Tweet
طفيت المحرك
قفلت الشباك
خرجت من العربية
قفلت الباب، ولف المفتاح في الكالون لاّخر مرة
قالتلي هشوفك تاني؟ قولتلها العشرة متهونش غير على ابن الحرام، هتفضلي طول عمرك الاخت الكبيرة، وهاخد بالي منك زي ما خدتي بالك مني طول فترة الجامعة وتجهيزات الجواز، وهصلحك ومش هبيعك. لكن دلوقتي، لازم ادلع نفسي ومراتي واركب زيرو.
وركبت الكروز، العربية غريبة، لها اسلوب عجيب جداً في استقبال صاحبها، اول ما تبصلها تكشر ف وشك وكأنها بتقولك احذر، انا مش سهلة، وبعدين لما تقعد في الكرسي تاخدك بالحضن وتقولك اهلاً بيك ف بيتك التاني، الكرسي مريح جداً، وكأنه كرسي طيارة. المسافة لحد الدواسات كبيرة جداً لدرجة انه لو الكرسي لاّخره مش بطول الدواسات برجلي (انا 173سم)، القعدة مريحة جدي هههه وكل الزراير حواليك كدة تحس فعلاً انه العربية ملك ايدك والعربية فعلاً بتديك احساس بالأهمية.
لو انت عملاق وكمان اللي معاك قدام عملاق (يعني طولكوا فوق ال190سم، العربية بقت كوبيه من ورا، الكراسي قدام ممكن ترجع لحد ما تلغي الكنبة). الكراسي ارتفاعها بيتظبط وانا فعلا رفعته عشان اشوف وش العربية لحد ما اتعود عليها وبعدين نسقطه في الارض واديها زحف ع الاسفلت.
وحطيت المفتاح في الكونتاكت، واستيقظ الوحش، العربية واخدة فعلاً شكل الشيفروليه الامريكي، انا كان معايا لومينا الصيف اللي فات وفعلا الكروز احلى من جوا. اللون الازرق بتاع التابلوه مريح جداً ورياضي التنين، والكمبيوتر في وسط العدادت لكن مينفعش تلعب فيه الا والعربية ع الP عشان الشباب ميعدش يلعب ويخيش لا قدر الله. الدوارة من اول سنه اوتوماتيك، يعني لو فضلت معلق ايدك ع المارش هي برضه بتدور بمعرفتها.
الكاسيت صوته بالنسبالي واطي عشان عربيتي كان فيها بازوكا وسماعات 400 وات، بس احساس الصوت هايل ونقي جداً، وكل باب فيه سماعة. استقبال الراديو ساعات بيشوش كدة بس فاكس، الايبود والaux موجودين.
صوت الموتور خفيف شوية على حجمها، انت بتدور وانت مستني ومتوقع صوت دبابة (يمكن انا برضه كنت متوقع صوت السته سلندر بتوع اللومينا) لكن هي بتفاجأك انك بتدور نحلة. والار بي ام يعلى لحد 10، وينزل لحد 7، ويستقر.
في الزحمة الكمبيوتر اداني 10.5 لتر في ال100 كيلو، اه يا جيبي، الايفو بتاعة اختي 1400 سي سي بتدي 6 بالكتير قوي.
الباور جميل جداً وبيديك احساس انه العربية ماسكة مفسها لأنه هيدروليك مش كهرباء، بالنسبالي دي احسن عشان انا بحب احساس اني راكب وحش، مليش في السيتي باور والكلام ده. كان في حد في المنتدى بيقول الباور بيعمل صوت على اخره، ايوة ده صوت كباس الهيدروليك ومش المفروض تفضل قافش الطارة على اخرها كتير، الباور الكهرباء زي الهيونداي مثلاً بتلاقي الطارة ف اخرها زي اولها و فيها خبطة كدة.
