الجزء الثاني من الأستطلاع الخاص بمالكي الأفيو

[أشرف العدوي]

ده الجزء الثاني من الأستطلاع الخاص بمالكي الأفيو و خصوصاً ابتداءاً من موديل 2008
لحصر المشاكل الموجودة بالسيارة
و معرفة هل هي مشاكل فردية ام لا

ده لينك الجزء الأول
http://www.nilemotors.net/Nile/154755-a.html (أستطلاع لمالكي الأفيو فقط)
و صل فيه عدد المصوتون 97
بدون مشاكل عدد 17 بنسبة 17.53%
بمشاكل عدد 80 بنسبة 82.47 %

طبعاً مسموح بالأختيار المتعدد
و أظهار من قام بالتصويت

يرجى التفاعل مثل الجزء الأول

سيكون التصويت على التالي
1 - مشكلة الطنابير ( الطنابير بتريج بعد فترة قصيرة من ألاستخدام و تحتاج إلى خرط أو تغيير ( في حدود من 5000 كم حتى 10000 كم )
2- مشكلة أرتفاع عدد لفات المحرك عموماً في وضع السلانسيه
3- مشكلة الارتفاع المفاجئ لعدد لفات المحرك بدون مبرر أثناء سير السيارة او في وضع الوقوف و أحيانة الثبات على قيمة مرتفعة حتى في وضع المور
4- مشكلة في تكييف السيارة ( عدم كفاءة التبريد حتى في الظروف العادية )
5- مشكلة في خامة التابلوه و تقويصه من التعرض للشمس
6 - لا يوجد مشاكل

[أشرف العدوي]

حتى الأن 29/8/2010
عدد المصوتون 10
2 بدون مشاكل بنسبة 20%
8 بمشاكل بنسبة 80%

[أشرف العدوي]

حتى الأن 30/8/2010
عدد المصوتون 11
3 بدون مشاكل بنسبة 27.27%
8 بمشاكل بنسبة 72.73%

[أشرف العدوي]

حتى الان 1/9/2010
عدد المصوتون 12
بدون مشاكل عدد 3 بنسبة 25%
بمشاكل عدد 9 بنسبة 75%

[أشرف العدوي]

حتى الأن 4/9/2010
عدد المصوتون 14
4 بدون مشاكل بنسبة 27.57%
10 بمشاكل بنسبة 71.43%

[احمد عز]

مشكلة الأرتفاع المفاجئ في عدد لفات المحرك اثناء السير او حتى أثناء الوقوف بس الحمد لله اتحلت

[Amrrr]

الار بي ام بيعلى ساعات لوحده اثناء الوقوف !!! اثناء المشي مش عارف احكم عليها ازاي
الفرامل بترج العربية لما تيجي تقف
هاجرب العربية في مشوار تاني واقول على بقية اللي فيها في الاستطلاع الأولاني بس مبدئيا العفشة بتزيق
هاغسل الموتور عشان اشوف الزيت لاني امبارح فتحته لقيت شوية زيت خفيف مش عارف نظافة ولا فعلا المساعدين ضاربة زيت !!! هي عربية اختي مش باركبها كل يوم

موضوع جامد اوي لان من ساعة ماجابت العربية وانا مش مرتاحلها وحاسس ان بالسعر دا المفروض العربية تكون احسن
في عيب تاني في الاوتوماتيك : لما باجيب r الفتيس بيرزع رزعة مش جامدة اوي بس يتحس بيها !!! موجودة عند حد تاني ؟؟؟

[mmtronic]

في عيب تاني في الاوتوماتيك : لما باجيب r الفتيس بيرزع رزعة مش جامدة اوي بس يتحس بيها !!! موجودة عند حد تاني ؟؟؟

موجودة عندى

و فى الصيانة الى جاية ناوى استفسر عنها

[Amrrr]

موجودة عندى

و فى الصيانة الى جاية ناوى استفسر عنها

ماشي ياباشا وياريت تقولنا عملت ايه ان شاء الله خير

[shock]

