هي زوزو ممكن تخش التوكيل من غير حجز

[kamalsalem]

يا اخواني الاعزاء مش تقولوا ان زوزو بقى ليها بيت لوحدها زي باقي البنات؟

على العموم مبروك لينا كلنا... كنت عايز اسألكوا.. انا ساكن هنا في الرماية... كنت بفكر قبل الشغل كده انظ في الكيلو 5 ولا معرفش كام ده اعمل صيانة ال5000 احسن انا كسلي وعارف نفسي

الحوار ده بيتكلف كام ده أولاً؟... وهل صحيح ما قيل انه الكروز عشان موديل لسة جديد بيخش التوكيل من غير حجز؟

وهل ممكن اقولهم على شغل في العربية؟ يعني عايز اربط عفشة وعايز اربط كرسي السواق عشان انا قعدتي في اي عربية بتدمر الكرسي.. عشان لا مؤاخذة بسوق مجضوع

[Bassem Raafat]

يا اخواني الاعزاء مش تقولوا ان زوزو بقى ليها بيت لوحدها زي باقي البنات؟

على العموم مبروك لينا كلنا... كنت عايز اسألكوا.. انا ساكن هنا في الرماية... كنت بفكر قبل الشغل كده انظ في الكيلو 5 ولا معرفش كام ده اعمل صيانة ال5000 احسن انا كسلي وعارف نفسي

الحوار ده بيتكلف كام ده أولاً؟

أول صيانه مجانيه ، يعنى حتتكلف تمن الزيت والفلتر بس ، ولو فلتر الزيت زى الأوبترا يبقى بـ 17 جنيه والزيت لو موبيل 1 بـ 250 جنيه ، وطبعاً 10 % ضريبة مبيعات .

وهل صحيح ما قيل انه الكروز عشان موديل لسة جديد بيخش التوكيل من غير حجز؟

أيوه سمعت كده كتير ، بس أنا شايف إنك مش حتخسر حاجه برضه لو كلمت 16424 وحجزت .

وهل ممكن اقولهم على شغل في العربية؟ يعني عايز اربط عفشة وعايز اربط كرسي السواق عشان انا قعدتي في اي عربية بتدمر الكرسي.. عشان لا مؤاخذة بسوق مجضوع

طبعاً تقولهم على كل ملاحظاتك ويعملوهالك إن شاء الله ، وكده كده هم بيربطوا العفشه كل صيانه .

وده لينك آخر صيانه للـ 5000 كم للأوبترا ، بيتهيألى مش حيختلف كتير

http://www.nilemotors.net/Nile/185871-5000.html

ومبروك مقدماً على الصيانه يا باشا ومستنين تقريرها إن شاء الله .

[mhmdalsaadany]

بص يا كيمو انا اول واحد قال على موضوع الحجز دا بس الظاهر ان دلوقتي بقى كله بالحجز فانت احجز الاول احسن واضمن ولو قالولك الميعاد الساعه واحده ولا اي حاجه سيبك منهم المهم رقم الحجز وروح في الوقت اللى انت عايزه والتكلفه هتكون تمن الزيت والفلتر فقط لاغير حوالي 260 علي ما اذكر مش متأكد اوي بس في الرنج دا تقريبا ولو عنك اي ملاحظات قلهم عليها وهما يظبطوهالك ان شاء الله ومبروك مقدما