اخيرا جربت الكروز :)

[mido]

اخيرا بعد طول بحث عرفت اجرب العربيه
كنت عايز اعرف الناس قفشه على العربيه ليه :)
انا جربت اول فئه فى الاوتوماتيك
1- التكييف كويس قوى ويمكن اقوى شويه من السيراتو بس صوته عالى على السرعه العاليه
2- العزل كويس جدا قول ما تقفل الازاز خلاص
3- العربيه وانت ماشى بيها تحس انها عربيه محترمه كده وقعدتها مريحه وتبعد الكرسى براحتك والكرسى مريح
4- العفشه حلوه جدا فى المطبات والعربيه ثابته ( انا جربت لحد 120)
5-الفرامل كويسه قوى بس كعادة شيفورليه فى مشاكل فى الطنابير والتيل بس التوكيل بيصلحه على طول من سكات
6- الموتور والجير بوكس ( هى دى المشكله...ممل جدا ) :
الموتور صوته واطى لو مش هتحرق و متسمعوش والجير بوكس ال 6 سرعات مريح العربيه وفى العادى ممكن متعديش rpm 2
لما تحب تجرى تلاقى العربيه مش بتسحب خالص و بتمشى براحتها قوى قوى تيجى تكبس تلاقى ال rpm طلع على طول معاك لحد 5 او 6 و بعد كده ينقل وتسمع صوت حرق الموتور والنقلات بوضوح بس صوت مكتوم ( برافو العزل) وكل البيئه المحيطه تحسسك ان العربيه بتطير بس تبص تلاقى برده العربيه مش بتسحب مش عارف ليه !!
تيجى تفرمل فجأه تلاقى الفرامل حلوه :) او تحود علشان تفادى حفره برده كويس وحتى تلبس حفره مفيش مشاكل :) وكويسه مش بتحك فى المطبات
العربيه كويسه فى المطالع مش بتموت يعنى ( بس كان فيها انا وصاحبها بس )
7- الباور هيدروليك بس محسيتش انه تقيل يعنى اخف من السيراتو والاوبترا
8- العددات نورها مش واضح فى النهار
9- القماش بتاع التابلوه بيوبر شويه وبيتوسخ وحاسس انه بعد شويه ممكن يمط لوحده :)

لو يصلحو حتة الموتور دى تبقى احسن عربيه كورى ممكن تركبها ولو حد متعود يمشى على 80 او 100 ممكن اصلا ميلاحظشى موضوع السحب ده

[Gabrial]

ألف مبروك يا فندم ،ربنا يباركلك فيها ،تقرير جميل و منسق.:))

[mido]

ألف مبروك يا فندم ،ربنا يباركلك فيها ،تقرير جميل و منسق.:))

مش عربيتى انا بس جربتها :)

[Gabrial]

مش عربيتى انا بس جربتها :)

أسف معلش مخدتش بالي ،ربنا يكرمك و تجبها ،بس برضه تقرير حلو .

[Gabrial]

معلش سؤال يا باشا إيه المشاكل اللي في الطنابير و التيل؟و أخبار الوسع في الكنبة الخلفية إيه ؟

[wdramiz]

6- الموتور والجير بوكس ( هى دى المشكله...ممل جدا ) :
الموتور صوته واطى لو مش هتحرق و متسمعوش والجير بوكس ال 6 سرعات مريح العربيه وفى العادى ممكن متعديش rpm 2
لما تحب تجرى تلاقى العربيه مش بتسحب خالص و بتمشى براحتها قوى قوى تيجى تكبس تلاقى ال rpm طلع على طول معاك لحد 5 او 6 و بعد كده ينقل وتسمع صوت حرق الموتور والنقلات بوضوح بس صوت مكتوم ( برافو العزل) وكل البيئه المحيطه تحسسك ان العربيه بتطير بس تبص تلاقى برده العربيه مش بتسحب مش عارف ليه !!

لو يصلحو حتة الموتور دى تبقى احسن عربيه كورى ممكن تركبها ولو حد متعود يمشى على 80 او 100 ممكن اصلا ميلاحظشى موضوع السحب ده

العربية موتور وفتيس .....يبقي اللي بيفكر يشتري الكروز ينسي و يشوف عربية ثانية ولا داعي للانخداع بالاعلانات الوهمية ...اسأل اللي راكب الكروز ولاتسألشي منصور

[fawzyyyy]

فعلا انا سألت واحد صاحبي معاه الكروز اوتوماتيك بس هو مش بتاع جري و حرق..... قالي انك و انت سايقها بتحس انك سايق مرسيدس الثبات و التكيف و العزل ما شاء الله عليه

لكن هو قالي ان العربية بتبقي تقيلة و التجميع بتاعه بطيء بعد ال 130 و انه اخد حوالي دقيقة كاملة من 130 ل 160 كم

بس هو مبسوط منها جدا و عامل بيها حوالي 15000 كم

[Gabrial]