انا عن نفسي مش شايف انها عربية وحشة
مع اني عانيت في حاجات كتير منها:
1- تغيير اسكترا 4 مرات
2-تغيير المساعدين الخلفيين ضمان والامامين علي حسابي
3-تغير الطنابير بعد مناقشات مع مهندس من جنرال موتورز نص عليا ونص عليهم
4- تغيير طرمبة باور بعد اكتشاف ان العيب في الدريكسيون مش من الاسكترا [ انا اللي اكتشفت العيب مش انفع مهندس برده ]
5- مشكلة الارب ام مكنتش عملالي قلق وخلاص تم معالجتها


بس للامانة في كل مشكلة من دول كان رد المهندسين بتوع الصيانة في غاية الاحترام وبيتفهموا وجهة نظري
مع ان في حوار المساعدين الخلفيين مهندس جنرال موتورز [ كان واحد استغفر الله كدا مش طايق حد وافقلي علي الاسكترا وحسسني انه بيتعطف عليا لولا المهندس شدني من ادامه كان زمان عورته بصليبة العجل ]مكانش راضي يغيريهم ال ايه معرقين بس مش بايظين
ولكن للامانة رئيس فرع طنطا عامل معايا الواجب وغيرلي المساعدين ضمان علي مسئوليته بعد التأكد من العيب
وفي حوار طرمبة الباور اما اتكلمت مع المهندس اني شاكك ان العيب منها حجزلي ميعاد مع مهندس جنرال موتورز
بنفسه وغيرتها من غير ما يكشف عليها مع اني طخت المشوار من المنصورة لي طنطا عشان اقابله
وفي حوار الطنابير انا اتكلمت مع المهندس شريف من جنرال موتورز والراجل كان الصراحة في قمة الادب والاحترام
وسمعني للاخر ووعدني انه ها يحللي مشكلتي علي اد ما يقدر وفعلا اتصل بيا هو وقالي انه اكتر حاجة ها يقدر يعملهالي
نص عليا ونص عليهم مع عدم حسب المصنعية والضرائب عليا وحسابهم علي منصور

العربية افيو 2008

بعد كل اللي غيرته العربية ماشية ماشاء الله
مع اني شاب ونوعا ما مرة امشي احسس علي العربية
وساعات ببقا مضايق من شئ وانا سايق اقعد اهربد بيها

بس با امانة العربية ماشاء الله احسن حاجة في سعرها ودا مش عشان العربية معايا ولا تحيز ليها
اه صح انا الحمد لله التكييف بيقوم معايا بالواجب يقوم ما يبقا الجو فرن ببقا مشغل التكييف علي 2
ولحد الان من ساعة ما جيبت العربية لم اقوم بشحن الفريون

[mmtronic]

انا عن نفسي مش شايف انها عربية وحشة :ta_clap[1]:
مع اني عانيت في حاجات كتير منها: :b4_556:
1- تغيير اسكترا 4 مرات
2-تغيير المساعدين الخلفيين ضمان والامامين علي حسابي:_alshmokh08[1]:
3-تغير الطنابير بعد مناقشات مع مهندس من جنرال موتورز نص عليا ونص عليهم :b4_564:
4- تغيير طرمبة باور بعد اكتشاف ان العيب في الدريكسيون مش من الاسكترا [ انا اللي اكتشفت العيب مش انفع مهندس برده ]
5- مشكلة الارب ام مكنتش عملالي قلق وخلاص تم معالجتها


