نادي ضحايا الكروز

[salome]

السلام عليكم ورحمه الله وبركاته
الساده مالكي السياره شيفورليه كروز
انا عنيت كتير من اول ما اشتريت العربيه دي وبعدين لما دخلت المنتدي لاقيت ناس كتيره بتعاني من نفس العيوب فقلت لو اتجمعنا كلنا وحاولنا نقدم شكوي جماعيه اكيد صوتنا هيتسمع اكتر من لو كل واحد فينا اشتكا لوحده الحكايه مش بسيطه علشان نسكت عليها
انا بحاول اجمع اكبر عدد من الناس اللي ليها شكوي من العربيه من المنتدي وكمان عملت جروب علي الفيس بوك اسمه لكل ضحايا الكروز فاي حد عنده استعداد للمشاركه اهلا بيه
انا فكرت اننا نتكلم مع الشركه المصنعه لانهم ممكن يخافو علي سمعه الشركه لاني متاكده ان اي حد فمصر مش هيهتم ولا هيغير اي حاجه

[Bassem Raafat]

السلام عليكم ورحمه الله وبركاته
الساده مالكي السياره شيفورليه كروز
انا عنيت كتير من اول ما اشتريت العربيه دي وبعدين لما دخلت المنتدي لاقيت ناس كتيره بتعاني من نفس العيوب فقلت لو اتجمعنا كلنا وحاولنا نقدم شكوي جماعيه اكيد صوتنا هيتسمع اكتر من لو كل واحد فينا اشتكا لوحده الحكايه مش بسيطه علشان نسكت عليها
انا بحاول اجمع اكبر عدد من الناس اللي ليها شكوي من العربيه من المنتدي وكمان عملت جروب علي الفيس بوك اسمه لكل ضحايا الكروز فاي حد عنده استعداد للمشاركه اهلا بيه
انا فكرت اننا نتكلم مع الشركه المصنعه لانهم ممكن يخافو علي سمعه الشركه لاني متاكده ان اي حد فمصر مش هيهتم ولا هيغير اي حاجه

يااااااااااااه للدرجاتى طلعت الكروز عربيه سكه ....... ده أنا كنت حاسس إنى ندمان إنى مشترتهاش وأشتريت الأوبترا علشان كانت على قد إللى معايا .... بس أنا دخلت على الفيس بوك وقريت كل المكتوب ..... وكنت عايز أعرف الشكاوى ديه كلها جماعيه ولا برضه فى ناس ح تقول إنها إستثنائيه ؟؟!

[akram2011]

هو الشيفرولية عموما زبالة تغور من وش منصور
احد مالكى الافيو الحقيرة

[abou-yahia]

طيب يا ريت حضرتك تشاركنا بالمشاكل اللي حضرتك عانيت منها عشان الاستفاده تكون عامه لاعضاء المنتدي عشان مش كل الاعضاء عندهم ميزه الاطلاع علي الفيس بوك واولهم انا .
وشكرا

[salome]

مشاكل العربيه كتير بس اهمها انها بتبطل فاجئه في الاول فكرت انا اللي نسيت القياده المانيوال بس بعد ما اتكرر الموضوع دا اتاكدت ان العيب في العربيه ولما اشتركت في المنتدي لاقين ناس كتيره بتتكلم مع نفس الموضوع والعربيه فيها طقطقه في العفشه بانت من اول اسبوع ولما راحت التوكيل وقلنالهم علي الصوت دا صلحوه ورجع تاني بعد فتره دا غير ان ازازها سيئ جدا والتكيف جاي فاضي من الفريون تخيل انك شاري عربيه جديده وبعد اسبوع نازل تدورها تلاقيها مش بتدور وتكلم التوكيل يقولولك عاوزه تغير سوفت وير بجد قمه الاحباط

[wdramiz]

بعض اصدقائي المقربين انخدعوا في اعلان احمد عز واشتروا الكروز وعند كل مقابلة معهم يشتكون من مشاكل العربية المتكررة وسوء معامل التوكيل وعلشان كدة منصور شيفرولية عامل عليها خصم جامد بعد ماظهرت العربية علي حقيقتها السيئة ومنصور نازل اعلانات خايبة في رمضان علي انة احسن توكيل واحسن خدمة .........والله حرام الكذب والنصب في رمضان

[tamerosman]

الكروز اللى بتنزل مصر موتورها قديم جدا هو نفس موتور النوبيرا و الاوبترا اللى 1600 ان عملت عليها تست درايف فى السعودية و بتنزل هناك بموتور تانى خالص 1800 بس برضوا تقيلة

[د.محمود صلاح]

مع ان اليوم في اهرام الجمعة منزل اعلان شكر لثقة العملاء بسبب نفاذ الكمية من كروز

[otefa]

الأعلانات وخصوصا في مصر للأسف أغلبها نصب في نصب وضحك علي الدقون

[popeto]

عيب ان العربيه تبطل فجأه ده عيب خطر جدا روحى التوكيل و متمشيش من هناك يا مصلحه العيب ده يا ربطالك اتنين موظفين فى شنطه العربيه .
امال ايه الاعلانات و المسابقات و الفلوس الكتير دى ما يروحوا يشوفوا شاكل العملاء بتوعهم .عاملين زى القرع يمدوا لبره
ابعتلنا لينك الجروب على الفيس بوك علشان ننشره بين اصحابنا و يتفضحوا .

