استفسار بسيط من اهل الخبره في الاوبترا وارجو الرد بسرعة

[beckeryahia]

معلش يا جماعة استفسار بسيط وارجو الرد بسرعة ,قدامي عربية اوبترا مودبيل 2006 مانيوال فابريكة 100% من الاكصدام للاكصدام وماشية 52000 كيلو , بس فيها حاجة مقلقاني ان فيها 2 ازاز كهربا قدام بش مافيهاس ورا
فهل ده كان كده في الاوبترا ال2006 ولا كده في حاجة غلط؟؟ والعربية دي تسوي كام , ارجو الرد بسرعة عشان هاشتريها النهارده , شكرا ,

[Hosam_Optrawy]

ااعتقد ان الاوبترا 2006 كانت نازله 2 زجاج كهربا فعلا

وبالنسبه للتسعير حضرتك ممكن تطلب تسعيرها فى الموضوع دا

http://www.nilemotors.net/Nile/163941-a.html

وبالتوفيق

[B911]

معلش يا جماعة استفسار بسيط وارجو الرد بسرعة ,قدامي عربية اوبترا مودبيل 2006 مانيوال فابريكة 100% من الاكصدام للاكصدام وماشية 52000 كيلو , بس فيها حاجة مقلقاني ان فيها 2 ازاز كهربا قدام بش مافيهاس ورا
فهل ده كان كده في الاوبترا ال2006 ولا كده في حاجة غلط؟؟ والعربية دي تسوي كام , ارجو الرد بسرعة عشان هاشتريها النهارده , شكرا ,

بص يا باشا
فية شوية حاجات عايزك تتاكد منها
اولا 2 زجاج كهرباء دة مش الاختلاف الوحيد و حتلاقي حاجان تانية ناقصة زي المرايات مانيوال -بدون مسند يد-بدون جراب نضارة-بدون مفتاح ريموت و المرايات مش بلون العربية و بدون مخرج الكهرباء الاضافي

لو دة صحيح يبقي العربية دي مواصفات خليجي و مش نازلة تبع منصورو رغم انها مش نفس الاوبشن لكن هتلاقي احساس تاني و انت راكبها مش زي بتاعة منصور و كمان تتحمل درجات حرارة عالية و الحر
و اكشف عليها في مركز صيانة كويس و توكل علي الله و في نظري ان الوبشن اللي ناقص دة مش هايفرق اوي زي حالة العربية و احساساك انها متينة و جامدة
علي فكرة انا لسة شاري واحدة بنفس المواصفات دي بس 2008 و ماشية 38000كم

و تحت امرك لو فية اي استفسار

بالتوفيق ان شاء الله

[kamalsalem]

بص يا باشا
فية شوية حاجات عايزك تتاكد منها
اولا 2 زجاج كهرباء دة مش الاختلاف الوحيد و حتلاقي حاجان تانية ناقصة زي المرايات مانيوال -بدون مسند يد-بدون جراب نضارة-بدون مفتاح ريموت و المرايات مش بلون العربية و بدون مخرج الكهرباء الاضافي

لو دة صحيح يبقي العربية دي مواصفات خليجي و مش نازلة تبع منصورو رغم انها مش نفس الاوبشن لكن هتلاقي احساس تاني و انت راكبها مش زي بتاعة منصور و كمان تتحمل درجات حرارة عالية و الحر
و اكشف عليها في مركز صيانة كويس و توكل علي اللة و في نظري ان الوبشن اللي ناقص دة مش هايفرق اوي زي حالة العربية و احساساك انها متينة و جامدة
علي فكرة انا لسة شاري واحدة بنفس المواصفات دي بس 2008 و ماشية 38000كم

و تحت امرك لو فية اي استفسار

بالتوفيق ان شاء اللة

باشا ارجو مراعاة الدقة وانت بتكتب لفظ الجلالة وعذرا لصاحب الموضوع

[beckeryahia]

ربنا يسهل انا نازل اتفرج عليها الفرجة النهائية دلوقتي . هو السعر النهائي بعد الفصال 67000 جنية فهل ده كتيير ولا كويس , وان شاء الله لو خلصت فيها هارفع الصور

[beckeryahia]

سوري ,, ان شاء الله

[aymanmaly]

بالتوفيق فى الشراء ان شاء الله
بس المهم اكشف عليها كويس عند حد محترم لانى بخاف من المستعمل
و اظن ان العربية دى خليجى و لو عايز تتأكد خذ رقم الشاسية و الماتور و اتصل بمنصور وقول لهم انك بتشترى العربية و عايز تعرف دى استيرادهم و لا لأ
اما عن التسعير فأعمل زي استاذ حسام ما قال لحضرتك و ادخل الموضوع الى مرشحهولك و ان شاء الله خير

[menabigboss]

بالتوفيق فى الشراء ان شاء الله
بس المهم اكشف عليها كويس عند حد محترم لانى بخاف من المستعمل
و اظن ان العربية دى خليجى و لو عايز تتأكد خذ رقم الشاسية و الماتور و اتصل بمنصور وقول لهم انك بتشترى العربية و عايز تعرف دى استيرادهم و لا لأ
اما عن التسعير فأعمل زي استاذ حسام ما قال لحضرتك و ادخل الموضوع الى مرشحهولك و ان شاء الله خير

منصور لا يستورد عربيات خليجي ، وانا ما شفتش عربيات اوبترا توكيل اوبترا 2 زجاج كهرباء ، وانا معايا اوبترا 2007 توكيل 4 زجاج كهرباء

[aymanmaly]

منصور لا يستورد عربيات خليجي ، وانا ما شفتش عربيات اوبترا توكيل اوبترا 2 زجاج كهرباء ، وانا معايا اوبترا 2007 توكيل 4 زجاج كهرباء

مساء الفل
مين قال ان منصور بيستورد خليجى
معنى خليجى انها مستوردة عن طريق وكيل غير منصور و الوكيل دة فى دول الخليج زى السعودية و البحرين و الامارات الخ
و لو كنت قلت انة يكلم التوكيل علشان يتأكد من ان العربية خليجى
مع العلم ان السيارة 2006
فيمكن يكون منصور نزل شحنة كدة فلا يوجد ما يضر من السؤال للتأكد
صح الكلام ؟

[beckeryahia]

انا عموما اتفرجت علي العربية وجربتها وتمام التمام وقلتلة 60000 وقالي سيبني افكر كام يوم وهايرد عليا,,, وهي نمره التوكيل كام؟

[ahmedfawzy14]

67 الف كتير اوى على 2006

60 معقول لو فعلا فابريكة