الفتيس ناعم جداً، وبيديك احساس انه ال عربية متزنة، وموضوع الست نقلات ده جديد عليا، بحس انه الفتيس محتار وكل شوية على نقلة، كان نفسي الكمبيوتر يكتبلي هو انا على انهي غيار لكن للأسف بيكتب الغيار بس في الاستب. الاستبترونيك حلو جدا وبينقل بسرعة، لكن عكس العربيات الاوروبي، فوق + وتحت – (عكس الفيات، وبصراحة فيات اصح، انت بتبقى عايز تشد الفتيس عليك عشان تطير، كأنك بتجيب الرابع من التالت، ودايما فتيس لفوق يعني تسقيط).
عزم العربية جاامد جداً ما شاء الله، لازم تقفش فرامل كويس وانت بتنقل و الا هتنط منك، والتسقيط ع الماشي بيدي عزم جميل وتسارع حلو ما شاء الله، ولو ان الفتيس في التسقيط مش فهيم كده، بيفكر حبة وبعدين يرزع، تقريبا بيفكر انت عايز تسقط كام غيار.
العربية بتحب التالت بتاعها قوي، بتنجز في الاول والتاني وتثبت ع التالت شوية ف بتديك احساس انها بتنط ف اول غيارين، بس لو قرصت ع الاول انت الجاني على نفسك، جريتها فظيعة ولا كأنها فيرنا.
تفويلة التانك 100 جنيه بالمليم 92.
العربية في العادي بتحب تنقل على 3 ونص كده، لكن في القرص بيجيب قوي ما شاء الله، العداد اخره 220كم لكن انا متأكد انه استحالة توصل 200كم ف عربية بالحجم ده و1600سي سي. الموتور في القرص صوته ذكوري، ناقصه فلتر سبور ويبقى مخيف. الموتور مكتوب عليه ف كل حته متنضفنيش بمسدس الهوا، ف مش عارف ده يتعمل فيه ايه؟
العفشة جميلة جداً والعربية ماسكة نفسها عالطريق ما شاء الله، ولو لسه كمان مع التليين هتنعم يبقى جمييييل. في النقر ناشفة شوية، وانا كنت متنشن جداً عشان خايف عليها، ف مع كل نقرة كنت بحس برقبتي بتوجعني. لكن ف فواصل الكباري وكده جميلة ما شاء الله. اللي معايا طاسات مش جنوط، ف نعرفش الجنط ال16 ايه ظروفه مع العفشة. صوت الفرامل لسه بتطبع ع الواقف كده في صوت خفيف. بس عادي. ع الملفات وش العربية متجه مكان ما انت عايزه.
العربية ملفتة جداً للنظر من قدام، وملاكها مش كتير وكلهم مبسوطين، كل ما اجي جمب حد ويشوفها زيرو يفتح الشباك ويقوللي مبروك وكده ونزمر وواحد حتى على كوبري اكتوبر قاللي تلاقيك خايف منها، تعالى اوريك، واختفى من قدامي ربنا يحميه ماشاء الله تسارع العربية ع الماشي جبار. في واحد معاه سيراتو جري معايا وثبتنا مع بعض لحد 100 كده وانا سبته عشان التليين واداني اشارات يمين ف شمال الله يسامحه.
شكل وش العربية من جوة زي وش الاوكتافيا، وبتحس انه صغير وده غلط لأن في الأول بتبفى مش عارف اخرها فين خصوصا من عند الرفارف.
التكييف فظيع، انا سايبه على اول سنة ساقع قبل السخن، واول درجة مروحة، بس لسة مجربتش بالنهار في الشمس المحرقة، وكان نفسي الفرش يبقى جلد بصراحة.
قطر دايرة لف العربية 10 متر، ساعات في اليو ترنات بحس اني راكب مقطورة بس عادي احساسها حلو.
العربية تستاهل كل مليم حتى بعد ما غليت. وخدت اول عين خلاص، جاتلي فيها خدش في الاكصدام اللي ورا، بس انا مش زعلان منه خالص الحمد لله على قد كده.
بعد الفطار هصورها ان شاء الله.
