الافيو اتخبطت و الحمد لله

[joe_techno]

امبارح كنت نازل من علي الكوبري في صلاح سالم والطريق واقف فبفرمل ( عادي جدا مضربتش فرامل جامد ) و اذا بواحد ........ الله يسامحه بقي راكب كورولا دخل في الشنطة من ورا نزلت لقيت الاضرار كالاتي :
الاكصدام دخل لجوه خالص من ناحية اليمين و اتكسر كسرتين ( انا افتكرتو مينفعش تاني )
الشاسيه الفيبر الي ورا الاكصدام نزل حتت
الشنطه من تحت دخلت لجوة و لما فتحتها مقفلتش تاني
طبعا الحمد لله علي كل حال و نشكر ربنا علي انها جت علي قد كدة
بس ما اثار دهشتي و غضبي في نفس ذات الوقت
اني العربية اللي بهدلتني دي مافيهاش خدش
اني النهاردة لما روحت سألت علي الشاسية الفيبر الورق ده اللي نزل ملح لقيته ب 395 جنية ( امال لو كان ناشف شوية كان بقي بكام ؟؟؟
المهم انا قلت اكتب لحضراتكوا الموضوع ده عشان كل شيفرولاوي يخلي بالو كويس اوي من عربيته و يعرف انها مش حمل خبطة و ربنا يحافظ عليكوا و يكفيكوا شر الحوادث

[ecybrarian]

قدر الله وماشاء فعل..إن شاء الله العربية ترجع زي الأول

[fawzyyyy]

قدر الله و ما شاء فعل

معلش انا بردو من شهرين اتخبط من ورا و كمان و انا واقف في الاشارة و وصلت للشاسيه

الحمد لله علي كل شئ و ان شاء الله ترجع زي الاول

[M.Yahia]

قدر الله و ما شاء فعل الحمد لله انها جت فى الحديد و ان حضرتك بخير و ان شاء الله ترجع احسن من الاول و مين عارف مش يمكن الحادثة دى شالت عنك مصيبة اكبر .......مرة تانية الف سلامة و متزعلش نفسك

[Bassem Raafat]

فداك يا باشا ، والحمد لله إنا جت على قد كده .

[أشرف العدوي]

هو حضرتك سألت على الأسعار فين
أصل كدة كتير قوي
ممكن تسأل عند المنير في أول فيصل
او عند أبو الحسن في بين السرايات
او ممكن ابعتلك رقم حد صاحبي عنده محل قطع غيار على الخاص تسألوا بردو
و ان شاء الله مش هتبقى مكلفة

[joe_techno]

انا متشكر اوي يا جماعة علي الردود ربنا يخليكوا
شكرا يا استاذ اشرف علي اهتمامك و ياريت بجد لو ساعدتني في الموضوع ده عشان انا محتاس لاني مرضتش اجيب الشاسية اللي ب395 لاني حاسس انو ميستاهلش ودة كان عند واحد اسمه الشرقاوي في جسر السويس قبل بنزينة احمد عصمت و لقيت واحد تاني صيني و الراجل جبهولي مش عايز اقولك شكله عامل ازاي ميدفعش فيه 50 جنية علي بعض و كله عيوب و طبعا مرضتش اخده
و انا متشكر يا جماعة كمان مرة و ادعولنا بقه تخلص علي خير

[aymanmaly]

الحمد لله على سلامتك
و فداك المهم انت كويس
طبعا انت عارف اننا فى مصر بنعانى من الخبطات كل شوية بسبب و بدون سبب حتى و انت راكن العربية
على العموم قدر اللة ما شاء فعل
بس لية انت ما تحولش عند حد بتاع فايبر يلحملك الحجات دى و اكيد التكلفة هاتكون اقل بكثير من شراء جديد ؟
و طبعا فية ناس بتوع فايبر فى الحرفين محترمين
و بالتوفيق فى القرار السليم

[joe_techno]

استاذ اشرف الف شكر علي مساعدتك
استاذ ايمن الله يسلمك هو انا فعلا روحت لواحد بتاع فيبر و هيصلحلي الاكصدام بس هياخد 200 جنيه لانه كان متبهدل اوي وهو كان في اكصدام تايواني ب220 برده بس انا مردتش اجيبه قولت اصلح الاصلي احسن لانه اكيد احسن من التايواني
بس الاسعار اللي انا كتبتها دي للشاسيه الفيبر اللي ورا الاكصدام و هو دا اللي الاصلي منه ب395 جنيه و ده طبعا اتكسر حتت من الخبطه فمينفعش يتصلح

[mhmdalsaadany]

ربنا يعوض عليك وقدر الله وما شاء فعل متزعلش نفسك بس نصيحه لو هتدفع المبلغ دا في تصليح الكصدام يبقى تغيره احسن عشان لما بتكسر ويتلحم اي حد يريح علي العربيه بيتكسر تاني بسهوله جدا جدا حتى لو كانت خبطه كوره عن تجربه حاول تجيب اكصدام استيراد او استثماري هيكون افضلك ان شاء الله

[joe_techno]

شكرا يا استاذ محمد بس انا قولت اصلح القديم لاني التايواني اللي ب200 جنيه ده ناس كتير حذرتني منه و فعلا انا حسيت انه ورق لاني الفرق بينه و بين الاصلي 400 جنية فاكيد هتبقي خامه وحشه وده انا شوفته بنفسي و انا بركب الشاسيه الفيبر الصيني خسارة فيه الفلوس و كمان ركب بالعافيه عشان الاخرام بتاعة المسامير مش متظبته عموما الحمد لله العربية خلصت مفاضلش غير اني ارش الاكصدام الف شكر علي الردود و ربنا يكفيكوا شر الحوادث

[joe_techno]

استاذ محمد الف شكر بس انا مرضتش اجيب التايواني لاني الفرق بينه و بين الاصلي 400 جنيه فاكيد خامته وحشة و ده انا شفته بنفسي لما جيبت الشاسيه الفيبر الصيني طبعا ورق خسارة فيه الفلوس ده غير انو ركب بالعافية عشان اماكن المسامير بتاعته مش متظبتة عموما الف شكر يا جماعة علي الردود هي العربية خلصت خلاص و مفاضلش غير رش الاكصدام بكره باذن الله
و ربنا يكفيكوا شر الحوادث و يجعله عامر

[ahmed_h_g]

ربنا يعوض عليك والحمد لله انك بخير

[joe_techno]

شكرا يا استاذ احمد