إعـــــــلان

Collapse

.

,
See more
See less

تجربتى مع الاوبترا على سرعة +200 كيلو / ساعة ...

Collapse
X
 
  • Filter
  • الوقت
  • Show
Clear All
new posts

  • تجربتى مع الاوبترا على سرعة +200 كيلو / ساعة ...



    السلام عليكم

    ازيكم يا احلى قسم :)

    حبيت اشارك تجربتى المتواضعة معاكم

    الشهر اللى فات كنت رايح الغردقة وحبيت اجرى شوية

    الطريق الصراحة مغرى جدا وماكنش فيه عربيات كتير

    هو مشكلته بس انه مش مستوى كويس وحارتين

    بس العربيات مش كتير

    انا كان ليا تجربه قبل كده على الاسكندرية الصحراوى على سرعة 190 بس ما فضلتش كتير ماشى على السرعة ديه

    فامقدرتش احدد اى حاجة بس المرة ديه الطريق الحمد لله ساعدنى وربنا ستر

    بس ياريت ماحدش يجرب يمشى على السرعة ديه لأن ماحدش عارف ايه اللى ممكن يحصل

    حتى انا بعد لما وصلت بالسلامة ما كنتش مصدق اصلا انى عملت كده :)

    المهم سيبكوا من الرغى الكتير ده انا عارف انى صدعتكوا

    ندخل فى الموضوع على طول

    انا لقيت الطريق فاضى وممكن يتجرى فيه قلت لما اجرب كده الاوبترا نظامها ايه :؛

    دوست شوية لحاد ال 170 وبعد كده ال 180 وهديت شوية علشان الكيرفات

    شوية والطريق اتعدل فا دوست لحاد ال 200 وفضلت ماشى لفترة كويسة حوالى 5-10 دقايق على السرعة ديه

    وكان فيه كيرف فهديت تانى وهكذا

    الصراحة الموضوع مرعب لما بتعدى من جنب عربية بالسرعة ديه بس فى نفس الوقت انا ما كنتش حاسس انى ماشى على 200 خالص مش عارف ليه

    الصراحة بسم الله ما شاء الله على الاوبترا ما خذلتنيش - طبعا ربنا ستر - بس فعلا انا ما كنتش حاسس خالص انى ماشى على 200 ماكنش فيه تنطيت ولا اى حاجة وكان الدريكسون حديد فى ايدى

    بالنسبة للكيرفات فا لو الكيرف مش جامد اوى ممكن يتاخد على ال 140 - 150 والثبات معقول

    انا جربت اخد كيرف على ال 160 بس كان الوضع صعب شوية :)

    بالنسبة للفرامل فهى كويسة لو حبيت تهدى ومعقولة لو حبيت تقف طبعا انا ما جربتش اقف على السرعة ديه بس كتير كنت بهدى وكانت تفى بالغرض وزيادة الصراحة

    تجربتى مع الفرامل فى نفس الطريق انى هديت من سرعة 200 ك/س لحاد سرعة 100 -120 ك/س

    وكانت المسافة ممتازة الصراحة وربنا ستر

    وفى الاخر جايبلكوا صورة للعداد وهو على 200 وشوية طبعا مش انا اللى مصور ده واحد صاحبى كان قاعد جنبى :D



    بس كده

    اتمنى انى اكون ضيف خفيف عليكوا لأنى ديه اول تجربتهليا معاكم

    بس انا كان عندى استفسار

    هو المشى كتير على سرعات عالية غلط ؟

    يعنى 180- 200 كلم / ساعة لفترات طويلة اكتر من ساعتين

    انا سمعت ان ده غلط جدا على الموتور

    ياريت حدد يأكدلى الموضوع ده

    بس كده

    لو حد عنده اى استفسار عن اى حاجة يقولى

    احمد

    [CENTER][SIGPIC][/SIGPIC]
    [COLOR=DarkRed][I][B][FONT=Comic Sans MS][SIZE=5]The Benz is [COLOR=Black]competent[/COLOR], The BMW is [COLOR=Black]compelling[/COLOR] [/SIZE][/FONT][/B][/I][/COLOR]
    [COLOR=DarkRed][I][B][FONT=Comic Sans MS][SIZE=5] The Benz is [COLOR=Black]willing[/COLOR], The BMW is [COLOR=Black]eager[/COLOR][/SIZE][/FONT][/B][/I][/COLOR] [/CENTER]