[ramyar]

ممكن يا جماعه العيوب دي تكون فرديه يعني استحاله تكون في كل الكروز وبي النسبه للتوكيل مش كل الناس زي بعض
انا احترم الكروز جدا كشكل لاكن كموتور لا لان كان لابد مع الشكل الجميل ده والصالون والتابلوه الي يعد تحفه فنيه لازم موتور علي الاقل يوازي موتور الكيا

[hon]

ماتور قديم والجديد استهلاك بنزين خرافى أكتر من الاوبترا
التصميم حلو والشاسية والفتيس 100% لكن عايزيين الماتور اليكوتك تو بتاع الاوبل
فى رأى الوبترا اجدع منها وارخص ومنصور عادته يفسد كل جميل

[zizo18000]

يا جماعه انا معايا العربيه بقي لها اكتر من شهرين و مافيهاش كل اللي بتقولوه ده ...

[aymanmaly]

السلام عليكم ورحمه الله وبركاته
الساده مالكي السياره شيفورليه كروز
انا عنيت كتير من اول ما اشتريت العربيه دي وبعدين لما دخلت المنتدي لاقيت ناس كتيره بتعاني من نفس العيوب فقلت لو اتجمعنا كلنا وحاولنا نقدم شكوي جماعيه اكيد صوتنا هيتسمع اكتر من لو كل واحد فينا اشتكا لوحده الحكايه مش بسيطه علشان نسكت عليها
انا بحاول اجمع اكبر عدد من الناس اللي ليها شكوي من العربيه من المنتدي وكمان عملت جروب علي الفيس بوك اسمه لكل ضحايا الكروز فاي حد عنده استعداد للمشاركه اهلا بيه
انا فكرت اننا نتكلم مع الشركه المصنعه لانهم ممكن يخافو علي سمعه الشركه لاني متاكده ان اي حد فمصر مش هيهتم ولا هيغير اي حاجه

الزملاء الاعزاء فى المنتدى
ارجو تقبل كلامى
اولا انا من اكثر الناس الى كتبت عن توكيل منصور و حاربت معاة لغاية لما اخذت حقى
انا بقول الكلام دة علشان لا يفهم كلامى غلط
بمتابعة التعليقات
كاتب الموضع عندة مشاكل و ماك اخر لا يوجد عندة مشاكل
و الباقى لا يملكون السيارة و قالوا رأيهم على اساس السمع من الاصدقاء
و خلينا نعترف برأي المالكين نفسهم و هم فى المشاركات 2 فقط
صاحب الموضوع عندة مشاكل ملخصها
العربية بتبطل و حدها و انهم قالوا عايزة سوفت وير
و الفريون فاضى
طيب ممكن اعرف هم عاملين الضمان لية ؟
اكيد لان من المتوقع حدوث عيوب فى الانتاج
و طبعا المشكلة الحقيقية مش ان العربية سيئة ولاكن لان التوكيل لا يعترف بالعيوب
ممكن صاخب الموضوع يوضح لما رحت التوكيل صلحوا الحاجات دى ولا لأ ؟
فارجو عدم الاسائة فى السيارة لمجرد عيب من الممكن اصلاحة و يعتبر فردى و و جود العيوب الفردية هى نسبة من المبيعات تكون قليلة
و بما اننا لا نملك مبيعات السيارة فنكتفى بهذا
اما عن فكرة تجميع العيوب من اكثر من عربية لاثبات ان العيب متكرر انا مع الفكرة
و اللينك دة فية كيفية الاتصال بجهاز حماية المستهلك

http://www.nilemotors.net/Nile/165539-a.html

مع العلم انى لا املك كروز و بالتالى لن اكتب اراء مالكيها الى اعرفهم من مبداء ان الموضوع انا مشفتوش بنفسى
اما لو كان العيب متكرر ارجو من جميع مالكى الكروز الدخول و يعتبر الموضوع استتطلاع رأى و التكاتف ضدد التوكيل فى جهاز حماية المستهلك كشكوى جماعية و عدم ترك الحق حتى اصلاح العيب
و اسف للاطالة

[kamalsalem]

ماهو انا لسه مستلم العربية وبسبب التعليقات اللي زي دي بقيت ماشي موهوم، لو عدت من جمبي فسبا بحس انه الصوت ده من عربيتي، بصراحة بقى ياريت نبقى موضوعيين اكتر ف شكوانا عشان مش كل واحد عنده مشكله شخصية يحولها لأزمة قومية وعيب في العربية ككل

1-الدفعة اللي كان عليها العرض خلصت، والعربية لسة بتتباع وبتغلى، وغلو اي سلعة علامة على زيادة الطلب على العرض
2-العربية كوري، يعني زي اللانوس والنوبيرا والاوبترا، وارد انه يبقى فيه عيوب صناعة، والضمان اتعمل عشان كده
3-برضه الشكوى من الوكيل انا بدخل كلللل الاقسام التانية الاقي الناس بتشتكي من التوكيل، يبقى العيب ف الانسان المصري اللي مش عايز يدي الناس حقوقها عشان طمعان ف ربح اكتر، وانا بصراحة كلها 3 سنين واروح الحرفيين، هين قرشك وخد حقك
4-اي عربية في العالم معرضة انه يطلع فيه عيوب ف اول دفعة، عشان كده دايما الناس بتفول متشتريش واستنى العربية تنتشر شوية

أرجو انه كلامي ميزعلش حد بس انا واحد مشتري عربية زيرو وكل يوم احلم انه فيها مشاكل لدرجة اني فكرت كجيش المنتدى تاني واقول الجهل نعمة، بس انا عاجبني الاختلاط بالناس وكده ف أرجو تحري الدقة في الشكاوي

انا بعمل مواضيع كتير عن الكروز بالذات، وصاحبة الموضوع بتجري ورايا تقولي انت ضحية والعربية وحشة وكدة، ف معلش لو المشاركة دي فيها شوية انفعال

انا دخلت ع الجروب اللي ع الفيسبوك، محدش بيشتكي غير صاحبة الموضوع