بس للامانة في كل مشكلة من دول كان رد المهندسين بتوع الصيانة في غاية الاحترام وبيتفهموا وجهة نظري
مع ان في حوار المساعدين الخلفيين مهندس جنرال موتورز [ كان واحد استغفر الله كدا مش طايق حد وافقلي علي الاسكترا وحسسني انه بيتعطف عليا لولا المهندس شدني من ادامه كان زمان عورته بصليبة العجل ]مكانش راضي يغيريهم ال ايه معرقين بس مش بايظين
ولكن للامانة رئيس فرع طنطا عامل معايا الواجب وغيرلي المساعدين ضمان علي مسئوليته بعد التأكد من العيب
وفي حوار طرمبة الباور اما اتكلمت مع المهندس اني شاكك ان العيب منها حجزلي ميعاد مع مهندس جنرال موتورز
بنفسه وغيرتها من غير ما يكشف عليها مع اني طخت المشوار من المنصورة لي طنطا عشان اقابله
وفي حوار الطنابير انا اتكلمت مع المهندس شريف من جنرال موتورز والراجل كان الصراحة في قمة الادب والاحترام
وسمعني للاخر ووعدني انه ها يحللي مشكلتي علي اد ما يقدر وفعلا اتصل بيا هو وقالي انه اكتر حاجة ها يقدر يعملهالي
نص عليا ونص عليهم مع عدم حسب المصنعية والضرائب عليا وحسابهم علي منصور

العربية افيو 2008

بعد كل اللي غيرته العربية ماشية ماشاء الله
مع اني شاب ونوعا ما مرة امشي احسس علي العربية
وساعات ببقا مضايق من شئ وانا سايق اقعد اهربد بيها

بس با امانة العربية ماشاء الله احسن حاجة في سعرها ودا مش عشان العربية معايا ولا تحيز ليها
اه صح انا الحمد لله التكييف بيقوم معايا بالواجب يقوم ما يبقا الجو فرن ببقا مشغل التكييف علي 2
ولحد الان من ساعة ما جيبت العربية لم اقوم بشحن الفريون :b4_282:

اخى الفاضل

كل الى انت حكيت علية دة و بتقول مش وحشة ؟ - خلى بالك انت بتتكلم على عربية زيرو
اسمحلى معلش اقولك و انا معايا زيها اتوماتيك 2009 و معملتش فيا غير

1- طنابير و تيل ( غيرتهم على حسابى و مغيرتهمش فى الضمان - لية - علشان الضمان مضروب )
2- مشكلة تكييف ( فضيت الشحن و شحنت فريون كويس عن راجل محترم برة الوكيل بعد ما خربلى التكييف )
3- تزييق عفشة ( ليسة بعانى من سماع السنفونيات التزيقية كل يوم و مع كل تزييق ادعى عليهم بالفلوس الى خدوها فى العربية دى )

و بقول عليها انها معفنة ( كعربية زيرو ) - و للاسف العفانة جاية من التوكيل و التصنيع المصرى لانها برة مصر زى الفل

[shock]

اخى الفاضل

كل الى انت حكيت علية دة و بتقول مش وحشة ؟ - خلى بالك انت بتتكلم على عربية زيرو
اسمحلى معلش اقولك و انا معايا زيها اتوماتيك 2009 و معملتش فيا غير

1- طنابير و تيل ( غيرتهم على حسابى و مغيرتهمش فى الضمان - لية - علشان الضمان مضروب )
2- مشكلة تكييف ( فضيت الشحن و شحنت فريون كويس عن راجل محترم برة الوكيل بعد ما خربلى التكييف )
3- تزييق عفشة ( ليسة بعانى من سماع السنفونيات التزيقية كل يوم و مع كل تزييق ادعى عليهم بالفلوس الى خدوها فى العربية دى )

و بقول عليها انها معفنة ( كعربية زيرو ) - و للاسف العفانة جاية من التوكيل و التصنيع المصرى لانها برة مصر زى الفل

