حاجه غريبه حصلت في الاوبترا اتمني المشاركة

[kareembelal]

السلام عليكم ورحمة الله

شئ غريب حصل في عربيه اوبترا اتوماتيك

وهي ان العربيه اوقات ما ترضاش تدور ابدا وبعد فترة تدور عادي وده مش بيحصل في كل الاوقات

بل يحدث عشوائي واوقات عند تشغيل المارش تسمع صوت تقطيع وما ترضاش تشتغل والمارش شغال عادي

يا تري ايه اللي ممكن يتسبب في الموضوع ده

وفيه كهربائي قال ان ده حساس الشكمان

فهل ده صحيح ؟؟

[Bassem Raafat]

ممكن توضيح أكتر من كده ... أصلى بصراحه مش فاهم أوى
ممكن يكون عيوب كتيره زى :

كابل البطاريه مش متثبت كويس .
جلب المارش سخنت فبتأخر فى التشغيل .
عيب فى الكونتاكت نفسه ...... إلخ

وبصراحه أنا لسه جديد فى الأوبترا ومعرفش إيه موضوع حساس الشكمان إللى الكهربائى بيقول عليه .

وإن شاء الله ح تلاقى أعضاء كتير هنا فى القسم ممكن يفيدوك أكتر منى .

[aymanmaly]

زى ما استاذ باسم قال لحضرتك
دى ممكن تكون عيوب كثير جدا
و الكهربائى ما يينفعش فى الحاجات دى
دى محتاجة مركز صيانة متخصص عندة ميكانيكا و كهرباء و كشف بالكمبيوتر
ممكن الرشاشات
ممكن البطرية
ممكن عايزة تنظيف فلاتر بس
فالى هايحكم حد متخصص جدا
ولو عايز حد كويس ممكن ابعتلك على الخاص عنوان حد كويس
و بالتوفيق

[kareembelal]

الحقيقه مافيش توضيح عندي لان ده كل اللي بيحصل

العربيه اوقات تدور عادي واوقات ما ترضاش تنطق

واليوم كانت شغاله عادي ولما دخلت بنزينه بطلتها ومونت وجيت ادورها حلفت ما هي دايره

فاتصلت بميكانيكي ووصل بعد حوالي ساعة ودورها دارت من غير ما يعمل حاجه

وتقريبا القصة دي بتحصل والعربيه سخنه ولما بتبرد بتدور
والبطارية كويسه لان المارش شغال عادي وهي اوبترا 2006 اتوماتيك
واللي محيرني ان الموضوع ده بيحصل عشوائي يعني مش في كل مرة

[Bassem Raafat]

وتقريبا القصة دي بتحصل والعربيه سخنه ولما بتبرد بتدور

طيب ممكن تكون جلب المارش .... على العموم أستاذ أيمن كاتب فى مشاركته :

فالى هايحكم حد متخصص جدا
ولو عايز حد كويس ممكن ابعتلك على الخاص عنوان حد كويس

ممكن تاخد العنوان من أستاذ أيمن وتكشف عليها هناك .... وربنا يوفقك .

[kareembelal]

زى ما استاذ باسم قال لحضرتك
دى ممكن تكون عيوب كثير جدا
و الكهربائى ما يينفعش فى الحاجات دى
دى محتاجة مركز صيانة متخصص عندة ميكانيكا و كهرباء و كشف بالكمبيوتر
ممكن الرشاشات
ممكن البطرية
ممكن عايزة تنظيف فلاتر بس
فالى هايحكم حد متخصص جدا
ولو عايز حد كويس ممكن ابعتلك على الخاص عنوان حد كويس
و بالتوفيق

شكرا لاهتمامك يا استاذ ايمن ما قولتليش المركز ده فين لاني من البحيرة

[kareembelal]

طيب ممكن تكون جلب المارش .... على العموم أستاذ أيمن كاتب فى مشاركته :



ممكن تاخد العنوان من أستاذ أيمن وتكشف عليها هناك .... وربنا يوفقك .

طيب جلب المارش مش بتأثر في صوته مثلا ؟؟

لأن صوت المارش طبيعي جدا

[aymanmaly]

شكرا لاهتمامك يا استاذ ايمن ما قولتليش المركز ده فين لاني من البحيرة

لا دة فى القاهرة
بعتزر جدا انى ماعرفش حد فى البحيرة
على العموم لو بتنزل القاهرة اهلا بيك اقبلك و اروح معاك

[mado_9999]

السلام عكليم

اقول لحضرتك تقربيا ممكن تكونه البطاريه لان حضرتك لم دخلت البنزينه وبطلت العربيه مش رضيت تدور لان البطاريه نامت والدينمو مش شحن عشان ممكن تكونه مروحه العربيه اشتغلت اومشغل الكاسيت او النور لم سبتها شويه جمعت شويه ودرت تانى ممكن والله اعلم مش هتخسر حاجه روح عند ورح بتع بطاريات خلى يبص عليها

[mohabelnegm]

ممكن تكون طلمبة بنزين

[Bassem Raafat]

طيب جلب المارش مش بتأثر في صوته مثلا ؟؟

لأن صوت المارش طبيعي جدا

جلب المارش لو سخنت بتأخر العربيه فى التدوير ، ومش بتأثر على صوته .

[mhmdalsaadany]

فعلا هو ممكن جدا تكزن طرمبه البنزين بنسبه 99% عشان مره عملتها معايا في عربيه قبل كدا وكانت الطرمبه في الكبوت عادي كنت بحط بلف عليها قماشه واغرقها ميه عشان كانت لما تسخن تفصل ولما تبرد تشتغل فكنت بعمل كدا عشان تعقد فتره كبيره بارده والله اعلم

[kareembelal]

شكرا لكل من ساهم في حل المشكلة
وبكده السبب ممكن يكون يا إما في جلبة المارش
وإما طربمبة البنزين واعتقد فعلا ان ده اقرب للواقع

شكرا لكم جميعا

[mhmdalsaadany]

العفو يا باشا انت تأمر

[mn3em]

شكرا لكل من ساهم في حل المشكلة
وبكده السبب ممكن يكون يا إما في جلبة المارش
وإما طربمبة البنزين واعتقد فعلا ان ده اقرب للواقع

شكرا لكم جميعا

ممكن يا باشا بعد اذنك تقولنا عملت إيه لأن المشكله دي بتظهر عندي ومش علي طول ممكن تدور عادي وممكن تسمع صوت المارش كأنها هتدور بس تقعد شويه وساعات ماتدورش وساعات تدور بس بعد دقيقه مثلا او اقل وساعات لازم ابطل وادور تاني وعلي حسب ياما تدور علي طول او لازم ابطل تاني وادور وبالليل بس مش عارف اذا كان ليه علاقة بالموضوع ولا لأ لما بكون مشغل النور وارفع الزجاج النور بيضعف بس مش عارف ايه الحل وعلي فكره انا عربيتي موديل 2006 بس مانيوال فياريت تطمنا وتقولنا عملت ايه بالضيط لأني مش عارف أعمل ايه وياريت اتكلفت كام لو أمكن

وشكرا ليك يا باشا