فعلا انا سألت واحد صاحبي معاه الكروز اوتوماتيك بس هو مش بتاع جري و حرق..... قالي انك و انت سايقها بتحس انك سايق مرسيدس الثبات و التكيف و العزل ما شاء الله عليه

لكن هو قالي ان العربية بتبقي تقيلة و التجميع بتاعه بطيء بعد ال 130 و انه اخد حوالي دقيقة كاملة من 130 ل 160 كم

بس هو مبسوط منها جدا و عامل بيها حوالي 15000 كم

طيب إيه حكاية الطنابير و التيل ديه يا دوك ؟

[fawzyyyy]

طيب إيه حكاية الطنابير و التيل ديه يا دوك ؟

والله يا استاذ رامي هو مقليش حاجة علي موضوع التيل و الطنابير ديه

هو اكيد لو كان حس بحاجة مش طبيعية كان قالي
و هو بيعمل صيانته علي طول في شارع الطيران

ان شاء الله حسأله بردو علي الطنابير و الفرامل و حبقي ابلغكم ان شاء الله

[Gabrial]

والله يا استاذ رامي هو مقليش حاجة علي موضوع التيل و الطنابير ديه

هو اكيد لو كان حس بحاجة مش طبيعية كان قالي
و هو بيعمل صيانته علي طول في شارع الطيران

ان شاء الله حسأله بردو علي الطنابير و الفرامل و حبقي ابلغكم ان شاء الله

شكراً يا دوك ،ربنا يخليك .

[kamalsalem]

انت اول واحد يقول الحق ف حق العربية المظلومة دي، في رأيي الشخصي العربية تحفة للي زيي، انا خلاص مش عايز اجري وغرز وكدة، انا عايز اركب حاجة متميزة، عربية وانا ماشي 80 أعرف اتكلم مع الناس اللي معايا والعربية تبقى هادية.
تعليق حلو ميخليش الواحد يتمخمض.
انا محتار شوية عشان مبهور بكمية الاوبشنز اللي في السيراتو الخليجي (أصلي كنت عند عبد الشهيد امبارح)، بس الكروز منظر، واذا كان ظهر شوية عيوب في بعض عربيات ف دي مش حكم على عربية اشترك في تصميمها مهندسين من المانيا وامريكا وكوريا، ده عيب ف المصري قليل الـ... اللي اسمه منصور، وده ربنا يعيننا عليه.

الف مبروك لصاحب العربية وربنا يملاهالوا بركة، وادعولي اخد قرار وانفذ انا كمان بقى احسن دمي بقى تقيل قوي.

بالمناسبة، نينفعش افاصل في التوكيل؟ ونفس الكلام على عبد الشهيد، ومتأسف على التطويل وبعد اذن الجميع وصاحب الموضوع طبعاً

[Gabrial]

انت اول واحد يقول الحق ف حق العربية المظلومة دي، في رأيي الشخصي العربية تحفة للي زيي، انا خلاص مش عايز اجري وغرز وكدة، انا عايز اركب حاجة متميزة، عربية وانا ماشي 80 أعرف اتكلم مع الناس اللي معايا والعربية تبقى هادية.
تعليق حلو ميخليش الواحد يتمخمض.
انا محتار شوية عشان مبهور بكمية الاوبشنز اللي في السيراتو الخليجي (أصلي كنت عند عبد الشهيد امبارح)، بس الكروز منظر، واذا كان ظهر شوية عيوب في بعض عربيات ف دي مش حكم على عربية اشترك في تصميمها مهندسين من المانيا وامريكا وكوريا، ده عيب ف المصري قليل الـ... اللي اسمه منصور، وده ربنا يعيننا عليه.

الف مبروك لصاحب العربية وربنا يملاهالوا بركة، وادعولي اخد قرار وانفذ انا كمان بقى احسن دمي بقى تقيل قوي.

بالمناسبة، نينفعش افاصل في التوكيل؟ ونفس الكلام على عبد الشهيد، ومتأسف على التطويل وبعد اذن الجميع وصاحب الموضوع طبعاً

ربنا يوفقك للخير يا أستاذ كمال ،صعب موضوع الفصال دة في التوكيل :)) ،مش عارف نظام جابر إيه ؟

[kamalsalem]

ربنا يوفقك للخير يا أستاذ كمال ،صعب موضوع الفصال دة في التوكيل :)) ،مش عارف نظام جابر إيه ؟

اصل 116 دي غايظاني قوي في الاوتوماتيك، نفسي تبقى 115 بجد وانا اروح انفذ فوراً

[ahmad--ezzat]

انا فى رايى المتواضع...الكروز والسيراتو والكارينز لازم 2000 سى سى عشان تبقى عربيات صح...ونسيب بقا ال 1600 للاكسنت والفيرنا والحجات دى

[Gabrial]

اصل 116 دي غايظاني قوي في الاوتوماتيك، نفسي تبقى 115 بجد وانا اروح انفذ فوراً

مانتا ممكن تستنى شوية تلقاها بقت 125 ألف بعد ما العرض يخلص ؟