كام استفسار عن الكروز

[zizo18000]

السلام عليكم و رحمه الله و بركاته


ان شاء الله يوم الحد الجاي هنضم هنا ليكو في شيفروليه بعد صراع طوييييل ف اختيار العربيه المناسبه من كارينز لتيجو لسيراتو و ف الاخر الحمد لله استقريت علي الكروز توب لاين و كنت عايز استفسر عن كام حاجه بعد اذنكو

اول حاجه
هي العربيه فعلا موتورها و عفشتها اوبل الماني
و هل هي امريكي تجميع كوري و لا كوري 100 %

تاني حاجه
اي فايده كمبيوتر الرحلات اللي ف التوب لاين اصل لو مالاقيتهوش ليه لازمه اوي هجيب الفئه الاقل و اوفر 10 الاف جنيه

تالت حاجه
ايه الفرق بين التكييف الاتوماتيك و العادي


وشكرا جزيلا مقدما

[zeznia]

السلام عليكم و رحمه الله و بركاته


ان شاء الله يوم الحد الجاي هنضم هنا ليكو في شيفروليه بعد صراع طوييييل ف اختيار العربيه المناسبه من كارينز لتيجو لسيراتو و ف الاخر الحمد لله استقريت علي الكروز توب لاين و كنت عايز استفسر عن كام حاجه بعد اذنكو

اول حاجه
هي العربيه فعلا موتورها و عفشتها اوبل الماني
و هل هي امريكي تجميع كوري و لا كوري 100 %

تاني حاجه
اي فايده كمبيوتر الرحلات اللي ف التوب لاين اصل لو مالاقيتهوش ليه لازمه اوي هجيب الفئه الاقل و اوفر 10 الاف جنيه

تالت حاجه
ايه الفرق بين التكييف الاتوماتيك و العادي


وشكرا جزيلا مقدما

اولا العربيه ديه صناعه كوريه تصميم متعدد الجنسيات امربكي الماني استرالي كوري
ثانيا الموتور الاخوه الاعضاء بيقولوا انه متور اوبترا وانا لا أأيد ذلك وهو بالمناسبه ممتاز بشهادت مالكي السياره بالنسبه للفيتيس هو فتيس الاوبيل استرا فعلا غير كده العربيه كلها كوري
ثالثا كومبيوتر الرحلات المفروض انك بتدخله الوجهه اللي انت عايز تروح ليها وهو بيوجهك للطريق بالاقمار الصناعيه بدل ماتسال الناس واعتقد الخدمه غير متوفره في مصر اصلا بالاضافه انه بيعملك تقارير بعد كل رحله فيها بعض البيانات المفيده زي الاستهلاك والمسافات وحاجات ماعرفهاش
رابعا المكيف الاوتو احسن من العادي بيظبط الحراره لوحده وبيفصل مش شغال عالفاضي لان فيه زي سنسور للحراره
بالتوفيق العربيه قيمه جدا ولو عايز توفر شويه هات الهاي لاين

[zizo18000]

اولا العربيه ديه صناعه كوريه تصميم متعدد الجنسيات امربكي الماني استرالي كوري
ثانيا الموتور الاخوه الاعضاء بيقولوا انه متور اوبترا وانا لا أأيد ذلك وهو بالمناسبه ممتاز بشهادت مالكي السياره بالنسبه للفيتيس هو فتيس الاوبيل استرا فعلا غير كده العربيه كلها كوري
ثالثا كومبيوتر الرحلات المفروض انك بتدخله الوجهه اللي انت عايز تروح ليها وهو بيوجهك للطريق بالاقمار الصناعيه بدل ماتسال الناس واعتقد الخدمه غير متوفره في مصر اصلا بالاضافه انه بيعملك تقارير بعد كل رحله فيها بعض البيانات المفيده زي الاستهلاك والمسافات وحاجات ماعرفهاش
رابعا المكيف الاوتو احسن من العادي بيظبط الحراره لوحده وبيفصل مش شغال عالفاضي لان فيه زي سنسور للحراره
بالتوفيق العربيه قيمه جدا ولو عايز توفر شويه هات الهاي لاين

متشكر جدا علي الرد الوافي

عايز اعرف حضرتك تقصد بالتصميم الشكل الخارجي للعربيه و لا مكونات العربيه

[Ahmedsa33]

يا باشا انا لسة مستلم كروز اليجانس اتوماتك بصراحة العربية فوق الخرافة لا تقولى سيراتو ولا كارينز دة تتقارن باتخن عربية فيكى يا مصر بس روح لمنصور اللى فى المهندسين وقرر انت عايز اى فئة بس نصيحة خد العربية اللى سعرها 131000 تقريبا هاى لاين
عندهم كل الفئات و سيبك من النت لأن الوكيل مختلف بعض الشىء عن العربيات اللى على النت بقولك يا باشا
الأحساس الأول و انت داخل العربية مش هقدر اوصفهولك خرافة انا موهوم بالعربية دى انا جبت اللون الأسود لأنى بحبة
بس العربية و للوهلة الأولى عايزة مزاكرة فى الكتالوج لأنها فيها اوبشنز كتيير اوى و لو احتجت حاجة ابغتاى على الخاص رقمك و انا هكلمك

[amrseba]

شوف موضوع بتاع الكروز بتبطل يارب ما يحصلك نفس المأسه

http://www.nilemotors.net/Nile/141086-a.html

فياريت تفكر ميت الف مره عشان حرام ترمى فلوسك كده

[yoko]