  • #2
    اكيد لو مشيت على سرعات عالية مدة طويلة غلط لان انت هتكون ماشي على ار بي ام عالي فا هتجهد الموتور دا غير الكاوتش بتاع العربية
    [CENTER]انا معارضة على فكرة :tongue32:
    [/CENTER]

    Comment


    • #3
      الف حمد لله على السلامة
      و شكرا لمشاركتنا التجربة و اتمنى من كل الاعضاء مشاركتنا التجارب
      اما عن المشى بهذة السرعة فحسب الكتالوج و المهندسين فى الشركة ان السرعة القصوى للاوبترا 170 كم س
      و بالتالى ان اى زيادة عن هذة السرعة بيحمل على الماتور الى تصميمة الامن 170 كم س
      ولو العربية ممكن تعدى هذة السرعة المقررة كانو كتبو فى المواصفات لانها تعتبر ميزة
      فارجو من حضرتك عدم تكرار التجربة حفاظا على الماتور
      [SIGPIC][/SIGPIC]

      [B][SIZE=5][FONT=Comic Sans MS][COLOR=#000080]Chevrolet Club Member No.[/COLOR][COLOR=black]17[/COLOR][/FONT][/SIZE][/B]

      Comment


      • #4
        لو معاكش كاوتش سرعات الفرد ممكن تضرب منك

        لو في اي سير في العربية مريح هيطير

        الناس لما بتحب تقفل عدادات يا اما بتبقى عربية جديدة نوفي يا اما بيبقى في طقم بني ادمين بياخدوا بالهم منها

        والعربية دي من جوة كوري برضه مش الماني

        وفي النهاية استناني بس اكسر ال 1000 كم وهعمل زيك بظبط ههههههههههههه

        قشطة والله الاوبترا زمان احمد حلمي بنطلونه وقع
        [CENTER][sigpic][/sigpic]
        [SIZE="3"][FONT="Book Antiqua"]Proud Chevrolet Club Member Number 113[/FONT][/SIZE][/CENTER]

        Comment


        • #5
          تماااااااااااااااااااااااام ياباشا بس خلى بالك وبلاش تتعود ع السرعه العاليه ديه احنا عاوزينك خليك ع 60 تمام وزى الفل ههههههههههههه :d:d:d
          :Bravo:

          سبحانك اللهم وبحمدك ، أشهد أن لا إله إلا أنت أستغفرك وأتوب إليك

          Comment


          • #6
            المشاركة الأصلية كتبت بواسطة osamalover مشاهدة المشاركة
            اكيد لو مشيت على سرعات عالية مدة طويلة غلط لان انت هتكون ماشي على ار بي ام عالي فا هتجهد الموتور دا غير الكاوتش بتاع العربية
            اها عندك حق ، شكرا لمشاركتك

            المشاركة الأصلية كتبت بواسطة aymanmaly مشاهدة المشاركة
            الف حمد لله على السلامة
            و شكرا لمشاركتنا التجربة و اتمنى من كل الاعضاء مشاركتنا التجارب
            اما عن المشى بهذة السرعة فحسب الكتالوج و المهندسين فى الشركة ان السرعة القصوى للاوبترا 170 كم س
            و بالتالى ان اى زيادة عن هذة السرعة بيحمل على الماتور الى تصميمة الامن 170 كم س
            ولو العربية ممكن تعدى هذة السرعة المقررة كانو كتبو فى المواصفات لانها تعتبر ميزة
            فارجو من حضرتك عدم تكرار التجربة حفاظا على الماتور
            الله يسلمك يا ايمن باشا ، وان شاء الله انا معاكوا فى القسم الجميل ده على طول

            استفسار بسيط بس : معنى كلام حضرتك ان المشى على 170 لفترات طويلة مش غلط ؟!!

            ولو غلط ، طب ايه اقصى سرعة ممكن الواحد يمشى عليها ويكون ما فيش مشكلة منها على اى حاجة :)

            وشكرا يا باشا نورت الموضوع والله .

