا ان شاء الله هستلم الاوبترا اليومين اللي جاين دول
كنت عايز اعرف ايه الحاجات اللي لازم اشيك عليها

وكمان يا ريت الو حد يعرف اجراءات وتكلفة الترخيص 3 سنوات ايه؟

[Nader007]

الف مبروك على العربية و ربنا يباركلك فيها
الاول لازم تشيك على جسم العربية و الدوكو من الخارج بدقة عشان ممكن تلاقى اى خدش من الشحن
ثانيا شغل العربية و اسمع لو الموتور فيه اى صوت غريب وشغل التكيف، ممكن تلاقى التكيف ضعيف شوية دا عادى
ثالثا بص على الصالون شوفه نظيف و التابلو نظيف و الكراسى و جرب الكاسيت و جرب البيبان بتقفل و تفتح كويس او لأ
اهم حاجة تشوف عداد السرعة عادد اد ايه؟؟
لو عايز تعرف العربية مشيت مشوار عشان تجيلك او جت متحملة سيبك من عداد السرعة عشان بيشيلو السلك بتاعه بص على طنابير الفرامل، العربية المشيت مشوار بتكون طنابيرها بتلمع و منورة لو كانو مصديين يبقى تمام و تبقى العربية دى عمرها متحركت و هذا هو المطلوب عشان اهم فترة هى التليين و لازم تتلين 1000 كم

الترخيص بيكون حوالى 1500 جنيه على بعضه بالضريبة ثلاث سنوات و كمان هتشتريلك طفاية بس مش فاكر بكام
بعد متسدد ثمن العربية لو كان كاش او تخلص اجراءات البنك لو تقسيط المعرض هيجبلك 1- صورة الافراج الجمركى 2- فتورة 3- مبيعتين للعربية لو موزع و لو جايبها من منصور تبقى مبايعة واحدة 4- شهادة تسديد جمرك السيارة و تروح بيهم على المرور

بعد متطلع الرخصة تروح المعرض او ممكن تروح لمنصور فى شارع جامعة الدول عشان تاخد كتاب الضمان و الكتالوج

و اى خدمة حضرتك

[abdulmageed]

الف شكر يا باشا وربنا يبارك فيك

[arakysolom]

السلام عليكم
العربية بيكون عاها الاتي
مفتاح ريموت +مفتاح عادي معكود المفتاح
استبن + عدة مفاتيح + كوريك
ولاعة
الكتالوج والضمان بتاخده مع الترخيص