طلب من اصحاب أوبترا 2011

[xahhr]

أنا خلاص قررت اجيب أوبترا بدل نيو أكسنت
إيه رايكوا
طيب ممكن حد اشترى العربية دي 2011 يقولي استلمها ازاي وايه اللي اتأكد منه وازاي اعرف انها فول اوبشن
وايه اللي اعمله علشان احافظ عليها في الاول
انا عربيتي اللي معايا اتبهدلت من الأطفال بتوع المدارس واحد يحكها بمسمار بموس ازاي انتو بتتجنبوا الموضوع ده
وانا اسفه على طول الاسئلة

[M.Yahia]

اولا الاوبترا ممتازة فى المقارنة بالنيو اكسنت طبعا مفيش مقارنة و ان شاء الله حتعجبك
ثانيا انا استلمت من منصور شارع الطيران اللى موجود عند جامع رابعة و عند الاستلام حيديكى ورق العربية شامل ورق التامين لو حضرتك حتعملى تامين و ورق الجمارك و جواب المرور بالنسبة للعربية حيسلمك كتاب الضمان و كتالوج العربية و مفتاح ريموت و واحد عادى و برضه حيديكى رقم المفتاح عشان لو ضاع تعرفى تطلعى غيره من التوكيل
ثالثا حيورى حضرتك العربية حتة حتة و حيخليكى تجربى كل حاجة قدامه و طبعا تعملى شيك سريع من برة تشوفى احتمال العربية محكوكة ولا حاجة و متنسيش شنطة العدة شاملة كوريك و مفتاح عجل و مفك تقريبا و طبعا الاستبن اوعى تنسيه ههههههههه
رابعا بقى بالنسبة للاستخدام انا لسة جايب العربية زيك من شهر و الاخوة هنا فى المنتدى نصحونى ان عداد الار بى ام ميعديش ال 2.5 و بلاش تكييف الكلام دا لحد 1000 كم بعد كدا اعملى اللى تحبيه و طبعا لو عايزة العربية تفضل محافظة على احسن اداء ليها لازم تعملى الصيانة فى التوكيل كل 5000 كم
خامسا بالنسبة لموضوع الشياطين بتوع المدارس مفيش غير حلين اما انك تركنى العربية فى جراج او حضرتك تجيبى غطاء للعربية و دا ممتاز و بيحمى العربية كمان من الشمس و المطر و من الشياطين اللى فى الشارع
سادسا الف مبروك مقدما للعربية و ربنا يديكى خيرها و يمنع عنك شرها يا رب

[aymanmaly]

ما شاء الله شرح وافى
و مختصر
ربنا يبارك فيك

[Bassem Raafat]

اولا الاوبترا ممتازة فى المقارنة بالنيو اكسنت طبعا مفيش مقارنة و ان شاء الله حتعجبك
ثانيا انا استلمت من منصور شارع الطيران اللى موجود عند جامع رابعة و عند الاستلام حيديكى ورق العربية شامل ورق التامين لو حضرتك حتعملى تامين و ورق الجمارك و جواب المرور بالنسبة للعربية حيسلمك كتاب الضمان و كتالوج العربية و مفتاح ريموت و واحد عادى و برضه حيديكى رقم المفتاح عشان لو ضاع تعرفى تطلعى غيره من التوكيل
ثالثا حيورى حضرتك العربية حتة حتة و حيخليكى تجربى كل حاجة قدامه و طبعا تعملى شيك سريع من برة تشوفى احتمال العربية محكوكة ولا حاجة و متنسيش شنطة العدة شاملة كوريك و مفتاح عجل و مفك تقريبا و طبعا الاستبن اوعى تنسيه ههههههههه
رابعا بقى بالنسبة للاستخدام انا لسة جايب العربية زيك من شهر و الاخوة هنا فى المنتدى نصحونى ان عداد الار بى ام ميعديش ال 2.5 و بلاش تكييف الكلام دا لحد 1000 كم بعد كدا اعملى اللى تحبيه و طبعا لو عايزة العربية تفضل محافظة على احسن اداء ليها لازم تعملى الصيانة فى التوكيل كل 5000 كم
خامسا بالنسبة لموضوع الشياطين بتوع المدارس مفيش غير حلين اما انك تركنى العربية فى جراج او حضرتك تجيبى غطاء للعربية و دا ممتاز و بيحمى العربية كمان من الشمس و المطر و من الشياطين اللى فى الشارع
سادسا الف مبروك مقدما للعربية و ربنا يديكى خيرها و يمنع عنك شرها يا رب

هو ده الكلام التمام .

وزياده على الكلام ده حاولى تجربى كل حاجه فى العربيه ( التكييف ، الكاسيت ، الزجاج الكهرباء ، الأنوار ....... ألخ )

وفعلا أنا بحاول أحافظ عليها من بره عن طريق الغطا .

ازاي وايه اللي اتأكد منه وازاي اعرف انها فول اوبشن

كل الأوبترا فول أوبشن ، بتفرق بس إذا كانت مانيوال أو أوتوماتيك ، والمانيوال مافيهاش أنوار شبوره ( إللى فى الإكصدام ) ، وهو ده الفرق الوحيد بين الإتنين .