            المشاركة الأصلية كتبت بواسطة kamalsalem مشاهدة المشاركة
            لو معاكش كاوتش سرعات الفرد ممكن تضرب منك

            لو في اي سير في العربية مريح هيطير

            الناس لما بتحب تقفل عدادات يا اما بتبقى عربية جديدة نوفي يا اما بيبقى في طقم بني ادمين بياخدوا بالهم منها

            والعربية دي من جوة كوري برضه مش الماني

            وفي النهاية استناني بس اكسر ال 1000 كم وهعمل زيك بظبط ههههههههههههه

            قشطة والله الاوبترا زمان احمد حلمي بنطلونه وقع
            كمال باشا ، مبروك يا باشا الكروز ربنا يحميهالك

            - ما انا لما كنت بجرى كانت العربية مش قديمة ، كانت عاملة حوالى 3-4 الاف كيلو

            انا مش بقول انى بعمل كده على طول ولا حتى هعمل كده على طول ، انا بس كنت حابب اشوف العربية ايه نظامها على السرعات العالية .

            - مستنيك طبعا يا باشا بعد التليين بس ما تنساش الصورة :)



            المشاركة الأصلية كتبت بواسطة hema_fg2 مشاهدة المشاركة
            تماااااااااااااااااااااااام ياباشا بس خلى بالك وبلاش تتعود ع السرعه العاليه ديه احنا عاوزينك خليك ع 60 تمام وزى الفل ههههههههههههه :d:d:d
            هاهاها

            ربنا يخليك يا هيما ، ربنا ستر والله بس كانت تجربة حلوة الصراحة :)

            - وانا من سكان القاهرة :S ، يعنى ما بامشيش غير على الاول :D
            [CENTER][SIGPIC][/SIGPIC]
            [COLOR=DarkRed][I][B][FONT=Comic Sans MS][SIZE=5]The Benz is [COLOR=Black]competent[/COLOR], The BMW is [COLOR=Black]compelling[/COLOR] [/SIZE][/FONT][/B][/I][/COLOR]
            [COLOR=DarkRed][I][B][FONT=Comic Sans MS][SIZE=5] The Benz is [COLOR=Black]willing[/COLOR], The BMW is [COLOR=Black]eager[/COLOR][/SIZE][/FONT][/B][/I][/COLOR] [/CENTER]

            Comment


            • #7
              ماشاء الله ربنا يباركلك فيها

              شكرا على نقل تجربتك بس بلاش تكررها لسلامتك وسلامة غيرك

              وبالنسبه للسرعه القصوى للاوبترا فهى 187 للمانيوال و 175 للاوتوماتيك

              ولو الكاوتش بتاعك رمز السرعه بتاعه H وهو غالبا كدا

              يبقى اقصى سرعه للكاوتش 210

              وبالنسبه لسؤالك ايه اكتر سرعه تمشى عليها فتره طويله بدون ضرر

              اعتقد 170 - 180 مش هايبقى فى مشاكل

              لان ال Rpm مش هايبقى عالى اوى

              انا قبل كدا جبت 165 وال Rpm لسه موصلش 4







              عموما نصيحتى ليك برضه بلاش جرى عشان مفيش حاجه مضمونه وربنا يكفيك ويكفينا شر الحوادث ان شاء الله

              وياريت تشارك معانا فى القسم دايما :)
              [aldl]http://s17.postimg.org/ygne2hebj/F2000045710.jpg[/aldl]

              Comment


              • #8
                ربنا يحميهالك و يكفيك شرها ان شاء الله
                و فعلا الاوبترا ثباتها حلو ما شاء الله

                انا رأيي السرعة لحد 140 حلوة اوي .....مش حتفرق في وقت والله....بس اهم حاجة توصل بالسلامة ان شاء الله

