ايه احسن لون في الكروز في اللونين دولا ياريت بجد كله يدخل

[Hameditsh]

هي إيه الحيره اللي انا فيها ده. طب أنا بإذن الله ناوي على التوب لاين اللي جيه بجنوط سبور 16 ومقابض نيييكل ويا سلام بأه لو الحج منصور يحن علينا وينزلها بفتحة سقف وبإذن الله ناوي أركبلها نيكل في الشنطة وحولين الابواب وفي الفوانيس الورانيه والأمامية وهركبلها جلد وزنون. المشكله إني بحاول اتخيل شكل العربية في اللونين بس مش عارف ليه مذبذب
يبقى مين الأحسن الإسود ولا الفضي بغض النظر عن حوار النضافة المستمره أنا في كلتا الحالتين متفق مع واحد هينضفهالي كل يوم.

[thedestroyer]

الاسود بيبهب بسرعه جدااااااااااااااااااا

[thedestroyer]

والاسود كمان منتشر وبيسجب الحراره وبيبان فيه الحكات اوى اوى اوى بتبقه ابيض في اسود في الكروز لا لا مفيش اجمل من الفواتح

[thedestroyer]

اللون الفضي جميل واهم مميزاتها

مش بيبان فيه الحكات الخفيفه

وكمان مش بيبان فيه التراب

بس هوه مشكلته في الكروز انه مش بيبين فخامتها خالص خالص

[kamalsalem]

ههههههه والله ما هتحلص ف موضوع اللون ده كل واحد عنده نظرية وبصراحه الدنيا كده

انا والله كنت محتار في اللون حيرة ما يعلم بيها الا الله

بص يا باشا عليك وعلى منصور جامعة الدول بيبقى عنده تسليمات كتير وبتلاقي كل الالوان واقفة في الشارع (لأن شكل العربية في المعرض مهما كان لونها بيبقى حلو) قدام المعرض... استخير كمان مرة وانزل بص بصة واحدة واللي قلبك يرتاحلها خدها

وبعدين انت مش هتشوف منها بعد كده غير الصالون وكله لون واحد، وعينك هتاخد على لونها وبعد شهر بظبط هتتعود وهتبقى كل ما تشوفها ماشية تقول مهو اللون ده حلو اهه

[hon]

الاسود لون ممتاز على الكروز بس لو تهتم بيه تلميع وبولش وخلافة
وعيوبة حرارة زيادة على العربية وبيلم تراب فى ثوانى وما ادرادك ما التراب فى مصر والعفار

[raedegypt]

اللون البذنجانى فى العربيات دة يعطيها فخامه واشيك من الاسود والاحمر لون وسط بينهم فكر فيه.ز شوفه على الالنترا والسيراتو حلو جدآ

[kamalsalem]

يا باشا ما قلنا مفيش بتنجاني في الكروز الله يكرمك يا رب

[aezzat]

توكل على الله

النبيتى رائع فى الكروز

[raedegypt]

يا باشا ما قلنا مفيش بتنجاني في الكروز الله يكرمك يا رب

الخليجى فيه بذنجانى والابيض فى السعوديه بس اللون عليها شيك . المشكله ان التوكيل محدد الوان مع ان الالوان دة شيك عليها

[kamalsalem]

الخليجى فيه بذنجانى والابيض فى السعوديه بس اللون عليها شيك . المشكله ان التوكيل محدد الوان مع ان الالوان دة شيك عليها

انا والله متأكد انه اللون موجود بره دانا قتلت العربية بحثاً قبل ما ارسى عليها

الابيض بتاعها جميل والله

[thedestroyer]

يا جماعه الاحمر دم الغزال انا شفته كذا مره في المنصورة في الكروز ده معناه ايه موجود عند منصور ولا لا؟؟؟؟؟

[kamalsalem]

يا جماعه الاحمر دم الغزال انا شفته كذا مره في المنصورة في الكروز ده معناه ايه موجود عند منصور ولا لا؟؟؟؟؟

يا بيه والله العظيم كلام احاسب عليه اللون ده مش موجود عند منصور

ولا هو عشان انت شفتها في المنصورة تبقى موجوده عند منصور ههههههههههه

[thedestroyer]

يا بيه والله العظيم كلام احاسب عليه اللون ده مش موجود عند منصور

ولا هو عشان انت شفتها في المنصورة تبقى موجوده عند منصور ههههههههههه

هههههههه عسل والله يا باشا طيب الاحمر دم الغزال الى في الكروز ده خليجي طيب بكام ومنين ؟؟ ايه التفاصيل بتاعت العربيه دي؟؟ لو سمحت

[kamalsalem]

الكروز الخليحي اختفت من مصر من اول ما نزلت وكيل... انزل عند الناس بتوع الخليجي زي جابر عبد الشهيد وقوله تجيبهالي خالصة متجمركة بكام وشوف بس هيبقى فيلم هندي عشان الاوبشنز وعشان الجمرك وكده

انا قبل ما اشتريها من مصر حاولت انزلها من السعودية واجمركها بس لقيت اللي عندهم فئة عالية طبعاً وسعرها معدي ال60 الف ريال غير الجمرك وانا كاشي مكانش وفييييير كده