تفاصيل صيانة 35000 للاوبترا..

[dj_bex]

السلام عليكم .. ازيكم يا جماعه ؟؟
انهرده اتجهت لمركز الصيانه إلى في التجمع الخامس عشان اعمل صيانه 35000 ..المهم لما روحت طلع عندهم زيت شل قولت لا انا هجيب زيت موبيل 1 و تحطهولي قالي المهندس عادي روحت اشتريته بي 250 و رجعت ..
ودخلت العربيه الورشه و الميزه مفيش انتظار طويل و بتكون مع عربيتك .. الفي رفع العربيه و ربط العفشه و بص على التيل الورا و إلقدام و فك فلتر البنزين و نضفه و بعدين نزل الزيييت كله ..و بعدين نزل العربيه وفك فلتر الهوا و نضفه و بعدين نضف بوابة الهواء .. و بعدين حط الزيت الجديد و ركب فلتر زيت من عندهم و مسحلي الماتور جدعنه منه وملى قربة المساحات .. الموضوع كله مكملش ساعه وربع و انا واقف على ايده ..اه مع العلم انا كل 15000 كيلو بغير البوجيهات و فلتر الهوا و البنزين الاصليين بس من بره ....
التكلفه النهائية .
1- زيت موبيل وان 250 ( من بره التوكيل )
2-مصاريف الصيانه 153
3-فلتر زيت 17.27
الاجمالي =170.27
الاجمالي النهائي بالضريبه = 187.30
انصح اي حد ساكن قريب من مصر الجديده او مدينة نصر يروح فرع التجمع هوه في شارع 90 في بنزينة شيل ...
واي استفسارات انا تحت امركم ..

[MedaSam]

مبروك يا باشا .......... عقبال صيانه ال 100000 ألف ان شاء الله

هوه ده التوكيل نفسه و للا مركز خدمه معتمد؟

[dark_smoky]

الف مبروك يا باشا ... بس انا النهارده لسة سائل المركز الرئيسي عن تمن صيانة 10000 قللي 200 جنيه صيانة بس ..
إزاي بقة اغلي من صيانة 35000 ؟؟؟؟؟؟؟

[fawzyyyy]

مية مية يا ريت كل الناس تعمل تقارير للصيانة عشان الكل يستفاد
و الف مبروووك و عقبال 100000 ان شاء الله

[Hosam_Optrawy]

الف مبروك على الصيانه

[hse920]

الف مبروك على الصيانه انتم السابقون ونحن ان شاء الله اللاحقون

..اه مع العلم انا كل 15000 كيلو بغير البوجيهات و فلتر الهوا و البنزين الاصليين بس من بره ..

هوه حضرتك بتغير الحجات دى من بره التوكيل ليه هل فرق السعر يستاهل وكمان كده يخرج العربيه من الضمان ولآ لا

[Fadi Ezzat]

الف بمروك ياريس بس سوال
انتا لية جبت زيت موبيل وان ومرضتش بشيل الترا؟

[dj_bex]

اسف على التأخير ..
يا باشا انا بغير عشان فرق السعر كبير و بعدين بغيرهم كل 15000 اضمن عشان السحب ...
انا بتعامل مع موبيل وان من زمان مش مع ذلك شيل وحش ..