مع احترامي لحضرتك
مفيش عربية مش بتنزل في بلدك مش فيها عيب واظن حضرتك تعرف كدا
انا كل مشاكلي مع العربية الحمد لله تم حلها من قبل التوكيل يعني العربية
ضمانها موجود فعلا مش كلام مع تيجي تحسب تمن الاسكترا ب 3500x4
دا غير الطرمبة والمساعدين
وبعدين انا العربية كوري مش مصري لان ما جيت اشتري العربية الفرق بينهم
4 الاف ساعتها وكنت عايز اجيب الاتوماتيك بس لاقيتها تقفيل مصري مش رضيت
اشتري لان مش عندي ثقة في التقفيل المصري فما يبقا الفرق بين الاجنبي والمصري الفرق
دا ابقا غلطان لو فكرت وجيبت المصري
وكمان الضمان في الكوري في حاجات مع ضمان العربية انما في المصري نفس الحاجات ضمانها سنة بس
انا اعرف واحد شاري عربية اتوس غير فتيس والعربية لسا مش مشيت 100 كيلو علي بعض
دي عيب في عربية زيرو لسا
وارجو ان تتقبل وجهة نظري في الموضوع

نقطة اخيرة انا من متابعتي لللمواضيع في المنتدي كل المشاكل في المصري مش في الكوري

[mmtronic]

مع احترامي لحضرتك
مفيش عربية مش بتنزل في بلدك مش فيها عيب واظن حضرتك تعرف كدا
انا كل مشاكلي مع العربية الحمد لله تم حلها من قبل التوكيل يعني العربية
ضمانها موجود فعلا مش كلام مع تيجي تحسب تمن الاسكترا ب 3500x4
دا غير الطرمبة والمساعدين
وبعدين انا العربية كوري مش مصري لان ما جيت اشتري العربية الفرق بينهم
4 الاف ساعتها وكنت عايز اجيب الاتوماتيك بس لاقيتها تقفيل مصري مش رضيت
اشتري لان مش عندي ثقة في التقفيل المصري فما يبقا الفرق بين الاجنبي والمصري الفرق
دا ابقا غلطان لو فكرت وجيبت المصري
وكمان الضمان في الكوري في حاجات مع ضمان العربية انما في المصري نفس الحاجات ضمانها سنة بس
انا اعرف واحد شاري عربية اتوس غير فتيس والعربية لسا مش مشيت 100 كيلو علي بعض
دي عيب في عربية زيرو لسا
وارجو ان تتقبل وجهة نظري في الموضوع

نقطة اخيرة انا من متابعتي لللمواضيع في المنتدي كل المشاكل في المصري مش في الكوري

سيدى الفاضل

مشاكل الار بى ام فى الكورى و المصرى عن متابعة لمدة سنة و نص فى المنتدى

انت بتقول كمان ان عربيتك كورى - و فيها كل دة ؟ و تقول انها مش وحشة

انت بتقول ان اى العربية بتنزل مصر بعيب و انا بعلق و اقولك ( عيب واحد ممكن و مع التحفظ كمان لان دى مش القاعدة ) انما مش مشرحة عيوب زى الى عند حضرتك

عارف حضرتك الضمان الى بتتكلم علية دة و مبسوط قوى منة هوة الى خلاك تغير الاسكاترة 4 مرات و هى الى بتخلى الاعضاء يغيرو الطنابير و التيل بالاربع او خمس مرات - عارف لية - زى ما قلتلك قبل كدة - قطع الغيار الى بتركب على الضمان مضروووووووووووووبة فتلاقى حضرتك بتضيع وقتك و مجهودك و مالك على امل و سراب

انا مقدر انك بتحب عربيتك و انا كمان و الله بحب عربيتى رغم عيوبها لانى جايبها بشقايا و كل قرش دفعتة فيها تعبان فية - بس خلى بالك الحق احق ان يتبع

و دا رايى المتواضع

[أشرف العدوي]

حتى الأن 28/9/2010
عدد المصوتون 38
بدون مشاكل 10 بنسبة 26.32%
بمشاكل 28 بنسة 73.68%

[mohamedmeissa]

ارجو المساعده , انا امتلك افيو 2009 و عندي مشكلة ال rpm الشهيرة و سمعت ان فيشة ال tps بتحل المشكلة ديه , اريد ان اعرف ثمن فيشة ال tps و ثمن الحساس بتاع ال tps و و ما الحل فى التخبيط في السرعات العليا ؟؟؟

ارجوكم المساعدة و شكرا