قفلت الشباك
خرجت من العربية
قفلت الباب، ولف المفتاح في الكالون لاّخر مرة
قالتلي هشوفك تاني؟ قولتلها العشرة متهونش غير على ابن الحرام، هتفضلي طول عمرك الاخت الكبيرة، وهاخد بالي منك زي ما خدتي بالك مني طول فترة الجامعة وتجهيزات الجواز، وهصلحك ومش هبيعك. لكن دلوقتي، لازم ادلع نفسي ومراتي واركب زيرو.
وركبت الكروز، العربية غريبة، لها اسلوب عجيب جداً في استقبال صاحبها، اول ما تبصلها تكشر ف وشك وكأنها بتقولك احذر، انا مش سهلة، وبعدين لما تقعد في الكرسي تاخدك بالحضن وتقولك اهلاً بيك ف بيتك التاني، الكرسي مريح جداً، وكأنه كرسي طيارة. المسافة لحد الدواسات كبيرة جداً لدرجة انه لو الكرسي لاّخره مش بطول الدواسات برجلي (انا 173سم)، القعدة مريحة جدي هههه وكل الزراير حواليك كدة تحس فعلاً انه العربية ملك ايدك والعربية فعلاً بتديك احساس بالأهمية.
لو انت عملاق وكمان اللي معاك قدام عملاق (يعني طولكوا فوق ال190سم، العربية بقت كوبيه من ورا، الكراسي قدام ممكن ترجع لحد ما تلغي الكنبة). الكراسي ارتفاعها بيتظبط وانا فعلا رفعته عشان اشوف وش العربية لحد ما اتعود عليها وبعدين نسقطه في الارض واديها زحف ع الاسفلت.
وحطيت المفتاح في الكونتاكت، واستيقظ الوحش، العربية واخدة فعلاً شكل الشيفروليه الامريكي، انا كان معايا لومينا الصيف اللي فات وفعلا الكروز احلى من جوا. اللون الازرق بتاع التابلوه مريح جداً ورياضي التنين، والكمبيوتر في وسط العدادت لكن مينفعش تلعب فيه الا والعربية ع الP عشان الشباب ميعدش يلعب ويخيش لا قدر الله. الدوارة من اول سنه اوتوماتيك، يعني لو فضلت معلق ايدك ع المارش هي برضه بتدور بمعرفتها.
الكاسيت صوته بالنسبالي واطي عشان عربيتي كان فيها بازوكا وسماعات 400 وات، بس احساس الصوت هايل ونقي جداً، وكل باب فيه سماعة. استقبال الراديو ساعات بيشوش كدة بس فاكس، الايبود والaux موجودين.
صوت الموتور خفيف شوية على حجمها، انت بتدور وانت مستني ومتوقع صوت دبابة (يمكن انا برضه كنت متوقع صوت السته سلندر بتوع اللومينا) لكن هي بتفاجأك انك بتدور نحلة. والار بي ام يعلى لحد 10، وينزل لحد 7، ويستقر.
في الزحمة الكمبيوتر اداني 10.5 لتر في ال100 كيلو، اه يا جيبي، الايفو بتاعة اختي 1400 سي سي بتدي 6 بالكتير قوي.
الباور جميل جداً وبيديك احساس انه العربية ماسكة مفسها لأنه هيدروليك مش كهرباء، بالنسبالي دي احسن عشان انا بحب احساس اني راكب وحش، مليش في السيتي باور والكلام ده. كان في حد في المنتدى بيقول الباور بيعمل صوت على اخره، ايوة ده صوت كباس الهيدروليك ومش المفروض تفضل قافش الطارة على اخرها كتير، الباور الكهرباء زي الهيونداي مثلاً بتلاقي الطارة ف اخرها زي اولها و فيها خبطة كدة.