ومليون مبروك مقدماً .

[abokamel]

شكراً كينج على التوضيح و الأسلوب البسيط، العربية جميلة و موزونة على الطريق، بس أنا جبتها من معرض سيارات و لسة ما استلمتش كتاب الضمان و كتالوج العربية، و صاحب المعرض قاللي بعد ما ترخص هات صورة الرخصة و اديتهاله من 3 أسابيع و لسة الضمان ماوصلش؟؟ حد يعرف التفاصيل؟
شكراً للجميع

[M.Yahia]

العفو يا جماعة انا مقلتش حاجة زيادة عن اللى الاخوة قالوه قابل مانا اشترى و بالنسبة لموضوع الضمان يا ابوكمال اعتقد ان انت تسيبك من المعرض و تروح لفرع منصور مباشرة برخصة العربية و حيدولك الضمان و ممكن تتاكد من الاستاذ ايمن او الاستاذ باسم

[aymanmaly]

اغلب المعارض بتبقى هى دى المشكلة عندهم الضمان و الكاتلوج
حضرتك هاتروح منصور فرع سور نادى الذمالك شارع جامعة الدول العربية المهندسين
و اطلب منهم الضمان و الكاتلوج
بس تكون معاك رخصة العربية
و استلمهم
و ابقى طمنى
و بالتوفيق

[abokamel]

ألف شكر يا كينج و يا أيمن باشا، أسعدني ردكم و أنا متابع ليك يا أستاذ أيمن كل مشاركاتك، ربنا يباركلك :)

[aymanmaly]

تحت امرك فى اى وقت

[xahhr]

شكرا يا جماعة على التوضيح وشكر خاص للاستاذ king2000 والاستاذ Bassem Raafat وان شاء الله لما اشتري هاشارك معاكم واستفيد من خبرتكم بس ليا استفسار بسيط على موضوع الضمان
هل معنى الكلام اللي بتقولوه ان انا لو استلمت العربية من أي معرض من غير الضمان مافيهاش مشاكل ؟؟

[Bassem Raafat]

شكرا يا جماعة على التوضيح وشكر خاص للاستاذ king2000 والاستاذ bassem raafat وان شاء الله لما اشتري هاشارك معاكم واستفيد من خبرتكم بس ليا استفسار بسيط على موضوع الضمان
هل معنى الكلام اللي بتقولوه ان انا لو استلمت العربية من أي معرض من غير الضمان مافيهاش مشاكل ؟؟:_alshmokh23[1]:

أيوه يا فندم وزى ما الأستاذ / أيمن قال :

اغلب المعارض بتبقى هى دى المشكلة عندهم الضمان و الكاتلوج
حضرتك هاتروح منصور فرع سور نادى الذمالك شارع جامعة الدول العربية المهندسين
و اطلب منهم الضمان و الكاتلوج
بس تكون معاك رخصة العربية
و استلمهم
و ابقى طمنى
و بالتوفيق

وبالتوفيق ومبروك مقدماً .

[xahhr]

طيب سؤال أخير
أنا من المنصورة
هل في مركز صيانة في المنصورة؟؟
وفين أقرب مركز ليا اعمل فيه الصيانات الدورية
وانا لدلوقتي مش عارفه مانيوال ولا اتوماتيك أنا ماعنديش مشاكل مع المانيوال خصوصا ان سعرها معقول بس السؤال الأساسي الأقل في المشاكل والأعطال مانيوال ولا اتوماتيك بس يا ريت جواب حاسم مايحيرنيش
شكراااااااااااااااااااااااااااا

[Bassem Raafat]

طيب سؤال أخير
أنا من المنصورة
هل في مركز صيانة في المنصورة؟؟
وفين أقرب مركز ليا اعمل فيه الصيانات الدورية

حأحاول أشوف لحضرتك فى كتيب الضمان أقرب فروع للمنصوره .

وانا لدلوقتي مش عارفه مانيوال ولا اتوماتيك أنا ماعنديش مشاكل مع المانيوال خصوصا ان سعرها معقول بس السؤال الأساسي الأقل في المشاكل والأعطال مانيوال ولا اتوماتيك بس يا ريت جواب حاسم مايحيرنيش

الأوتوماتيك أسهل فى السواقه وأعطاله .... تكاد لا توجد له أعطال ، المهم الصيانه الدوريه وتغيير زيت الفتيس فى الميعاد .

شكراااااااااااااااااااااااااااا

عفواااااااااااااااااااااااااااا

[aymanmaly]

لاى استفسارات تخص اي شىء عن شيفورلية لشركة منصور
الرقم المختصر 16424
اما عن الاوبترا اتوماتيك فلا يوجد شكاوى عامة او تذكر فالعربية اثبتت وجودها و عربية يعتمد عليها
توكلى على الله فهى عربية تستحق كل تقدير
يكفى انها تقفيل كورى
و بالتوفيق فى القرار السليم

[xahhr]

متشكرة جدا