                انا معايا فيرنا و مش عايز اقولك علي سرعتها (ديه بتمشي بالنية)........بس تخيل لقدر الله و انت ماشي علي 200 ديه و دوست علي زلطة كبيرة شوية ولا كوتش فرقع ....حيحصل ايه
                ((الاوبترا وزنها علي سرعة 200 بتوصل لربع كيلو ...و الفيرنا كمان علي 200 بتبقي حوالي 170 جرام )) ...احكم انت بقي
                [CENTER][img2]http://img11.imageshack.us/img11/6016/16556392.png[/img2][/CENTER]
                [CENTER][SIZE=1][CODE][SIZE=2][mark=#ff0000][SIZE=2]تعالوا ندلع الفيرنا[/SIZE] [/mark][/SIZE]http://www.nilemotors.net/Nile/216862-a.html [/CODE][/SIZE][/CENTER]

                Comment


                • #9
                  الموضوع منور بصاحبة و بكل من شارك فية
                  انا عايز اتكلم بموضوعية
                  اي حد عارف ان استعمال اي حاجة على ال max لفترة طويلة يضر بها حتى الانسان اذا استعملت الحد الاقصى لاى وظيفة من جسمة تتاثر و تلاقى نفسك محتاج لطبيب او للراحة ( اذا اتفقنا على هذا المثل نكمل)
                  حتى مصنعى السيارات ينصحو بتغير السرعة بين فترة و اخرى يعنى لو كنت على طريق سفر لازم تغير سرعتك بين فترة و اخرى بالاعلى او الاقل و ذلك لصالح الماتور
                  نرجع تانى لموضوع السرعة
                  طيب لو مشيت فترة طويلة على الحد الاقصى يبقى دة صح ؟ من خلال المثل الى فوق و نصيحة مصنعى السيارات اظن ان دة يبقى غلط
                  طب اية المناسب ؟
                  اظن انك لو نزلت من 10% الى 15% عن الحد الاقصى دة يكون امن على الماتور
                  احسبها هاتبقى دى السرعة المناسبة
                  او لما توصل للسرعة القصوي لا تمشى عليها كثيرا لكى لا ترهق الماتور
                  على العموم ان لم امشى على على سرعة اكثر من 140 الى 150 فى السفر و فى طريق انا متأكد من نظافة الطريق زى طريق السخنة
                  دة مش معناة انى ماجربتش سرعة اعلى انا وصلت 180 بس خفت على الماتور و تراجعت و كانت من باب التجربة
                  و دائما راعى و انت بتجرى ال rbm

                  و خالى بالك الضغط على العربية ما يبنش بصورة فورية فى معظم الحالات لاكن ممكن يبان بعد فترة او يقلل من العمر الافتراضى لاجزاء السيارة
                  وطبعا الكاوتش يقدر يستحمل سرعة اد اية دى طبعا نقطة هامة جدا
                  ولك منى وافر التحية
                  [SIGPIC][/SIGPIC]

                  [B][SIZE=5][FONT=Comic Sans MS][COLOR=#000080]Chevrolet Club Member No.[/COLOR][COLOR=black]17[/COLOR][/FONT][/SIZE][/B]

                  Comment


                  • #10
                    سبحان الله ياحسام باشا
                    الصوره بتاعت حضرتك دى انا اخت واحده زيها بالظبط فى عربيتى
                    وكانت على نفس السرعه
                    بس هيه بتكون تجربه بس السرعه العاليه ولها وقتها وخلاص
                    انا من هوات السرعات العاليه جدا انما فى الاخر اكتشفت ان مفيش احسن من انك تمشى برحتك على حسب الطريق زى كل الناس
                    على الاقل بتريح اعصابك ومش تكون مشدود
                    وفى النهايه الكل بيوصل فى نفس الوقت وربنا يسترها معانا جميعا
                    [B][FONT="Arial Narrow"][FONT="Arial Black"][I]Hesham Essawy[/I][/FONT][/FONT][/B]

                    Comment


                    • #11
                      المشاركة الأصلية كتبت بواسطة Hosam_Optrawy مشاهدة المشاركة
                      ماشاء الله ربنا يباركلك فيها