وكومبيوتر الرحالات مش gps زي ماzeznia قال ﻷ ده بيديك المسافة وكام لتر بنزين فاضل ومتوسط الإستهلاك ودرجة الحرارة الخارجيه وحاجات تانيه كتير لكن مش GPS
أما الموتور فهو موتور الأوبترا فعلا وده من السيريال نمبر بتاع الموتور وأنا شديت معاها مرة واحده الموتور سحبه سئ على السرعات القليله حلو جدا من ال١٠٠ لحد ال١٦٠ وبعد كد بيرجع يقل تاني

[amrseba]

اكيد يا يوكو انت ولينيا شرفتنا طبعا

[yoko]

اكيد يا يوكو انت ولينيا شرفتنا طبعا

ههههههههههههههههههههه بلاش أنتكلم عشان لما بقول طلعت منه بنص الدواسه الناس مش بتصدق ويوميها كنت راجع من إسكندريا ومحمد قاسم معايا وكريم منير وخالد (الي معاه برافو) معانا على الطريق وإحنا رجعين من مقابله الإسكندريه

[amrseba]

كل واحد كان معاه عربيته الفيات ده الراجل اتعقد بقى الى معاه الكروز ده هههههههههههههه يلى نفلسع بدل ما يعملوا زى ما بنعمل فى نورمل لما يجيلنا القسم ههههههههههههه شكلهم هيروشو علينا مايه وانت الوحيد الى كان معاك لينيا ولا ايه امال لو شافوا البرافو 150 hp هيعملوا ايه

اه صح عايزين صور المقابله ولا اوعى تكون فيه مقابله من غير صور

[yoko]

ﻷ مقابله فيات لسه متعملتش همتكم معانا شويه

[zizo18000]

يا باشا انا لسة مستلم كروز اليجانس اتوماتك بصراحة العربية فوق الخرافة لا تقولى سيراتو ولا كارينز دة تتقارن باتخن عربية فيكى يا مصر بس روح لمنصور اللى فى المهندسين وقرر انت عايز اى فئة بس نصيحة خد العربية اللى سعرها 131000 تقريبا هاى لاين
عندهم كل الفئات و سيبك من النت لأن الوكيل مختلف بعض الشىء عن العربيات اللى على النت بقولك يا باشا
الأحساس الأول و انت داخل العربية مش هقدر اوصفهولك خرافة انا موهوم بالعربية دى انا جبت اللون الأسود لأنى بحبة
بس العربية و للوهلة الأولى عايزة مزاكرة فى الكتالوج لأنها فيها اوبشنز كتيير اوى و لو احتجت حاجة ابغتاى على الخاص رقمك و انا هكلمك

متشكر جدا جدا جدا علي الكلام اللي يفتح نفس الواحد عن العربيه دي و ان شاء لو قابلتني اي مشكله هكلم حضرتك بدون شك

شوف موضوع بتاع الكروز بتبطل يارب ما يحصلك نفس المأسه

http://www.nilemotors.net/nile/141086-a.html

فياريت تفكر ميت الف مره عشان حرام ترمى فلوسك كده

اعتقد ان المشكله دي في المانيوال بس ثم ان انا اشتريت خلاص و العربيه وصلت المعرض و هخدها بكره او بعده

وكومبيوتر الرحالات مش gps زي ماzeznia قال ﻷ ده بيديك المسافة وكام لتر بنزين فاضل ومتوسط الإستهلاك ودرجة الحرارة الخارجيه وحاجات تانيه كتير لكن مش gps
أما الموتور فهو موتور الأوبترا فعلا وده من السيريال نمبر بتاع الموتور وأنا شديت معاها مرة واحده الموتور سحبه سئ على السرعات القليله حلو جدا من ال١٠٠ لحد ال١٦٠ وبعد كد بيرجع يقل تاني

متشكر جدا ع الافاده بس اعتقد اني مش هستفيد حاجه من البتاع ده غير انه مدي شكل حلو للتابلوه
و حضرتك متاكد انه موتور اوبتر اصل ده كده هيكون اسوا خبر سمعته عن العربيه

[Hosam_Optrawy]

اول حاجه
هي العربيه فعلا موتورها و عفشتها اوبل الماني
و هل هي امريكي تجميع كوري و لا كوري 100 %

العربيه كورى تجميع كورى , مصممه على نفس ال Platform بتاعت الاسترا الجديده Delta II

الفتيس بس هو اللى من أوبل

تاني حاجه
اي فايده كمبيوتر الرحلات اللي ف التوب لاين اصل لو مالاقيتهوش ليه لازمه اوي هجيب الفئه الاقل و اوفر 10 الاف جنيه

الحقيقه انا مجربتوش بنفسى عشان اقولك مميزاته بس فى فيديوهات على اليوتيوب ممكن تشوفها , والفرق مش بس فى لوحة البيانات فى كمان الباركنج سنسور والمرايات الضم والمرايا التعتيم والمقابض الكروم والتكييف الاوتوماتيك والسى دى تشنجر وطى المقعد الخلفى وضبط ارتفاع مقعد السائق وعجلة القياده قابله للتعديل فى 4 اتجاهات

تالت حاجه
ايه الفرق بين التكييف الاتوماتيك و العادي

الاتنين بيسقعوا

و حضرتك متاكد انه موتور اوبتر اصل ده كده هيكون اسوا خبر سمعته عن العربيه

الموتور فعلا موتور اوبترا 107 حصان , بس على فكره موتور الاوبترا مش وحش

لكن اكيد كان هايبقى افضل لو تنزل بالموتور ECOTEC زى الاسترا الجديده

[ahmed88hassan]

مقولتلناش حجزت انهي فئة يا باشا ؟؟

[zizo18000]

مقولتلناش حجزت انهي فئة يا باشا ؟؟

توب لاين حمرا ان شاء الله

[Abomar77]

الف مبروك ياباشا ان شاء الله تستلم على خير .... أختيارك في محلة ... وربنا يديك خيرها ويبعد عنك شرها ....