صوت تزييقة وخبطة عند المطبات للافيو 2006

[tantawii]

انا يا جماعة معايا افيو 2006 و من حوالي سنة كدة بدأت اسمع صوت تزييقة و صوت خبطة ساعات لما باخد مطب ، ولقيت واحد صاحبي عنده نفس الموديل بنفس العيب، ولما روحت التوكيل قالولي ان الافيو فيها عيب في جلب المساعدين انها بتنشف بسرعة و محتاجة تتزيت كل فترة و ان الناس كلها بتشكي من القصة دي، وفعلا بعد ما عملها اتزبطت شوية وبعدين رجعت تاني ، روحت للتوكيل تاني كذا مرة بس ماعرفش يعملها خالص جربوا كل حاجة و معرفوش يعملوها، و دا كان مقار اللي في شارع التحرير، يا تري في اي حد واجه القصة دي وايه الحل علشان الصوت قاعد بيعلا يوم عن يوم....

ارجو الافادة وشكرا

[shady_elkady]

انا معايا افيوا 2008 و فى و احد صحبى بردة معاة وحدة الى بيحصل ان جلبة المساعد الخلفى فعلا سعات بتكون نشفة المهم رحنا التوكيل بتاع الصحراوى و غيرنا الجلب و من سعاتها الصوت راح والصوت عبارة عن تزيقة من الشنطة و لو ركبت 3 ورا هتسمع الصوت اكبر و عموما الجلب فى الاغلب بتعمل كدا علشان الغسيل فى البنزينة كتير هما قلولك انها محتاجة تزيت علشان ميغيروهاش لاكن انا لما رحت خلتهم يغيروها بالاجبار و من سعاتها راح
نصيحة روح توكيل اسكندرية الصحراوى لمهندس شريف هوا عارف القصة كلها بس اوعا تنسى تحجز بالتلفون

[auto5truck]

الأفيو عموماً لازم يتربط لها عفشة كل 5000 كم و أنا عندى ال 2006 بعمل فيها كدة و ما عنديش أى مشاكل و العربية دلوقت عاملة 67000 كم

[mido]

انا عندى نفس المشكله هجرب موضوع الجلب ده
مينفعش اعمل انا الموضوع ده ؟

[shady_elkady]

لو انت بردة الضمان عادى

[Hacker5]

سبحان الله

نفس المشكلة فى النوبيرا

[shady_elkady]

عفشة النوبيرا نفس عفشة لافيوا

[running_man]

نفس الكلام عندى...........طيب يا ريت اللى حل المشكلة دي يقوللنا ازاي؟

[shady_elkady]

الحل تغير الجلب علطول لو زيتها الزيت هينشف الصوت هيرجع