                      شكرا على نقل تجربتك بس بلاش تكررها لسلامتك وسلامة غيرك

                      وبالنسبه للسرعه القصوى للاوبترا فهى 187 للمانيوال و 175 للاوتوماتيك

                      ولو الكاوتش بتاعك رمز السرعه بتاعه H وهو غالبا كدا

                      يبقى اقصى سرعه للكاوتش 210

                      وبالنسبه لسؤالك ايه اكتر سرعه تمشى عليها فتره طويله بدون ضرر

                      اعتقد 170 - 180 مش هايبقى فى مشاكل

                      لان ال Rpm مش هايبقى عالى اوى

                      انا قبل كدا جبت 165 وال Rpm لسه موصلش 4







                      عموما نصيحتى ليك برضه بلاش جرى عشان مفيش حاجه مضمونه وربنا يكفيك ويكفينا شر الحوادث ان شاء الله

                      وياريت تشارك معانا فى القسم دايما :)
                      ربنا يخليك يا حسام باشا ، الموضوع نور والله :P

                      وما تقلقش انا بس كنت بجرب العربية :)

                      وربنا يسترها معانا كلنا


                      المشاركة الأصلية كتبت بواسطة fawzyyyy مشاهدة المشاركة
                      ربنا يحميهالك و يكفيك شرها ان شاء الله
                      و فعلا الاوبترا ثباتها حلو ما شاء الله

                      انا رأيي السرعة لحد 140 حلوة اوي .....مش حتفرق في وقت والله....بس اهم حاجة توصل بالسلامة ان شاء الله

                      انا معايا فيرنا و مش عايز اقولك علي سرعتها (ديه بتمشي بالنية)........بس تخيل لقدر الله و انت ماشي علي 200 ديه و دوست علي زلطة كبيرة شوية ولا كوتش فرقع ....حيحصل ايه
                      ((الاوبترا وزنها علي سرعة 200 بتوصل لربع كيلو ...و الفيرنا كمان علي 200 بتبقي حوالي 170 جرام )) ...احكم انت بقي

                      فوزى باشا ، ربنا يخليك يا حبيبى وربنا يباركلك فى " زقردة "
                      طبعا ما فيش شك ان السرعة ديه مش حاجة مفيدة ولا امنة بس ساعات كده الواحد يتجنن وخصوصا لو حضرتك مشيت على طريق الغردقة ده قبل كده ، الطريق فاضى جدااااا ومغرى جدااااا ، بس كل اللى اقدر اقوله ان ربنا ستر ، وان شاء الله تجربة ومش هتتكرر تانى :)

                      شكرا لمداخلتك يا باشا وربنا يسترها مع كل الناس


                      المشاركة الأصلية كتبت بواسطة hse920 مشاهدة المشاركة
                      سبحان الله ياحسام باشا
                      الصوره بتاعت حضرتك دى انا اخت واحده زيها بالظبط فى عربيتى
                      وكانت على نفس السرعه
                      بس هيه بتكون تجربه بس السرعه العاليه ولها وقتها وخلاص
                      انا من هوات السرعات العاليه جدا انما فى الاخر اكتشفت ان مفيش احسن من انك تمشى برحتك على حسب الطريق زى كل الناس
                      على الاقل بتريح اعصابك ومش تكون مشدود
                      وفى النهايه الكل بيوصل فى نفس الوقت وربنا يسترها معانا جميعا
                      فعلا عندك حق ، بتفرق فى ربع ساعة بدرى مثلا ، بس ما تضمنش ايه اللى يحصل

                      مشكوور يا بمشهندس على مداخلتك وتنويرك للموضوع .


                      المشاركة الأصلية كتبت بواسطة aymanmaly مشاهدة المشاركة
                      الموضوع منور بصاحبة و بكل من شارك فية
                      انا عايز اتكلم بموضوعية
                      اي حد عارف ان استعمال اي حاجة على ال max لفترة طويلة يضر بها حتى الانسان اذا استعملت الحد الاقصى لاى وظيفة من جسمة تتاثر و تلاقى نفسك محتاج لطبيب او للراحة ( اذا اتفقنا على هذا المثل نكمل)
                      حتى مصنعى السيارات ينصحو بتغير السرعة بين فترة و اخرى يعنى لو كنت على طريق سفر لازم تغير سرعتك بين فترة و اخرى بالاعلى او الاقل و ذلك لصالح الماتور
                      نرجع تانى لموضوع السرعة
                      طيب لو مشيت فترة طويلة على الحد الاقصى يبقى دة صح ؟ من خلال المثل الى فوق و نصيحة مصنعى السيارات اظن ان دة يبقى غلط
                      طب اية المناسب ؟
                      اظن انك لو نزلت من 10% الى 15% عن الحد الاقصى دة يكون امن على الماتور
                      احسبها هاتبقى دى السرعة المناسبة
                      او لما توصل للسرعة القصوي لا تمشى عليها كثيرا لكى لا ترهق الماتور
                      على العموم ان لم امشى على على سرعة اكثر من 140 الى 150 فى السفر و فى طريق انا متأكد من نظافة الطريق زى طريق السخنة
                      دة مش معناة انى ماجربتش سرعة اعلى انا وصلت 180 بس خفت على الماتور و تراجعت و كانت من باب التجربة
                      و دائما راعى و انت بتجرى ال rbm