الفتيس ناعم جداً، وبيديك احساس انه ال عربية متزنة، وموضوع الست نقلات ده جديد عليا، بحس انه الفتيس محتار وكل شوية على نقلة، كان نفسي الكمبيوتر يكتبلي هو انا على انهي غيار لكن للأسف بيكتب الغيار بس في الاستب. الاستبترونيك حلو جدا وبينقل بسرعة، لكن عكس العربيات الاوروبي، فوق + وتحت – (عكس الفيات، وبصراحة فيات اصح، انت بتبقى عايز تشد الفتيس عليك عشان تطير، كأنك بتجيب الرابع من التالت، ودايما فتيس لفوق يعني تسقيط).
عزم العربية جاامد جداً ما شاء الله، لازم تقفش فرامل كويس وانت بتنقل و الا هتنط منك، والتسقيط ع الماشي بيدي عزم جميل وتسارع حلو ما شاء الله، ولو ان الفتيس في التسقيط مش فهيم كده، بيفكر حبة وبعدين يرزع، تقريبا بيفكر انت عايز تسقط كام غيار.
العربية بتحب التالت بتاعها قوي، بتنجز في الاول والتاني وتثبت ع التالت شوية ف بتديك احساس انها بتنط ف اول غيارين، بس لو قرصت ع الاول انت الجاني على نفسك، جريتها فظيعة ولا كأنها فيرنا.
تفويلة التانك 100 جنيه بالمليم 92.
العربية في العادي بتحب تنقل على 3 ونص كده، لكن في القرص بيجيب قوي ما شاء الله، العداد اخره 220كم لكن انا متأكد انه استحالة توصل 200كم ف عربية بالحجم ده و1600سي سي. الموتور في القرص صوته ذكوري، ناقصه فلتر سبور ويبقى مخيف. الموتور مكتوب عليه ف كل حته متنضفنيش بمسدس الهوا، ف مش عارف ده يتعمل فيه ايه؟
العفشة جميلة جداً والعربية ماسكة نفسها عالطريق ما شاء الله، ولو لسه كمان مع التليين هتنعم يبقى جمييييل. في النقر ناشفة شوية، وانا كنت متنشن جداً عشان خايف عليها، ف مع كل نقرة كنت بحس برقبتي بتوجعني. لكن ف فواصل الكباري وكده جميلة ما شاء الله. اللي معايا طاسات مش جنوط، ف نعرفش الجنط ال16 ايه ظروفه مع العفشة. صوت الفرامل لسه بتطبع ع الواقف كده في صوت خفيف. بس عادي. ع الملفات وش العربية متجه مكان ما انت عايزه.
العربية ملفتة جداً للنظر من قدام، وملاكها مش كتير وكلهم مبسوطين، كل ما اجي جمب حد ويشوفها زيرو يفتح الشباك ويقوللي مبروك وكده ونزمر وواحد حتى على كوبري اكتوبر قاللي تلاقيك خايف منها، تعالى اوريك، واختفى من قدامي ربنا يحميه ماشاء الله تسارع العربية ع الماشي جبار. في واحد معاه سيراتو جري معايا وثبتنا مع بعض لحد 100 كده وانا سبته عشان التليين واداني اشارات يمين ف شمال الله يسامحه.
شكل وش العربية من جوة زي وش الاوكتافيا، وبتحس انه صغير وده غلط لأن في الأول بتبفى مش عارف اخرها فين خصوصا من عند الرفارف.
التكييف فظيع، انا سايبه على اول سنة ساقع قبل السخن، واول درجة مروحة، بس لسة مجربتش بالنهار في الشمس المحرقة، وكان نفسي الفرش يبقى جلد بصراحة.
قطر دايرة لف العربية 10 متر، ساعات في اليو ترنات بحس اني راكب مقطورة بس عادي احساسها حلو.
العربية تستاهل كل مليم حتى بعد ما غليت. وخدت اول عين خلاص، جاتلي فيها خدش في الاكصدام اللي ورا، بس انا مش زعلان منه خالص الحمد لله على قد كده.
بعد الفطار هصورها ان شاء الله.
.gif "Majd(4)")
)
Comment