سؤال في الافيو

[tamertito88]

السلام عليكم ورحمة الله وبركاته

عندي عربية افيو 2010 عملت حدثة من الخلف وراحت توكيل منصور

المهم غير حاجات كتير كده منها الدنجل الخلفي

ببص على الكاوتش الخلفي لاقيت منظر غريب



منظر كده بالظبط سألت مهندس الصيانة الفردتين مش زي اللي قدام ليه قالي احنا هنظبط زوايا الاول
راح ظبط زوايا ورجع برده نفس المنظر ده

قلتل كه مش مظبوطين قال لآ هما كده تمام
مع العلم ان الدنجل جديد

هل المنظر ده فعلا عادي في الافيو ولا في حاجة غلط ؟؟ اتمنى تساعدونيبخبرتكم لاني هستلمها من التوكيل بكرة

[Bassem Raafat]

لأ طبعاً يا أستاذ / تامر ..... المنظر ده مش طبيعى خالص ...... لازم تخليهم يظبطوها على الشعره علشان العربيه متغربلش ( متعومش ) منك من ورا وكمان تحافظ على الكاوتش من التآكل ..... وكمان بالمنظر ده ح تسمع صوت تصفير كاوتش طول ما انت ماشى

[tamertito88]

الغريب يا باشا انه قالي ان الدنجل زيرو ومافيهوش مشكلة و بعدين بيقول الدنجل ليه اربع مسماير و (زمبتين بيدخلوا في مكان معين)

يعني لو الدنجل مش مظبوطمش هيركب

طيب رأيك اعمل ايه؟؟ هو بيقولي انها كده تمام , هو الزاوية مش كبيرة اوي بس في زاوية يعني ممكن تقولكل فردة داخلة تقريبا سنتي واحد او اقل شوية

[Bassem Raafat]

طيب حاول تروح لمركز ضبط زوايا واتزان يكون محترم ، وإحكيله المشكله وهو يقولك الحل ولو الحل فى ايد مركز الزوايا وكمان ميتكلفش كتير إبقى أظبطها هناك وريح بالك .... ولو المشكله كبيره خليه يحددهالك وارجع للتوكيل علشان لازم يصلحالك .

وربنا معاك وإبقى طمنا إيه اللى حصل ، وكل سنه وانت طيب

[auto5truck]

من الممكن أن يكون الشاسية نفسة اللى مش مضبوط

[zidaneelwaly]

من الممكن أن يكون الشاسية نفسة اللى مش مضبوط

ان شاء الله ماتوصلش لكده
انا لما حصل حادثه لي افيتي كانت عربيتي راكنه جمب الرصيف و عربيه فيرنا ربنا يسامحها كاوتشها ضرب راح داخل في عربيتي من ورا الناحيه الشمال مدمر الجمب كله و عاوج الكاوتش زي ألي في الصوره و كمان الكاوتش الامامي الناحيه اليمني اتعوج و البلي بيعمل صوت طول ما انا ماشي عشان العربيه من الخبطه دخلت في الرصيف من الجمب

روحت موبيل و خدو مني 120 جنيه و الراجل قالي الكاوتش معووج 3 سنتي و الامامي 1 سنتي
و اعد يرزع ب حديده كدا بس الحمد لله الكاوتش ما بقاش يصفر زي الاول بس الامامي بيعمل صوت و انا ماشي من البلي

[aymanmaly]

سيدى الفاضل لقطع الشك باليقين
حضرتك هاتروح فرع عمارات العبور لشركة بريجستون و فرع العبور تحديدا
و قول لهم اكشفولى على العفشة الاول قبل الضبط و خلية يضبطلك خلفى و امامى
التكلفة بدون خصم نايل موتورز 50 ج
و خذ التقرير و اكتبلنا و احنا ان شاء الله هانقول لحضرتك الاتجاة الصحيح

[yoko]

العربيه دي مفيهاش ظبط زوايا خلفي فوديها بريدجستون وشوف الريبورت لو فيه مشكله ورا يبقى الدنجل بايظ أو لا قدر الله شاسيه ملهاش حل تالت

[tamertito88]

العربيه دي مفيهاش ظبط زوايا خلفي فوديها بريدجستون وشوف الريبورت لو فيه مشكله ورا يبقى الدنجل بايظ أو لا قدر الله شاسيه ملهاش حل تالت

التوكيل جاب دنجل زيرو وفك القديم و عدل الشاسيه على الجهاز

الغريب في الموضوع ده اني لاقيت اكتر من عربية افيو الكاوتشين الخلفي ليها نفس الشكل

انا استلمت العربية انهاردهواكتشفت انها بتحدف يمين

روحت اظبط زوايا برة الراجل قال العجلتين الامامي كانوا قافلين شوية و ظبطهم بس قالي حاجة غريبة

قالي لعجل اليمين قدام راجعة ربع سنتي وعايزة تتشد لقدام وقالي ده هيخي العربة تحدف برده لو ظبطنا الزوايا
المهم رحت بردج ستون فرع العاشر قالي الزوايا سليمة برده بس( الفرده مش روتيشن ) ما فهمتش الكلمة المهمقالي هنجيب اليمين شمال الشمال يمين

و بالفعل غير الفردتين اللي قدم يمين شمال هكذا
لاقيت العرية بدل ما كانت بتحدف يمين بقت تحدف شمال الغريب ان الكاوتشين (نوع كمهو ) مفيش فيهم اي عيب

انا مش فاهم حاجة حاسس ان اتنصب عليا بعد ما دفعت مبلغ محترم ( 14 الف جنيه)

[yoko]

التوكيل جاب دنجل زيرو وفك القديم و عدل الشاسيه على الجهاز

الغريب في الموضوع ده اني لاقيت اكتر من عربية افيو الكاوتشين الخلفي ليها نفس الشكل

انا استلمت العربية انهاردهواكتشفت انها بتحدف يمين

روحت اظبط زوايا برة الراجل قال العجلتين الامامي كانوا قافلين شوية و ظبطهم بس قالي حاجة غريبة

قالي لعجل اليمين قدام راجعة ربع سنتي وعايزة تتشد لقدام وقالي ده هيخي العربة تحدف برده لو ظبطنا الزوايا
المهم رحت بردج ستون فرع العاشر قالي الزوايا سليمة برده بس( الفرده مش روتيشن ) ما فهمتش الكلمة المهمقالي هنجيب اليمين شمال الشمال يمين

و بالفعل غير الفردتين اللي قدم يمين شمال هكذا
لاقيت العرية بدل ما كانت بتحدف يمين بقت تحدف شمال الغريب ان الكاوتشين (نوع كمهو ) مفيش فيهم اي عيب

انا مش فاهم حاجة حاسس ان اتنصب عليا بعد ما دفعت مبلغ محترم ( 14 الف جنيه)

كده يبقى العيب في الكاوتش لإن مع تبديلهم إختلفت الحدفة!!!!
أما موضوع العجلة مرحلة دي سيبك منه لإن العربيه كانت معايا قبل كده وللأسف لو الي معاك المصري يبقى هي طالعة من التوكيل كده وهتفضل تحدف طول عمرها وعمرها ما هتظبط
(إتأكد من عضو مجلس إدارة إن الأفيو المصري بتنزل بعيب في الشاسيه من المصنع) العجلة اليمين مرحلة

[tamertito88]

عربيتي كوري :(


متشكر جدا يا احل اعضاء على اهتمامكم
ربنا يسترها وتتحل عشان والدي متعقد اوي من موضوع الحدف ده