Tweet
.. المقابله الثانيه لأعضاء قسم شيفروليه ..
أحلى تحيه لأجدع أعضاء بمنتدى نايل موتورز
الحمد لله تمت المقابله الثانيه لأعضاء قسم شيفروليه
الميعاد : 15/9/2010 الساعه 7:00 مساءً .
المكان : كافيتريا ليموزين ـ أمام سوق سيارات مدينة نصر
.الأعضاء المشاركين بالمقابله :
1 . الأستاذ / أيمن على ( aymanmaly ) ... عمدة وعميد قسم شيفروليه ... والحمد لله الكاميرا كانت مشحونه
.2 . الأستاذ / محمد عرفه ( afrtow ) ... إللى مظبتنا كل مقابله ( جابلنا المره دى لب أبيض
) .3 . الأستاذ / عمرو بدر ( dark_smoky ) ... الوجه الجديد
.4 . الأستاذ / محمد وفيق ( dj_bex ) ... صاحب أحلى أيدى لضبط رجلاش إضاءة فوانيس الأوبترا ، والمقابل إيه ..؟! ( سيجاره L.M أحمر بس
) ... يا بلاش .5 . المهندس / فادى رومانى ( kokowanted ) ... الهادى جداااااااااااااااااا
.6 . الأستاذ / باسم رأفت ( BassemRaafat ) ... العبد لله
.7 . خمس عربيات أوبترا أوتوماتيك وعربيه واحده أفيو 5 كوبيه مانيوال .
تمت المقابله والتعارف والجلوس بالكافيتريا وشرب القهوه والشاى والشيشه
..... ولب محمد عرفه طبعاً .... وشكر خاص جداً للأستاذ / أيمن على العزومه ..... بس كان نفسنا تبقى على العشاء 
.. معلش ملحوقه المره الجايه .المهم .....
إقترح الأستاذ / محمد عرفه والأستاذ / أيمن إقتراحين غايه فى الأهميه وهم :الإقتراح الأول : أن يتم ترشيح عضوين من أعضاء قسم شيفروليه ليكونا مسئولين عن الإشراف على القسم ( مشرف
ومشرف مساعد 
) والتواصل مع إدارة المنتدى بخصوص طلبات الأعضاء وتنظيم القسم وترتيب مواضيعه والعمل على تطويره .الإقتراح الثانى : إنشاء أقسام فرعيه لقسم شيفروليه ( على أساس طراز السيارات ) وعلى سبيل المثال :
قسم شيفروليه
كروز
أوبترا
أفيو
لانوس
سبارك
طرازات أخرى
مقابلات الأعضاء
وعلى أن يشمل كل قسم كل ما يخصه من مواضيع ( صيانه ، إكسسوارات ، عيوب ومشاكل ...... إلخ ) ، لسهوله التفاعل والعمل على وجود تنظيم أكبر للقسم .
بصراحه إقتراحين جامدين
، ونطلب من إدارة المنتدى النظر فيه والعمل على تطبيق هذه الإقتراحات . 
وبعدين قمنا إتصورنا وصورنا العربيات ، وإن شاء الله الأستاذ / أيمن ومحمد وفيق ح يرفعوا الصور دى للموضوع ، وكملنا كلامنا عن مواضيع خاصه بالسيارات ومواضيع أخرى ( شغل ، جواز ، فيس بوك وشقاوه
) .وبدون أى مقدمات نامت
بطارية عربية محمد وفيق ، والصاعقه الكبرى إن حد من إخواته قد قلب وصلة البطاريه الخاصه به ، فقفزت قفزه لولبيه حلزونيه 
إتجاه شنطة سيارتى ووجدت وصلتى للبطاريه ، فإبتسم محمد وفيق حتى لمعت أسنانه 
، وتم عمل الوصله وإشتغلت العربيه الحمد لله 
.وإنتهت المقابله فى تمام الساعه 11:30 مساءً
.وأنا عن نفسى بجد إتشرفت بمعرفة الناس الجميله دى ، قعدنا نتكلم ونهرج كأننا نعرف بعض من سنيين ، وكان نفسى يكون موجود كل الأعضاء بس ملحوقه إن شاء الله فى المقابله الكبيره ( 3/11/2010 ) ، ويا ريت كل الأعضاء يعملوا حسابهم عليها من دلوقتى ....... طولت عليكم .. أشوفكم على خير إن شاء الله .
Comment