                      و خالى بالك الضغط على العربية ما يبنش بصورة فورية فى معظم الحالات لاكن ممكن يبان بعد فترة او يقلل من العمر الافتراضى لاجزاء السيارة
                      وطبعا الكاوتش يقدر يستحمل سرعة اد اية دى طبعا نقطة هامة جدا
                      ولك منى وافر التحية

                      كلام سليم وموضوعى 100% احيك عليه يا ايمن باشا

                      وفعلا انا لما كنت ماشى كان الموتور صوته فظيع :(

                      ربنا يستر علينا من السرعة

                      وكل سنة وانتم طيبين
                      [CENTER][SIGPIC][/SIGPIC]
                      [COLOR=DarkRed][I][B][FONT=Comic Sans MS][SIZE=5]The Benz is [COLOR=Black]competent[/COLOR], The BMW is [COLOR=Black]compelling[/COLOR] [/SIZE][/FONT][/B][/I][/COLOR]
                      [COLOR=DarkRed][I][B][FONT=Comic Sans MS][SIZE=5] The Benz is [COLOR=Black]willing[/COLOR], The BMW is [COLOR=Black]eager[/COLOR][/SIZE][/FONT][/B][/I][/COLOR] [/CENTER]

                      Comment


                      • #12
                        المشاركة الأصلية كتبت بواسطة hse920 مشاهدة المشاركة
                        سبحان الله ياحسام باشا
                        الصوره بتاعت حضرتك دى انا اخت واحده زيها بالظبط فى عربيتى
                        وكانت على نفس السرعه
                        بس هيه بتكون تجربه بس السرعه العاليه ولها وقتها وخلاص
                        انا من هوات السرعات العاليه جدا انما فى الاخر اكتشفت ان مفيش احسن من انك تمشى برحتك على حسب الطريق زى كل الناس
                        على الاقل بتريح اعصابك ومش تكون مشدود
                        وفى النهايه الكل بيوصل فى نفس الوقت وربنا يسترها معانا جميعا
                        هو مؤشر الحرارة كده علطول عندك ولا كان فارق مع الجرى؟
                        [RIGHT]أخوكم حسام حسن {أبو ليليا و سيليا}[/RIGHT]
                        [SIGPIC][/SIGPIC]

                        Comment


                        • #13
                          المشاركة الأصلية كتبت بواسطة hossam_hassan مشاهدة المشاركة
                          هو مؤشر الحرارة كده علطول عندك ولا كان فارق مع الجرى؟

                          لاء المؤشر ثابت كده على طول سواء بجرى او ماشى بالراحه
                          اول اما العربيه بتسخن بيطلع قبل النص بحوالى شرطه ويثبت على كده
                          [B][FONT="Arial Narrow"][FONT="Arial Black"][I]Hesham Essawy[/I][/FONT][/FONT][/B]

                          Comment


                          • #14
                            انا حاسس انه العربية بتشتغلني والله... مفيش دقيقة تعد الدوارة وتكون قبل البص بشرطة وبعدين هسسسس على كده تحري بقى متجريش مش فارقة
                            [CENTER][sigpic][/sigpic]
                            [SIZE="3"][FONT="Book Antiqua"]Proud Chevrolet Club Member Number 113[/FONT][/SIZE][/CENTER]

                            Comment

                            Working...
                            X